طلب يالربع لي ولغيري من الاعضاء

[جديد على البر]

السلام عليكم ورحمة الله وبركاته
مساكم الله بالخير
أبي واحد يعطيني طريقه إعداد القهوه العربيه و(( يكون مدعم بالصور )) وشكرا ..

[ابو درع]

ابشر بسعدك واليوم الروح للبيت اصورلك طريقع القهوه


والي سؤال هل انت الموخزه مصري


تحياتي ،،

[ذرب المعاني]

خلاص
دام ابو درع تمزهل
انشالله راح يكفي ويوفي .

[لملوم]

انت صادق ولا تمزح !!!!!!!!!!!

[جديد على البر]

والله العظيم إني صادق
والاعتراف ليس عيبا ياأخي ، فهناك أشياء كثيره الشخص يجهلها وهي بسيطه ، وأشياء صعبه يعرفها الجاهل وآخر لا يعرفها .

[الكايف2]

اخوي جديد علي البر حياك الله والاخوان جميعا بالنسبه للقهوه اهم شي نوع القهوه عليك بالبريه الخولانيه والاالقطما وتصليحها سهل بس خلها تطبخ علي النارحوالي نصف ساعه لين تقطع وزلها في الدله وبهرها بالهيل وشوي مسماربس غيره لا تحط وحطها علي النارشوي لين تفوح ثم تقهو بالهنا والعافيه

[شخاميط]

السلام عليكم ورحمة الله وبركاته

يمكنك الحصول على ماتريد بخيمة الطبخات البرية المواضيع المميزة مثبت اضغط هنا (http://www.mekshat.com/vb/showthread.php?s=&threadid=3684)

ولك مني تحية

[nahham]

اخوي

باختصار شديد

صب ماء في الدله الرئيسيه وخلها على النار الين تفوح تماما - لا تضع القهوه على ماء غير مغلي نهائيا -

اذا شفت الماء يغلي شل الدله عن النار ثم ضع قهوه مطحونه طحن خشن فنجال قهوه مسح لكل نصف لتر ماء ولا تضع القهوه في الدله وهي على النار ترا تطيش

اعد الدله على النار الين تغلي ثاني اقصر على النار وخلها عشر دقائق على الاكثر ثم طف النار

البعض يضع الهيل ويفوحه قلبه وحده والبعض بدون تفويح يعني حسب الرغبه


وسلامتك