استفسار عن السوزوكي

[ابومحمدالراحل]

يالمكشاتية حبيت أستشيركم في جيب السوزوكي وش رايكم فيه م 2004 الحجم الكبير :j

وش رايكم يعني يدخل الصمان ويجوب الفياض فيه وألا :no2: ياليت تعطوني عنه نبذه في السلبيات والإيجابيات حقته
لمن عنده خبره عنه .
تحياتي لجميع أعضاء مكشات الذين أتحفونا بالفوائد المكشاتيه

[قناص الليل]

حياك الله اخوي ابو محمد الراحل .

السوزوكي الكبير (( كمواصفات مكينه زين اذا كان الــ6 سلندر )) .

و احب اهمس لك بهمست اخ لأخيه (( ارض الصمان لا تعتبر مقياس كافي لقدرات السياره >> طبعاَ هذه وجهة نظري الشخصيه )) .

زيادة على المكينه القويه اضف ارتفاع السيارة عن الأرض و نوعية الكفرات و حجمها .
لامنك شقيت النفود و الغراز والا ديورت في ذاك الشعيب الرباضه و طلع الموتر فهو ينشد فيه الظهر .
اما موترن نازل و لو يطب اول النفود تعلق >>>>> وشوف عيني و كثيره هي السيارات النازله و للأسف حاطينها دفرنسين و على طول تعليقه في طعس و كله سكك مطروقه للجيوب الصاحيه ..

الصمان الدفرنس الواحد يدخله >>>> لاكن فياضه وقت السيل خطيره حتى للدفرنسين لأنه الطين ما يلعب ابد.

و الشور شورك يا طويل العمر ، و المعذره على كثرة الكلام لاكن كلمة و حبيت اقولها ....

اخوك المحب .
قناص الليل ....

[ابومحمدالراحل]

الله يجزاك خير أخوي قناص الليل على الرد الجميل
لكن وش رايك أرفعه وألا
وإذا رفعته وش تنصحني والأخوان المكشاتيه به :confused:
جزاكم الله خير الجزاء على ماتقدمون من معلومات قيمة :

[قرم]

السلام عليكم ورحمة الله وبركاته

يا أخي محمد . خالي معه 2003 سته سليندر يشتكي بالحيل من صرفه للبانزين بالدرجه الأولى غريبه!!!!!

ثانياً شكواه كذلك من إنخفاض السياره وإقترابها من الأرض .

ثالثاً وهذا إعتقادي أنا انه ضعيف بالعزم ولا يصلح للمغامره . لكن يا أخي حاول تستاجر مثلها من اي شركه تاجير يوم اواكثر وبعدها قرر والله يوفقك ويرعاك.

[ابومحمدالراحل]

نريد من الإخوة تزويدنا

[nahham]

عند رفيقي واحد مثله ست سلندر

باختصار ما ينشد به الظهر

اضف الى ذلك - الله لا يقدر - لو تعطل معك خارج المدن الرئيسيه انسى تلاقي له قطع غيار حتى لو خرطوش

بالتوفيق

[ابومحمدالراحل]

ياأخوان أنا شاريه بس أبي رايكم هل أغزي به أو لا
الرجاء عدم إهمالي لإني أبغى أطلع به قريب
وشكرا

[بواسامه]

اخوي بومحمد
الموتر ينشدبه الظهر للصمان
وللمعلوميه لو معك كامري تقدر تدوج الصمان كلها
ارض الصمان شوف عيني فرود وكوابرس وكاشتين
اما النفود
فالموتر ماهو اخو شما وهو يتعلق بسرعه
لسببين
طامن وقريب من الارض بزياده
بعد الكفرات الاماميه عن الخلفيه
فابهاتين الصفتين جمع مساوئ التطعيس

اما الموتر ممتاز والفاس بالراس
عموما لا تتردد بأي مكان
كلش بيوصله بأذن الله