ايسوزو 2005جيب رودو

[abofalcon]

السلام عليكم ورحمة الله وبركاته
شباب ودي اشري سياره دفع رباعي تكون عمليه واقتصاديه وسعرها مناسب.
وشفت ايسوزو جيب رودو مديل 2005 ومخفضين سعرها بالوكاله صاير 80 الف وش رايكم بالسياره والي جربها الله يعافيه لا يبخل علينا بالنصيحه وهل هي اقتصاديه بصرف البنزين.
علما اني اباخذها اقساط وش الشركه الي سعر فايدها معقول وتعاملهم سمح.
وشكرا لكم مقدما. :p

[الربذي]

ابو صقر هلا بك او ابو فالكون مثل ماتبي المهم ياخيك انا خويك بالمشاوير طرحت موضوع مثل موضوعك عن الجيب حيث انه
مواصفاته روعه
مراتب كهرباء وجلد
مثبت سرعه
فتحة ورموت وكاله مو صيني !!! مثل بعض الناس
تماتيك القير شكله ظريف وحلو مو مرتفع
اقولك بالنسبه لاقتاصاديه البانزين فهو مثل الباث فايندر
سعه المكينه 3500 سي سي 250 حصان طبعا قوي جدا وعزمه رهيب
يعني تعبيه بحوالى 60 ريال يمشيك على سرعة 130 ـــــــــــــــ500 كم
داخل البلد 60 ريال تقريبا 420 كم
طبعا حلو لاتنسى انه جيب 4*4 6 سلندر وعزم حلو
لكن لم ينصحوني فيه ورد على واحد فقط تخيل !و لان تعاملك ب يكون مع الوكاله فقط وتخبر الوكالات نار وانت اسالهم عن قطع غياره يمكن رخيصه
اماالتقسيط فلا تتعدى البنك اقساط مريحه فوائد قليله
اما البقيه فلا اعلم عنهم شي اللي يقصدون اقصد !!

[abofalcon]

شكرا اخوي الربذي على المرور وعلى الرد.
اظن ان فيه موزعين بالصناعيه وعلى ماقريت في الأنترنيت قطع غياره ارخص من النيسان شوي.وقريت نشرتهم يقولون انه الوحيد في فئته الحقن مباشر ولا ادري وش يقصدون بحقن مباشر.
لكن وش البديل بنفس السعر والمواصفات.
شفت جيب نفس الحجم اسمه نافيتا من مستوبيشي سعة المكينه 3000 سي سي والقوه 188 حصان موديل 2006
قيمه 79 الف. واذا فيه شي افضل ليت الأخوان يدلونا.


الله يرحم ابونوره ويسكنه فسيح جناته واموات المسلمين و حنا واياهم

[عطارد]

السلام عليكم ورحمة الله وبركاته

يوم انك وصلت للثمانين الف شوري عليك تأخذ ونيت جمس غمارتين دفرنشين حوض قصير 300 حصان 6 لتر 8سلندر ويدسم شارك في البر وشكله رزه وحجام وقلاع ضروس وسعره 97500 ريال كاش ودبر عمرك

[nahham]

انا اشهد ان كلام عطارد صحيح

لكن انا يالغالي معي ايسوزو تروبر وهو روعه وقطع غياره لها ميزه انها اصليه واسعارها اقل من بعض السيارات خاصة القطع الداخليه

غيرت ديسك وكلتش وفحمه مع التركيب 850 ريال

اتمنى لك التوفيق

[الربذي]

شف اخوي هذا يرجع لك يعني انت تبي سياره ستاندر يعني دركسون وكزاز كهرب ودبل عندك الباثفيندر العاديه مره احد الزملا اخذه ب72500 وكاله من معرض بالقصيم (وكاله المقصود صفر العداد لم يستخدم ) اما اذا تبي مميزات اضافيه مثل فتحه مراتب جلد قير اتوماتيك فاضن انسب شي هو رفيقنا اروديو اذا قطع غياره رخيصه بس عيبه اذا طقت براسك طبيع اللي تبي تتبهذل يعني كل يوم رايح جاي على المعارض وممكن تتتوفق وتبيعه من اول ساعه بس هذا هو الاغلب للسيارات الغير معروفه بالسوق بس مع احترامي لاخونا عطارد الامريكي بوجه عام ماهو صبور يعني يبيله صيانه وكثير خرابات واسال من جربه ولي معه جيره طويييييله (اصلا يركزون اقصد الشركه جنرال موترز على القطع الاستهلاكيه حط حط واقرب مثل الشروكي ياكثر خرباته واحد طفى عليه فجاءه وبدون مقدمات وهو مامشى 3500 كم جديد ورفعه للورشه بسطحة
اشكر ترحمك على اخي ياخي رحمه الله واللهم اغفر لاخوننا اللذين سبقونا بالايمان

[yaser_2000]

السلام عليكم ورحمة الله وبركاته
اخوي دام انك وصلت ال80000 ريال خذ لاندكروزر 2002 6سلندر فل ابشن وارد بهوان تحصلهم نظاف بها السعر

[salehhd]

السلام عليكم

دامك وصلت لل80 الف انصح بالباث فايندر علية عروض ممتازة على موديل 2005 وتقدر تاخذ السيارة عن طريق المعارض

موتر قوي وشكل جميل وياباني اصلي ووقت البيع يجيب سعر ممتاز وزبونة جاهز وفي البر حطة على يمناك
المتسوبيشي ناس كثير مامدحوة والي جربة يقول عزمة ضعيف

انصحك بالاستخارة قبل كل شي ترى من استخار ماخاب

وانصح ترجع لهذا الموضوع يمكن يفيدك

http://www.mekshat.com/vb/showthread.php?t=39537

[abofalcon]

شكرا اخواني الي رد والي مر على الموضوع.
الحقيقه استفدت من نصايحكم وتعليقاتكم.
الله يجزيكم خير.وصلى الله علي نبينا وسلم

[salehhd]

حاظرين للطيبين