المساعد الشخصي الرقمي

مشاهدة النسخة كاملة : اذا معاك ربع وبنشرت وانت مسرع >>>


ذيب النجيل
22/04/2011, 12:31 AM
السلام عليكم ورحمة الله وبركاتة

اخوي صاحب الربع اذا كنت ماشي بسرعة عالية فوق 120 كم وبنشر عليك الكفر

اول شي لاترتبك ولا تمسك فرامل ابداً

ثبت الدركسون زين

ادعس الكلتش وعشق الدبل الخفيف ورجع القير من الخامس للثالث

وارفع رجلك عن الكلتش بشكل تدريجي لحد ماتحس الكلتش كل ماترفع عنه

وكأنك تهدي بالفرامل لحد ماترفع رجلك عن الكلتش نهائياً

وحاول تمسكه الخط لايطلع عن الزفلت

ولاتلف الدركسون بقوه وسايره مسايره لحد مايهدي

واذا نزلت السرعه تحت 60 تقدر تهدي بالفرامل بس شوي شوي لحد مايوقف

والحمد لله على السلامه

اتمنى اني افدتكم باللي اعرف واذا عندي خطأ صححوني / ليستفيد الكل
عبدالعزيز بن احمد
22/04/2011, 02:23 AM
معليش اخوي بس(اتوقع)خطا انك تشبك الدبل الخفيف وانت تمشي فوق 120 وفوق هذا كله تعطيه ثالث

...... قد تكون ابخص مني في هذي الامور لكن يكفي انك ترجع الموتر من الخامس الى الرابع او الثالث حسب سرعتك

....وجهة نظري ارجو تقبلها بصدر رحب والله يكفينا الشر ......... شكرا لك تقبل مروري آسف على الاطالة
عناز الحره
22/04/2011, 02:27 AM
جزاك الله خير
ولاكن بعض الاحيان يوم يضرب الكفر ترتبش ولاشعورياااا تجى رجلك على الفرامل
هنااا المصيبه:D
وبعدهااا تجود انت وعزبتك:eek::D:D
ملاعب البرد
22/04/2011, 04:31 AM
اخوي انا ماني معك
كما قال اخوي ابو عمعوم
من الخطأ انك تشبك الدبل رد الموتر في الرابع وبعدين في الثالث وان شاء الله
الامور كلها تتيسر
عآشق الحره
22/04/2011, 05:57 AM
الربع وانت مسرع فوق الـ 140 وبنشر ..افضل حل انك تتشهد ..
YOU1
22/04/2011, 09:01 AM
جزاك الله خير

ولاكن بعض الاحيان يوم يضرب الكفر ترتبش ولاشعورياااا تجى رجلك على الفرامل
هنااا المصيبه:D

وبعدهااا تجود انت وعزبتك:eek::D:D

:good2::good2::good2::good2: ما نزود علي كلامك شي...
طير جنون
22/04/2011, 09:16 AM
انا مع صاحب الموضوع

انك تشبك الخفيف وتهدي من الخامس الى الثالث

ومشكورر
صدى الاطلال
22/04/2011, 09:40 AM
اصلا يالله يمديك تقطب الطارة
اما شبكة الدبل اتوقع مايمديك وحتى لو امداك فاتوقع ماراح يشبك في سرعة عالية وحتى لو شبك اكبر خطأ لربما ساهم في انقلاب السيارة
مشكووور
ماجد الحايلي
22/04/2011, 11:02 AM
الله يعطيك العافيه
بس المشكله وين العقل
والتركيز اللي يبقي معك اذا
انفجر الكفر اما انا بريك مافيها
كلام الله يستر بستره
كديان
22/04/2011, 02:01 PM
الربع وانت مسرع فوق الـ 140 وبنشر ..افضل حل انك تتشهد ..

ههههههههههههههههههههههههههههههههههههههههههه

الله يكفينا شر السيارات و يعطينا خيرها
عبد الله 99
22/04/2011, 02:10 PM
الله يستر
لاكن هل فيها ضرر على القير و الدبل بما اني على سرعه كبيره
بحر غامد
22/04/2011, 07:16 PM
افضل حل لاضرب عليك الكفر
تحط السياره في الدبل الثقيل وتحط السياره
في الاول اذا ماقبل ادعس كلتش مرتتين وحط الاول بالقوه لو ينكسر القير
بعدين تضرب فرامل با اقوى ماعندك وترفع البريك على الاخير


لاحد يصدق تراي تمزح،،،،،،
اول شي تذكر الله
ثاني ترفع رجلك على البنزين ولو قدرت ترفع شوي شوي
ثالث شي تحاول ترجع السياره في تغيير اثقل من الي قبل لين تهدا السياره


ونصيحه يا اخوان لا احد ينسى يربط حزام الامان تراه
مهم مهم مهم مهم جدا جدا لسلامتك بعد الله×
زمان وطاف
22/04/2011, 08:28 PM
الربع وانت مسرع فوق الـ 140 وبنشر ..افضل حل انك تتشهد ..

:good2::good2::good2:
عز الله انك صدقت
وبالنسبه للي يقول لا تشبك الدبل وانت مسرع
اقول له..عادي تشبكه ماعندك مشكله
والي جرب الربع يعرف دبله
ذيب النجيل
22/04/2011, 10:56 PM
الله يستر
لاكن هل فيها ضرر على القير و الدبل بما اني على سرعه كبيره

ماأضن فيه ضرر وحتى لو كان فيه ضرر او ضرب القير والدبل مافيه مشكلة

فدا اهم شي تسلم من الانقلاب وتسلم بعمرك وبدال القير 100 قير ودبل
الساهر2003
23/04/2011, 12:10 AM
الربع خطر جداً في هذه الحالة
والافضل يكون تركيزك مقتصر على الطارة فقط وتفضي الموتر
واذا شبكت الدبل ؟؟؟؟ وغيرت لثالث ؟؟؟؟ الله يعينك على الطيحة والانقلاب
واحد من الشباب معه ربع تايوتا قديم جداً يقول ضرب الكفر وامسك الطارة ومن قوت الطارة لافه يمين وقفت في الغمارة
هههههههه حتى اثبتها
والله يكفينا شر الحديد
ربع 2009
23/04/2011, 12:38 AM
كلام سليم يا صاحب الموضوع 100%
برنامج
23/04/2011, 12:43 AM
جزاك الله خير
والله يستر على الجميع
ذيب النجيل
23/04/2011, 07:01 AM
نصيحه ياصاحب الربع خاصةً ويااصحاب السيارات الاخرى عامةً :

اذا ضطريت انك تسرع لاي سبب فلا تتعدى 140 كم ابداً >> هذا اذا كان عمرك غالي

واذا ماعندك شي يحدك على السرعة فخلك مابين ال100 وال 120 كم بالخطوط>> وكل مطرود ملحوق

وترا الي يمشي 120 كم والي يمشي 175 كم الفرق بينهم اذا مشو مع بعض

ان الي يمشي 175 كم راح يوصل قبل الي يمشي 120 كم بـ 5 الى 15 دقيقه وماهي مستاهله انك تغامر بعمرك
kh3
23/04/2011, 07:40 AM
ما عندي خبره بالموضوع لكن اشكر صاحبه وجميع من شارك




الربع وانت مسرع فوق الـ 140 وبنشر ..افضل حل انك تتشهد ..


والله انك جبتها






الله يستر
لاكن هل فيها ضرر على القير و الدبل بما اني على سرعه كبيره

يا الحبيب المسأله حياة وموت ... ما هي قير ودبل



وجهة نظر
mr.قهد
23/04/2011, 11:02 PM
يااخوي اذا عشقت الدبل وانا مسرع الدبل بيروح على ( بيخرب الدبل )
اخوي لاتعشق دبل ولا شئ اذ عشقته يخرب الدبل عليييييك!
انا ضرب على كفر وانا امشي 190 باالربع والله ستر علي ماسك الدركسون صح
ولا فرامل ولا شئ اعطيه نمره وعلى اقل من مهلي والحمد لله!
الصحافة 15
26/04/2011, 12:13 PM
الحمد الله على السلامة ياقهد ومو كل مره تسلم من الجره (190)؟؟؟؟؟ وجيب ربع
_TOYOTA_
26/04/2011, 12:32 PM
لا تسوي شي بس اقضب الدركسون حتى يهدى الموتر
راعي ندقان
26/04/2011, 12:43 PM
:good2::good2::good2::good2: ما نزود علي كلامك شي...
ههههههههههههههههههههههههههههههههههههههه حلوه ذي تجود انت وعزبتك اشكركككككككككككككككككككككك:D
تباشير
26/04/2011, 01:25 PM
انا بنشر معاي الموتر بعد تفتيش البطين

وكانت السرعه حولي 150

لاكن الله ستر وسلمت من الانقلاب بس حذف فيني ولصقت بشبك المزرعه

والمره الثانيه قريب من الحناكيه بس تحكمت بالدرقسون وسلمت ولله الحمد
أبوبانا
26/04/2011, 01:41 PM
الله يبيض وجهك يالذيب على الموضووع المثير للجدل والنقاش حتى تعم الفايدة ماقصرت ببيض الله وجهك
((ابوملاك))
04/05/2011, 12:07 AM
وين وين ياخوي

قل الدبل اوكي معقوله الدبل بلعنه بداله دبل

بس اما تدها بثالث

تبي تذبحنا انت

لو ترده لثالث كانك ماسك جلنط يبي يهج بك علطول

رده لرابع ثم ثالث ثم ثاني ثم اول

مهو تعطيه ثالث مره وحده !!!!
البناوي1
06/05/2011, 03:07 PM
اخي العزيز والله ما معك الا ان تتشهد فيمكن تنفعك يمكن بدل ما اعشق الدبل ارتبك واسحب الجلنط .واكون فعل ماض .
faisal400
06/05/2011, 10:17 PM
جزاك الله خير ياصاحب الموضوع
المشكله بالربشه = فرااامل ههههههههه
لأنها سبحان الله تجي فجأه وطوااالي رجلك على الفرامل
جيبي جايزلي
06/05/2011, 11:05 PM
الله يعطيك العافيه صاحب الموضوع

اهم شي فعل الاسباب والباقي علي الله

ربط الفرامل لابد منه بس فيه فرامل عن فرامل تفرق

تهدئه فقط مهوب تربط فرامل لين تطلع رجلك من الشبك

وبعدين التهاون في تغيير الكفرات امر خطير جدا

ولا يهمك منظر الكفر وركز اهتمامك بتاريخ الكفر وانا عن نفسي افضل تغيير الكفرات كل سنه
MOBILY
07/05/2011, 11:06 AM
الربع وانت مسرع فوق الـ 140 وبنشر ..افضل حل انك تتشهد ..

هههههههههه عز الله انك جبتها

والله انا معاي ربع شكلي ببيعه من يشتري :D

لكن ما نقول الا الله يكتب اللي فيه الخيرويكفينا شر الانقلابات
شعيب المليح
14/05/2011, 09:46 AM
الله يستر على الجميع
انا ماسك طريق القصيم والله امشي في حدود 160اي 180 جيب فكسار والامور كلها تمام كفرات جديده مالها 3 شهور والوقت كان برد والساعه تقريبا 8 صباح واطلع على كبري ملهم وفيه كان دوريات امن الطرق واربط الحزم واجيك مجلعد مع خط سدير رايح يم روضه الخفس وكل ما سقط على سياره قام يكبس بنور السياره حوالي 3 سيارات كلهم يكبسون بنور واقسم بالله وتوني ساقط على السياره الرابعه واتعدها بحوالي 50متر ويظرب الكفر وتعال دورني على طول السياره نزلت عن الخط والحمد لله ان الارض بياح مافيه حفر او شعبان والحمدلله الاضرار الصدام الامامي والشمعات من قوته الضربه في الارض اول ما نزلت من الخط ووقفت السياره عن الخط حوالي كيلو نصف او اكثر انا في السياره قبل ما يضرب الكفر كنت لهي بالجوال وماسك الدركسون بيد وحده الجوال لقيته في الشنطه وجاني واحد من السيارات اللي كانت في الخط الله يجزه خير