المساعد الشخصي الرقمي

مشاهدة النسخة كاملة : من اصعب الامور انك تعثر على سيارة تدخل مزاجك


الوهم
30/11/2005, 09:44 PM
السلام عليكم ورحمة الله وبركاته

اعضاء مكشات الكرام
حياكم الله
واتمنى منكم النصيحة

انا تعبت وانا ابحث وافكر وش اشتري سيارة ؟

لاني ابحث عن سيارة تصلح للبر وللاسفلت ومريحة وشكلها جميل وسعرها مناسب

لكن فشلت في العثور على طلبي

اخواني الكرام بما انكم اصحاب خبرة في السيارات قلت مالها الا المكشاتيين النشامى

هم اللي يعطوني النصيحة من خبرتهم ويدلوني على مايناسبني

انا هالحين عندي ددسن غمارتين جي ال موديلها 99 وماشية فوق ميتين وخمسين الف

يعني لو حاولت ادبر عشرة الاف فوق ثمن الددسن وش اقدر اشتري سيارة ؟

تكفون ساعدوني يالنشامى

بس لااحد يقول لي الباثفاندر
السالمي
01/12/2005, 12:23 AM
والله شف الددسن يمكن ماتتعدى قيمتها 25 الف

واذا زدت عليها 10 تبي تصير 35 الف

اذا تبي فيها موتر للبر ويكون اقتصادي ومريح وقوي بنفس الوقت

فهي راح تجيبلك شروكي كلاسك مابين من موديل 98 الا الـ 2001 على حسب النظافه

وهو الصراحه زي ماقلت لك مريح وقوي اقوى من الجيوب كلها ولايعرف الصرفيه

بيقولون لك خراباته ونا بقولك اعقلها وتوكل على الله واسأل مجرب

واذا بغيت نيسان راح يجيب لك بس راح تتعب لانه ماراح يجيب لك موديل حديث راح يجيب لك واحد موديله من الـ 95 وتحت

والموديلات هذي هي اللي شوهة سمعة النيسان في صرفية البنزين

اما التايوتا ماراح تلقى بالقيمه ذي شي فيه خير مالك الا الشروكي الكلاسك او الاكسبلور من طراز فورد بس عيبه دبله ازره

كذالك الجيمي بس نفس العيب الدبل ازره واذا انت رجال تبي موتر حوض عليك بالهلي دفرنسين

تبي تلقى من موديل 99 الا الـ 2000 لاكن انا انصحك بالشروكي لانك راح تحصل موتر موديله حديث
عاشق السيول
01/12/2005, 12:38 AM
اخوي اذا هاذي فلوسك عليك بالياباني هايلوكس دفرنسين او ددسن دفرنسين موديل 2000 وانا افضل الددسن من نايحة الراحه والهايلوكس اقوى .. وكل الموترين يمسكن قيمتهن اذا بغيت تبيع يعني ( شيك ) ... وقبل ماتشتري اي شي صل صلاة الاستخاره والله يوفق الجميع................
اخوك عاشق السيول ( الشقراوي )
أبو يوسف
01/12/2005, 12:48 AM
اذا نويت على الشروكي
خذ نصيحة ذهبية
لا تضيق صدرك الاصوات
لأنها بتظهر لو دفعت اللي دفعته
وهذا من تجربة ذاتية

تحيتي
حر اليدين
02/12/2005, 10:20 PM
السلام عليكم
اقول مثل ماتفضل اخوي الددسن الدبل تراها من ناحية تمسك السعر ومن ناحية خفيفة ومن ناحية خراباتها معروفة وكلن يبخصها ومرونة في الاستعمال انا عندي ددسن 97 دبل والله انها تمشي مع الجيوب في الرمل وتوني شاريها ومكسب فيها ولا نية لي في البيع


على العموم استخر وشاور والله يكتب اللي فيه صالح