اريد حلاً يا اخواني أعضاء منتديات مكشات (جزاكم الله خيراً)

[atair8]

السلام عليكم ورحمة الله وبركاته
أرجو منكم يا اخواني أن تجدوا لي حلاً في مشكلتي
وهي أنني قد شريت سيارة (تويوتا فوررنر موديل 97) مستوردة من أمريكا ولم أجد لها قطع غيار
حيث أن السيارة نظيفة جداً ويوجد عليها ضمان (الشرق الأوسط) لمدة سنة آو عشرن الف كيلو متر
ولقد سألت الوكالة قبل الشراء فقالوا جميع القطع موجودة وعندما احتجت الى تغيير بعض القطع لم أجد
نفس القطع : فأرجو منكم مساعدتي والسلام عليكم ورحمة الله وبركاته

[الشقردي]

اذا انت سا ئل الوكاله ارجع وقل لهم هالكلام ثاني مره وهددهم بمراسلة الشركة الأم

وكأني سمعت ان قطع البرادو تركب عليه

[الربذي]

بصراحة مواصفات روعة بس نفس مشكلة زميلى لف الدنيا يدور علة صوفة القير مالقا
بس مثل ماقال شقردي اسمع انه نفس مكينة البرادو بالرغم ان اللي مع خويي 91 استعمال امريكي فيه مواصفات ماتجي عندنا وهو ستة سلندر
ولقى صوفت برادو وركبت علية

[طخيمان]

أتوقع قطع الهايلكس و خاصة الدفرنسين تنفع له.

[أبو يوسف]

نفس المشكلة تتكرر مع وكالة نيسان
زميل لي عندهم سيارة تيرانو
يركبون لها قطع سدرك و مكسيما على ما اظن
الباث فاندر 98 مع احد الاقارب يركب لها قطع سدرك
خويك خله يسأل اي بنشري المكينة تشبه اي مكينة من مكاين تويوتا
وخلاص رح اطلب اي قطعة للمكينة من صوف وغيره باسم السيارة اللي تحمل نفس المكينة

اه نسيت
عندنا سيارة اسمها قراند لوكس
لو تطلب قطع غيارها من عبد اللطيف او النهدي ما تلقى اغلب القطع
مرة رايح اغير الزيت قالي البنشري هذي مكينة هايلوكس 98 ما تختلف ابد
بعد ذلك احتجت حساس المروحة
طلبته باسم حساس مروحة هايلوكس 98 وركب بدون مشاكل
هذا ما عندي

تحيتي

[atair8]

شكراً لكم جميعاً على الرد على الموضوع
وأتمنى أن تدلوني على مواقع عربية أقدر من خلالها ان أقوم بطلب قطع الغيار
وآسف جداً على اطالتي والسلام عليكم ورحمة الله ووبركاته

[الطعس الذهبي]

يروح للوكالة ويسألهم