شريت لي هلي 2005 غمارة وأبية حق نفود فياجماعة الخير يا أهل 2700EFi لو سمحتوا أدخلوا [الأرشيف]

النفود الشرقي

04/12/2005, 04:08 PM

السلام عليكم ورحمة الله وبركاته

إخواني أصحاب الهايلكسات

شريت هلي 2005 :good:

2700EFi _سوبر_ هندل_دفرنس واحد_جديد ذيبن أمعط :good: :good: ;)

وأبي جنوط مرسدس (بس ياليت تكون سوداء)

وأبا أرفع وجهيتة

وأبا أركب كفرات خط

أما الترهيم خلوة علي

فلتر ودبة ومراوح وبخاخات

بس الجنوط وين ألقاها ووين أركبها؟ :confused:
الكفرات وش أفضل أنواعها ومقاساتها؟ :confused:
وش أركب مساعدات للوجهية؟ :confused:

أرجووووووو الإفادة بسرررررررعة الهي المرهم

والسلام ختام ;)

كبريت

04/12/2005, 05:26 PM

السلام عليكم مبروك السيارة بقولك اشاء انا مجربها اللي مو مجربة ارجو انك تعذرني

1- قلب العمدان وارفع الوجهيه 26 او 26.5 (( كل مارفعت الوجه صارت السيارة بطيه ))
2- ركب مساعدات مرسدس ((بلستين)) ((بس لا تركبها اللى عند واحد فاهم لانه اذا ركبها واحد مايعرفلها راح تتجخر عليك البدي اللي فوق المساعد)) (وذا تبغا اعلمك ورشة علمني ))
3- والكفرات ان كنت تبغا حقت رمل مافي زي ( الهانكوك ) اعتقد انها مقطوعة من السوق بس دور وان كنت تبغا رمل وحصى ((يوكهاما )) بس ترها في الرمل موب مثل الهانكوك بس احلى من غيره
4- مراوح الكهرب مراوح سوبارو وبرضه لاتركبها اللى عند واحد فاهم وان تبغا ادلك انا
-------------------------------------------------------
ونصيحة لا تركب اللي يسمونه فلتر ترا بتندم

ولا جنوط المرسيدس

والله يباركلك فية

النفود الشرقي

04/12/2005, 10:19 PM

مشكور أخوي أبو محمد

بس الي أنا أعرفة أن جنوط المرسدس تخلية راسي أكثر
وأبا أعرف , هل الموتر يبي يطلع مثل الي بتوقيعك؟
لأن شكل الي بتوقعك مطيح شوي وأنا أبية أرفع
علشان ما أنشب بالطعوس

بعدين عندي سؤال
ليش أندم إذا ركبت فلاتر
وأبي أستفسر عن البخاخات
وعلمني وش فيها جنوط المرسدس

معليش يالغالي أحس أني ثقلت عليك
بس مثلك عارف ((موتر جديد وبقراطيسة وأنا ما أعرف هالأشياء بالحيل لكن أسمع بها))

واسلم وسلم

شـهـاب

04/12/2005, 11:59 PM

انا اقول المساعدات ركب الصفر ( غاز )

والكفرات مثل ماقاللا تدور غير هنكوك او يوكوهاما

هانكوك انا مركبها قبل اسبوع يعني مو مقطوعه

لا ومركبها بـ 195

والوجهيه اقلب العامود ترتفع على الشكل الي تبغا

اما الدبه وغيره
فياليت لو ماتغير شي ميكانيكي

وانت براحتك

والسلام خير ختـآم

المميـز

05/12/2005, 02:09 AM

السلام عليكم

من ناحية جنوط المرسيدس مافيها شيء وكل راعين الهليات مركبين جنوط مرسيدس ويمدحونها بالنفود لخفتها

ومن ناحية فلتر الهواء/ كثير اللي يركبونه ومايضر السياره بس عليك انك بعد كل طلعه للنفود تمر بنشري وتخليه يفكه وينظفه لك

وبالنسبه للكفرات و الرفعه من قدام مثل ماتفضلوا الشباب اللي قبلي اعطوك شرح وافي

اما البخاخات اول مره اسمع انهم يغيرونها اللي اعرف انهم يغيرون البواجي ويركبون بدالها بواجي رياضيه واسلاك رياضيه
لكن البواجي والا سلاك مو مهم تغييرها

الاهم هو تركيب المراوح وبس

واسف على الاطاله

عزوز الليل

05/12/2005, 09:50 AM

الله يعطيك من خيره ويكفيك شره
بالنسبه للي قدام ركب مساعدات مرسدس وانت مغمض وقلب العمدلن عشان ترفع الوجه وافضل رفعه 25 وبالنسبه للي ورا ركب مساعدات vxrبس ترا يبيلها قص وركب لعابات حسب رفعتك الي تبي ان كانك تبي الموتر مشقول ركب مقاس20 وان كانك تبيه حليو ركب مقاس18 ولاتنسى تركب جلب قدام وان كانك راعي مراقى فأنصحك بتدبيل المساعدات الاماميه اما عن الجنوط فهي متوفره في الفرابي بس انتبه لأن اغلبها معدلها دورلك شي نظييييف واما الفلتر ان كانك بتنظفه اول ماتطلع من النفود فركب ولاتشاور واما الكفرات يوكوهاما لايعلى عليها فالنفود والشعبان وقيمة الكفر 230مقاس225/75 واما المراوح فسوبارو وارقد
ارجو اني ماطولت عليك
وان كنك من اهل الرياض بلغني عشلن اعطيك رقم واحد يركب مراوح ومساعدات ولعابات

كبريت

05/12/2005, 03:58 PM

الله اللي اعرف ان جنوط المرسدس تتعفط ولا راح تكون ارسى من جنوط الوكالة المرسدس يجي فيها رجه حتى لو رصصتها

اما عن رفعت الوجه اللي في التوقيع فهي 24 لاني كنت مسافر عليه اما اذا جاء الشتاء فعلطول ارفعه 26

وبالنسبة للفلاتر بتندم لانها موب مثل حقت الوكالة حقت الوكالة ما تدخل رمل اما الرياضي راح يدخل عليك رمل في المكينة ويجرح الجدران الداخلية (( وامكن اقول امكن انها تخرب البخخات))

وبالنسبة للبخاخات اللي تقول فما قد سمعت احد يغيرها

(( وزي ماقلتلك لا تركب فلتر وبه ولاتغير شي في المكينة الا اذا ودك المراوح))

اما المراوح فانا مجربها فايدتها
1- تبرد على الموتر في النفود
2- تقوي عزمه
3- يقولون انها تقلل صرفية البنزبن (( بس انا ما اشوف فرق ))

وان كان تبغا ادلك على ناس يسولك المساعدات والمراوح علمني

طخيمان

05/12/2005, 04:21 PM

أنصحك وان اخوك تركب جنوط دوج دوارة.

النفود الشرقي

05/12/2005, 04:57 PM

ما شاء الله عليكم
أثر الدعوا ماهيب هينة

أشكر أخوي شهاب على المرور والنصيحة
وتسلم يالغالي

النفود الشرقي

05/12/2005, 05:00 PM

شكرا لك أخوي المميز

وياليت والله تدلني على اللي يبيعون الأسلاك والبواجي

ولو أنها تظر بس بصرة أبيها للنفود و التسلي بمطاردة البعارين الي عند عمي

النفود الشرقي

05/12/2005, 05:02 PM

مشكور أخوي عزوز الليل على المرور والنصيحة

وتسللم يالغالي

النفود الشرقي

05/12/2005, 05:04 PM

أما أخوي أبو محمد ماقصرت وجزاك الله خير يالغالي

وبعدين تقول أنك كنت مسافر
يعني أكيد

180أو 160وتقدر تقول 200 :no: :no2:
الله يكفينا الشر وبس

النفود الشرقي

05/12/2005, 05:07 PM

تسلم يا أبو الطواري على المرور

وياليت تعطيني معلومات عن الجنوط الي تقول

أرجو أن أكون ما ثقلت عليك

كبريت

05/12/2005, 07:34 PM

هههههههههههههه

كانك عارف
وهذي الصورة وحنا راجعين من مكه

http://www.w6w.net/users2/21-10-2005/w6w_2005102114341732794efbb9293.jpg

nahham

05/12/2005, 08:13 PM

الله بعطيك خيره ويكفيك شره

انصحكم بعدم السرعه ترانا نحبكم ونبيكم معنا

الله يستر علينا وعليكم

ناصح

05/12/2005, 08:45 PM

يا شباب أحذرو من بعض التعديلات التي من الممكن أن تكون عواقبها وخيمة وخاصة المتعلقة بنظام توازن السيارة .
ثم الشيء الأخر المهم هو هذه الصورة

http://www.w6w.net/users2/21-10-2005/w6w_2005102114341732794efbb9293.jpg

ماهو الشيء الذي يدعو إلي السعادة أو الفخر بهذه الصورة .

ياشباب يجب أن نحكم عقولنا ونتعض من الآف الشباب المعوقين بسبب هذه التهور والطيش والجنون .

نسأل الله أن يستر علينا جميعا .

البرحه

06/12/2005, 12:06 AM

السلام علييكم

الشباب ما قصروا بس الظاهر ان الموتر غماره !!

عشان كذا لا تقلب العمدان ... القلب لازم في الغمارتين بس

وشكرا

@الزيرسالم@

06/12/2005, 12:24 AM

السلام تبي موترك حق نفود رتسب مساعدات مرسدس(بلاستين) قدام وارفع الموتر وقلب العمدان بس ترا بتلعب بك الحذفيه وبيلك ترصيص كل يوم ارفع الموتر بس لا تقلب العمدان ورتسب جنوط(غنيه عن التعريف) وكفرات عريضة والا فضل يوكو هاما واربط حزامك ومرني ههههههههههههههههههههههه

النفود الشرقي

06/12/2005, 03:21 PM

يا أبو محمد يا أخوي أعقل

كل هالطيران الله يكفينا الشر

200 تراني نبيك الله يسلم روحك

وأنصحك بعدم السرعة أمش
140بالكثير

وبالصورة أشوف البنزين فل شكلك توك طالع من المحطة صح

وبعدين تراها مخالفة قانونية

والسلام ختام

النفود الشرقي

06/12/2005, 03:29 PM

أشكر أخواني الذين تفاعلوا معي

والله يجزاكم خير

وأبا أسجل كل الي قلتوة وأبا أجرب مرة تلو الأخرى

وعندي ملاحظة للي يحبون السرعة
تراها ماهيب زينة أعتبر قبل أن تكون عبرة

وأقول للي عندهم عيال

((لا تسرع يا بابا في الإسراع ندامة))
وترا عيالكم لايستطيعون الإستغناء عنكم
v
v
v
v
v
يقالك جاب شئ جديد

وقبل مانقول السلام ختام

ظنكم أروح للقصيم والا شقراء؟
لتوفر كل شيء هناك
وكونة جديد أحسن

والسلام ختام

كبريت

06/12/2005, 04:59 PM

1- انا اسف ياشباب على الصورة هذي لكنها اصلا كانت اول مرة لني كنت ابغا اجرب الموتر وبعدها معد جبتها ابد ابد

2- ويا راعي الغمارة رح القصيم وتلاقي اللي يعجبك

النفود الشرقي

10/12/2005, 03:28 PM

تسلم يابومحمد

والله يجزاك خير
بس عندي مشكلة في الروحة للقصيم وهي
أن الوالد ماطاع ولا يبيني أروح
يقول توك صغير لاتعدى شقراء

عمري 17وصغير إلى هالحين
وش أسوي أمري لله
ورضاء الوالدين من رضاء الرحمن

وجزيل الشكر للذين شاركوا في هذا الموضوع
والسلام ختام