كم يبعد اقرب طريق عن قرية الحيرة (لخبراء الصمان)

[محب الشمال]

اخواني الاعزاء
السلام عليكم ورحمة الله وبركاته
اخوان عندي سؤال حيث كنت انا وبعض الاصدقاء الاسبوع الماضي في رحلة للصمان واخذنا جوله من الرفيعة على فيضة ام قرو وام صحن ووصلنا لين قرية الحيرة
لكن كنت ابحث عن طريق مزفلت قريب من الحيرة فقالوا لي الشباب انه مافيه طريق قريب مزفلت غير ترجع للرفيعة
فسؤالي هل هذا صحيح انه لا يوجد طريق مزفلت قريبت من الحيرة واذا كان هنا ك طريق فكم المسافه من قرية الحيرة وشكراً لكم
حيث انني اشك انه يوجد طريق مزفلت من الحيرة وصار تحدي مع الشباب انه اقرب شي تقريباً الرفيعة او منطقة ثانية بس نسيت اسمها

والله يحفظكم

[aziz99]

الاخ/ محب الشمال

إذا كنت رايح للرياض ...نعم صحيح اقرب لك الرفيعة ...وإذا كنت رايح شمال اقرب لك (طريق السفانية-طريق حفر الباطن) من عند بلدة (ابن شرارة ) وتبعد عن بلدة الحيرا -وليست الحيرة كما ذكرت- شرقاً حوالي 30-35كلم..........وإذا كنت تريد ان تسلك هذا الطريق متوجه شمال الى الحفر - المجمعة -الرياض فالطريق طويل ويقدر حوالي الى 800 -1000 كلم.


http://www.mekshat.com/pix/upload/images12/mk7852_hira1.jpg




تحياتي لك

[الســـاري]

اذا بترجع للرياض الاقرب لك تروح لاللهابه وليس الرفيعه
واذا بتاخذ طريق الحفر فزي ما قالك الاخ عزيز في الرد اللي قبلي بس ترا المسافه حوالي 500 وليس 800 كم

و سبق قريت في احد الموضيع لاحد الاعضاء ان فيه طريق من اللصافه الى الصداوي وهو تحت الانشاء ولكن فيه اجزاء منه مسفلته ..هذا يعتبر قريب جدا للحيرا

[محب الشمال]

الف شكر الاخ عزيز والساري
وسؤال يطرح نفسة كم الفرق بين الحيرا ويين اللهاب وبين الحيرا والرفيعة
وسؤال ثاني يطرح نفسة عشان تبين الرؤية اكثر ان شاء الله
كم المسافه من الحيرا عن طريق بلده ابن شراره الحفر لين الرياض ؟
وكم المسافة من الحيرا عن طريق قص الصمان للرفيعة او اللهابه لين الرياض ؟
صراحه انا مليت لما كنا رايحين وراجعين عن طريق البر حسيت بطفش فقلت مادام وصلنا للحيرا قلت نبي نرجع للرياض عن طريق اقرب زفلت خصوصاً واني اتوقع ان (((( الوقت نفسة )))) بالنسبه لجيمع الطرق لانه كمنا تعلمون ان الطريق البر تسوق السيارة بسرعة اقل من المزفلت


آسف على كثرة الاسئلة بس طامع بكرمكم بالاجابة
واكرر شكري وتقديري لاجابتكم ومروركم
والله يحفظكم ويرعاكم

[المبحوح]

فيه طريق السفانية القاعدة اظن قريب لها خاصة ان الدبيه سهل الممشى فيها