المساعد الشخصي الرقمي

مشاهدة النسخة كاملة : مشكله القار وشلون انظفه


ftsssfaa
13/04/2011, 12:40 PM
السلام عليكم ورحمة الله وبركاته
اخواني امس رحت مع طريق وكان الطريق مرشوش قار ولما وقفت لقيت الرفرف من الداخل متعبي قار وفيه اشوي على البدي وش الحل تكفون يالربع الجيب في اكس ار جديد ومعورني قلبي اخاف احط شي ويخرب علي الدنيا.
الطا مس
13/04/2011, 01:23 PM
وعليكم السلام ورحمة الله وبركانة
اخوي الرفرف من جواغسلة بستم وان شاء الله يرووح
اما الي على البدي جرب بالديزل اذا راح زين على زين
واذا ماراح الله لا يهينك ودة لتلميع الساطع وراح يطلع مئة بالمئة
ا س ع .. 222
13/04/2011, 03:16 PM
هلابك اخوي

نفس المشكله صارت معي

االبدي : شف المكان الي فيه القار وحط عليه بوليش خشن وافركه بقطنه الين يروح
همن حط عليه بوليش ناعم وافرك الماكن نفسه بعدين امسحه بقطنه نضيفه << لازم بوليش ناعم عشان ترجع لمعة البدي

اما الرفرف من الداخل بس يبي يتعبك شوي :

جبلك ديزل و خيشة رز فارغه او ليفه شفلك شي خشن وحط من ذا الديزل وافركه بالقطعه الي معك بس يبيلك
تفرك مره ومرتين وثلاث الين يروح ..

والطريقه الي قلتلك على البدي والرفرف من داخل مجربه على موتري انا ولا منها اي ضرر او تشوه لسياره
اتمنا اني افدتك بما فيه الكفايه واذا قصرك شي انا فالخدمه :)
الفياض***
13/04/2011, 03:45 PM
البدي افركه ببنزين
جمس z71
13/04/2011, 09:33 PM
الله يعينك.........

عندي نفس المشكلة..
شعيب فياض
13/04/2011, 09:42 PM
يقولون إن زيوت الطعام لها قدرة على الإزالة
وماهنا اسهل من التجربة
عقيل التميمي
13/04/2011, 11:53 PM
السلام عليكم اخوي حط قاز بقطنه وافرك القار وان شا الله يروح
الوسيطاء
14/04/2011, 12:20 AM
اخوي الحين القار مهب زي اول قوي يروح ان شاء الله لو تفركه بصابون
الفصول الاربع
14/04/2011, 04:09 AM
اخوي الله يعينك

انا ماحصلي موقف مثل ولا قد جربت الا مره قبل يمكن 3 شهور رايح بطلع موتر من التلميع ولقيت بانورما مرسدس جديد وجهه والبدي كله قاااار وسالت حق التلميع قلت وش سالفته قال ماشيء بطريق كله قار والموتر من تحت والبدي مليان قار قلت يروح قال ايه تعال شف والله اثرهم منظفينه من تحت وباقي البدي

والموتر رجع جديد

اذا ودك بالمحل راسلني على الخاص واعلمك

وبالتوفيق لك وللجميع

.
ftsssfaa
14/04/2011, 06:26 PM
الله يعطيكم العافيه على تفاعلكم
لاكن حليت المشكله بمبيد حشرات ريد ممتاز يزيل القار من البدي والرفرف وبعدها عسلته بستم راح كل شي
سالم العنزي
14/04/2011, 08:53 PM
صارت معي وحطيت ديزل وخليتة علي ما يخمر شوي وبعدين غسلتة بفيري لانة يصفر لونة لو ترك فترة اطول يجب غسلة بسرعة
أطلال نجد
14/04/2011, 09:11 PM
ريد ؟؟؟

يجب الحذر من استعمال البنزين أو زيت الفرامل حسب ما هو متبع ومعروف عند الأكثرية

لأنها قوية على البوية وتأثر على البوية وتذهب بلمعتها

الأفضل هو استعمال نسبة بسيطة من الديزل تخلط مع كمية من الماء ويتم تنظيف القار ( برفق ) بأسنفنجة يد ناعمة ثم يغسل المكان بالماء والصابون
((ابوملاك))
15/04/2011, 04:51 AM
والله يا طويل العمر حصلت لاخوي بفورد ونيت 96 كان عند مدرسته به قار والازفلت بعده جديد يصلح

وقم ادخل به ولبق وانزل وطلبه المدير مدري ليه وراح ووصخ فرشة المدير وغيروه

المهم ما علينا من هالموضوع علينا وشلون راح القار

قعد فوق السنه ثم جبت ديزل هو ما جاء على البدي جاء على الجنوط والطياس وعلى سقف الكفر من فوق على البدي يعني

بس ماهوب حديد

وفركته بخرقه

وخلصت

هو طياسه نيكل والله حق بوقت الفرك صار اصفر شوي بس غسلته بماء وصابون وراح الصفار بعده بكم اسبوع مدري يوم يعني فتره

الصراحه اني بثر !

مع السلامه ^_^
ftsssfaa
17/04/2011, 11:06 AM
الله يعطيكم العافيه على الردود
وارجو من الاخوان في الادارة اقفال الموضوع
بدر00
17/04/2011, 02:46 PM
صارت مع على سوبر بان على الرفارف من الداخل جبت بخاخ وعبيته ديزل ورشيته على الرفارف
وخليته شوي وبعدين تفركة في فرشة وبعد كذا غسلة بالمساء ويروح
والبدي نفس الشي بس مندون الفرشة تكون في سفنجة وبعدها بقماش تمسحة

ودمت بود
ابا سمري
17/04/2011, 03:23 PM
ليش كل هالمشوره رح اقرب محل زينه وخذلك كاورلكس << موب الي في البيت لا لون علبته صفرا حط بقطنه ومسح وخلاااص اسئل مجرب
فنجال شاهي
17/04/2011, 09:56 PM
انا حصلي نفس سالفتك بالظبط لكن ما سويت فيه شي خليته له وللزمن وفي اقل من شهر مع الغسيل والشمس اختفا القاااار