وش رايكم بتصويري ؟؟؟

[الـ ع ـارض]

السلام عليكم ورحمة الله وبركاته

هذي مجموعة صور لي وهي تجربه اولى في عالم التصوير الاحترافي

http://www.arab3.com/gold/images/Dec05/al3ard_IMG_0013.JPG

http://www.arab3.com/gold/images/Dec05/al3ard_IMG_0018.JPG

http://www.arab3.com/gold/images/Dec05/al3ard_IMG_0022.JPG

http://www.arab3.com/gold/images/Dec05/al3ard_IMG_0024.JPG

http://www.arab3.com/gold/images/Dec05/al3ard_IMG_0026.JPG

http://www.arab3.com/gold/images/Dec05/al3ard_IMG_0051.JPG

http://www.arab3.com/gold/images/Dec05/al3ard_IMG_0053.JPG

http://www.arab3.com/gold/images/Dec05/al3ard_IMG_0054.JPG


وش رايكم لي امل والا اترك الشغله كلها ؟؟؟؟؟

[بـــدر]

ماشاء الله تصوير محترف خاصه الصورتين الاخيره
وعندي إستفسار ما نوع الكاميرا الني استخدمتها وهل هي احترافية ولا رقمية عادية x3 ؟

[محمد العبدالسلام]

صور جميلة بس يا الغالي حاول تستخدم الحامل لاني الاحظ شوي اهتزاز بالصور

[رسلان]

عافاكم الله أخي على الصور الجميلة ...

وعندي إستفسار ما نوع الكاميرا الني استخدمتها وهل هي احترافية ولا رقمية عادية ؟

أعجبتني الصورة الرابعة ... وتركيز الفوكس فيها جميل :) ...
صورة الفنجال تمنيت ووضحه أكثر لتكمل الصورة ...

الصورتان الأخيرتان ... ماهما ؟

نتطلع للمزيد من المحاولات والإبداعات العارضية :)

جزيتم خيرا ًًً....

[ابو سمر]

صور جميلة جدا وخطوة جيدة ، وواصل التصوير ولا تفارقك الكاميرا .

بالنسبة لصور الطير ، يبدو أنها من بعيد ، ولذا تحتاج لحامل الترايبود الثلاثي ، لأن بعد الهدف يؤدي إلى إهتزاز الصورة قليلا مهما حاولت تثبيتها ، إضافة إلى حركة الطير ، وعامة فصورك جميلة جدا ، خاصة أنك مبتدىء حسب قولك ..

وفنجال الشاهي ( ترااااااااااااه ) ما أعجبني أبد ، خفيف ، وأنا من اللي يحبون الثقيل ، وإذا تبيه يعجبني ثقله المرة الجاية الله يعافيك أو خله يخدر شوي .. لكن بالنسبة لتركيز الفوكس فهو جيد جدا .

و الصورة السادسة و الصورتان الأخيرتان جميلة ، والتركيز جيد على جميع نواحي الصورة ، ولو عدلت السيتوريشن ببرنامج الفوتو شوب بصورة الكثيب ( الصورة السادسة ) لأصبحت أكثر جمالا لأن الصورة يبدو ان وقت إلتقاطها كان ظهرا ، أو استخدمت فلتر البلورايزنق الذي يعطي الصور هدوء وتشبعا ..

شكرا لك وواصل ولا تكل أو تمل من حمل الكاميرا ..

[الـ ع ـارض]

الاخ بدر

شكرا لك اخي على ردك والكاميرا كانون ديجتال PowerShot Pro1
http://www.dpreview.com/reviews/CanonPro1/Images/frontview-001.jpg

[الـ ع ـارض]

ابن نجد

مشكور اخوي على الرد والنصيحه بارك الله فيك

[الـ ع ـارض]

الاستاذ رسلان

نوع الكاميرا كانون PowerShot Pro1

بالنسبه لصورة الفنجان كانت تجربة خجوله للمايكرو ....


الصورتان الاخيرتان لحزم صغير بشعيب العصل ولكن قربت منه وسويت زوم لتكبيرة واعطائه حجم اكبر من حجمه والصوره الاخيرة هي عبارة جحر صغير جدا في نفس الحزيم ما تدخل يد الرجال فيه ....


مشكور على ردك ونصائحك بارك الله فيك

[الـ ع ـارض]

الاستاذ ابو سمر

صور الطير لم تكون بعيدة جدا حوالي 5 متر بيني وبينه وخفت اقرب منه اكثر يطير علي :D

وبالنسبه للحامل الثلاثي حطيته جنب عفشي وبحطه بالسيارة ولكن سبحان الله نسيته


والشاهي ماصبرت عليه ولا احتريته يركد ابي اصورة بسرعه :D بس كان منعنش وعلى كيف كيفك :good:


وبالنسبه للصور الاخيرة ما حبيت ادخل اي تعديل عليهم بالفتو شوب لاني ما اعرف له :(

كل الشكر لك استاذي وجزاك الله عنا كل خير

[ابو سمر]

أخي الكريم

الفوتو شوب سهل جدا ( صحيح حواقينه واجد ) لكن لن تستخدم بتعديل الصور إلا القليل من الحركات ، ومن السهل تعلمها ..

حاول تحميل الفوتوشوب 7 إم إي عربي

وحمل الصورة كم خيار ملف ( أي صورة تريد تعديلها أو تحسينها ) .

ثم إفتح خيار صورة ، وتجد عدة خيارت إختر منها ضوابط ثم خيار ( صبغة وإشباع ) وستجد فيها خيارات لتعديل الصورة أو تحسينها .

حاول على الصورة الجميلة للطعس الكبير وستجد الفرق الكبير ..


( شف تلقفت على عجل وطلعت بهذا الشكل ماشاء الله )


http://www.arab7.com/up/file/1133603152825.jpg

[ذيب الصحرا]

وش خليت برو1 افضل كميرات الكانون

[الكونترولCONTROL]

تصوير بالجوال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ تعبانه الصور شوي ---
لكن اختيارك حلو جدا

[بـران]

أفا يالعارض ؟؟؟؟
كميرتك من الكاميرات المسكتة ؟؟؟
وهذي صورك ؟؟؟
بس لا تاقف استمر و مع الأيام ستنجح بكل تأكيد
أسأل الله لك التوفيق و أن يكون تصويرك بما يرضيه

[الـ ع ـارض]

الاستاذ ابو سمر

النيه موجودة لتعلم الفوتوشوب بطريقه احترافيه بس نروق له شوي

ومشكووووووووور على اللقافه الجميله :d

[الـ ع ـارض]

ذيب الصحرا

والله ان شريها بالبركه ولا كان عندي عنها اي معلومه ولكن ولله الحمد طلعت من الكاميرات الجديدة


ومشكور اخوي على ردك

[الـ ع ـارض]

الكونترولcontrol

اي جوال الله يصلحك ؟؟؟؟


مشكور على ردك

[الـ ع ـارض]

بران

<=== غشيم ويتعلم لا تشرهه عليه مرررررررررره


والله يوقفنا جميعا لما يحبه ويرضاه

[جلوبلستار]

صور رائعه .. بس ياليت يوم صورة البياله استخدمت خاصية المايكرو عشان تطلع واضحه مرره .
. الصور كان حجمها كبير وصغرتها وتسبب في تشويش فيها .... الحل : صغرها باستخدام الفوتو شوب ثم اضغط ( حفظ للويب او الشبكه ) في الفوتو شوب ... ولا يصير فيها اي تشويش . و استخدم الحامل واستخدم خاصية التصوير بعد ثانيتين او ثلاث من ضغط زرالتصوير عشان ما يكون فيه اي اهتزاز .
شوف الصورتين الأخيرتين .... ليش صافيات ؟ ؟ السبب وقت التصوير ووضوح الشمس كان ممتاز ... يعني احرص على التصوير عند ميلان الشمس وبداية اصفرارها وخل الشمس عنك 90 او 45 درجه او بينهما . جرب مره ثانيه واحرص على الي قلت لك وشوف النتايج ... وآسف على الإطاله عليك .
والله الموفق .

[الكونترولCONTROL]

ما ادري هذا اللي شافت عيوني !!!!!!!!!!! و شف جلوبلستار شكله متخصص ما شاء الله .... و نفس رأي !!!!
و بالتوفيق !!!!!!!!!!!!!!!!!!!!!!!!!! اما تبي امدح و بس !!!!! ما احب المجاملة اللي تضيع اخواني !!!

[الـ ع ـارض]

جلوبستار

مشكووووور على نصائحك الثمينه استاذي

[الـ ع ـارض]

اخوي الكونترول

ما نزلت الموضوع ابي المدح على صوري لاني عارف نفسي اني غشيم تصوير بالعكس انا نزلتها ابي توجيهات ونصائح المتخصصين براك الله فيك

عموما احترم صراحتك جدا وان كانت حادة شويه بس اتقبلها بكل رحابة صدر اخوي

ومشكور على ردك وتشريفك الموضوع

[لمع السحاب]

والله الصور روعة وخصوصاً اخر صورة حفرة المصاقيل جاي الفوكس فيها ممتاز \\ كم قشطت منها ؟؟؟
عموما والله صور روعة يالعارض بس نتمنى لو كان فيها صور لرحلات الربيع !!!!!
تقبل تحياتي

[بودحيم]

مشكور اخوي على الصور