قير الموتر مشكلته مشكله

[بدولوجيا]

السلام عليكم ورحمة الله وبركاته

اخواني عندي مشكله في سيارتي وهو في القير بعض الاحيان القير يرفض يعشق

وبالذات الاول وبعض الاحيان كل التغييرات يعني يصلب الين اشد عليه ولاحظت

هالشي يصير معي اذا السياره ما هيب ساخنه مره يعني اذا شغلتها وسخنتها الى2 او 3

دقائق ترفض التعشيق واذا طولت الى 8 دقائق تقريبا يمشي معي مضبوط وبعض

الاحيان المشكله تستمر الين ارجع من مشاويري يعني التسخين ماله علاقه

والسياره باث فايندر 2005 ماشي 15000 ولا ادري وش ازين اخاف اوديه

للوكاله يفكونه لي وهو ما فيه شي ولا يخلونه عندهم فتره وانا في حاجة الموتر

ولا يخترعونلي 1000 سبب والمشكله تكون بسيطه وتعرفون عاد صيانة النيسان

ما يحتاج عز الله صيانه الله يخارجنا منهم

واللي عنده اي فكره يا اخوان الفزعه تكفون .

والمشكله هذي معي من يوم مشى حوالي 3000

وشاكر ومقدر

[Abo Nader]

السلام عليكم ورحمة الله وبركاته

شف أنا معي نفس موترك و ماشي 27 ألف و ما شفت شي مع الرغم أني دايم أتفتف ب واحد بالنفود


هي إما وزنية الكلتش أو خطأ فني


بس أنت راعي فجر و مطاعس

[قرم]

بدولوجيا . يالله حيه.

اللي معي 2003 . مره من المرارير حبيت اتفلسف وأسوي مهندز قالوا لي إرخ ميزانيه الكلتش اللي موقعها خلف دواسه الكلتش قالوا لي السياره تصير قومتها اسرع ( مراهقه مبكره ) المهم ماكذبت خبر وأرخيتها وصرت من ارفع رجلي عن الكلتش 1 سم السياره تفز فزيز المهم بعد مابردت السياره يوم قمت الصبح وشغلت وابي اعشق
وإلى العصا كنها ملحمه !! وأسقط في يدي !! كما يقولون قديماً المهم مالك بالطويله أرجعت الميزانيه لوضعها القديم وعشق الموتر على طول اخوي شف لايكون ملعوب بالميزانيه وكذلك اخي إفحص زيت القير ترى ممكن يكون ناقص مب ضارك وبالمره افحص زيت الدبل ولاتشيل هم إن شاء الله تجد في احدالردود الحل اشافي وتكفى
علمناإذالقيت الحل والله معك.

[أبو أسماء]

السلام عليكم ورحمة الله وبركاته

اخواني عندي مشكله في سيارتي وهو في القير بعض الاحيان القير يرفض يعشق

وبالذات الاول وبعض الاحيان كل التغييرات يعني يصلب الين اشد عليه ولاحظت

هالشي يصير معي اذا السياره ما هيب ساخنه مره يعني اذا شغلتها وسخنتها الى2 او 3

دقائق ترفض التعشيق واذا طولت الى 8 دقائق تقريبا يمشي معي مضبوط وبعض

الاحيان المشكله تستمر الين ارجع من مشاويري يعني التسخين ماله علاقه

والسياره باث فايندر 2005 ماشي 15000 ولا ادري وش ازين اخاف اوديه

للوكاله يفكونه لي وهو ما فيه شي ولا يخلونه عندهم فتره وانا في حاجة الموتر

ولا يخترعونلي 1000 سبب والمشكله تكون بسيطه وتعرفون عاد صيانة النيسان

ما يحتاج عز الله صيانه الله يخارجنا منهم

واللي عنده اي فكره يا اخوان الفزعه تكفون .

والمشكله هذي معي من يوم مشى حوالي 3000

وشاكر ومقدر
مرحبا اخوي في شغله شيك عليها طرمبة الكلاتش وافحص مستوى الزيت فيها وافحص خلوها من الهواء سولها عمليه فصد الهواء او تكون محتاجه طقم اصلاح بسبب تلف ربل المكبس او الياي الداخلي 0

[بدولوجيا]

حياك الله اخوي ابو نادر

والله لاني راعي مطاعس ولا فجر

لكن ما ادري وش العلم



_______________________________


الله لا يهينك يالقرم

وانا ولا قربت الوزنيه ويمكن على قولك فيه مشكله في وزنية الكلتش


وخل عنك المراهقه المبكره تراها تسخن بالواحد :d

وشاكرلك مرورك واقتراحك ومشكور ومجمل



___________________________________

ابو اسماء

الله يبيض وجهك وان شاء الله باشيك على هالامور اللي قلت عليها وان شاء الله خير

واشكرك جزيل الشكر

[الاستراتيجي]

اعرض مشكلتك هذى على ابو اسماء فى خيمة السيارت وتجهيزاتها(مستعد للردعلى اى مشكله تتعلق بمكانيكا وكهرباء السيارات)
والسلام عليكم

[بدولوجيا]

اخوي الاستراتيجي

ابو اسماء ما قصر الله لايهينه عطانا العلم في الرد اللي قبلك

وشاكر ومقدر اهتمامك

[ابو ســــاره]

انتبه لا تحرك شي بالموتر بس شيك على زيت الكلتش وادا بغيت تعشق دبل بالكلتش كم مره واتوقع المشكله تزول بادن الله

[بدولوجيا]

ابو ساره الله لايهينك

لكن ما فهمت ارجو منك التوضيح

وبيض الله وجهك

[ابومرتاح]

تطمن اخي .........المشكلة بسيطة .....يلزم تغيير ربلات القير......اصعب ما فيها تنزيل القير ...... .......الظاهر انك ما تدوس الكلتش كامل وقت التعشيق.......