المساعد الشخصي الرقمي

مشاهدة النسخة كاملة : استفسار........روضة نوره


الرقيبه
07/12/2005, 08:30 AM
السلام علكم ورحمة الله ::

بإذن الله بكره بطلع مع الزملاء كشته
ويقولون يبون =روضة نوره = مدري اذا احد منكم راح
السنه هذي لها وعندة معلومات عنها او صور .. ===
واقرب طريق لها ...
واذا فيه موضوع سابق عنها ياليت الرابط
........... تسلمون
aziz99
07/12/2005, 10:21 AM
الظاهر ...ولا نيب متأكد انها ماجاها مطر!!

تحياتي لك
nahham
07/12/2005, 11:00 AM
هلا اخوي

الظاهر ماجاها سيل ... الله يغيثنا

اما طرق الوصول اليها فمن عدة طرق اهمها مع طريق رويغب وانت متجه الى رويغب تلاقي لوحه على اليسار مكتوب عليها روضة نوره وطريق ممهد

الثاني من كوبري محطة فيحاء العتش - ثادق - رغبه - البره والاتجاه شرقا حتى تتجاوز ابراج الكهرباء وبعدها تلاقي طريق ممهد يتجه يمينا الى روضة نوره

رحلة موفقه وبالسلامه ان شاء الله
الرقيبه
07/12/2005, 01:31 PM
السلام عليكم ورحمة الله وبركاته
مشكور اخوي nahham و aziz99


على الوصف بس تقولون ما جاعا مطر ,,,
وش تنصحوني اروح يمه بس يكون بعيد عن العوايل
وجايه مطر وتسلمون......................
أيمن
07/12/2005, 01:41 PM
وعليكم السلام ورحمة الله وبركاته ..

الحقيقة إن روضة نورة بالعكس ممطورة بل ومليانة من السيل حتى إن السيل متعدي حدود الفيضة من بعض الجهات ..
يعني أطرافها مطينة ..
هذا الكلام من حول أسبوع ..
إن شاء الله إنها الآن مناسبة ..
فيه ردمية مصلحتها بلدية ثادق من الزفلت إلى الروضة نسيت وين مبدأها ..

تحيتي
aziz99
07/12/2005, 01:47 PM
نشكر المشرف / ايمن تصحيح معلوماتنا انا ونهام

تحياتي لك يامشرف....
الرقيبه
07/12/2005, 02:09 PM
السلام عليكم ورحمة الله وبركاته:

هلابك حظرة جناب المشرف ((ايمن ))

أقولك بارك الله فيك على هالخبر الطيب :bounce: :bounce: قد ظاقق صدري ادور بر ثاني ...

وبالنسبة الردود ماعليهم باس انشالله لان ابن آدم ليسسس موسوعه للكل شي .....
. لازم يجي يوم يخطي ... أو تتداخل معلوماته ... ولكم جزيل الشكر..

:o :no: :no: :no: :no:
ابوذيب
07/12/2005, 02:11 PM
اكمل مالم يكمله نهام وعزيز مع اعتذاري لمشرفنا العزيز
الظاهر انها مشبكه وصارت مزرعه........................................وصاحب المزرعه اسمه مداعب المزاح ومرابط عندها معه شوزن
السمح
07/12/2005, 02:19 PM
.

وابشر بالصورة من الأسبوع الماضي .
وكلام أيمن صحيح فقد امتلأت الروضة من شعيب رويغب والعتش .
تفضل الصورة

http://www.mekshat.com/pix/upload/images12/mk95_img_1811.jpg
nahham
07/12/2005, 02:32 PM
هلا

تعقيبا على تعليق المشرف ابو حمد

الردميه تبدأ من طريق رويغب باتجاه الشمال الغربي

ابو ذيب حسبي الله على شيطانك ..................

هههههههههههههههههه مداعب المزاح

اخوي الرقيبه الروضه ممتازه جدا خاصة انها سايله على قول اخونا ايمن واخونا السمح - اهل مكه ادرى بشعابها

رحلة موفقه
طخيمان
07/12/2005, 08:36 PM
مشكورين على الموضوع و الردود
لكن وش ازين هي ولا التنهات وكم بعد كل وحدة منهم عن الرياض.والله يعطيكم العافية.
عاشق النجوم
07/12/2005, 10:59 PM
مساك سعيد الجو صحو وروضة نورة لا يوجد بها شجر عليك بروضة الخشم ورحلة سعيدةام السيل فسايلة سيل طيب تحياتي
عاشق النجوم
07/12/2005, 11:01 PM
مساك سعيد التنهاة أفضل بكثير والمسافه من الرياض 200 كم بالتوفيق
الســـاحبة
07/12/2005, 11:24 PM
روضة نورة سايلة ومليانة هذا قبل اسبوع
وافضل طريق امش مع طريق القصيم مخرج عشرة_ثادق_البرة_ رح يمين
طريق ترابي ممهد ثلاثين كيلو بالضبط تلقاها
وسلامتك::::::::::::
الرقيبه
10/12/2005, 01:28 PM
السلام عليكم ورحمة الله وبركاته:

الله يعطيكم العافية على التفاعل مع الموضوع

وبشركم رحة الخميس ووست صدري وكان الجو ممتاز
وجايبلكم صور بس انتضرو منقعها في خل يقولون انها تجي
صافيه حيل (((---- مبسوط..

بس الكشته ماكانت ماكانت في روضة نوره غيرنا ورحنا شعيب اسمه == صميغان=== انتظرو تقريري.. وشكراً