جمس (1500) او (2500) يهمنا رأيك

[ابو دحيم...]

بسم الله الرحمن الرحيم
السلام عليكم ورحمة الله وبركاته ...
اولا احييكم يا اعضاء المنتدى المميز .. واطلب المساعده مشكورين ..
كثر الكلام حول ايهم افضل (جمس سييرا) او (شفر سلفرادو) طيب حجم (1500) او (2500HD).. اذا بحثت بالشيخ قوقل بتلقى انواع المواضيع .. لكن قمت التناقض بالردود زي تناقض كلام موظفين الوكاله للاسف..:mad:
على سبيل المثال الرساوه والراحه .. البعض يقول 1500 ارسى واريح والبعض الاخر يقول 2500..:(
الاستفسارات المهمة :
2500 ارفع من قدام وورا والا ورا بس عشان زود السست؟
هل يجي 2500 فل كامل عندنا بالسعوديه ؟ واذا كان الجواب لا ارجو اذا كان احد يقدر يجيب لنا سعره بالكويت والا الامارات يكون رهيب اول :good2:
سييرا دينالي يفرق عن السييرا بشي غير المكينه ..؟
ارجو توضيح جميع الفروق بين 1500 و 2500 .. واذا مع الصور يكون كلام ثاني :D
بس تكفون فكونا من قولت ((اتوقع )) نبي علم اكيد.
بالنهاية اقول آسف على الاطاله .. لكن يعلم الله اني من الحيره فكرت اغير السياره .. تكفووووون افزعو
ولكم جزيل الشكر..

[الوزير 111]

والله انا ما عندي خبره...
ولكن بالنسبة لي...
السييرا أفضل من ناحية الشكل...
تقبل مرووووري يالغااالي...
الوزير 111
أبو خالد...

[ابو دحيم...]

الف شكر لك يابو خالد على المرور..

[تيتشر]

شوف يا حلو

طبعا فيه نوع يجي hd2500 z71 لكن ما يجيبونه الوكلاء اللي عندنا ( وجيه فق )

تلقاه بقطر أو بالامارات وانا دقيت على المناعي وكيل سييرا بقطر وسألت عن قيمته طبعا الغماره قال عليه عرض حالياً وقيمته 116,000 ريال طبعا هالنوع ان توفقت فيه فانت بترتاح لأن مكينته قويه ونفس راحة حجم 1500 بالاضافه الى ميزات أخرى مثل الدفلوك وبعض المزايا الداخليه

نرجع لسؤالك الـ 1500 يجي نوعين طبعا بتكلم عن الدفرنسين

فيه حجم 1500 مكينته 4800 لاينصح به أبدا
فيه حجم 1500 z71 مكينته 5300 ممتاز مقارنه بالنوع الأول وميزته انه مريح ووذف وأظنه يجي دفلوك

حجم 2500 مكينته 6000 هذا موتر جبار يعاب عليه انه مو مريح مثل الـ z71 ومو معنى كلامي ان الموتر مو مريح مره لكن فيه فرق .

تقدر تجمع بين القوه والراحه بشراء النوعيه اللي قلت لك عليها ببداية ردي وقد تجد مثلها هنا بالمعارض لكنها قليله يجيبونها من قطر والامارات

طبعا فيه اعتبارات كثيره لازم تنتبه لها :

في حال لم يكن لديك رغبه بالنوعيه الخليجيه واضطريت تاخذ من هنا بتحتار بين hd2500 أو z71

ان كان عندك سيارى شخصيه ثانيه فخذ hd2500 ولا تتردد

أما ان كان الجمس بيكون هو سيارتك الرسميه فهنا لازم تفكر هل تاخذ z71 عشان الراحه بوسط الديره ووذافته أم تضحي بالراحه مقابل الطرب والقوه

أتمنى لك التوفيق وانا لو بمكانك ومعي داهم دزيت لقطر

ايه صح بالنسبه للفرق بين الشفر والسييرا مافيه فروقات ميكانيكيه ابدا
الفرق بالديكورات والشكل فقط

السييرا له شعبيه هنا والشفر له شعبيه بامريكا

وجهة نظري ان السييرا بالموديلات الحديثه اجمل شكل من الشفر مع اني اعشق الشفر

اتمنى اني افدتك

[ابو دحيم...]

اخوي تيتشر ... اول شي الله يبيض وجهك ويرفع قدرك
كلامك بالصميم وكأنك عارف وين الحيره بالظبط..
لكن بالنسبه لل hd2500 z71 يبدو انه هو الافضل لكن سمعت ان ثقله يضيع قوة مكينتة .. يعني ال 1500 يروح عليه لانه اخف هل الكلام هذا صحيح ؟؟ وكم سعر الغمارتين ولاعليك امر ؟
لاني الصراحه بديت افكر بالدينالي 1500 لانه خفيف ومكينته 6.2 يعني مشاكل :) شرايك؟؟
مع اني اميل لل2500 الصراحه رفيع وهيبه وانا اشوف السلفرادو اجمل خاصتا 2500 وحش الصراحه
ولك جزيل الشكر ..

[تيتشر]

لازم تحدد هدفك من شراء السياره !!

يعني انت رجالن راعي مكاشيت والا راعي مطامر والا وش بالضبط ؟؟

الغمارتين ماعرف سعره

وترى الـ 2500 موديل 2011 مطوّر بشكل جيد عن الموديلات اللي قبله

[تيتشر]

وهذا رابط بعد اذن الاداره فيه شرح جميل

http://www.gmctruckteam.com/vb/showthread.php?t=6912 (http://www.gmctruckteam.com/vb/showthread.php?t=6912)

وان كان ممنوع الروابط فانا اعتذر , ولكن هدفي هو افادة الاخ صاحب الموضوع

[ابو دحيم...]

الله يرحم والديك ماقصرت ..
بالنسبة للمكاشيت يمكن كلهن يقومن بالمهمه لكن اللي جاذبني لل 2500 رفعه ومكينته ...
تسلم يالغالي

[تيتشر]

ووالديك ايه انصحك بالـ 2500 وبقوه

[ابو دحيم...]

جزاك الله خير .......
اتمنى مشاركات وآراء اكثر

[yazn2322]

أخوي سبب ان الـ1500 يروح على الـ2500 رغم قوه ماكينته
ان دفرنس الـ2500 كبير والتسارع فيه رح يكون ضعيف مقارنه بالـ1500 والقير ايضًا اقوى من قير الـ1500 في السحب والتحمل لكن البودي اظنه نفسه
والـ2500 إذا تبغى تاخذه Hevy duty رح يكون الدبل ارضي على ما اظن
لكن ايش استخدامك رح يكون للموتر عشان نقدر نفيدك أكثر

[ابو دحيم...]

أخوي سبب ان الـ1500 يروح على الـ2500 رغم قوه ماكينته
ان دفرنس الـ2500 كبير والتسارع فيه رح يكون ضعيف مقارنه بالـ1500 والقير ايضًا اقوى من قير الـ1500 في السحب والتحمل لكن البودي اظنه نفسه
والـ2500 إذا تبغى تاخذه Hevy duty رح يكون الدبل ارضي على ما اظن
لكن ايش استخدامك رح يكون للموتر عشان نقدر نفيدك أكثر

الف شكر على الرد والمشاركة...والمعلومات الجيده بالنسبة للقير والدفرنس..
بالنسبة للاستخدام عادي يعني اكشت لكن مهب مقطوع سري بالصمان:D
لكن احب الموتر لاصار هرش وهيبه لكن مهب على حساب القوه واراحه ... وهنا الحيره
لك جزيل الشكر ...:good2:

[yazn2322]

تبغى هيبه خذلك 3500 وأنت مغمض :P
لا لا من جد ترا ينفع لك السيرا دينالي بس تراه غويلي شوي
من الداخل زي الدينالي بالضبط وماكينته عاد ماتحتاج ,, 441 حصان أمريكي شرس :)

[ابو دحيم...]

تبغى هيبه خذلك 3500 وأنت مغمض :P
لا لا من جد ترا ينفع لك السيرا دينالي بس تراه غويلي شوي
من الداخل زي الدينالي بالضبط وماكينته عاد ماتحتاج ,, 441 حصان أمريكي شرس :)

كلامك عين العقل لكن الدينالي غير الغلا طامن وانت ابخص ..
وهل هو حساس والا لا ؟؟
لك الشكر الجزيل ...

[أبلج]

لا أزيد عل كلام أخي تيتشر إلا بالنسبة للدنلي صحيح ان مكينته قوية لكن صيانته مكلفة من اطارات وزيت وفلتر وفلتر هوا وسفايف (فحمات) وغيرها
ومن خلال تجربة لل2500 في السفر والبر والكشتات اخذه ولا تشاور بس انه في الديرة والازدحامات ثقيل اشوي يعني يفضل وجود سيارة أخرى
وأسأل الله أن يوفقك للي فيه خير

[الشهابة]

مع الشكر لصاحب الموضوع الاخ ابو دحيم ...

و الاخوان اللي شاركوا جميعاً و بينوا الفرق و خصوصاً العضو تيتشر ..

على طرح الموضوع و الاراء لأني كنت ابحث عن مواضيع تناقش الفرق بينهم لأني ناوي على واحد - بإذن الله - و لكن محتار و الان عندي فكره بسيطه و خلفيه ارتكاز للاختيار

شكرا لكم

[وضاااااح]

بسم الله الرحمن الرحيم
السلام عليكم ورحمة الله وبركاته ...
وعليكم السلام ورحمة الله وبركاته
اولا احييكم يا اعضاء المنتدى المميز .. واطلب المساعده مشكورين ..
كثر الكلام حول ايهم افضل (جمس سييرا) او (شفر سلفرادو) طيب حجم (1500) او (2500HD)..
المحركات في الفئة الوحده متشابهه الإختلاف خارجي والأختيار حسب الذوق واللي يمشي في المعارض السييرا
اذا بحثت بالشيخ قوقل بتلقى انواع المواضيع .. لكن قمت التناقض بالردود زي تناقض كلام موظفين الوكاله للاسف..:mad:
نعم شيئ موجود وعانيته شخصياً
على سبيل المثال الرساوه والراحه .. البعض يقول 1500 ارسى واريح والبعض الاخر يقول 2500..:(
1500 أكيد بيكون أرسى و أريح بحكم قلة السست في الخلف و ارسى بحكم ارتفاعه .
بالنسبه لفئة الـ z71 يجي أقسى من 4x4
الاستفسارات المهمة :
2500 ارفع من قدام وورا والا ورا بس عشان زود السست؟
ورى
وقدام شيئ بسيط
هل يجي 2500 فل كامل عندنا بالسعوديه
أعلى فئة تجي عندنا غمارتين SLE واللي أعلى منها SLT تحصّلها في الخليج
؟ واذا كان الجواب لا ارجو اذا كان احد يقدر يجيب لنا سعره بالكويت والا الامارات يكون رهيب اول :good2:


أضغط على الرابط تحت (http://www.gmctruckclub.com/vb/showthread.php?t=8185)


سييرا دينالي يفرق عن السييرا بشي غير المكينه ..؟

جلد وشاشه نفيجيتر ومراتب متحركه
ارجو توضيح جميع الفروق بين 1500 و 2500 .. واذا مع الصور يكون كلام ثاني :D
1500 مكينة = 4,8 لتر أو 5,3 لتر
ثلاث سست خلفية
مبرّد قير صغير وقير صغير
6 مسامير دفرنس صغير = كرونية صغيرة
مريح و خفيف

2500 مكينة = 6 لتر
قير كبير وكذلك مبرّد الزيت كبير
8 مسامير دفرنس كبير = كرونية كبيره
قاسي مقارنتاً بالــ 1500
ولكن عملي جداً
بس تكفون فكونا من قولت ((اتوقع )) نبي علم اكيد.
أخاف أعلمك تفلقني بأقرب حاجه عندك :j
السياره ما أملكها لكن أخوك ناوي يشتري وحده وممتحن الوكالات والمواقع الاجنبية والعربية وسؤال أصحاب الخبره والمختصين لين خرجت بهالمعلومات اللي إنشاء الله أنها تفيدك
بالنهاية اقول آسف على الاطاله .. لكن يعلم الله اني من الحيره فكرت اغير السياره .. تكفووووون افزعو
ولكم جزيل الشكر..
لاتحتار ولا شيئ
تبي الأصلح لك صلّ الإستخاره وشاور وبيدلّك الرحمن على اللي فيه الخير إن شاء الله





جميع ما ذكر أعلاه عن الغمارتين


دمت سالم

[تيتشر]

ابو داحم اليوم العصر شطفت معارض النسيم

لقيت شفر سلفرادو hd2500 z71 2011 فضي جديد

سعره بالنسبه لي اعتبره لقطه 117,000 وبصراحه وقفته هيييييييييييييييييبه وحش وفعلا يوم دققت بوجه السلفرادو طلع خيالي ,,, كنه وحش مبتسم

ماشاء الله تبارك الله

[ابو دحيم...]

لا أزيد عل كلام أخي تيتشر إلا بالنسبة للدنلي صحيح ان مكينته قوية لكن صيانته مكلفة من اطارات وزيت وفلتر وفلتر هوا وسفايف (فحمات) وغيرها

ومن خلال تجربة لل2500 في السفر والبر والكشتات اخذه ولا تشاور بس انه في الديرة والازدحامات ثقيل اشوي يعني يفضل وجود سيارة أخرى

وأسأل الله أن يوفقك للي فيه خير


الله يرفع قدرك .... الصراحه تشكر على معلومات الدينالي لانها جديده علي الصراحه .. وشكلي صرفت النظر عنه ..
شكرا لتفاعلك

[ابو دحيم...]

مع الشكر لصاحب الموضوع الاخ ابو دحيم ...

و الاخوان اللي شاركوا جميعاً و بينوا الفرق و خصوصاً العضو تيتشر ..

على طرح الموضوع و الاراء لأني كنت ابحث عن مواضيع تناقش الفرق بينهم لأني ناوي على واحد - بإذن الله - و لكن محتار و الان عندي فكره بسيطه و خلفيه ارتكاز للاختيار

شكرا لكم


هلابك يالغالي ...
مااقول الا الله يدبرنا واياك احسن تدبير
مشكور على التفاعل :good2:

[ابو دحيم...]

اخوي وضاااح ...
كلمت مشكور قليلة بحقك الصراحه .. ماشاء الله لاقوة الا بالله معلوماتك والله احسن من موظفين الجميح والعيسى .. اجل موظف بالجميح اقوله يجي قير عادي يقول لي( مدري بس انا لي فتره هنا ماقد شفت قير عادي) شرايك هذا رد!!!!
لكن بتبيثر عليك بكم سؤال ان سمحت لي:
تقول 1500 اريح طيب يعني 2500 متعب بالخطوط ؟؟
تقول 2500 قلق بالزحمه طيب فيه فرق عن ال1500 بالطول والعرض .. اللي اعرفه الفرق بالوزن والارتفاع بس؟؟؟
ممكن توضح لي مواصفات SLT و SLE
كل الشكر لك...

[ابو دحيم...]

ابو داحم اليوم العصر شطفت معارض النسيم



لقيت شفر سلفرادو hd2500 z71 2011 فضي جديد


سعره بالنسبه لي اعتبره لقطه 117,000 وبصراحه وقفته هيييييييييييييييييبه وحش وفعلا يوم دققت بوجه السلفرادو طلع خيالي ,,, كنه وحش مبتسم



ماشاء الله تبارك الله


حبيتك ياتيتشرنا ..هههههههه
جديد يعني اصفااار؟ وهل فيه شاشات وعلوم زينه ؟ وعند اي معرض لاهنت ؟؟
اما بالنسبه للشكل مافيه مقارنه ...السلفرادو فلم مرعب يعني كنك تشوف (SAW) هههههههههههه
وتحمل بثارتي الله يجزاك الجنه..

[عساف999]

الله يكتب لك الصالح المبارك
ياراعي الشفر

[وضاااااح]

اخوي وضاااح ...
كلمت مشكور قليلة بحقك الصراحه .. ماشاء الله لاقوة الا بالله معلوماتك والله احسن من موظفين الجميح والعيسى ..
مانبي منك إلا دعوه في ظهر الغيب
اجل موظف بالجميح اقوله يجي قير عادي يقول لي( مدري بس انا لي فتره هنا ماقد شفت قير عادي) شرايك هذا رد!!!!
صحيح ما يجي عادي في الموديلات الحديثه
لكن بتبيثر عليك بكم سؤال ان سمحت لي:
ما أعتبرها تبيثر أنت مقدم على شراء سياره بحدود 100 ألف ريال يحق لك السؤال والتمحيص وحقك علينا الإجابه باللي نعرفه ويخدمك
تقول 1500 اريح طيب يعني 2500 متعب بالخطوط ؟؟
ما أقدر أفيدك لأني ماسبق لي قيادة السيار لأحكم عليها
تقول 2500 قلق بالزحمه طيب فيه فرق عن ال1500 بالطول والعرض .. اللي اعرفه الفرق بالوزن والارتفاع بس؟؟؟
بالنسبه للغمارتين2500 +1500 صندوق قصير الفرق بسيط ممكن 15 سنتي تقريباً
ممكن توضح لي مواصفات SLT و SLE
SLE z71
دبل فرار كهرب
دف لوك
مثبت سرعه
تشغيل عن بعد
بلوتوث
داخلية بيج غالباً بعكس 4x4 العادي داخليه دائماً اسود

SLT
جميع ماذكر أعلاه +
مراتب جلد ومتحركة "طبعاً العيسى يجيب بعض الأحيان مراتب متحركه في SLE
شاشه نفيجيتر
كل الشكر لك
تامر أمر طال عمرك
...




الخطأ وارد ولكن نرجو أن نكون وفقنا في الإجابه على تساؤلاتك


دمت سالم

[وضاااااح]

حبيتك ياتيتشرنا ..هههههههه
جديد يعني اصفااار؟ وهل فيه شاشات وعلوم زينه ؟ وعند اي معرض لاهنت ؟؟
اما بالنسبه للشكل مافيه مقارنه ...السلفرادو فلم مرعب يعني كنك تشوف (SAW) هههههههههههه
وتحمل بثارتي الله يجزاك الجنه..



السلفرادو مافيه كلام و أنا من عشاقه لاكن لو شريت بشتري سييرا لأنه أرغب في البيع وشكله أيضاً مش بطّال خصوصاً إذا صكيته بشبك دينالي يا سلام

حنّا عكس الكويت الكويت يقدرون شيئ أسمه سلفرادو السييرا هذا مايطالعون فيه

[ابو دحيم...]

الله يكتب لك الصالح المبارك
ياراعي الشفر


اللهم آمين ... جزاك الله خير
بس حلوه راعي الشفر :good2:
مشكور على المرور ..

[ابو دحيم...]

اخوي وضااااح ..
لك كل التقدير على التفاعل وسعة الصدر
وبالنسبة للدعوه تراه جتك تمشي الف :D .. عسى الله يقبل ...
والحقيقه تفاجئت من فرق الطول بين ال1500 و2500 كنت احسبهن نفس الطول ..
وبالنسبه للشكل انا اختلف معك كليا ... اشتري سييرا وانا معجبني السلفرادو اكثر عشان رغبت البيع ... طبعا لا
لاني بمشي بالسييرا واذا شفت السلفرادو بقول يازينه كأني شاري اللي معي بنص السعر ..
بالنسبه لي لو متأكد انه بيطيح من سعره اكثر بالبيع مايهم اهم شي اني راغبه (وجهت نظري ) ممكن اكون مخطي ....
لك كل احترامي ...

[تيتشر]

ماظن فيه شاشات ياخي موتر بر ما تصلح فيه حركات الدلع

الموتر تلقاه في معرض اسوار المدينه

اول ما تدخل من عند معرض الشلال يمين اظنه يجيك خامس معرض على اليمين وزي ما قلت لك اسمه اسوار المدينة

[مسير عليهم]

ماعندي خبرة لكن الحمدلله وفقني الله بسييرا 2009 2500 z71 وجربته الموتر اعلمك ممشاه ثقيل ورفيع لكن جبار ومااشوف انه متعب لذيك الدرجة فهو اريح من الونيتات اليابانية بكثير

2011 اللي حجمه 2500 الشاص اصغر من اللي قبله

طبعاً كلامي على الغمارة ونص ولابينهم فرق من حيث الحجم 1500 و2500 بعضهن يجي صندوقه طويل وهذا نادر


اذا انت واحد محافظ وتراعي السيارة فخذ لك 2500 تراه اثبت في الخط كون وزنه اثقل وانشط

[تيتشر]

ماعندي خبرة لكن الحمدلله وفقني الله بسييرا 2009 2500 z71 وجربته الموتر اعلمك ممشاه ثقيل ورفيع لكن جبار ومااشوف انه متعب لذيك الدرجة فهو اريح من الونيتات اليابانية بكثير

2011 اللي حجمه 2500 الشاص اصغر من اللي قبله

طبعاً كلامي على الغمارة ونص ولابينهم فرق من حيث الحجم 1500 و2500 بعضهن يجي صندوقه طويل وهذا نادر



اذا انت واحد محافظ وتراعي السيارة فخذ لك 2500 تراه اثبت في الخط كون وزنه اثقل وانشط

اللي اعرفه انهم غيروا الشاص لكن ما صغروه ,,, الموديلات اللي تحت 2010 كنت تشوف شاصها وانت واقف بالشارع لكن 2011 رفعوا الشاص بالاضافه الى انهم خلوه مع كل الجهات بدل ما كان على شكل يو .

[الربان]

اخي ابو دحيم

السلام عليكم ورحمة الله وبركاته

ارى في مجمل كتاباتك دائماً تكتب عن الغمارتين لذا اذا كنت ترغب هذه الفئه انصحك ب ( 2500 ) z71 .

لقوته لسؤالي لأحد المختصين عن حجم المكينه فقال لي ( 6.2 ) .

مع العلم انني املك ( 1500 ) غماره .

وهو تحت امرك لتجربته .

هذا والله اعلم .

ملحوضه: لاتنسانا من دُعائك .......

[ابو دحيم...]

ماعندي خبرة لكن الحمدلله وفقني الله بسييرا 2009 2500 z71 وجربته الموتر اعلمك ممشاه ثقيل ورفيع لكن جبار ومااشوف انه متعب لذيك الدرجة فهو اريح من الونيتات اليابانية بكثير

2011 اللي حجمه 2500 الشاص اصغر من اللي قبله

طبعاً كلامي على الغمارة ونص ولابينهم فرق من حيث الحجم 1500 و2500 بعضهن يجي صندوقه طويل وهذا نادر


اذا انت واحد محافظ وتراعي السيارة فخذ لك 2500 تراه اثبت في الخط كون وزنه اثقل وانشط

كلام جميل ويحمس ..:p
الله يعطيك خير موترك ويكفيك شره ...
ويعطيك العافيه على المشاركه
شكرا لك ...

[ابو دحيم...]

اخوي العزيز تيتشر ...
اشكرك على وصف المعرض وان شاء الله اقدر اروح له اليوم ..
بالنشبه للشاشات حلوه اذا كان عندك عيال بالسفر تلهيهم .. والشاشه الثانيه للنافيقيشن على قولتهم ( للبر والبحر ) تنفع ...
ومشكور على معلومة الشاص ..
ولا خلا ولا عدم ياطويل العمر ..

[ابو دحيم...]

اخي ابو دحيم

السلام عليكم ورحمة الله وبركاته
وعليكم السلام ورحمة الله وبركاته
ارى في مجمل كتاباتك دائماً تكتب عن الغمارتين لذا اذا كنت ترغب هذه الفئه انصحك ب ( 2500 ) z71 .
صحيح ارغب الغمارتين لسببين 1-صاحب عائله 2-احب الموتر الظخم (وهذا اللي مخليني اميل لل2500)
لقوته لسؤالي لأحد المختصين عن حجم المكينه فقال لي ( 6.2 ) .
اعتقد 6.2 تجي على الدينالي بس وانت ابخص
مع العلم انني املك ( 1500 ) غماره .
الله يعطيك خيره ويكفيك شره
وهو تحت امرك لتجربته .
الله يبيض وجهك ويرفع قدرك .. يكفينا مشاركتك يالغالي
هذا والله اعلم .
سبحانه
ملحوضه: لاتنسانا من دُعائك .......
الله يجزاك الجنه ووالديك وكل من شارك معنا والمسلمين اجمعين..
مشكور على المشاركه ..

[وضاااااح]

اخوي وضااااح ..
لك كل التقدير على التفاعل وسعة الصدر
وبالنسبة للدعوه تراه جتك تمشي الف :D .. عسى الله يقبل ...
والحقيقه تفاجئت من فرق الطول بين ال1500 و2500 كنت احسبهن نفس الطول ..
وبالنسبه للشكل انا اختلف معك كليا ... اشتري سييرا وانا معجبني السلفرادو اكثر عشان رغبت البيع ... طبعا لا
لاني بمشي بالسييرا واذا شفت السلفرادو بقول يازينه كأني شاري اللي معي بنص السعر ..
بالنسبه لي لو متأكد انه بيطيح من سعره اكثر بالبيع مايهم اهم شي اني راغبه (وجهت نظري ) ممكن اكون مخطي ....
لك كل احترامي ...



بالعكس كلام سليم 100%100

لاكن اللي خلاني أقول الكلام هذا أنه الفرق بينهم " شبك " فقط

يعني مسألة أقدر أتجاوزها بتعديل بسيط على الوجهيه وبكذا أشبعت رغبتي من ناحية جمالية وفي نفس الوقت لا قدّر الله إذا أضطريت أني ابيع الموتر لأي سببً كان ما أبلش به ولا يقومون يطقطقون عليّ الشريطية



دمت سالم

[ابو دحيم...]

بالعكس كلام سليم 100%100



لاكن اللي خلاني أقول الكلام هذا أنه الفرق بينهم " شبك " فقط


يعني مسألة أقدر أتجاوزها بتعديل بسيط على الوجهيه وبكذا أشبعت رغبتي من ناحية جمالية وفي نفس الوقت لا قدّر الله إذا أضطريت أني ابيع الموتر لأي سببً كان ما أبلش به ولا يقومون يطقطقون عليّ الشريطية




دمت سالم



الصراحه يمكن كلامك اسلم يالغالي ...
لاني رحت للمعرض اللي وصفه لي العزيز (تيتشر) وشفت الاثنين ... الصراحه تحتار كلن يقول الزود عندي:D.. انا اشوف المشكله مهب بالشبك المشكله بالجنوط لك عليها شوي خاصتا انهم مايجيبون الا السياحي ..
لكن الحقيقه اول مره اشوف الغمارتين 2500 على الطبيعه ... (طويييييييييييل)
بيني وبينك بديت افكر بالغماره ونص .. مع اني اشوف الغمارتين اجمل ..
ننتظر آرائكم ...
يعطيك الف عافيه على التفاعل...

[مسير عليهم]

ابو دحيم يمكن اللي شفته صندوق طويل

والاغلب عندنا صندوق قصير والفرق بين الغمارتين وغمارة ونص بحدود 15 سم حول شبرين

الغمارتين صحيح هو اوسع واريح في المركب لكن اشوف الغمارة ونص يجذب اكثر

[لن أمل من العطاء]

وفقك الله يا حبيبي

2500غمارتين

ولا تنسى شوف التوقيع حقي

[ابو دحيم...]

ابو دحيم يمكن اللي شفته صندوق طويل

والاغلب عندنا صندوق قصير والفرق بين الغمارتين وغمارة ونص بحدود 15 سم حول شبرين

الغمارتين صحيح هو اوسع واريح في المركب لكن اشوف الغمارة ونص يجذب اكثر

اللي شفته مكتوب عليه 4×4 بدون Z71 مدري هذا اللي يجي طويل ؟؟؟
سألت واحد بالمعرض قال مايجي الا كذا ال2500 .. مدري عنده علم والا لا ..
بالنسبه للغماره ونص انا مااقتنعت فيه من ناحية الشكل .. وهي على ماقال اذواق;)
الف شكر لك على التفاعل ...

[ابو دحيم...]

وفقك الله يا حبيبي

2500غمارتين

ولا تنسى شوف التوقيع حقي

ياحبيبي اذا زي اللي بالصوره آخذلي راس تريله واريح راسي :D:D:D
مشكور على المرور ....

[وضاااااح]

اللي شفته مكتوب عليه 4×4 بدون Z71 مدري هذا اللي يجي طويل ؟؟؟
سألت واحد بالمعرض قال مايجي الا كذا ال2500 .. مدري عنده علم والا لا ..
بالنسبه للغماره ونص انا مااقتنعت فيه من ناحية الشكل .. وهي على ماقال اذواق;)
الف شكر لك على التفاعل ...





أغلب اللي يجي عندنا صندوق قصير والفرق بين 2500 الغمارتين والغماره ونص 25cm

وترى الغماره ونص متعبه المرتبة اللي ورى خصوصا في السفر الطويل لضيقها

بالنسبه للــ Z71 هاذي معناتها مواصفات خاصه للطرق الوعره والتحمّل أكثر من الــ 4x4

وهي عباره عن

" مساعدات أكبر

" فلتر هواء أكبر

" دف لوك

" ذراع توازن أكبر

يعني بالعربي 4x4 بدون z71 أحذف المواصفات أعلاه فقط

غيره كذا مافي أي أختلاف إلا اللون الداخلي غالباً يجي أسود في الــ 4x4


دمت سالم

[ابو دحيم...]

اخوي وضاااااح ...
الف الف الف شكر على التفاعل والمعلومات القيمه ...
الحقيقه بكل رد لك انواع الفوئد .. الله يحرم وجهك عن النار ..
لكن بالنسبة لل (25cm) كنت مستبسطها كرقم ... لكن يوم جيت للواقع وشفت الفرق فرمللللت الصراحه.. ولا ادري ...
ماقول الا الله يدبرنا على الصالح ...
الله يعطيك الصحه والعافيه

[تيتشر]

أغلب اللي يجي عندنا صندوق قصير والفرق بين 2500 الغمارتين والغماره ونص 25cm


وترى الغماره ونص متعبه المرتبة اللي ورى خصوصا في السفر الطويل لضيقها


بالنسبه للــ Z71 هاذي معناتها مواصفات خاصه للطرق الوعره والتحمّل أكثر من الــ 4x4


وهي عباره عن


" مساعدات أكبر


" فلتر هواء

أكبر


" دف لوك


" ذراع توازن أكبر


يعني بالعربي 4x4 بدون z71 أحذف المواصفات أعلاه فقط


غيره كذا مافي أي أختلاف إلا اللون الداخلي غالباً يجي أسود في الــ 4x4



دمت سالم





اضيف على كلامك اخوي انه فيه مواصفات داخليه اضافيه

مثل التشغيل عن بعد

المسجل يختلف

الجنوط تختلف

واشياء اخرى ذكرها لي مندوب المبيعات لدى وكيل جي ام سي في قطر

[وضاااااح]

اضيف على كلامك اخوي انه فيه مواصفات داخليه اضافيه

مثل التشغيل عن بعد

المسجل يختلف

الجنوط تختلف

واشياء اخرى ذكرها لي مندوب المبيعات لدى وكيل جي ام سي في قطر

[/CENTER]




لو تلاحظ أنا ذكرت المواصفات الميكانيكية فقط " ليش " ؟

لأنه فيه
4x4

وفيه
SLE 4x4

وفيه
SLE Z71 4x4



الأول هذا اللي هو السياحي عندنا وفي الخارج يعرف بــ WT



الثاني والثالث يشتركون في الأكسسوارات الداخليه ومنها التشغيل عن بعد وبلوتوث وغيرها


أرجو تصحيحي إن كان هناك خطأ


دمتم سالمين

[عمر 911]

لنقطع الشك باليقين :
الفرق بين الدينالي 1500 و سييرا 2500 هو المكينة والشاصي (الأساسيات)
الشاصي حق الدينالي خفيف ومحدود جره عند 8100 باوند بينما الـ 2500 قوي ومحدود عند 13000 باوند
المكينة عند الدينالي 6.2 لتر مصنوع من الألمنيوم (أقل إعتماديه وتحمل) و الـ2500 من الحديد ويتحمل وعمره الإفتراضي أطول

إنت تحب الغمارتين عندك نوع مرة حلو بس يعتبر غالي لكن سعره فيه:
2011 GMC Sierra 2500 Denali HD
يجي Z71 ويجيك إجباري غمارتين وحوض قصير (قريبا ً راح يدشن بالخليج)

ووجهة نظري تقول شوف فورد سوبر ديوتي كينق رانش 2011 مواصفاته الداخليه أفخم من الدينالي

بالأرقام والمواصفات الفورد يتفوق على الجمس لكن صراحه ماتقدر تحكم عالسيارة بالأرقام لازم نقوم بتجربه للسيارتين !

[تيتشر]

لو تلاحظ أنا ذكرت المواصفات الميكانيكية فقط " ليش " ؟


لأنه فيه
4x4


وفيه
SLE 4x4


وفيه
SLE Z71 4x4




الأول هذا اللي هو السياحي عندنا وفي الخارج يعرف بــ WT








الثاني والثالث يشتركون في الأكسسوارات الداخليه ومنها التشغيل عن بعد وبلوتوث وغيرها






أرجو تصحيحي إن كان هناك خطأ





دمتم سالمين













فعلا الاول هو السياحي

لكن المواصفات اللي يشتركون فيها الثاني والثالث مدري والله

[تيتشر]

اضيف على كلام الاخ عمر911 فيه فئه بالفورد (موديل2011) تتفوق على مواصفات الجمس الجديد

وبناءا على كلام أحد الاصدقاء المتابعين بقوه فإن المكينة جيل جديد والسياره بشكل عام اقوى من الجمس واميز منه , لكن اعتقد ان المشكله اننا ما استخدمناه ولا نعرف وش المشاكل المحتمله ....الخ

وسبق قبل شهرين تقريبا زرت وكالة فورد وقالوا لي انه فقط مبيعات حكومية

الفئة اللي اتكلم عنها هي f250

[abdul000]

بعد اذن صاحب الموضوع

كيف تحميل 2500 هل يحمل مثل حموله الشاص تكفون افزوعو والله من زمان ادور على الجواب للوالد الله يطول في عمره

[rpk]

بعد اذن صاحب الموضوع

كيف تحميل 2500 هل يحمل مثل حموله الشاص تكفون افزوعو والله من زمان ادور على الجواب للوالد الله يطول في عمره
حرام عليك يا خوي كيف تقارن الشاص بالجمس لانه فئه مختلفه هذا اول شئ ثاني شئ الشاص حمله شعير الى التنده وشف هل يمشي زين او لا نفس حموله الشاص من الشعير حطها في الجمس و زدها بعد شف هو راح يجيب طبلونه او لا الجمس افضل لا من مكينه ولا من تحميل ولا من راحه

[تيتشر]

بعد اذن صاحب الموضوع


كيف تحميل 2500 هل يحمل مثل حموله الشاص تكفون افزوعو والله من زمان ادور على الجواب للوالد الله يطول في عمره

شوف الرد السادس في هذا الموضوع من الاخ عاشقz71
http://www.gmctruckteam.com/vb/showthread.php?t=5665&highlight=%E3%DE%C7%D1%E4%E5 (http://www.gmctruckteam.com/vb/showthread.php?t=5665&highlight=%E3%DE%C7%D1%E4%E5)

[ابو دحيم...]

لنقطع الشك باليقين :
الفرق بين الدينالي 1500 و سييرا 2500 هو المكينة والشاصي (الأساسيات)
الشاصي حق الدينالي خفيف ومحدود جره عند 8100 باوند بينما الـ 2500 قوي ومحدود عند 13000 باوند
المكينة عند الدينالي 6.2 لتر مصنوع من الألمنيوم (أقل إعتماديه وتحمل) و الـ2500 من الحديد ويتحمل وعمره الإفتراضي أطول

إنت تحب الغمارتين عندك نوع مرة حلو بس يعتبر غالي لكن سعره فيه:
2011 GMC Sierra 2500 Denali HD
يجي Z71 ويجيك إجباري غمارتين وحوض قصير (قريبا ً راح يدشن بالخليج)

ووجهة نظري تقول شوف فورد سوبر ديوتي كينق رانش 2011 مواصفاته الداخليه أفخم من الدينالي

بالأرقام والمواصفات الفورد يتفوق على الجمس لكن صراحه ماتقدر تحكم عالسيارة بالأرقام لازم نقوم بتجربه للسيارتين !

صدقت شفت فديو للدينالي 2500 حلو جدا ...
لكن السؤال كم سعره ؟ وهل يجي نفس طول 1500 والا نفس طول 2500 ؟؟
مشكور على التفاعل ..

[ابو دحيم...]

بعد اذن صاحب الموضوع

كيف تحميل 2500 هل يحمل مثل حموله الشاص تكفون افزوعو والله من زمان ادور على الجواب للوالد الله يطول في عمره

اذنك معك يالغالي :)..
نتمنى ان تعم الفائده..
مشكور على التفاعل

[ابو دحيم...]

الغالين وضااااح و تيتشر ...
يا انكم تتوسطون لي عند جنرال موتر يصنعون لي 2500 غمارتين نفس طول 1500 ..
والا ترى باخذ 1500 .. تراي علمتكم :D:Dهههههههههههه:D:D (يهدد)

[تيتشر]

قبل شوي شطفت المعارض لقيت غمارتين 2011 hd2500 z71 لونه فيراني قيمته 135,000

وهذي صورته

http://www.mekshat.com/pix/upload05/images211/mk19260_12042011529.jpg

[وضاااااح]

لنقطع الشك باليقين :
الفرق بين الدينالي 1500 و سييرا 2500 هو المكينة والشاصي (الأساسيات)
الشاصي حق الدينالي خفيف ومحدود جره عند 8100 باوند بينما الـ 2500 قوي ومحدود عند 13000 باوند
كلام سليم بالنسبه للجرّ ولاكن قوّة الأحصنه لصالح الدينالي بفارق 40 حصان عن 2500

المكينة عند الدينالي 6.2 لتر مصنوع من الألمنيوم (أقل إعتماديه وتحمل) و الـ2500 من الحديد ويتحمل وعمره الإفتراضي أطول
لست خبير في هذه النقطه
إنت تحب الغمارتين عندك نوع مرة حلو بس يعتبر غالي لكن سعره فيه:
2011 GMC Sierra 2500 Denali HD
هل تعلم أن مكينة الدينالي 1500 أقوى أحصنه من الدينالي 2500 " مفارقه عجيبه "
يجي Z71 ويجيك إجباري غمارتين وحوض قصير (قريبا ً راح يدشن بالخليج)

ووجهة نظري تقول شوف فورد سوبر ديوتي كينق رانش 2011 مواصفاته الداخليه أفخم من الدينالي

فعلاً أفخم و أوسع من الدينالي

2011 Ford Super Duty King Ranch

http://www.ford.com/resources/ford/superduty/2011/gallery/photos/fsd11_pg_005_int_lg.jpg


http://www.ford.com/resources/ford/superduty/2011/gallery/photos/fsd11_pg_006_int_lg.jpg


http://www.ford.com/resources/ford/superduty/2011/gallery/photos/fsd11_pg_007_int_lg.jpg

بالأرقام والمواصفات الفورد يتفوق على الجمس لكن صراحه ماتقدر تحكم عالسيارة بالأرقام لازم نقوم بتجربه للسيارتين
كلام سليم 100%100
!



يعطيك العافية على المداخله الجميله

دمت سالم

[وضاااااح]

الغالين وضااااح و تيتشر ...
يا انكم تتوسطون لي عند جنرال موتر يصنعون لي 2500 غمارتين نفس طول 1500 ..
والا ترى باخذ 1500 .. تراي علمتكم :D:Dهههههههههههه:D:D (يهدد)



قالوها الزين مايكمل

عموماً أنا برسلّهم فاكس شديد اللهجه فيه مطالب أبو دحيم أن لقينا منهم تجاوب كان بها أمّا أن صار العكس

بفجّرهم :hot: بفورد سوبر ديوتي ملغّم عشان أزود للقهر وأنهي قصة تاريخ كان اسمها GM <<<<< أقول أمزح لا أحد يصدق خابرن بعضهم يجيك مطفي النور

[وضاااااح]

قبل شوي شطفت المعارض لقيت غمارتين 2011 hd2500 z71 لونه فيراني قيمته 135,000

وهذي صورته

http://www.mekshat.com/pix/upload05/images211/mk19260_12042011529.jpg







غريبه ليش واصل هالقيمة أخبره 117 وش السالفه

[ابو دحيم...]

قالوها الزين مايكمل



عموماً أنا برسلّهم فاكس شديد اللهجه فيه مطالب أبو دحيم أن لقينا منهم تجاوب كان بها أمّا أن صار العكس


بفجّرهم :hot: بفورد سوبر ديوتي ملغّم عشان أزود للقهر وأنهي قصة تاريخ كان اسمها GM <<<<< أقول أمزح لا أحد يصدق خابرن بعضهم يجيك مطفي النور




بيض الله وجهك :D:D
الصراحه قهر (1500 غماره ونص) و (1500 غمارتين ) و (2500 غماره ونص) كلهن نفس الطول ... الا (2500 غمارتين) اطول لييييه :mad::mad: ... عندك اياهم تكفى :D

[عمر 911]

تيتشر : كلمت وكالة الجزيرة قالوا يجيبونه للشركات !

ابودحيم : أتوقع سعره بيكون بين 200 إلى 230 ألف, لكن نشوف مع نزوله للخليج كم راح يصير :)

وضاح : الدينالي 1500 أقوى من 2500 ب 40 حصان بس على حساب ؟ دفع على كل العجلات بدلا ً من دفع رباعي ؟ حمولة 740 كيلو فقط إحذف منها أوزان الركاب طبعا ً ! قدرة جر للمقطورات لاتتعدى 4 طن بالله وش تسوي بـ4 طن ؟ يعني إذا سحبت فوق هالوزن راح تتعدى الوزن الموصى به من المصنع !
بينما الدينالي إتش دي يستطيع جر 6 طن , ومحور خلفي مقاس 4.10 بدلا ً من 3.42 وحمولة طن ونصف

القوة الحصانيه مع دينالي 1500 والقوة الميكانيكية مع 2500

ويعطيك العافيه على ردك الجميل :)

http://www.ford.com/resources/ford/superduty/2011/gallery/photos/fsd11_pg_005_int_lg.jpg

بعدين شوف السوبرديوتي لو يكون موجود هنا ومتوفر كان طلبت أول شيء تجربه قيادة لأني خايف من جودة المواد فقط, لكن المواصفات والله روعه (مدخل 110 فولت خلفي - مدخل 12 فولت تحت مدخل 110 فولت -منطقة تخزين حلوة بنص الطبلون تقدر تحط فيها جوالك ولا اللابتوب وكتب أو أي شي - جنب منطقة الأكواب فيه منطقه تخزين تقدر تحط فيها مجلة أو جهاز لابتوب - وشاشه معلومات روعه تعطيك درجه ميلان السيارة في المناطق الوعره وأشياء كثيرة)

^^^ كل اللي قلته من مواصفات غير موجود في السييرا حتى الدينالي للأسف :(

كنت أتوقع جنرال موتورز بتغير الداخليه شوي ع الأقل !

[ابو دحيم...]

تيتشر : كلمت وكالة الجزيرة قالوا يجيبونه للشركات !

ابودحيم : أتوقع سعره بيكون بين 200 إلى 230 ألف, لكن نشوف مع نزوله للخليج كم راح يصير :)

وضاح : الدينالي 1500 أقوى من 2500 ب 40 حصان بس على حساب ؟ دفع على كل العجلات بدلا ً من دفع رباعي ؟ حمولة 740 كيلو فقط إحذف منها أوزان الركاب طبعا ً ! قدرة جر للمقطورات لاتتعدى 4 طن بالله وش تسوي بـ4 طن ؟ يعني إذا سحبت فوق هالوزن راح تتعدى الوزن الموصى به من المصنع !
بينما الدينالي إتش دي يستطيع جر 6 طن , ومحور خلفي مقاس 4.10 بدلا ً من 3.42 وحمولة طن ونصف

القوة الحصانيه مع دينالي 1500 والقوة الميكانيكية مع 2500

ويعطيك العافيه على ردك الجميل :)

http://www.ford.com/resources/ford/superduty/2011/gallery/photos/fsd11_pg_005_int_lg.jpg

بعدين شوف السوبرديوتي لو يكون موجود هنا ومتوفر كان طلبت أول شيء تجربه قيادة لأني خايف من جودة المواد فقط, لكن المواصفات والله روعه (مدخل 110 فولت خلفي - مدخل 12 فولت تحت مدخل 110 فولت -منطقة تخزين حلوة بنص الطبلون تقدر تحط فيها جوالك ولا اللابتوب وكتب أو أي شي - جنب منطقة الأكواب فيه منطقه تخزين تقدر تحط فيها مجلة أو جهاز لابتوب - وشاشه معلومات روعه تعطيك درجه ميلان السيارة في المناطق الوعره وأشياء كثيرة)

^^^ كل اللي قلته من مواصفات غير موجود في السييرا حتى الدينالي للأسف :(

كنت أتوقع جنرال موتورز بتغير الداخليه شوي ع الأقل !

الصراحه غاااالي الدينالي مقارنه بال1500 دينالي ...
وبالنسبه للفورد قوي وجميل من الداخل لكن شكله الخارجي (يمرش) ..
لك الشكر..

[وضاااااح]

تيتشر : كلمت وكالة الجزيرة قالوا يجيبونه للشركات !

ابودحيم : أتوقع سعره بيكون بين 200 إلى 230 ألف, لكن نشوف مع نزوله للخليج كم راح يصير :)

وضاح : الدينالي 1500 أقوى من 2500 ب 40 حصان بس على حساب ؟ دفع على كل العجلات بدلا ً من دفع رباعي
أرجو توضيح النقطه هاذي لأني لا أعرفها
؟ حمولة 740 كيلو فقط إحذف منها أوزان الركاب طبعا ً ! قدرة جر للمقطورات لاتتعدى 4 طن بالله وش تسوي بـ4 طن ؟ يعني إذا سحبت فوق هالوزن راح تتعدى الوزن الموصى به من المصنع !
لا أعلم هل تقصد بالحموله هنا وزن السيار أم أقصى وزن تستطيع السياره تحميله
والأجابة حسب موقع جي أم
الوزن الصافي للدينالي 1500 غمارتين مكينه 6.2 هو 2500 كيلو بدون حموله وركاب .
والحموله القصوى 740 وقدرة على الجرّ قصوى 4.3 كيلو على محور Rear Axle3.42 ولا يأتي إلا بهذه المحور فقط .
بينما الدينالي إتش دي يستطيع جر 6 طن , ومحور خلفي مقاس 4.10 بدلا ً من 3.42 وحمولة طن ونصف
نعم في وضعية الجر 6 طن , وفي وضعية العجله الخامسة والمقصود بها سحب المقطورات بواسطة رحى فوق المحور الحمولة القصوى 6.3 طن هذا بالنسبه للمحور 4.10 .

والمحور الأختياري الثاني 3.73 Rear Axle وليس 3.42 لاحظ الدينالي HD يأتي بمحورين مختلفين حسب الأختيار
والقدره على الجر القصوى 4.3 طن , وعلى شكل رحى نفس القدره .

القوة الحصانيه مع دينالي 1500 والقوة الميكانيكية مع 2500
:good2: :good2: :good2: :good2:

ويعطيك العافيه على ردك الجميل :)

http://www.ford.com/resources/ford/superduty/2011/gallery/photos/fsd11_pg_005_int_lg.jpg

بعدين شوف السوبرديوتي لو يكون موجود هنا ومتوفر كان طلبت أول شيء تجربه قيادة لأني خايف من جودة المواد فقط,
أنا مع قلّة خبرتي ولاكنّي أكاد أجزم أن المواد لن تكون في جودتها أقل من منتجات GM إن لم تكن أفضل
لكن المواصفات والله روعه (مدخل 110 فولت خلفي - مدخل 12 فولت تحت مدخل 110 فولت -منطقة تخزين حلوة بنص الطبلون تقدر تحط فيها جوالك ولا اللابتوب وكتب أو أي شي - جنب منطقة الأكواب فيه منطقه تخزين تقدر تحط فيها مجلة أو جهاز لابتوب - وشاشه معلومات روعه تعطيك درجه ميلان السيارة في المناطق الوعره وأشياء كثيرة)
^^^ كل اللي قلته من مواصفات غير موجود في السييرا حتى الدينالي للأسف :(
أشكرك على هذه المعلومات اللتي أستفدت منها
كنت أتوقع جنرال موتورز بتغير الداخليه شوي ع الأقل !



أسعدني النقاش والدردشه معك مما حفّزني للبحث وأيضاً الأستفاد مما لديكم


دمت سالم

[مهاجر للشمال]

السلام عليكم

موضوع مفيد جداً

عندي سؤال
انا طايحة عيني على جمس سيرا غمارتين 2500hd z71 هل يجي شاص قصير
والسؤال المهم بالنسبة لي كيف ممشاه بالنفود والمراقي هل هو نشيط بالنفود لاني راعي مطامر ودوجه بالدهناء.

[ابو دحيم...]

السلام عليكم

موضوع مفيد جداً

عندي سؤال
انا طايحة عيني على جمس سيرا غمارتين 2500hd z71 هل يجي شاص قصير
والسؤال المهم بالنسبة لي كيف ممشاه بالنفود والمراقي هل هو نشيط بالنفود لاني راعي مطامر ودوجه بالدهناء.

هلابك اخوي
اللي توصلت له انا الى الحين انه مايجي الغمارتين قصير ...(وهذا اللي محبط بي) الغماره ونص 2500 يجي قصير ...
واتمنى اكون غلطان لاني راغب 2500 غمارتين بس مشكلته الطول..
مشكور على المشاركه..

[yazn2322]

ماشاء الله النقاش جدًا رائع ,

بخصوص المواد الداخليه للسوبر ديوتي , هي هي نفسها الموجوده بـF-150 والإكسبدشن وباقي الشاحنات حقت فورد
فإذا تبغى تتأكد منها مر للوكاله وجرب أي سياره من اللي ذكرتهم , وبصراحه بالنسبه لي الخامات والمواد حقت الفورد أفضل بـ100 مرة من مواد الجي ام
وبصراحه أنا أشوف الفورد أفضل حتى الـF-150 اشوفها بعد جدًا ممتازة خصوصًا الرابتور :P
لكن المشكله العشق بعلامه الجي ام :(

[وضاااااح]

بعد اذن صاحب الموضوع

كيف تحميل 2500 هل يحمل مثل حموله الشاص تكفون افزوعو والله من زمان ادور على الجواب للوالد الله يطول في عمره

لايوجد مقارنه بين الشاص والجمس 2500HD في التحميل

الشاص
عزم الدوران 36.7 كجم في 3800 لفة في الدقيقه

وزن الحموله 1115 كجم

السييرا 2500HD
عزم الدوران 380 كجم في 4200 لفة في الدقيقه

وزن الجموله 1650 كجم




الآن أترك الحكم والخيار لك


دمت سالم

[وضاااااح]

السلام عليكم

موضوع مفيد جداً

عندي سؤال
انا طايحة عيني على جمس سيرا غمارتين 2500hd z71 هل يجي شاص قصير
والسؤال المهم بالنسبة لي كيف ممشاه بالنفود والمراقي هل هو نشيط بالنفود لاني راعي مطامر ودوجه بالدهناء.


أغلب اللي يجي عندنا غمارتين 2500hd z71 هو شاص قصير ولاكن لا تقارنه بالغماره ونص والغماره أكيد بيكون أطول

لو شفت الغمارتين الشاص الطويل كان قلت ياحليل الشاص القصير عنده

الجزئية الأخيره من سؤالك ما أقدر أفيدك فيها لأني لم يسبق لي تجربته للأمانه و أن شاء الله يفيدونك الأخوان أصحاب الخبره والتجربه



دمت سالم

[وضاااااح]

ماشاء الله النقاش جدًا رائع ,

بخصوص المواد الداخليه للسوبر ديوتي , هي هي نفسها الموجوده بـF-150 والإكسبدشن وباقي الشاحنات حقت فورد
فإذا تبغى تتأكد منها مر للوكاله وجرب أي سياره من اللي ذكرتهم , وبصراحه بالنسبه لي الخامات والمواد حقت الفورد أفضل بـ100 مرة من مواد الجي ام
وبصراحه أنا أشوف الفورد أفضل حتى الـF-150 اشوفها بعد جدًا ممتازة خصوصًا الرابتور :P
لكن المشكله العشق بعلامه الجي ام :(


حياك يالغالي

الفورد لا يستهان به ماركه لها بصمه وتاريخ في عالم السيارات قديماً وحديثاً

الرابتور وما أدراك ما الرابتور لو أملك دراهمه كان شريته بدون ما أشاور لا كن سعره مبالغ فيه ياصل إلى 200 ألف لا وطلبية بعد أنتظر متى يجيك

العشق عاد ماله علاج :good2: :D



أسعدني تواجدك


دمت سالم

[yazn2322]

طيب شف الفئات اللي مادون الرابتور من الـF150 بصراحه ميزاتها تفوق السيرا من وجهه نظري ,

[((ابوملاك))]

تبغى هيبه خذلك 3500 وأنت مغمض :P
لا لا من جد ترا ينفع لك السيرا دينالي بس تراه غويلي شوي
من الداخل زي الدينالي بالضبط وماكينته عاد ماتحتاج ,, 441 حصان أمريكي شرس :)

441 واحد حصان اجل هههههههههههههههه

يابوي ترا بافضل حالاته 405 حصان ومستحيل يتعداها الا بتعديل

[عمر 911]

الله يعافيك وضاح, أتمنى الإستفادة عمت المكان :)

بالمناسبه أنا أمس رحت التوكيلات وسألتهم عن جمس 2500 يوكن إكس إل قالوا مايجيبونه :(
ممكن أحد يساعدني ويعطيني خبر عن وكالة العيسى بالرياض ؟
أحب 2500 وبنفس الوقت أحتاج سيارة عائليه مو ونيت :(

الله يطرح اللي فيه الخير ...

[((ابوملاك))]

بالنسبه للغماره ونص والغمارتين

خذها مني الطول ما يفرق ابد الطول نفس الطول بس

الحوض بالغماره ونص اكبر

يعني لو تبي حوض اكبر من الغمارتين على حساب الركاب

الحوض يصير اكبر بس

[وضاااااح]

الله يعافيك وضاح, أتمنى الإستفادة عمت المكان :)


بالمناسبه أنا أمس رحت التوكيلات وسألتهم عن جمس 2500 يوكن إكس إل قالوا مايجيبونه :(
ممكن أحد يساعدني ويعطيني خبر عن وكالة العيسى بالرياض ؟
أحب 2500 وبنفس الوقت أحتاج سيارة عائليه مو ونيت :(

الله يطرح اللي فيه الخير ...




تصدق توني أدري أن اليوكن يجي 2500 فعلاً حصلت معلوماته على موقع جي أم

إن شاء الله في أقرب فرصه أسأل و أرد لك خبر

موفق خير

[وضاااااح]

بالنسبه للغماره ونص والغمارتين

خذها مني الطول ما يفرق ابد الطول نفس الطول بس

الحوض بالغماره ونص اكبر

يعني لو تبي حوض اكبر من الغمارتين على حساب الركاب

الحوض يصير اكبر بس


ما لك لوى يالغالي أخالفك الرأي 180 درجه

الطول يفرق لصالح الغمارتين بـــ 10 إنش = 25 سنتي تقريباً .

الحوض طوله واحد في الغماره ونص أو الغمارتين = 78.8 إنش = 2 متر .

التلاعب في الطول صاير في الغماره الخلفية بالنسبه للغماره ونص والغمارتين .


طبعاً الأرقام أعلاه مأخوذه من موقع الشركة الأم





دمت سالم

[ابو دحيم...]

بالنسبه للغماره ونص والغمارتين

خذها مني الطول ما يفرق ابد الطول نفس الطول بس

الحوض بالغماره ونص اكبر

يعني لو تبي حوض اكبر من الغمارتين على حساب الركاب

الحوض يصير اكبر بس

كلامك سليم بالنسبة لفئة (1500) :good2:
لكن (2500) يفرق الغمارتين :(
لك الشكر ...

[ابو دحيم...]

الله يعافيك وضاح, أتمنى الإستفادة عمت المكان :)

بالمناسبه أنا أمس رحت التوكيلات وسألتهم عن جمس 2500 يوكن إكس إل قالوا مايجيبونه :(
ممكن أحد يساعدني ويعطيني خبر عن وكالة العيسى بالرياض ؟
أحب 2500 وبنفس الوقت أحتاج سيارة عائليه مو ونيت :(

الله يطرح اللي فيه الخير ...

لو كاتب ردك امس كان جبت لك الخبر .. لاني رايح للعيسى امس ..
اتمنى تجد الخبر ...
لك الشكر ...

[وضاااااح]

ما لك لوى يالغالي أخالفك الرأي 180 درجه

الطول يفرق لصالح الغمارتين بـــ 10 إنش = 25 سنتي تقريباً .

الحوض طوله واحد في الغماره ونص أو الغمارتين = 78.8 إنش = 2 متر .

التلاعب في الطول صاير في الغماره الخلفية بالنسبه للغماره ونص والغمارتين .


طبعاً الأرقام أعلاه مأخوذه من موقع الشركة الأم





دمت سالم








حتّى لا يلتبس الأمر كلامنا كله كان عن 2500


أخوي مجهول 666 إذا كنت تقصد الــ 1500 فا كلامك سليم 100%100


دمت سالم

[((ابوملاك))]

ايه نعم ياخوي كلامي عن 1500 ومتأكد من كلامي 100% شخصيا

اما 2500 طول الحوض نفسه بكل الحالتين

ولو جينا للفورد اف 150 نفس كلامي على 1500 طول الحوض هو اللي يختلف

اما اف 250 مالي علم فيه نادر اشوفه

وسلامتكم

[عمر 911]

ماقصرت ابودحيم :)
أنا كلمتهم بس ماردوا لي خبر :(

خذ غمارتين كلها 25 سم وبعدين راح يصير عندك غمارتين مو غمارة ونص :)

في حركة تغير وجهيه اليوكن للسييرا يسوونها بأمريكا وصراحه عاجبتني لو باخذ يوكن 2500 هههههههه

http://i972.photobucket.com/albums/ae207/x79camaroz28x/yukon/IMG00205.jpg

واليوكن إكس إل 2500 كان متوفر ومنتشر عندنا الشكل القديم اللي يجي 8100 :)

[عساف999]

ابو دحيم خذلك كابرس 94 احسن لك
هههههههه

[ابو دحيم...]

ماقصرت ابودحيم :)
أنا كلمتهم بس ماردوا لي خبر :(

خذ غمارتين كلها 25 سم وبعدين راح يصير عندك غمارتين مو غمارة ونص :)

في حركة تغير وجهيه اليوكن للسييرا يسوونها بأمريكا وصراحه عاجبتني لو باخذ يوكن 2500 هههههههه

http://i972.photobucket.com/albums/ae207/x79camaroz28x/yukon/IMG00205.jpg

واليوكن إكس إل 2500 كان متوفر ومنتشر عندنا الشكل القديم اللي يجي 8100 :)

الله يعطيك العافيه ..
نظريا 25 سم مهب شي لكن بالواقع شيئين...
الصراحه بديت اميل لواحد من اثنين: 2500 z71 غماره ونص... او 1500 z71 غمارتين مع حبه كعكات من قدام وسسته ورا يصير 2500 :D:D مع الفارق الميكانيكي :(..
اما 8100 هذا منهج لحاله :good2:
لك الشكر ..

[ابو دحيم...]

ابو دحيم خذلك كابرس 94 احسن لك
هههههههه

كبير يالكابرس خاصتا مع دبات مفرغه .. كلاااااااااام
ودوران بالفرايضي ..واي واحد وراه خط يأشر..ههههههههههههههههههههههههه

[مسير عليهم]

ابو دحيم وش صملت عليه

ابشرك استلمت موتري سييرا 2009 غمارة ونص حجم 2500 z71 يوم الاربعاء وبصراحة ماشاء الله اشهد انه موتر

لكن حط في بالك الموتر ثقيل ويصرف بنزين اذا استخدامك يومي في المدينة اما الخطوط صرفيته معقوله

وقاسي في المطب شوي لكن مريح وجربته امس في البر الدبل انساه ولاتفكر فيه الا في المهمات الصعبه كل اللي عليك نسم وتوكل على الله

[ابو دحيم...]

ابو دحيم وش صملت عليه

ابشرك استلمت موتري سييرا 2009 غمارة ونص حجم 2500 z71 يوم الاربعاء وبصراحة ماشاء الله اشهد انه موتر

لكن حط في بالك الموتر ثقيل ويصرف بنزين اذا استخدامك يومي في المدينة اما الخطوط صرفيته معقوله

وقاسي في المطب شوي لكن مريح وجربته امس في البر الدبل انساه ولاتفكر فيه الا في المهمات الصعبه كل اللي عليك نسم وتوكل على الله

ماشاء الله تبارك الله ... الله يعطيك خيره ويكفيك شره ..ليتك تحطله صور :good2:
والله الظاهر صملتي مهب بعيده عنك .. لكن مالقيت 2011 z71 ...

[عمر 911]

ابودحيم 2011 مانزل ولا ؟
أصلا مادشنوه حتى ولا أنا غلطان ؟ اللي أعرفه 2011 تغير شاصيه والشبك حقه هيبه :)

خلك ع الزي 71

[ابو دحيم...]

ابودحيم 2011 مانزل ولا ؟
أصلا مادشنوه حتى ولا أنا غلطان ؟ اللي أعرفه 2011 تغير شاصيه والشبك حقه هيبه :)

خلك ع الزي 71

معليش مافهمتك ..
وش اللي مانزل .. قصدك غماره ونص ..
والا 2011 كله مانزل ؟؟؟ اذا هذا اللي تقصده اجل اللي بالوكاله وشو 2010 ؟

[مسير عليهم]

ابشر بعزك ياابو دحيم هذا المبروك

http://sub3.rofof.com/img4/04qtsvm19.jpg (http://www.rofof.com)


ماعندي الا هالصورة مع ولي العهد :D الله يحفظه من كل شر

[عمر 911]

معليش مافهمتك ..
وش اللي مانزل .. قصدك غماره ونص ..
والا 2011 كله مانزل ؟؟؟ اذا هذا اللي تقصده اجل اللي بالوكاله وشو 2010 ؟

السييرا HD 2011 متغير الشبك حقه, يعني مو مثل 2010.

http://www.wareground.com/images/400/2011_gmc_sierra_3500hd_sle_10.jpg

هذا العادي, أما الدينالي نفس الشي بس كروم :)

بإختصار سييرا الشكل القديم 2007-2010 شكله مومختلف كثير عن الجديد بس فيه إختلافات جوهريه :)

[rpk]

السييرا HD 2011 متغير الشبك حقه, يعني مو مثل 2010.

http://www.wareground.com/images/400/2011_gmc_sierra_3500hd_sle_10.jpg

هذا العادي, أما الدينالي نفس الشي بس كروم :)

بإختصار سييرا الشكل القديم 2007-2010 شكله مومختلف كثير عن الجديد بس فيه إختلافات جوهريه :)
اي جوهريه يا خالي الشاص بكبره مغيرينه وتقول تغيرات جوهريه شف الرابط هذا وتبين معك التغيرات
http://www.gmctruckteam.com/vb/showthread.php?t=6912 (http://www.gmctruckteam.com/vb/showthread.php?t=6912)

[ابو دحيم...]

ابشر بعزك ياابو دحيم هذا المبروك

http://sub3.rofof.com/img4/04qtsvm19.jpg (http://www.rofof.com)


ماعندي الا هالصورة مع ولي العهد :D الله يحفظه من كل شر

ماشاء الله لاقوة الا بالله ...
الله يخليلك الاثنين قل آمين ..
الموتر مسكت تبارك الرحمن .. الله يكفيك شره ...
وبيض الله وجهك على التفاعل ..:good2:
لك كل احترامي ..:)

[ابو دحيم...]

السييرا HD 2011 متغير الشبك حقه, يعني مو مثل 2010.

http://www.wareground.com/images/400/2011_gmc_sierra_3500hd_sle_10.jpg

هذا العادي, أما الدينالي نفس الشي بس كروم :)

بإختصار سييرا الشكل القديم 2007-2010 شكله مومختلف كثير عن الجديد بس فيه إختلافات جوهريه :)

عمر بالنسبة للتغيير انت صح وانت ابخص :good2:
لكن تقول انت مانزل ..
موجود بالسوق 2011 نفس اللي بالصوره ..
تشكر على التفاعل ...:)

[ابو دحيم...]

اي جوهريه يا خالي الشاص بكبره مغيرينه وتقول تغيرات جوهريه شف الرابط هذا وتبين معك التغيرات
http://www.gmctruckteam.com/vb/showthread.php?t=6912 (http://www.gmctruckteam.com/vb/showthread.php?t=6912)


هد اعصابك يالحبيب :D
ماقال تغييرات سطحيه عشان تزعل ... جوهريه يعني زي ماتقول اساسيه والشاصي من الاشياء الجوهريه:good2:..
تشكر على المشاركه ...

[rpk]

الله يهديك ويهدينا يا بو دحيم اي زعل الله لا يجب زعل امين

[عمر 911]

هههههههههههه كنت أقصد التغيير الخارجي مو مختلف كثير لكن فيه تغييرات جوهريه :)
يعني داخل الشسمه فيه شاصي غير ونظام تعليق أمامي مستقل أقوى من اللي قبل

أبودحيم على كلامك دامك لقيت 2011 وموجود وودك بغمارة ونص توكل على الله مواصفات الغمارة ونص مثل الغمارتين تجيك شاشة خرائط وتكاية بالوسط للصف الأمامي بس يبيلك تشد حيلك دور لك غمارة ونص slt z71 4x4 - short bed ويكون لونه حلو إن شاء الله تحصل بالمعارض منها أوفر لك وأريح لك :)

ملاحظة الـ SLT أفضل فئة لكن فيه خيارات إضافيه عليه وراح أذكرها :
1- كاميرا خلفيه
2- بطارية إضافيه (تجي وكالة وهي أوبشن) يمكن ماتحتاجها موب لازم
3- محاور أكبر 410 بدلا ً من 373
4- فتحة سقف
5- لمبات السقف اللي يجي لونها أصفر لو تشغلها تعطيك مظهر حلو
6- نافذه خلفيه كهرباء
7- شاشه خرائط

ملاحظة تبريد المقاعد مايجي إلا مع الدينالي غمارتين فقط :( حسافه كان يجي بالـ SLT 2010

موووفق :)

[بحار جازان]

السلام عليكم واشاء الله موضوع مفيد واتمنلى التوفيق للجميع
عندي شويه اساله اتمنى تستحملوني
انا عندي جمس سييرا 2500hd
غمارتين ابغى اسال عن حجم المكينه
عشان قبل فتره واحد من الاعضاء نزل موضوع
كيف تعرف نوع المكينه من رقم الشاصي حق السياره
وطلعلي حجم المكينه 8100 وقريت ان الهدي المكينه مانزلت
لهاذ الموديل واتمنى تفيدوني ويعطيكم العافيه

[ابو دحيم...]

هههههههههههه كنت أقصد التغيير الخارجي مو مختلف كثير لكن فيه تغييرات جوهريه :)
يعني داخل الشسمه فيه شاصي غير ونظام تعليق أمامي مستقل أقوى من اللي قبل

أبودحيم على كلامك دامك لقيت 2011 وموجود وودك بغمارة ونص توكل على الله مواصفات الغمارة ونص مثل الغمارتين تجيك شاشة خرائط وتكاية بالوسط للصف الأمامي بس يبيلك تشد حيلك دور لك غمارة ونص slt z71 4x4 - short bed ويكون لونه حلو إن شاء الله تحصل بالمعارض منها أوفر لك وأريح لك :)

ملاحظة الـ SLT أفضل فئة لكن فيه خيارات إضافيه عليه وراح أذكرها :
1- كاميرا خلفيه
2- بطارية إضافيه (تجي وكالة وهي أوبشن) يمكن ماتحتاجها موب لازم
3- محاور أكبر 410 بدلا ً من 373
4- فتحة سقف
5- لمبات السقف اللي يجي لونها أصفر لو تشغلها تعطيك مظهر حلو
6- نافذه خلفيه كهرباء
7- شاشه خرائط

ملاحظة تبريد المقاعد مايجي إلا مع الدينالي غمارتين فقط :( حسافه كان يجي بالـ SLT 2010

موووفق :)

يارجال المواصفات اللي تقول ماتجي الا عند الاوادم
ربعك مايجيبونها:mad::mad::mad: ..
مليت وانا افر بالمعارض مالقيت غماره ونص z71 .. مافيه الا غمارتين .

[ابو دحيم...]

السلام عليكم واشاء الله موضوع مفيد واتمنلى التوفيق للجميع
عندي شويه اساله اتمنى تستحملوني
انا عندي جمس سييرا 2500hd
غمارتين ابغى اسال عن حجم المكينه
عشان قبل فتره واحد من الاعضاء نزل موضوع
كيف تعرف نوع المكينه من رقم الشاصي حق السياره
وطلعلي حجم المكينه 8100 وقريت ان الهدي المكينه مانزلت
لهاذ الموديل واتمنى تفيدوني ويعطيكم العافيه

هلابك اخوي ..
ليتك توضح الموديل ..
تشكر..

[ابو دحيم...]

الله يهديك ويهدينا يا بو دحيم اي زعل الله لا يجب زعل امين

آمين ..
اشكرك على الروح الرياضيه :D..

[بحار جازان]

حياك الله اخوي ابو دحيم
والموديل 2010
دبل ارضي

[ابو دحيم...]

حياك الله اخوي ابو دحيم
والموديل 2010
دبل ارضي

مكينته 6000 ..
8100 وقفت بموديل 2006 ماعاد تنزل ..
هذا والله اعلم

[تيتشر]

يارجال المواصفات اللي تقول ماتجي الا عند الاوادم
ربعك مايجيبونها:mad::mad::mad: ..

مليت وانا افر بالمعارض مالقيت غماره ونص z71 .. مافيه الا غمارتين .

اوما ما لقيت ..!!!

والشفر الفضي اللي قلت لك عنه ورحت تشوفه ؟؟ يالله اخلص اشتر نبي نكشت معك ترى انا ووضاح وعمر والعيال كلهم

[ابو دحيم...]

اوما ما لقيت ..!!!

والشفر الفضي اللي قلت لك عنه ورحت تشوفه ؟؟ يالله اخلص اشتر نبي نكشت معك ترى انا ووضاح وعمر والعيال كلهم[/CENTER]

هههههههههههههههههه
ابرك الساعات نكشت رجل خل الجمس يقعد :D..
وبالنسبه للي تقول عند اسوار المدينه 4x4 مهب z71 ..

[عمر 911]

الله يعينك ويرزقك واحد جديد بمواصفات روووعه :)

تيتشر وين نكشت الجو حر إصبر السنة الجايه :(

وأبودحيم لاتستعجل وانا اخوك خذوقتك ترا الكشتات بدري عليها ^_^

[طيرشلوى 2]

يااخوي 1500 مكينته اصغر من 2500 ودفرنساته اصغر 2500 اقوى ويصبر وارفع منه

[تيتشر]

هههههههههههههههههه
ابرك الساعات نكشت رجل خل الجمس يقعد :D..
وبالنسبه للي تقول عند اسوار المدينه 4x4 مهب z71 ..


مالك لوا ,,,, hd2500 z71

[ابو دحيم...]

الله يعينك ويرزقك واحد جديد بمواصفات روووعه :)

تيتشر وين نكشت الجو حر إصبر السنة الجايه :(

وأبودحيم لاتستعجل وانا اخوك خذوقتك ترا الكشتات بدري عليها ^_^

كلامك عين العقل :good2:

[ابو دحيم...]

يااخوي 1500 مكينته اصغر من 2500 ودفرنساته اصغر 2500 اقوى ويصبر وارفع منه

كلام سليم :good2:
الله يدبرنا على الصالح...

[ابو دحيم...]

مالك لوا ,,,, hd2500 z71


ياخلفهم الغماره ونص عندهم 2 اول ماتدخل على اليسار ..واحد جمس رمادي غامق والثاني شفر معدني هذولي 4x4 .. واسعارهن على 117000 ...
وفيه الظاهر غمارتين هو اللي z71 ... لكن انا صرفت النظر عن الغمارتين .
الف شكر ياعم ..:)

[برق القصيم]

خذ العلم طال عمرك من اللي جرب الاثنين وموديل 2010


وال 2500 اتش دي غماره مازال موجود وحياك الله باي وقت تجربه اذا حبيت


شف طال عمرك القرار يعتمد انت وش تبي !!!
حجم 1500 للاستخدام اليومي واريح والين ووزنه اخف بكثير بالوزن وبقومة الموتر وبالخط يسحب وراسي وبالبر ماعليه كلام
خصوصا مكينة 5300 بس للاسف مايجي عندنا دبل ارضي ..يجي ازرار وهذا عيبه الوحيد
في نظري,,الدبل الارضي في حجم 1500 يجي للي مكينته 4800 حسب كلام الوكاله وهالمكينه ضعيفه نوعا ما


نجي للوحش 2500
هو اثقل بكثير بالوزن وبالقومه حتى بصوت المكينه وعوره لان مروحته كرنك مو كهرب زي 1500
الموتر بكل صراحه مهو كلن يعرف له لانه مع قوة مكينته الا انه ثقل الوزن يخلي امر سواقته بالبر والطعوس الصعبه يحتاج لسائق متمرس
لانه لو يغرز او يتعلق يصير وضعه صعب ...لكن صدقني للي يعرف له ياصل اماكن ماتاصله اقوى الجيوب
والدبل يجي ارضي يدوي يعني ترتاح من الحساس والخرابات
وبالتحميل يشيل اطنان ولا يتاثر والسحب لا تشيل هم يسحب لك تريله بدون مبالغه وشفته بعيني
وسواقته فيها وعوره وصعوبه للي متعود على السيارات الصغيره ولكن مع الوقت
تتعود ويصير عادي
ارتفاعه يعطيك شكل وثقه كثير ..ولكن يعيقك احيانا خصوصا بالريوس ماتشوف اللي وراك مباشره لارتفاعه الكبير
دفرنساته وقيره مصممه للاستخدام الشاق
ومايجي عندنا افخم شي يجي اللي اقل منه مثبت سرعه وقزاز كهرب وجميحيات وكشافات
مسجل سيدي ,,,واذا افخم نوع دبله ازرار ما انصحك فيه


هذا كل ماعندي ومثل ماقلت لك الامر يعتمد عليك انت وش تبي

[مسير عليهم]

ابو دحيم الله يجزاك خير

والـ z71 غمارة ونص بتتعب وانت تدور عليه انا من لقيته صملت واخذته لدرجة وقفني راعي سلفرادو واستغرب انه z71

اصبر وربي يرزقك

برق القصيم

اخالفك الرأي الدبل الارضي غثاه اكثر واشوف الدبل الفرار اريح للي سواقته راكده واللي يبي يعيش معه لا يشغل الدبل الا وهو واقف تماماً

واقف معك في وصف السيارة (2500) كااستخدام يومي متعب كونه ثقيل ورفيع وصدقت يوم قلت سالفه الريوس الخميس بغيت اتوطى اكسنت وراي مع ان الحساس يطنطن بس ماشفت شي

[ساري بليل]

طيع شوري وخذ التاندرا ( سكويا حوض ) ثمانية سلندر مكينة جيب لكزس
والله إنه وحش ..

[ابو دحيم...]

برق القصيم ...
بيض الله وجهك على المعلومات الطيبه ..
صدقني استفدت كثير من كلامك ..
جزاك الله خير...

[ابو دحيم...]

ابو دحيم الله يجزاك خير

والـ z71 غمارة ونص بتتعب وانت تدور عليه انا من لقيته صملت واخذته لدرجة وقفني راعي سلفرادو واستغرب انه z71

اصبر وربي يرزقك

برق القصيم

اخالفك الرأي الدبل الارضي غثاه اكثر واشوف الدبل الفرار اريح للي سواقته راكده واللي يبي يعيش معه لا يشغل الدبل الا وهو واقف تماماً

واقف معك في وصف السيارة (2500) كااستخدام يومي متعب كونه ثقيل ورفيع وصدقت يوم قلت سالفه الريوس الخميس بغيت اتوطى اكسنت وراي مع ان الحساس يطنطن بس ماشفت شي

الله يدبرنا احسن تدبير ...
ويبارك لك بموترك..

[ابو دحيم...]

طيع شوري وخذ التاندرا ( سكويا حوض ) ثمانية سلندر مكينة جيب لكزس
والله إنه وحش ..

كلامك حلو..
التاندرا ممتاز ماعليه كلام لكن سعره خيالي وغير متوفر عندنا بالوكاله وشكل الغمارتين شين مقارنة بالجمس الغمارتين ...
مشكور على مرورك..

[* ابو باسل *]

معلومات قيمه وفقكم الله وتفيد الجميع .

[الوافي666]

1500 استر لهلك

[قناص الشعيبات]

مشكورين يالربع على المعلومات القيمة ..

كم سعر الغمارتين 1500 Z71 ؟

[ابونبيل]

2500 حق واحد راعي تحميل ومايقعد بالديره يعني حق خطوط لان لو بتستعمل بالدير صرفيه بنزين وقومه اضعف من 1500

خذ 1500 نشاط

[AxR979]

مثل ما قالوا الشباب 2500 سواقته متعبه داخل الديرة و بالزحمات بالاضافة الى ان قطع غياره اغلى سواء الاستهلاكية (مثل الفلاتر و الفحمات ) او الصيانة ..

معي 2500 سوبربان موديل 2004 دبل خربن علي الرمانات و يوم سالت عنهن لقيتهن بـ 880 ريال للواحد لانه يجي كامل مع الهوب و حق 1500 كان سعره حول 650 ريال ..

1500 مريح اكثر بالخطوط و اقل صرفية و ارخص قطع غيار و صيانة و اعتمادي عكس ما يعتقد البعض ..

بالاشياء الاساسية النوعين متشابهين مثلا عندك القير بـ 1500 رقمه 6l80 و 2500 رقمه 6l90 و هم نفس الشيء تقريبا و اللي يفرق كبر حجم التروس ..

الكارونة حقت 1500 تمد اكثر و تريح الموتر بالخط عكس 2500 تجي حاشرة شوي لانه مخصصة للسحب ..

المكينة كلهم بلوك حديد و روس الومنيوم ..


الزبدة اذا انت ما تحمل و لا تسحب بالاطنان فنصيحتي خذ 1500 و لا يغرك شكل و ارتفاع 2500 لانه بيبلشك بعدين و بتطفش من سواقته مع الوقت خاصة اذا هو سيارتك الاساسية ..

[بن ثاني 2011]

صدقت

كلامكم على أنه مضى عليه سنة إلا أننا لا زلنا نستفيد من خبراتكم

جعله في ميزانكم جميعا