فزعتكم ( باث فايندر 2005 ) زين والا لا؟ [الأرشيف]

ABU-AL-3eeS

04/12/2005, 05:43 PM

بسم الله الرحمن الرحيم

ياجماعة الخير نويت لي على موتر وابي نصيحتكم

باث فايندر 2005 سمعت انهم بيغيرون شكله ب'06 وشكله ماهو ذاك الزود :rolleyes:

قلت اخذ ال2005 (جديد) اصرف

ومواصفاته (قير عادي - مراتب قماش-قزاز كهرب)

ياليت تعطونا اسعاره ومميزاته وسلبياته

لاني معزم عليه وابيه لهالربيع..

اخوكم عاطل

أبوناصر

04/12/2005, 06:06 PM

أنا رايي اشتر 2006 لأن مكيته بتكون أكبر حوالي 270 أو 280 حصان == 4000 ==

قناص الليل

04/12/2005, 06:45 PM

الباثفاندر 2006 تغير بالكامل و صارت مكينته 4000 .
لاكن عيبه ان السياره نازله بالحيل من الأرض و خصوصاَ الوجهيه ..

2005 مجرب ما فيه حوف ارتفاعه زين و ممشاه قوي و مكينته 3500 .

هذا ما لدي و الرئي الأول و الأخير لك ، و الله يكتب لك الي فيه الخير ..

الربذي

04/12/2005, 08:50 PM

توكل على الله وخذلك واحد وانا مثلك باذن الله تراه قوي وراسي ويسفط طبلونه وينزل تحت شوي حتى تخاف ان العداد ينقطع ولاانصح بالسرعه
لكن بس ابي اعلمك ان عزمه مهبول طبعا السفاري لايضاها يطلع على الكابرس اس اس في القومة (راهقنا في اخر زمن )!!!!
وبعدين جديد وانا باذن الله ابي اخذ واحد بس ابي اصرف اللي معي لان احد الزملا معه 2005 ويمدحه الرجال معي 98 فل كامل والكامل وجه الله ذو الجلالي والاكرام
محبك اخوك الربذي

ع.ف.الدرويش

04/12/2005, 09:03 PM

مساك الله بالخير..

اخوي توكل على الله وخذه تراه حلو.. لكن احرص على القير العادي ولا تهتم بالمواصفات إللي مالها داعي..
والله يوفقنا واياك لكل خير..

ابو فهد..

نمر بن حثلين

04/12/2005, 09:20 PM

توكل على الله واجزم لان سعر الموتر معقول جدا
وماظن الجديد بينزل اقل من مية الف اذا كان مهب اكثر بعد

بس انصحك تعيد التفكير بالقير العادي
خذ تماتيك تراه اريح بواجد لان اكثر استخدامك للموتر بالديره

وبالبر الموتر ما عليه نشيط بالحيل والقير حطه ب1 ويحبس عزم ولو تبي ترقى ام دباب رقاك :)

salehhd

05/12/2005, 12:42 PM

ABU-AL-3eeS

05/12/2005, 03:09 PM

يعطيكم العافية وماقصرتوا اثريتوا الموضوع بارائكم ,,

اكرر شكري وتقبلوا خالص الحب والتقدير

عاطل.

شاص

05/12/2005, 03:35 PM

حسب كلام بعض الشباب أن 2006 شكله مثل الأرمادا وسعره فوق 100 ألف . و2005 مع اثنين من ربعي ومابه أي مشكله

الربذي

05/12/2005, 04:29 PM

وغير كذا اول مديل يتغير مايرغب ولاتنسي ان 2006 يقولن نه امريكي وتخبر سي الذكر (الامريكي )
واحد معه ام الباث طبعا اقصد 2006 (((( ارمادا)))معه الهوب مامشى 10000 كم تخيل سياره جديده يقضى القماش ويحك الهوب ويخربه ما مشت 10000 كم لانها يمكن ثقيله حتى وان كانت !!هذا يبط الكبد
كنت ناوي اخذ من البنك اتصبر حتى اقدر اخذ اللاحاقي فوق ميه بعد اقل من شهر من الان بس الحين جاء النظام الجديد ((نظام موسسة النقد ))لايزيد عن خمس سنوات ولايزيد عن ثلث الراتب وطارت علينا خيره !!!

ABU-AL-3eeS

06/12/2005, 05:40 PM

شاص & الربذي

يعطيكم العافية

وان شاء الله لا رسيت على بر وشريته علمتكم :)

m666

07/12/2005, 01:47 PM

السلام عليكم
أبسألكم الفل كامل 2005 كم سعره
و السيارة مريحة وراسة بالخط وهل يصر بنزين وبكم تعبيه فل وكم يمشيك بالخطوط

بن نويشر

07/12/2005, 02:25 PM

طيب هذا بكم سعره ..؟؟؟

يـــــا شيخ أشتري باجيرو فل كامل بمواصفات ممتازه بهالقيمة ، ولا تقولي قطع غيار ما قطع غيار !! ترى النيسان فيه حقه من الغلى .. وعلى فكرة فيه عرض عند العيسائي على موديل 2004 جديد فل كامل بنفس مواصفات الـ 2005 و 2006 بس يفرق مقاس الجنط 2004 مقاس 16 والموديلات مقاس 17 وبسعر جداً خالي بــ89000 ريال فقط وألحق قبل لا تطير المواتر وترى المتسوبيشي حمار شغل وكرف وجره على الشوك وما عندك مشكلة .

وسلامي للجميع ..

ABU-AL-3eeS

07/12/2005, 03:49 PM

بالنسبة للباجير اخوي سنيدي

مشكلته العزم بديه كبير وقومته يالله تشيله من الارض وبعدين ماهو عريض كانك راكب شاص وانت تسوقه يعني رساوة مافيه

عكس الباث عزم وثبات وبديه شوي اعرض

هذا رايي والا انت وش تقول

Abo Nader

07/12/2005, 06:17 PM

السلام عليكم ورحمة الله وبركاته

أخوي لو تصبر شوي مدامه نزل الجديد

أنا معي 2005 و الله أنه جيد لكن أصبر وشف الجديد وش لونه و تريث و أستخر

m666

08/12/2005, 03:04 PM

ياشباب عطونا وجه وبعدين وش دخلنا بالباجيرو المروح

كشا(الجواء)تي

09/12/2005, 12:29 AM

في الحقيقة ما اقوى اتكلم لأني شريت باث فيندر 2006 قبل أربعة أيام وفي اليوم الثالث دخلت في نخلة المشكلة انهم عطوني مخالفة لاني خربت النخلة لكن الحمد لله ابشركم ماسار فينا الا العافية.

غضنفر

09/12/2005, 12:46 AM

كشا(الجواء)تي :
سلامات افهم من كلامك انك صدمت
عساكم سالمين بس
والله يعينك على قطع الغيار الي ما اظن ان كلها متوفرة

salehhd

09/12/2005, 01:29 PM

[QUOTE=black path]كشا(الجواء)تي :
سلامات افهم من كلامك انك صدمت
عساكم سالمين بس
والله يعينك على قطع الغيار الي ما اظن ان كلها متوفرة[/QUOTE

سلمات ان شاء الله والله يعوض عليك ويعينك

بس ماقلت بكم خذت الموتر

سدرك 90

09/12/2005, 01:41 PM

هلا اخوي ابعطيع الراي الزين والخيار لك بالنسبه لكونه عملي فهو عملي انشاءالله اما لقطع الغيار فهي متوفره واما مشكلة الباث فايندر الرئيسيه البزين والخيار لك .......:.

نازح البعد

10/12/2005, 01:23 PM

اخو عاطل انااقول اشتر 2005 اوتوماتيك افودلك كثير وقيمة حاليا 78000 فى معرض الهياس بجده[i][u]

ABU-AL-3eeS

10/12/2005, 03:53 PM

سلامات وماتشوف شر ياكشاتي

بلاك باث وش دعوى خاش بالموضوع ولاعطيتنا رايك بموترك :)

السؤال اللي محيرني لو اعبي فل بالباث وامشي سرعه 140-150 لمسافة 500 كلم هل يكفي تانكي والا لازم اعبي؟

الربذي

10/12/2005, 08:44 PM

اخوي عاطل لازم تعبي الا اذا الهواء خلفك فيمكن يوصل ك بس المبه لازم تولع لانه اذكر معي لايتجاوز 480 على سرعه 130 ـ140وتفلل 62 عندنا اذا ولعت المبه سعر البانزين 94.هلله وشوي

كشا(الجواء)تي

10/12/2005, 09:53 PM

[B]تسلم والله ياblack path وsalehhd وفي الحقيقة أني صدمت وابشركم سالمين اما عن قطع الغيار الحمد لله ماراح الا شوي من الوجهيه يعني المكينه سليمه 100% اما عن رايي بالموتر فالموتر نشيط جدا نشيط وفي الحقيقة ياشباب ولايطلع العلم لأحد ان سبب الصدمه هو انه ضغط على البنص مرة متعود على اللاند وهج الموتر وصار ماصار .

غضنفر

10/12/2005, 10:58 PM

كشا(الجواء)تي:
الحمد لله على السلامة
والحديد يتعوض
لكن من اين لك بباثفايندر 2006 علما بانه ما نزل في الوكالة ولن ينزل قبل 3 اشهر ؟؟؟؟
هل انت شاريه من برا ؟؟؟؟
وياليت تعطينا انطباعك عن السيارة ؟؟؟؟؟؟؟
والحمد لله على السلامة مرة اخرى

salehhd

11/12/2005, 11:10 AM

الحمد لله على السلامة

والله يعوض عليك

واسألتي نفس اسئلة الاخ بلاك باث

الربذي

14/12/2005, 07:18 AM

ياخواني انا رحت البارح للوكاله قالي قير عادي وفتحه ب86 الف دفعه 13000 ماهو مرتفع سعره ولا لا
وسوال لك اخي (كشاتي الجواء من اين اشتريته اكيد من برا اوانك باحد دول الخليج)

على ماعتقد كان 83 والحين مدري وش السالفه وش رايكم انتظر ولا اجزم
ولايوجد للون ابيض ميتاليك مخلص لكن انا هاوي الابيض الميتالك او اللؤلؤي ثلاث طبقات بصراحه جنان

جديد على البر

14/12/2005, 07:35 AM

السلام عليكم
الباث فندر فيه عيوب :
البنزين شششششششششششششرب على كيفك يعني كل 450كيلو خل دراهمك في جيبك ، لا وهذا بعد في السفر يعني خط وسرعه محدده ، والله يعينك داخل البلد ....

الموديلات التاليه من 2004-2005-2006أبعد عنهن...، أول عشرة آلاف ممشى أنواع الاصوات وتغيير (( المقصات ))
يابن الحلال ماودي أذكر تجربتي مع هالموتر ألي شريته من الوكاله بـ 93000 موديل 2005 وجلس 7أشهر وبعته 85000 وخلال ال7أشهر كل يوم عن يوم يزيد حقدي على النيسان ، لا والصيانه زفت لأبعد حدود ، و...و...و...و...و ألخ
أنا بصراحة ماودي أكمل لأني ماصدقت أنساه وأنسى همه ، .... حبيبي أنا الحين معي (( هـدد)) 2005 ، يارجال موتر
على اسمه هدد يهدد الجيوب الثانيه على كسر سمعتهم .. ، تسان دراهمك واجده خذه والله ماتحسف وشرط أن تقول قيمته قليله بحقه ....

العـابر

16/12/2005, 03:21 AM

اخوي عاطل
والله الباثفندر سيارة حلوة وانا معي موديل 2003 اتوماتيك الحمدلله ماشفت منه الا العافية ولا احد يقولك فيه و مافيه ترى الناس اذواق وفيه ناس مايعجبهم العجب ولو الموتر فيه عيب ماكان شفت الناس مالين الشوارع منه
والله يوفقك للزين .

ABU-AL-3eeS

16/12/2005, 01:03 PM

black path
بانتظار رأيك ,,

واكرر شكري لبقية الشباب على تواصلهم

salehhd

16/12/2005, 09:13 PM

ثانكي الباث مستحيل يمشين 500 كيلو

اذا مشاك على خط 400 بركة

وانا مجربة على خط قبل يومين المسافة 300 كليو تقريباً وباقي حول البربع