خشونة الgxr

[yaser_2000]

السلام عليكم ورحمة الله وبركاته:يالربع انا اول مرة اشارك في منتدى في حياتي بس شجعني منتداكم لما فيه من فائدة للجميع
وابي استشيركم بخصوص سيارتي لاندكروزر gxr اتوماتيك لاني يوم امشي بها احس بخشونة على الخط هي موديل 2000 وسيارات ربعي نفس الموديل 2000.2001 قالو يمكن من الكفرات او الدفرنس بعضهم قال من الشفت(( عامود الدوران)) عاد مشورتكم يالربع :confused:

[ناصح]

وعليكم السلام ورحمة الله وبركاته

هلا والله بك في هذا المنتدى

لكن ماهي نوع الكفرات التي انت مركبها ؟

[yaser_2000]

يل مرحبا اخوي ناصح " مركب كفرات ميشلان نقشة امريكية [i] بس الكفرات زيان وكل الربع حاطينها ماحد شكا منها في الامارات

وسارلي كذا مرة اسافر فيها الى المملكة وكله تمام

[yaser_2000]

,ويش ردودكم يا شباب

[حمد1234]

السلام عليكم اخوي تأكد من الكفرات اهم شي

[ابوعروب]

الجنوط ربما تكون صينية الصنع كما هي موجودة في الجي اكس ار الذي اشتريتة جديد موديل 2003 وارد شركة النصب والاحتيال شركة عبداللطيف جميل !!!!!!!!!!!!!!!!!!!!!!!!!!!!1

[yaser_2000]

السلام عليكم ورحمة الله وبركاته
اخوي حمد الكفرات مرصصة وموزونة تمام بس الخشونة احسها في الدفرنس وعامود الدوران. شيكت الصليب قالوا زين مافيه شي .
هي خشونة زي الي في السيارات القديمة يمكن من الدفرنس؟

[yaser_2000]

لا يابو عروب الجنوط وكالة حق موديل 2000 ما عدلت شي شي لا في المكينة ولا في البدي

[yaser_2000]

الجنوط ربما تكون صينية الصنع كما هي موجودة في الجي اكس ار الذي اشتريتة جديد موديل 2003 وارد شركة النصب والاحتيال شركة عبداللطيف جميل !!!!!!!!!!!!!!!!!!!!!!!!!!!!1

الجنوط اذا تعبانة ترج السكان (( الدركسون)) بس هذي الخشونة تحسها اكثر شي على دواسة البنزين

[مشغول]

اخوي ياسر 2000

حياك الله

معليش ماذا تقصد بالخشونه .. اخاف تقصد شيء والشباب يقصدون شيء ثاني

ليتك توضح اكثر

[yaser_2000]

السلام عليكم مشغول.
الخشونة اللي اقصدها هي في مشي السيارة على الشارع تحس بدوران الشفت (( عامود الدوران)) وكانه في ظهرك وعلى دواسة البنزين زي الارتجاج ماهو زي نعومة السيارة اول ماتشتريها . قالوا لي شحم العامود واللي قال في ربلات بينه و الدفرنس لازم تغيرها
و عاد احترت الحين!!! واحد قال ربط السيارة بس مافهمت له كيف؟؟