المساعد الشخصي الرقمي

مشاهدة النسخة كاملة : أفضل ورشة ببريدة أو عنيزة ... أفزعو لي تكفووون


جنوب حايل
16/04/2011, 04:58 AM
الســــلام عليكم ورحمة الله وبركـاته

الله لا يهينكم ... آنآ قبل اسبوع صدمت على موتري واالحمدلله على كـل حـال

صدمت مآصورة كهرب ... والصدمة قوية شويَ ، ويبي لهآ ورشة مضبوطه
المكينه سلمت .. المآصورة دخلت بين المكينة والرفرف اليمين .. ويبي لهآ وجهيه تغيير صدام كبوت ، زيك الهيكـل حق الوجهيه .. مع بعض القطع الميكانيكة مثل الاذرعه و غيرهـ ، وقوآعد الغمارة تكسرن ... مــوتري هآيلوكس 2007 غمآرة ..~~

والله احترت لي اسبوع .. أبي ورشـة ترجع موتري زي وكآلته .. مايهم السعــر ..
ذكرو لي رجآل شـرواكم من أهل بريده يقولون عندك ورشة ابو فهد او الحسون .. ومدري وين الخيـرررهـ


ولا عليكم امـررر ... آبي وآحد يعطينن الرآي الصحيح .. ومآخآب من آستشآر


والسـلام عليكم ~
saadqc
16/04/2011, 05:06 AM
الحمد لله على السلامة وماتشوف شر
وبأذن الله يساعدونك الإخوان
جنوب حايل
16/04/2011, 07:38 PM
الله يهديكم .. ولا وآحد رد ... :(
برايدوي عنيد
16/04/2011, 08:48 PM
هلابك اخوي

اولا الحمدلله على السلامه والله يخلف عليك


بريده :
ورشه الصيانه بالشارع التجاري, ورشه الحربي بطريق عنيزه .

عنيزه :
ورشه الحسون

الافضل انك تجي وتشوف شغلهم بالسيارات اللي عندهم

هذا ماأعرف وتقبل مروري.........
اكيف شي
16/04/2011, 11:51 PM
عليكم السلام ورحمة الله وبركاته
هلابك
الحمد لله على السلامه وماتشووف شر
زيااده على اخوي بريداوي عنيد فيه ورشة الضمان بعنيزه ومثل ماقال اخوي شيك على شغلهم قبل
والله يعوضك خيرر
أبوبسام 0104
17/04/2011, 12:06 AM
اخوي فيه ورشة ابوفهد المشيطي مقابل سوق التمورببريده لعبته تصليح الهايلكس الغماره يرجعه وكاله
وصاحبها شاب سعودي محترم وموجود داخل الورشه والله مااعرفه شخصيآ ولااعرفك بعد انت
بس حبيت اخدمك بما إنك طلبت الراي
والحمدلله على سلامتك
على باب الله
17/04/2011, 01:12 AM
نصيحة لوجه الله ليس لي بها فائدة إلا طلب الأجر :
بريــــدة : لا تتعدى ورشة الحربي طريق عنيزة بعد إشارة السالمية شمال ، والثانية ورشة دوكس بصناعية السليم .
عنيزة : مثل ما قالو الشباب الحسون
مودع الخلان
17/04/2011, 01:26 AM
ابو فهد افضل سمكري بعنيزه وتبي تدعيلي
riyadh5113
17/04/2011, 01:59 AM
وعليكم السلام ورحمة الله وبركاته
اول شي الحمد لله على السلامة وماتشوف شر
انا ريي وانا اخوك اول شي اذا تبي شغل نظيف تروح تشليح تشوف كم سعر الغامره كامله مع ارفارف او بس المقدمه لحالها اذا لك قدره تجي الرياض متوفره عند تشليح ابوفهد في الحاير كل الي عنده هايلوكس ولازم قبل كل شي تحسب تكلفت الموتر اذا زينته كم يكلفك هل هو يسوا هاتكلفه او انك تبيعه وقيمت الي يبي يكلفك تحط على قيمت السياره وتشريلك وحده نظيفه وهذا ريي وري الاول يرجعلك والله يوفقك
وتقبل مروري
قرم العيال
17/04/2011, 12:11 PM
اسمع يالغالي ورشه ابو فهد بعنيزة خذ ولد بالتعديل محترف لكن الرش هج عنه رش عند غيره


اما الحسون شغله طيب ايضا بعنيزة سمكره ورش وتراهم غالين كلهم
كديان
17/04/2011, 12:23 PM
الحمدلله على السلامه اجر و عافية و تكفير ذنوب ان شاء الله

ورشة الحربي و قبله من جنوب ورشة جيفر او جفار ماتاكدت من اسمه

الضمان

ابو فهد العجلان

الحسون اخبره قبل 7سنوات عمالة فلبينية الان مادري عنه
فارس العيون
01/05/2011, 02:12 AM
نصيحه من اخو عانى زي معاناتك ... لاتتعدا الحنيني وتراه ببريده حول الحربي شغله مجررررررم
Lover gmc
01/05/2011, 07:45 AM
اسمع يالغالي
اهم شي لاتقرب ورشه دوكس اللي بصناعيه السليم
كانت لي تجربه سيئه جدا جدا
لاشغل كويس ولا ملتزمين بالمواعيد وسعر عالي فوق فوق
ولو تبي اوريك سيارتي وشف البويه مختلفه عن باقي السياره
وباقي فيه اثار حرق
حسبي الله عليهم \ حسبي الله عليهم

وشوف الورشات اللي بطريق عنيزه
مثل الحربي وجيفار وجيفارا
هذولا 100% بس شوي غالي الحربي
وجيفار اللي قبل الاشاره
عدل لي عفطه بالكبوت
ماشاء الله رجعت مثل اول بس باقي المخش ولاصلحته ماهو لازم
سوبر VTC
01/05/2011, 03:06 PM
اسمع يالغالي
اهم شي لاتقرب ورشه دوكس اللي بصناعيه السليم
كانت لي تجربه سيئه جدا جدا
لاشغل كويس ولا ملتزمين بالمواعيد وسعر عالي فوق فوق
ولو تبي اوريك سيارتي وشف البويه مختلفه عن باقي السياره
وباقي فيه اثار حرق
حسبي الله عليهم \ حسبي الله عليهم

وشوف الورشات اللي بطريق عنيزه
مثل الحربي وجيفار وجيفارا
هذولا 100% بس شوي غالي الحربي
وجيفار اللي قبل الاشاره
عدل لي عفطه بالكبوت
ماشاء الله رجعت مثل اول بس باقي المخش ولاصلحته ماهو لازم

اذا البوية متقشعه تقدر انت تنقطه بنفسك و احسن من الورش و الوكالة
شف الرابط

لاهل الخبرة ماهو الحل في هذه الحالة ( خدوش في البدي ) (http://www.mekshat.com/vb/showthread.php?t=216287)


+

:: مشكلة المخوش في السيارة .. من يلقى لها حل:: (http://www.mekshat.com/vb/showthread.php?t=256379)
وسام الصافي
22/08/2011, 05:10 AM
من مجرب............. شركة دوكس
بصناعية السليم
الحق يقال كشخه تحس انك داخل وكالة تويوتا والا نيسان
حكاية التأخير او سوء العمل انا ما ابري احد لان حتى المصنع باليابان يخطي
والشركات العالميه تستدعي ملايين من سيارتها بأخطى واضحه
وبعديين فيه واحد مسوؤل بدوكس سعودي قمه في الأحترام اسمه هشام
متفهم جدآ ويقدر الكبير والصغيير
انا شخصيآ اشتغلت بسياتي جيب ربع واتحدى احد يعرف ان فيها شغل حتى المعارض
ومستعد اطلع صور عن سيارتي بس بدون لوحااات هههههههع
سويرعلي
22/08/2011, 05:18 AM
عليك بورشة الحربي ببريده طريق عنيزه
مجربهم وشايف السيارات اللي عندهم ...
مر عليهم وشف شغلهم
رااعي الفزعات
22/08/2011, 06:36 AM
الحــــمد لله على السلامه
ورشة الرسم ممتــــاااز جدا من واقع تجربه
القصيم بريدة
واذا بغيت الرقم اعطيك بالخاص
تقبل مرووري
قدر مكتوب
22/08/2011, 08:02 AM
اخوي الموتر اذا صدم ووصلت الصدمة للغماره وتكسرت القواعد باكر يبي يجي لك حذفية عشان ميول الشاصي لو 1 سم ثم تبي تروح تعدل شاصي ولا راح تلاقي احد يضبطة لك وسعر الشاصي نار وتركيبه على بدي موترك اغلى واغلى

لاتعتقد ان ابو فهد (الباكستاني) او الحسون هالمصري (ابراهيم ) او الثاني اللي بالورشة الرئيسية او حمد صاحب الورشة او ورشة العجلان والاتراك اللي فيها او ورشة دوكس وهالتركي اللي مغير يبيع هرج انهم يبي يفون معاك بكلامهم خصوصا لو صارت الصدمة واصله الغماره او داخله بين الشاصي والبدي لانه يمكن لو اعوجاج بسيط يبي يحتاج يضرب الشاصي حق الموتر بالنار لين يلن شوي ثم يسحبه ويجلس يسحب فيه (واسال اي انسان فاهم في ميكانيكا او تخصصه ميكانيكا انتاج , يبي يقولك بصريح العباره اي ماده تلين بالحراره تبي تتاثر وماتكون مثل اساسها السابق ) لذالك بالحوادث لاقدر الله او بنفود لو الموتر طار بردمية او بسيوف وجاء حمل الموتر جميع على الجنب اللي مضروب بالنار يبي يتاثر ويمكن ينطعج وترجع ياطير ياللي عاد مشاكل الشاصي كثيره وعويصة

انصحك لله وبالله بع موترك وزد قروشك واشتر واحد جديد ابرك لك واجد واكثر يعيش معاك

لاتصير طعم لاصحاب الورش خذها من مجرب والله اني ناصح لك
أبو صالح
22/08/2011, 08:18 AM
السلام عليكم
اولا الله يعوض عليك يارب ويخلف عليك بأبرك منها
وثانيا انا مع كلام الاخ قدر مكتوب باختصار اذا الموتر واصله الصدمة للشاصي بع موترك وريح عمرك اسأل مجرب والله ان تخسر دبل اللي بتحط فيها لو بتصلحها للاستخدام وانت بصرك وعسى ربي كاتب لك الخير فيها تكفير ذنوب وبدل الزين أزين منه
موفق خير
أبو صالح
22/08/2011, 08:21 AM
نسيت اقول اذا ناوي على التصليح عندك ابو فهد بعنيزة تعديل مهبول بس البويه لايقربك ولا رح للحسون بعنيزة ايضا غير كذا ماعرف لاببريدة ولا غيرها واتمنى تشاور قبل ماتصلح ابيلك الأطيب والله يعوضك ان شاء الله
كديان
23/08/2011, 07:25 PM
اذا الشاصي يحتاج تعديل
عندك ورشة الرقيبة صناعية الرواف

الموضوع قديم
أ ب و ع ل ي
24/08/2011, 05:21 AM
الحمد لله على السلامة
ورشه بهوان
شغلهم ممتاز وأكثر السيارات جيوب ربع وشاص
وهايلكس
رشهم للبويه ممتاز
abo noorh
24/08/2011, 11:59 PM
عندك ورشه أبوفهد بعنيزه والله يرجعون موترك وكاله بس تراهم غالين شوي
ذئب الخليج
27/08/2011, 07:59 AM
الحمد لله على السلامة
Lover gmc
27/08/2011, 09:18 AM
من مجرب............. شركة دوكس
بصناعية السليم
الحق يقال كشخه تحس انك داخل وكالة تويوتا والا نيسان
حكاية التأخير او سوء العمل انا ما ابري احد لان حتى المصنع باليابان يخطي
والشركات العالميه تستدعي ملايين من سيارتها بأخطى واضحه
وبعديين فيه واحد مسوؤل بدوكس سعودي قمه في الأحترام اسمه هشام
متفهم جدآ ويقدر الكبير والصغيير
انا شخصيآ اشتغلت بسياتي جيب ربع واتحدى احد يعرف ان فيها شغل حتى المعارض
ومستعد اطلع صور عن سيارتي بس بدون لوحااات هههههههع

يارجال تخيل رفرف فقط بـ 1400 ريال ؟

غيره بـ 700 بالكثير .. وانا توقعته على فخامته مجرم

طلع ماعندك احد والله

لايعرف يضبط البويه .. ولايعرف يعدل مثل الناس

وكل اللي اعرفهم دخلوها ماطلعوا سالمين

خصوصا هالسوري يسحبك بالكلام الحلو ويرفع السعر فوق

وياحبيبي مصنع مو ورشه !

فيه ورش ثانيه ماتسد احد اشتكى منها

خل عنك بس , فرق بين مصنع واجهزه يبي له سنوات تدرسها

وبين ورشها يمديك تصير احسن سكمري بـ اسبوع
حسين الحسين
27/09/2011, 10:59 AM
اااااااااااااااااااااااااااا