المساعد الشخصي الرقمي

مشاهدة النسخة كاملة : أرجوا المساعدة اللي يعرف كيفية تربيط السيارة يدخل ويشرح أسمع عنه ولآاعرفه


أبو سندس
16/04/2011, 01:23 PM
السلام عليكم أخواني بس حبيت أسئل اللي يعرف عن طريقة تربيط السيارة مثل الجيب الباترول كيفية تربيطة وش يغيرون وش يحطون بالتفصيل وأحسن ورشة تسويها لو تكرمتوا
كشات 64
16/04/2011, 02:21 PM
و عليكم السلام اخوي ابو سندس
التربيط يا طويل البقا و السلامة معناه شد كل برغي و مسمار بالسيارة من الصدام للصدام
بمعنى آخر :الحين بعض ورش الميزان يكون عندها تربيط بقيمة 100او 150 ريال بس تربيط و تشديد على ابو خفيف يشد لك براغي و مسامير الصدامات و مسامير الشاصي مع البدي و اذا كان هناك مسمار ناقص او مكسور ضبطه
و هناك ورش اخرى خصوصا السمكريه يشدون براغي السيارة كاملة
من الصدام للصدام من ابواب و رفارف الى آخره
و التربيط السنوي طبعا له فوائد انه يحافظ على السيارة و قطعها
فتلاحظ السيارة قبل التربيط احيانا لها قرقعه و اصوات ما تدري منين و بعد التربيط تروح هذا الاصوات و الله تعالى اعلم و احكم و بالتوفيق يالغالي دنيا و آخره:D
الوزير 111
16/04/2011, 02:41 PM
والله ما عندي خبرة الربع فادوك...
تحياااااتي الوزير 111
أبو خالد...
صبي هذيل
17/04/2011, 09:59 AM
والله يالغالي انا بعد ودي اعرف الجلد الي لابد انها تغير ومهم تغيرها ياليت يفيدونا الربع ولايهونون اهل الردود السابقه
أبو سندس
18/04/2011, 12:40 PM
يأخوان أناغيرت جلد بودي من الوكالة لجيب نيسان ربع ولا زلت أسمع قرقعة في الخلف مدري من أيش ومشكوريين على الرد
الليث الذهبي
18/04/2011, 01:10 PM
يا عزيزي انا منيب مقتنع بالتربيط احسنه سرقه دراهم ودمارا لسياره وبس
اذا ماتبي يصير في سيارك اصوات زينها اول باول يعني اول مايطلع صوت رح وصلح مصدر الصوت لان الموتر
براغيه مغريه من البلد فاذا شديتها فوق الازم انفك الغرا وعلى كذا مهب قاعد معك فتره الاوهو مرتخي وتخبر شوارعنا المزيونه
الامر الثاني غير الجلب من فتره لفتره يعني على حسب استخدامك اذا نضيف الموتر بيعيش معاك
اما والله تبي تجلد الموتر اكيد يبي يتطلق
واذا حسيت ان الموتر متطلق فغير الجلب
1-جلب المقصات الخلفيه والاماميه الي فوق والي تحت ويتطلب انك تغير المقص كله في بعض السيارة
2-جلب الدفرنسات
3-جلب عمود التوازن الامامي والخلفي
4-جلب كرسي الياي ويتطلب انك تغير الكرسي كله غالبا
هذا الي يحظرني وذا فيه جلب غيرها ياليت تذكرونها للفايده
كديان
18/04/2011, 01:31 PM
هنا الحل صور لربلات كراسي البدي

الفرق بين جلد البودي القديمة والجديدة في جيوب النيسان - منتديات مكشات (http://www.mekshat.com/vb/showthread.php?t=154375)



+
التاكد من كراسي المكينة و القير
كديان
18/04/2011, 01:32 PM
لمن اراد ان يسترجع نعومة الباترول والسفاري وكل الجيوب بانواعها ... (http://www.mekshat.com/vb/showthread.php?t=150687)
أبو سندس
23/04/2011, 11:27 AM
شكراً أخواني المكشاتية على المعلومات القيمة التي أفادة الجميع أن شاء الله