الشاهي الأخضر

[هلبان]

السلام عليكم ورحمة الله وبركاته
ندخل في الموضوع على طول
وش أفظل نوع من الشاهي الأخضر هل هو النوع الرخيص الصيني ولا الأنواع الغاليه
وهل هو مضر لو تشرب ثلاثة كيسان في اليوم بغرض التخفيف ؟

[مستشار لا يشار]

وعليكم السلام ورحمة الله وبركاته
أخوي هلبان
جربة أنواع كثيرة من الشاهي الأخضر
بصراحة ما أعجبني إلا الشاهي الغير ناشف ( الرطب ) يقولون أنه شاهي المدينة
والحقيقة هذا الشاهي الصح ومع النعناع يطلع كااااااايف
تقبل مروري

[مستشار لا يشار]

طبعاً منكم نستفيد

[سعود الحربي]

ماودي اسوي دعاية للنوع اللي انا اعرف انه يخفف الوزن ويشيل الكسترول باذن الله وطيييييييييب حيل ولاهو بغالي ولاهو برخيص يعني متوسط سعره لكن مفعوله راااائع ولكن يعيبه طعمه مرررررر يعني يبيلك تحمل شوي شوي حتى تعود عليه واشررررب بعد الغداء كوب وبعد العشاء كوب وصدقني رايح ينزل وزنك ويشيل الكرش وبتدعي لي
كانك تبيه ارسل لي رقمك على الخاص وابشررررررررر باللي يعطيك اسمه وياصف لك المحل اللي يبيعه

اخوك
سعود

[Al-harbe]

يكفي الغالي على أسمه الغااالي وبعدين انتبه ترى فيه بعض الأنواع منه ممنوع أنا قريته مرة قبل عدة أسابع بشريط الاخبار بقناة الصحراء

[هدب]

وعليكم السلام ورحمة الله وبركاته
أنا مع الشاي الأخضر من عام 1414
ما خليت شاي أخضر إلا وجربته
وما جاز إلا الشاي الصيني أشريه من باهيثم بمكة ، عبارة عن صندوق خشبي وعليه خيشه ( 5كغم بـ 125 ريال )
أخلط معه شوي بابونج أجنيه بنفسي من البر + شوي نعناع حائل الجاف + شوي قريص(قرقاص)
الصراحة أدمنت عليه وكل أهل بيتي ، كذلك خوياي بالاستراحه ، وكل من ذاقه قال عطني شوي .
أنا مع هالخلطه لي حوالي 6 سنوات
باهيثم ما يوصل ، كود تعرف أحد يروح له بمكه .
جوال/ 0555539814

[انسانه؟]

ياليت تفيدنا ياخ سعودالحربي باسم الشاي
حتى الكل يستفيدمنه بالموضوع..
واللي انا معه شاي ربيع الاخضر..
وبالتوفيق..

[هلبان]

بيض الله وجيه الجميع مشكورين ما قصرتو
مشكور أخوي سعود
لكن هل كثر شربه يضر بالصحه

[^الهاوي^]

ان شاء الله الاعضاء يفيدونك

[العقيلي داورد]

خذمن المشاتل شتلات شاي أخضر وحطها في مكان في حديقة المنزل وإن لم يكن لديك حديقة ممكن تجعله في حديقة العمل لك
وصدقة جارية للأخرين
أو في أحد المزارع القريبة منك وتمون على صاحبها

[الصــرح]

الشاي الأخضر طيب

ولكن لا يتم غليه مع الماء

ويكتفى بصب الماء الحار عليه وهو بقاع

الإبريق أو الكوب

[SRAAAB]

الله يجزاك الخير ياراعي الموضوع
بيض الله وجهك

[هلبان]

مشكورين ياشباب على الأفاده
عز الله ماقصرتو

[منيور]

اخوي سعود دلني على الطيب الي يخفف الوزن ذبحتني علاجات الكلسترول الله يجزاك خير ولايحرمك الاجر

[الكونترولCONTROL]

محافظ على اشاهي الأخضر ( ليبتون - ربيع ) منذ 3 أسابيع
كأس كبير يوميا بعد الغداء بساعتين
و إن تعشيت فلا مانع من كأس بعد العشاء بساعة
و نتائجه بالنسبة لي جيدة ...
و مثل ما كتب الإخوان قبلي ( ضع الشاهي في الكأس ثم ضع الماء المغلي عليه )
و اتركه حتى يبرد تماماً ( حوالي ساعة ) و اشربه دفعة واحدة

[عطيب ومايغيب]

اشكر صاحب الموضوع واختيار موفق

التعليق:::كتالي

اعرف ابن عم لي يستخدم الشاي الاخضر اكثر من 10سنين

يقول ارجل لافرق في الفايده كله المفعول واحد

كان يشري بسعر غالي واخيراً صار يشري العلبه الحديد المربعه تراها صغيره على ماضن سعرها من 5ريال الى 10ريال

التخفيف ماينقص هذاك الوزن ولاكن شي عن شي

ولاكن هنا مربط الفرس

انتبه الشاي الاخظر لايناسب الشباب وخاصه من عمره من 20حتى 39سنه يضعف الجنس

يقلل الرغبه

ومن كان عمره فوق الاربعينات ادعس هههههه

اتمنى لكم ((الحنه دار المتقين

[قناص خلاوي]

لي تجربة مع الشاهي الاخضر وجربت انواع كثيرة
الخلاصة
ابحث عن النوع المناسب لك وكل واحد له رغبة غير عن الثاني
لازم تشرب كاسين الى ثلاث كاسات في اليوم عشان تبين فايدة الشاهي الاخضر
الشاهي الاخضر مايطبخ ولا يغلى ، يصب عليه ماء حار ويترك ينقع بالكاس دقايق
مايضاف له سكر ولا غيره
الاكثار من الشاهي الاخضر يسبب هبوط في الضغط
عن نفسي انا رحت اسوي تخطيط قلب بسبب الشاهي الاخضر بعد الله
واعرف زميل لي نزل الضغط عنده لين 40 وشاف الموت الا شوي بسبب ادمانه للشاهي الاخضر
الزبدة
التوسط زين بكل الامور ..

[ملك الفكتوريا]

والله زين انا ادردع منه كل يوم ثلاث كاسات الى اربع كاسات



وله ميزه انك اذا شربته قبل النوم تقوم الصبح وريحة فمك عادي ما فيه ريحه