المساعد الشخصي الرقمي

مشاهدة النسخة كاملة : بركب هدرز للفتك وابي رايكم


فارس الشقاوي
05/04/2011, 05:42 PM
السلام عليكم ورحمة الله وبركاته
مساء الخير . يا أخواني المكشاتية محاكيكم معه فتك ومشكلته راس القزوز
فيه تنسيم والكنداسة متكسره من داخل فيها قرقعه. وش رايكم اركب هدرز نص واخلي
الدبه الاخيره حقت الوكاله وش رايكم في هدرز قايد . ولا ابغا صوت وش افضل دبه .
ولكم جزيل الشكر
باترول 4500
05/04/2011, 06:15 PM
وعليكم السلام

أنا مركب هدرز كامل وصراحة ممتاز نشاط + مافيه حرارة

واحد من خوياي مركب راس هدرز بس مب كامل مع كل تعشيق يرمي الشكمان لأن الشكمان مب وسيع

وأفضل دبه صوته خفيف دبة اليوكن

أما قايد صراحة مادري عنه مركبه انا بالقصيم
التعـ King ـديل
05/04/2011, 08:30 PM
تبي الشغل الصح بالامارات .. هدرز سويدي .. بس ممكن بعض الاسئله

هل القزوز ماتتلحم؟؟

هل عندك القدره تشتري قزوز جديد؟

انا اشوف انها افضل من الهدرز لان الفتك فيه حساسات مو الكل يضبطها
رهيبXرهيب
06/04/2011, 03:05 AM
عندك الهدرز البحريني كاتم وما في صوت
فارس الشقاوي
06/04/2011, 11:48 AM
شكراً لمرورك اخوي باترول . واذا كان فيها رمي باخذ كامل اصرفلي ليتك تفيدني بالاسعار في القصيم
لو تكرمت .


هلا بك اخوي كنق .الامراتي كويس يقولون عن قايد . وقزوز الوكاله زهر ما تنتلحم .ودنا نجرب الهدرز .

عسا الله يستر على البحرين بكبرها دون هدرزاتها .
ابو سعود4500
06/04/2011, 01:42 PM
كم موديل موترك اخوي

انا عندي هدرز كامل مفصله تفصيل على موتري فتك 2005 مع دبه يوكن كاتم الموتر لاسمعت صوته ماتفرقه عن صوت الوكاله لكن لامنك دعست تفرقه هذي تجربتي مع الهدرز والحمد لله الا يومك والهدرز راكب على الموتر

لكن نصيحتي لك ترى المشكله مهو بتركيب الهدرز اذا كان موترك 2005 وطالع شف فيه حساسين بالقزوز وظيفتها انها تقرأ كمية الهواء الخارجه من المكينه وانت بعد ماتركب الهدرز راح يختلف عندك كمية الهواء يعني قبل لاتشري الهدرز شف لك واحد يبرمجلك الحساسات صح
فارس الشقاوي
06/04/2011, 07:03 PM
أخوي ابوسعود مديل الموتر 2004.قايد كلمته يقول ب1400 راس مستعمل نظيف
ودبة وسطى كاتم ويقول امورك تمام مادري يبرمج ولا .
سفاري959
07/04/2011, 03:09 PM
والله وانا اخوك اذا تبي نصيحتي خلك على شد البلد خاصه وان الفتك ماشاء الله عليه نشيط بدون هدرز ومثل ما قال اخوي كنق التعديل الفتك فيه حساسات للقزوز اعرف ناس ركبوه بفتك وطلع انواع المشاكل لو موترك مثل الي معنا 4500 كان قلت ركبه بالراحه عشان عزمه ضعيف لكن فتك انصحك خلك على البلد وارتاح من المشاكل ووجع الراس
راعي الفتك 9
07/04/2011, 10:15 PM
ركب بس راس وراح يختلف عليك قوة وأداء
باترول 4500
07/04/2011, 10:33 PM
شكراً لمرورك اخوي باترول . واذا كان فيها رمي باخذ كامل اصرفلي ليتك تفيدني بالاسعار في القصيم
لو تكرمت .

السعر بـ 1400 ريال كامل مع دبة يوكن
صافن
19/04/2011, 03:21 PM
والله ياجماعه انا مركب هيدرز إماراتي ووصله برازيليه شاريها من هنا وهناك مع دبة يوكن ب 1350 ريال تقريبا مع التركيب والنتيجة تمام مع زيادة بالصوت شوي للي يدقق
وسبب تغييري لقزوز بلاده انها منشعره والا ماطرالي
وبالعزم مهنا شي يسوى
باترول 4500
19/04/2011, 04:11 PM
أخوي ابوسعود مديل الموتر 2004.قايد كلمته يقول ب1400 راس مستعمل نظيف
ودبة وسطى كاتم ويقول امورك تمام مادري يبرمج ولا .

الفتك من موديل 2002 إلى 2004 مافيه حساسات بالقزوز يعني مايحتاج برمجه