ابي شوركم يالعارفين بـ الباثفايندر ..

[أبرق]

السلام عليكم .. اخواني ..

في أول مشاركة لي في هذا المنتدى الطيب .. :good:

انا عندي باثفايندر 2002 .. وماشالله ماشي معي تمام .. لكن مشكلتي في الكفرات .. غيرتها 4 مرات تقريبا وبصدد أني اغيرها مرة خامسة .. لكن ودي آخذ شوركم في أحسن كفرات للباث .. :confused:

مع العلم اني استخدمت كفرات الوكالة ( برجستون ) لمدة سنتين .. لكن ما عجبتني .. وجربت العام الماضي كفرات ( تويو ) مقاس : 17/60/255 .. وأشوف انها جيدة نوعا ما .. ونصحوني ربعي أني اطقم ( دنلوب) ..
لكن ودي آخذ شوركم وشور العارفين بامور الباث .. خصوصا وأني احتاجها في البر وعلى الازفلت .. ;)

أطيب المنى ..

[الشقردي]

عليك بالدنلوب
يصلح لكل شئ
يكفيك انه يجي مع اللكزس LS شد بلد
ومع اللاند شد بلد
أنا معي لاند 98 ومن ذيك الحين وانا أغير دنلوب
وادخل هالرابط تلقى مطلوبك بخصوص الباث فايندر
http://www.mekshat.com/vb/showthread.php?t=29558

[أبرق]

تسلم يمينك اخوي الشقردي ..

ولا عدمناك ..

[قناص الليل]

اخوي العزيز أبرق .
بما انك جربت كفرات تويو يا ليت تعلمنى عنها ، كيف مشيها في الرمل و التغريز زينه والا لا (( الكثير من الأخوان نصحوني فيها )) لاكن بحثت عنها في المحلات وما حصلت شي يركب على الباثفندر جنوط 17 . و ركبت الدنلوب و ممتازه .

لاكن تويو والله من كثر مدح الناس لها قلت ودي اجربها لاكن ما لقيت جنط 17 .
يا ليت تفيدني في هذا الجانب .
ولك جزيل الشكر ...

[أبرق]

حياك اخوي قناص الليل ..

بالنسبة لـ تويو .. فهي ممتازه على الازفلت .. واذا نسمت في البر ما عليها كلام ..

لكن مشكلتها ان نقشتها على شكل 7 .. اللي اهل الخبرة ما ينصحون فيها خصوصا في الخليج ..

انا من ناحيتي ما شفت منها اي شي حتى الآن ولله الحمد .. وللعلم ان المقاس اللي عندي 17/60/255

يعني نازل شوي عن البرجستون حق الوكالة اللي حجمه 17/65/245 .. لكنه أعرض كما انت شايف ..

وتلقاها في محلات سلمان الخالدي في شارع الكفرات بالدمام اذا كنت من سكان المنطقة الشرقية .. وسعرها في حدود 550 إلى 750 .. انت وشطارتك ..

تحياتي لك ..

[قناص الليل]

اشكرك على هذا التوضيح .

و عرفت النقشه الي تقصدها (( صدقني ما تصلح للبر و بعدين الكفر ارتفاعه ما يساعد 60 )) اذا وجدت ارتفاع 65 افكر في تجربتها ..

و اكرر شكري لك ...