بخصوص زيت قير الفتك عندك حل

[خيال شاب]

السلام عليكم

ندخل على الموضوع لماذا لايباع زيت قير الفتك في محلات قطع الغيار مثل باقي الشركات المحترمه
- يمكن يجي واحد ويقول القير مافيه عيار زيت نقول هذا ليس عذر ولعبة الوكاله عارفينه من زمان - بخصوص كميت الزيت لو تجيب واحد من الشارع قالك فك صرت زيت القير وبعدين قس الكميه النازله -
حتى كميت الزيت صارت معروفه عند الناس اللي هي خمسه لتر – مايحتاج الواحد يسوي زحمه بالوكاله
ومراجعات – ثمانين بالمئه من اصحاب الفتك يشترون زيت تايوتا - نرجو من اللي له واسطه بالوكاله
ويعرف الشيخ كارلوس غصن يتشرف ويعطينا حل مقنع :(

وشكرا

[التعـ King ـديل]

زيت القير بالوكاله وفيه ورشه ابو صالح التركي يجيب زيت نيسان الاصلي وارخص من الوكاله وهذا رقمه 0504118191

ولو ماقدرت توصله .. مر الصناعيه القديمه واسئل عنه مركز المجد حق الترصيص ولا دق علي وابشر بسعدك 0555043355

[خيال شاب]

مشكور وماقصرت يا كنك التعديل بس نبي سبب ليش الزيت ما يباع بالسوق مثل العالم
يعني لازم الواحد يتعب سبت جالون زيت :mad:

[HCW]

متوفر عند قطع غيار العبدالكريم في الدمام
زيت قير الفتك 2002 و فوق
و زيت قير الانفينيتي جميع الموديلات
و زيت قير الالتيما 2008 و فوق

هذا رقمهم
03-8172011

[خيال شاب]

الله يرضى عليكم يا شباب مانبي دعايات هذولا يجيبون زيت من دبي
الفتك نازل من 2002 الزيت غير موجود بااسوق :mad:
زيت الجيب الكزس يباع في محلات قطع الغيار






نكرر السؤال ليش الزيت ما يباع عندتا مثل العالم



وشكرا

[ابو ماجد vtc]

السلام عليكم انا معاي VTC 2004 تروب تونيك واغير الزيت بـ 90 ريال كل 25000 الف كيلوا متر من مدة ثلاث سنوات والى الآن.عند ورشة العثمان في بريدة زيت التويوتا عليه رسم قير اتوماتيك لكن ملغي المبرد الموجود في القير ومركب ارديتر كبير امام ارديتر السياره بدل الموجود فيه الصغير و الى الان ولا في مشاكل ولله الحمد والشكر ولعلي افدتكم ان شاء الله وشكرا.

[خيال شاب]

الله المستعان مته نخلص من الدعايات

ليش زيت الفتك ما يباع بالسوق مثل العالم :mad:

اللي يجاوبني اعطيه موتري هديه مجان اللون لؤلؤي 2008
:D

[HCW]

الله المستعان مته نخلص من الدعايات

ليش زيت الفتك ما يباع بالسوق مثل العالم :mad:

اللي يجاوبني اعطيه موتري هديه مجان اللون لؤلؤي 2008
:D


يا خوي بختصار زيت الفتك ما يحتاج تغيير بصفه مستمره مثل باقي القيور
اللي انا اذكره ان اغلب السيارات تطلب تغيير زيت القير كل 40 الف كيلو
اما الفتك
على ما اذكر يتم فحص الزيت كل 80 الف و التغيير كل 200 الف او 250 الف كيلو
لذلك محلات قطع الغيار نادر تحصل عندهم الزيت بسبب قلة الطلب على الزيت
يعني محلات قطع الغيار ما يطلبونه من الوكالة ولا بالاصل هو موجود عندهم و له رقم قطعه غيار
و بالغالب اكثر الفتكات ماشين بحدود 150 الف الى 250 الف يعني توهم يحتاجون تغيير زيت قير.

[عميد سامودة]

والله العقوبه
الريجيل عطوه الاماكن اللي تبيع الزيت
وهذه ما يبغا الا يتونس
ياخي زيت القير ما يغيرونه الا نادرا

[مقلع الرمث]

اخوي زيت الفتك زيت اسمه (ايسو )نفس حق البي ام دبليوا

وسعر التر 75 ريال

تحصله عند صاحب قطع غيار بي ام دبليوا في الصناعيه القديمه عند دويرة الخرج مرة وخذ منه الزيت

وللعلم الشركه نيسان تشتري من عندهم الزيت

اسأل فقط قطع غيار بي ام دبليوا قل ابي زيت ممتاز ايسو وين احصله مر على محلات بي ام دبليوا

خذلك 5لتر

وبالتوفيق

[ابو ماجد vtc]

السلام عليكم يا إخواني ليش بس زيت قير الفتك كل السيارات اتوماتيك او عشان انه تروب تونك السيارات الجديده تروب تونك التويوتا الحين تروب تونك انا موتري ماشي 346000 الف كيلوا 2004 م يوم اشتريه ماشي 140000 الف كيلوا ما شاء الله ولا اجد اي ملاحظات على المحركات و لله الحمد مافي مكان ما رحت له ( بر- سفر - صيد ) . من رأيي اي واحد منكم اذا مشى موتره 200000 الف يعمل للقير غسيل ( زيت غسيل للتروس ) ثم يعبي الزيت حق الكزس ثم يمشي عليه شوي تقريبا ثلاثه كيلو ثم يغير الزيت مره ثانيه اين ينزل كل الشوائب اللي فيه اذا نظف الزيت خلاص كل 25000 الف يدله مره واحده فقط التغييرات الألى فقط لتنظيف تروس القير.

[خيال شاب]

مشكورين على راسي كلكم ياشباب
لاكن مافيه احدعطاني جواب
كلكم تذكرون ورش معروفه تجيب زيت من دبي وفيه ناس مايقدر ياصلها
سيارتي ليست بي ام ولا تايوتا عشان اشتري زيت من عندهم سيارتي نيسان باترول
معقوله سياره مشهوره ماله قطع غيار مثل زيت القير
طيب انا حر اغير الزيت على 50 الف كلم او تعطلت سيارتي احتاج زيت فقط
الوكاله مهب راضيه تبيع علي زيت يقول لازم تغير الزيت عندنا
واصحاب محلات قطع الغيار يقولون مانبيع الزيت والسبب احتكار الوكاله


يجي واحد متعصب ويقول بع موترك وش حادك

الله يعين بس :(

[خيال شاب]

بشر يا مواسي الطعوس كلمت الرجال :D

[اتجاه السحاب]

حرنابك :p ,,,,

[دروب الذكريات]

العلم عندي
أنا سألت محل قطع غيار نيسان قالي زيت الوكالة نشتريه غالي من الوكالة ولا فيه أحد يشتري يعني زيت الوكالة تأخذه حول 1000 ريال

وأكثر الناس يشتري حق تايوتا أو أي زيت قير غير حق الوكالة يطلع علية 90 ريال

فيقول كنا نجيب حق الوكالة ولا أحد يشترية لأنهم يشترونه جالون فيطلع عليهم غالي
أما الوكالة سألة عنه قال جالون زيت القير كبير يطلع حول 2000 ريال وهو كثير عليك يكفيك أقل من نصف الجالون

وغيرة الزيت عندهم بـ 800 ريال مع التركيب

ونصيحة غير الزيت عند الوكالة ولو بعد 100 ألف ولا تحط زيت ماهو حق الوكالة صح أنه نار بس ترها شغله تبقالك
ولا تنسى أن تركيب زيت القير يبغى فني لأنه ألكتروني على حسب كلامهم فأذا غير لك الزيت يطلع على الموتر ويجربه حتى يظمن أنه ممتاز وهذا يدل على أن يمكن تغيير الزيت يحوس بالبرمجه

على فكره أذا أنتهت فاعلية زيت القير يخبط عليك القير على طول يطلع لك صوت يعني يخلف الله على القير

[الإستراتيجي]

الوكالة وما يسمونها الوكالة


غش في غش

إذا جيت تشري منهم قطع غيار يعطيك الفئة الثانية من القطع لأنه يسوي لك دسكاوند على قولهم تخفيض ....


المسألة ما هي تخفيض المسألة قطع و زيوت مشابهه للأصلي من بلد المنشأ بالعادة أو من شركة قريبه في تصنيعها للشركة الأم ...


للأسف بعض الشركات تكون لديها مشاكل في التصنيع وأنت الضحية

فمثلا الفرامل أول ما تركبها تعطي صوت مع الرص و لما تفك تطلع طبيعي أعرف أن نسبة الخلط فيها زيادة في الأستيل (( حديد )) ...

لما تعطيك لون أسود أعرف أن نسبة الكربون أزود من غيرها

للأسف المشكلة الأولى تخرب عليك الهوبات المشكلة الثانية تعطيك روائح و الجنوط دائما سوداء ...

الزيوت دائما الزيوت لها رقم ودرجة في الزيت فأعرف رقم الزيت بعلبة واحدة ودور عليه في الشركات

كل شركة تعطيك زيت عندها


أنصحك بزيوت تجي من الخارج صناعة ألمانية أو يابانية لا تأخذ تعبئة السعودية أو الإمارات لو بلاش ...

عن تجربة كان فيه باقي كرتون سوبر جي تي عندي قديم كان ألماني علبة بلاستك كان من أفضل الزيوت نوعا ما في التحمل فكانت الزيوت تأخذ 4000 أو 4500 يتغير لونها


هو يأخذ 6000 تقريبا ويتغير لونه ....


للأسف خلص وزادت الزيوت الفترة هذه وناوي أشري كراتين لكن الأسعار الآن صارت بـ360 إلى 380 الكرتون ؟؟ أو حدودها ..

ليت أحد يدلني على محل يبيع برخيص الحضارم يرفعون علينا بدبل القيمة والتعبية سعودية


والمصيبه انه يشري زيتك إلي جاي من تغيير سيارتك يسووون له تكرير ثم يعبى في علب و خلاص ركبه خله يخرب سيارتك

بعض السيارات صارت عليها مشاكل بسبب الزيوت للأسف

[محسن اليامي]

لأني حصري بالوكالة .........