الفزعه ياشباب اريد الحكم منكم

[عاشق ديرتي بريده]

من يوم الأثنين ونحن على وعد لطلعة صيد يوم الأربعاء والرجوع عصر الجمعه

جاء وقت الطلعه حملنا الاغراض وتوكلنا على الله

وقفنا اخر العصر ونزلنا الاغراض وكانت الاجواء اكثر من رائعه

ضبطنا الشاهي والقوه وقعدنا نتقهوى

المهم فجر الخميس قمنا نصلي والاجواء لا تبشر بخير

زاد الغبار والهواء وصبح المزاج تحت الصفر !!!

اخذنا كم دوره قبل بزوغ الشمس ولم نجد مايستحق اخراج الشوزن

رجعنا نفطر واثناء الفطور طرحت فكرة الرجوع فالاجواء لاتساعد على الجلوس

الكل مقتنع أن الاجواء لاتستحق الجلوس

ولكن مكابرة بعض اهل الصيد اجبرتهم على الرفض حتى امير الطلعه رفض الفكره

مسكت برأسي وقلت كلكم على العين والرأس بس اسمحولي ارجع

رفض الامير وقال مانسمح لك

حاولت الجلوس ولكن المزاج من اردى الى اردى

فركبت السياره وقلت عن اذنكم ورجعت

المهم جلسوا الى الجمعه ولم يستمتعون بالصيد بسبب الاجواء

واتصلت على احدهم وقال كلهم زعلين عليك وجهز الحق !!!!

قلت ابحط الموضوع بين ايديكم ياشباب وقولوا الحق

انا مخطي باللي سويته والا هم المخطين بجلوسهم !

دلوني هل يستحقون الحق او لا وهل لهم الحق بالزعل !

ارائكم تهمني وراح اسوي اللي تقولونه

تراني ماحب النكد والغثاء لاني دايم اقول ماخلقنا لهذا والكشته كانت نكد ,

[s2009]

انا اتفق مع اخوياك
ويلزمك الحق
يعني تروحون جميع وترجعون جميع بختصااار
الى لظروف اجباريه ارجع

[bu hadi]

هلاابك ياخوي

اسمع وانا اخوك وبغض النظر عن المزاج او تعكر الجو

الخوة هي الخوة

ومدامكم حطيتو عليكم امير فمعناها الأمر لة

انت اخطيت وانا اخوك برجعتك وتخليك عن اصحابك

هذا خطاء كبير ويحز في النفس انك لا طعت الأمير ولا طعت اخوياك ورجعت من تلقائي نفسك

ولهم الحق يزعلون عليك او حتا معاد يودونك معهم

بصراحة مع اسفي للي صار الخطا راكبك يا خوي مافية شك

انك تروح وتهمل اخوياك تراها كبيرة وليتهم سامحين بعد الا رحت غصب عنهم

مالك الأ الأعتذار منهم واحد واحد وعساهم يقبلون اعتذارك

هذا مالدي ويفيدونك الأخوان

[موضوعي]

اللي اشوفه انك مخطئ ، فالاخوة والزمالة على الزينة والشينة إلا في حال العذر الطارئ ونحوه ،


v

v


v

v


بس متى الحق ان شاء الله ولاتنسانا معاكم ،،،،:p:p:p

[سوبر152]

انا اتفق مع اخوياك
ويلزمك الحق

[عاشق ديرتي بريده]

انا اتفق مع اخوياك
ويلزمك الحق
يعني تروحون جميع وترجعون جميع بختصااار
الى لظروف اجباريه ارجع

والله لو كانت الاجواء تساعد كان على العين والرأس

بس الاجواء من شينها القميري ماجاء

والله سبحانه وتعالى يقول ( ولا تلقوا بأنفسكم إلى التهلكة)

<<< زبن الدين :D

يعطيك العافيه s2009

[فهد بن مشبب العاصمي]

الخوي لو صار ماصار مايترك خويه ..
أنت رحت معهم أكيد تعرفهم ولاانت مغصوب على الروحة معهم .. دامك جاي برضاك فخلك مع ربعك وتحمل وانا اخوك .. ياما وياما سافرنا مع ناس سفرات طويلة ويرفعون ضغطك وودك تخليهم لكن لازم الواحد يتصبر ويسمع كلام الامير اللي وافق على أمرته ... والصبر زين لو طال

[رجلن شجاع]

gpr الحق راكببك مثل ماقالوا الريالجيل

[كبدالبعير]

الحق راكبك راكبك
وهذي مهب خوة الخوه على كل شي ولا اتركهم من البدايه ليا رحت لين تروح معاد فيها رجعه الا مع بعض الا في ظرف طارئ مهب مزاجك وتخلي خوياك على المزاج
تبي العلم والله مدري كيف خليتهم
ولا ادري كيف لك وجه تقابلهم الله يعينك عليهم
تقبل رايي بصدر رحب

[F34666]

الحق ماركبك ماركبك

اميركم متعنت وعنيد ولايراعى الظروف المناخية للرحلة المفروض يحرص على راحة وسعادة اصحابة ولاهي شرع الواحد لاطلع للبر الاربعاء مايرجع الا الجمعة هذي اسمه دعدعة ومهايط انتم طالعين للونس وليس للكسافة والتعب خلاص الجو والصيد مايساعد المفروض الاخذ برايك والرجوع وتعويض الطلعة بطلعة ثانية

[الشهرااااااني]

الله يهديك كان اصبرت شوي وجلست معهم .. وهذا هم ما صار لهم شئ .. لانكم ملزمين بكلمة اميركم الله يهديك والا كان سايرته لين يوافق ورحتو سوا .. يالله اعتذر منهم والله يعينك .. تحيااااااااااااااااااتي ..
تقبل مروووووووووووووووووووووووووووووووووري .. واسمحلي ..

[أهم 1]

الحق ماركبك ماركبك




اميركم متعنت وعنيد ولايراعى الظروف المناخية للرحلة المفروض يحرص على راحة وسعادة اصحابة ولاهي شرع الواحد لاطلع للبر الاربعاء مايرجع الا الجمعة هذي اسمه دعدعة ومهايط انتم طالعين للونس وليس للكسافة والتعب خلاص الجو والصيد مايساعد المفروض الاخذ برايك والرجوع وتعويض الطلعة بطلعة ثانية

:good::good::good::good::good:

[الشقردي 999]

هذي مو خوه اكيد انت الغلطان

[اسد الطوارق]

1- يا حبيلك يراعي بريده ويازين سواليفك ومواضيعك ودي (امطخك) للي ما يعرف يعني اقبلك على راسك.

2- ليس لاحد منعك فأنت حر ولستم طلاب مدرسة حتى يتم منعك او في عسكرية.

3- الامير لابد ان يراعي جميع الافراد ولا يقدم هواه على غيره.

4- الخوه لابد ان تحترم وتقدر لانها من العقود وثيقة الصله ويتحمل الانسان من اجل اخوياه ولو كانت الدنيا زلازل.

5- الخطأ مشترك بينك وبين الربع فهم عاندوا ولم يأخذو بالمشوره وانت خالفت جماعتهم.

6- المطلوب الان منك عزيمتهم او عشاء خفيف (من التيس وانت طالع) تقديرا للخوه اللي بينكم.

7- المطلوب الان منهم ان يقبلوا دعوتك واعتذارك وان مالبوا النداء فبسلامتهم انت من طريق وهم من طريق لان اللي مايقدر ظروف الاخرين لايستحق المصاحبه.

8- الاعتذار من شيم الكرام وليس فيه تقليل من الشأن.

9- الواقعه اللي حصلت لكم دايم تحصل لنا ولغيرنا وان كان فيها اختلاف بسيط.

10- مثل هذه المواقف لا تجعل للشيطان فرصة للتفريق بين الاصحاب فهو لم يقتل اباك ويقذفك او يسرقك فالامر بسيط جدا.

11- وبكل صراحة لا الومك ولا الومهم فكل واحد منكم له حق ووجهة نظر.

12- اذا كل اخويا بيتزاعلون عشان مثل هذه المواقف ماراح نلقى احد نطلع معه.

13- عن نفسي ما احب الحركة هذي ابد ان احد يرجع بس اني ما امنع احد من الرجوع اذا احب ذلك.

14- احسنت باستخدام المشوره وطرح الموضوع في مكشات.

15- مبادرتك طلب النصح وانك راح تفعل ما يشير عليك به رواد مكشات يدل على نبل اخلاق.

16- اللي راح يحملك الخطا ستجد انه مر بمثل موقف اخوياك واللي راح يحمل اخوياك الخطأ راح تلقاه مر بمثل موقفك فلا بد من الانصاف.

17- موضوع رائع والاروع منه اللي تحمسوا معك (الظاهر انهم بيضربون اخوياك).

18- يالله مع السلام ابروح اتعشاء.

[ابومشعل3]

انت غلطان مادام انكم جماعة انت معهم الحق عليك :no2:

[wrs3975]

شكرا لك على هذا الموضوع الجميل .....في رأيي أن كلا الطرفين مخطءبالنسبة لك أنت مخطء لأنك تركت خوياك وذهبت بمفردك ... وهم أيضا مخطؤون لأنهم لم يراعوا الظروف الطارئه وكان من المفترض على رئيس الرحله أن يكون أكثر مرونه وينظر إلى الأرفق بمن معه هل هو العوده أم البقاء في هذا الجو.... وعلى كل حال إحرص كل الحرص على أن تكون علاقتك بأصدقائك قويه لأنه من الصعب أن تجد صديقا ولكن من السهل أن تفقده ....وأخيرا أنصحك بأن تلبي طلبهم حتى ولو لم تكن مقتنعا بذلك ... أكرر شكري وتقديري لك

[سليمان الربيعان]

الامير هو الغلطان الدعوه مب عناد
وثاني شي الامير محطوط التحكم بالرحله وليس بالاشخاص
مثال ((لو واحد مشتهي ببسي وقال الامير لا خذ ميرندا برتقال واخذ ببسي نقول عليه حق ))

[الصحافة 15]

يا رجال أنت كريم وربعك يستاهلون فلذلك قم بالحق وما يلحق والأمور سهاله

[ابن حلاسه]

والله لو كانت الاجواء تساعد كان على العين والرأس


بس الاجواء من شينها القميري ماجاء


والله سبحانه وتعالى يقول ( ولا تلقوا بأنفسكم إلى التهلكة)


<<< زبن الدين :D



يعطيك العافيه s2009



يا حبيبي وسع صدرك والبر ما بوه الا سعه الصدر وشوله الغلقه الله يحفظك ويرعاك واذا بوه غبار ومابوه صيد وش يصير يعني اهم شي الرفقه الصالحه والوناسه

وترى الحق عليك مافيه كلام ولا تتنازل على ربعك وخوتهم علشان طفاس دنيا اعزمهم وقل لهم انا الغلطان وهذا مهوب حقكم بعد ومن هالحتسي الزين ، وحتى لو بوه نسبه غلط بسيطه عليهم لازن تتغاضى عنها والامور تمشي والدنيا سهالات
الله يعينك على ذاك اللباني اللي يحبوه قلبك وترى منب مسامحك انا بعد الا اذا جبت الحق وعزمتن معهم هههههه

وعلى فكره تصحيح الايه قوله تعالى: { ولا تلقوا بأيديكم إلى التهلكة } (البقرة:195)

الله يحفظك ويرعاك ويعينك على قيمة الحق

دمت برعاية الله

[كديان]

والله لو كانت الاجواء تساعد كان على العين والرأس

بس الاجواء من شينها القميري ماجاء

والله سبحانه وتعالى يقول ( ولا تلقوا بأنفسكم إلى التهلكة)

<<< زبن الدين :Dهههههههههه زبن الدين الله يرجك :D
اسمع يالقصمنجي بريدواي :D:pهههه
به مير نيم . بتسم هوبه اذ ؟ اولاه :p
ياخلفهم 3 من ربعي طبعا ببريدة و كلهم كبار سن اعمارهم فوق ال39سنة
و متزوجين الان
طبعا راعين كشتات من يوم هم صغار لجهة الدهناء

اذا عجت و هم بالبر على طول دقوا سلف و رجعوا لبريدة
واحد منهم يقول مالك و مال الغلب قاضين من الشقى و الغرابيل عجت ما عجت
حتى مرة من المرات ارجعوا بالليل الساعة 11بالليل
يقول العج و الهواء قاضين منه ما يلزم ارجع للديرة اوفق
يقول منتب ملزوم ينتفخ راسك هواء و عج يشخف مع الاذن و ينفخ الراس

من وجهة نظري انك تنام بالموتر و تحمل العج :p
و اذا ما خف العج اعتذر و انسحب للديرة الشكوى لله

الا تعرف ترمي ؟ :p شكلك معك ام صتمة صينية :p:Dههههه

..........


وان جيت اعشق وقرضت ايدي مروحة الجهاز من يجيب لي لزقه :D
هههههههههه انت معاشر عجز ؟ :D:p

[goldenrife]

:alarm:والله الخطاء مردود دامك تعتذر اما انك تاخذ ارئنا وما تقوم بالواج هذي عيب وكبيرة في حق الشيب:alarm:

انتا اخطيت والحق حق:butt3:

[عضو معاصر]

أقول وأنا خوك عط الرياجيل الحق

والله يعينك

[راعي8100]

خويك ألي بالشقا ما يخاويك ... أضرب عليه اكس وأشطب بيانه


الحق راكبك وانا اخوك وخوياك يستاهلون تذبح لهم ..

[wafi5665]

الله المستعان هي غصب
اصلاً وش الغرض من الكشته...مهي الوناسه
ناس تونس بالعج عساهم على القوه...واللي مايبغ العج نزعل عليه سبحان الله

[الخطيييييييير]

1- عليك الحق انك تعشيهم
2- لنا حق انك تعشينا لانك من اعضاء المنتدى وسويت الحركه هذي ههههـ


ياشنب ما ادري عن أصحابك كيف اذا هم بالحييل زعلانين شد حيلك والحق الحق

وجهة نظري ---> لو طلعنا 6 اشخاص نتمشى او اي مشوار اذا رجع واحد بسس اشوف ان الطلعه اختلفت واجد لدرجة اننا نروح كلنا أوقات
ممكن هذي وجهة نظر أميركم والله أعلم


العلم الوكاد شد حيلك والله يعينك على الحق

الله يسهل أمرررك

[النقاويss]

لا تنسانا والإ ركبناك حق ثاني

قم بالحق والدعوا خوه مهيب روحه لشارع تفرون فيه وترجع متى مابغيت

ولو اخوياك ليسوا اكفاء ورجال يعرفون المواجيب كان مرت عليهم مرور الكرام ولإ زعلوا.

[Al-harbe]

والله شوف يأخي لو ماحطيتوا أحد أمير عليكم كان عادي تروح لاكن أنت بحكمة أميركم

[(((.ابوتميم .))))]

وانا اخوك اذا كانو ضايقين منك قم با الحق كلها نعيمي الحمد لله الخير واجد
وياليت انتظرت والا رحت نمت في حدا المواتر الين تفرج والا توكل على الله وامش
وانت الي تشوف
تحياتي

[راعي ذرف]

اول شي الله يهدي الجميع
الخطا على اختيار امير الطلعة لان الاجواءهي اللي تحكم ولم يقدر الموقف بعدين الجو غبار غير صحي
والخوي مايخلي خويه لكن مادام الامر صار فيه تكابر وتعالي فالامر منتهي
ايضا يحكم الموقع اذا كان بعيد عن الديرة الوضع يختلف وقت الرجوع مخاطر الطريق وووو
بعدين اذا انت فعلا اخطيت بتركتك لخوياك فهم كيف سمحو ان خويهم يرجع لحالة وصارله شي لاقدر الله
وايضا خويهم مشى وهو زعلان
الخطا اولا على امير الطلعة واختياره امير بغير محلة
وهم مخطؤن كيف خويهم يمشي من عندهم لحاله وهو زعلان
انت ماعليك شي

[سليمان الربيعان]

الله المستعان هي غصب

اصلاً وش الغرض من الكشته...مهي الوناسه
ناس تونس بالعج عساهم على القوه...واللي مايبغ العج نزعل عليه سبحان الله

:good2::good2::good2:

[سليمان الربيعان]

اول شي الله يهدي الجميع
الخطا على اختيار امير الطلعة لان الاجواءهي اللي تحكم ولم يقدر الموقف بعدين الجو غبار غير صحي
والخوي مايخلي خويه لكن مادام الامر صار فيه تكابر وتعالي فالامر منتهي
ايضا يحكم الموقع اذا كان بعيد عن الديرة الوضع يختلف وقت الرجوع مخاطر الطريق وووو
بعدين اذا انت فعلا اخطيت بتركتك لخوياك فهم كيف سمحو ان خويهم يرجع لحالة وصارله شي لاقدر الله
وايضا خويهم مشى وهو زعلان
الخطا اولا على امير الطلعة واختياره امير بغير محلة
وهم مخطؤن كيف خويهم يمشي من عندهم لحاله وهو زعلان
انت ماعليك شي:good2::good2: