اكسبلور 2010 [الأرشيف] - منتديات مكشات

ابوعمر1397

11/04/2011, 09:56 AM

الف مبروك والله يعطيك خيرها ويكفيك شرها

الدبل الخفيف high وتقدر تشغله وانت ماشي ويفضل على سرعة لا تزيد عن 40 وتقدر تسرع عليه الى 100
الدبل الثقيل low ما يشتغل حتى توقف تماما وتحط القير على n وتدوس الفرامل وتضغط عليه ويوجد على الزر لمبه خضرا تولع اذا شبك ويطلع عندك في الطبلون 4x4 ولمبة مانع الانزلاق تولع للدلالة على تعطيله مع الدبل الثقيل

ولا ترفع رجلك عن الفرامل حتى تولع لمبة الدبل في الطبلون

الثقيل لا تستخدمه الا في التغاريز الشديدة وسحب سيارة اخرى ولا تسرع عليه اكثر من 40 وغير ذلك الخفيف يكفيك
واحذر من التطعيس على الثقيل حتى ما ينعدم عليك

auto تضغط عليه اذا بغيت تفصل الدبل

اذا دخلت طعوس يفضل انك تنسم من 10 الى 15 وتشغل الدبل الخفيف وتضغط على مانع الانزلاق لتعطيله وادعس ولا يردك شي
واذا ناوي ترق طعوس حط القير على 2
اهم شي الرفق لان السيارة امريكي وحساسه واذا بدا يطلب بيبهذلك
والتنسيم يريح الموتر ويساعد على تماسك ديكورات السيارة

على فكرة اذا حطيت القير على 3 تقوم السيارة بالثالث مثل القير العادي ولا يغير

وعلى 2 تقوم السيارة بالثاني
وعلى 1 تقوم بالاول

وتقدر تجرب هذا بنفسك على الاسفلت حط القير على 3 وادهس وبتلاحظ عزم السيارة كيف