ابي رايكم الله لايهينكم في الباثفندر2004 همتكم بالردود الطيبة تكفون

[عاشق مكشات22]

بسم الله الرحمن الرحيم

اخوتي واحبتي اعضاء وزوار هذا الصرح الشامخ

السلام عليكم ورحمة الله وبركاته

وبعد,,,,

لي فترة وانا ابحث عن موتر فقررت بعد جهد جهيد ان اخذ الباثفندر وحصلت موتر طيب على قولهم(صيدة) موديل 2004 ماشي 160 الف راعيه بيسافر ومستعجل عليه وكلمته قالي لاتشتري الين تاخذ الموتر وتجربه وتفحصة وسعره معقول جدا لكن السؤال يالغالين

ابي رايكم فيه وابي عيوبه بالتفصيل من ذوي الخبرة ولاقصور بالباقين ابدا ومزاياه لاعدمناكم..

لاني خلاص الموتر بشريه قريب ان شاء الله..

الله الله بالردود الطيبة يالربع تكفوووون لاني ماودي اتورط في الموتر تكفون
اي احد يعرف اي معلومة عن الموتر يسدحها لنا

او اي نصيحة فانا انقبلها بصدر رحب

ودمتم بخير والله يحفظكم ويرعاكم

اخوكم محمد

[الليث الذهبي]

بسم الله الرحمن الرحيم

اخوتي واحبتي اعضاء وزوار هذا الصرح الشامخ

السلام عليكم ورحمة الله وبركاته

وبعد,,,,

لي فترة وانا ابحث عن موتر فقررت بعد جهد جهيد ان اخذ الباثفندر وحصلت موتر طيب على قولهم(صيدة) موديل 2004 ماشي 160 الف راعيه بيسافر ومستعجل عليه وكلمته قالي لاتشتري الين تاخذ الموتر وتجربه وتفحصة وسعره معقول جدا لكن السؤال يالغالين

ابي رايكم فيه وابي عيوبه بالتفصيل من ذوي الخبرة ولاقصور بالباقين ابدا ومزاياه لاعدمناكم..

لاني خلاص الموتر بشريه قريب ان شاء الله..

الله الله بالردود الطيبة يالربع تكفوووون لاني ماودي اتورط في الموتر تكفون
اي احد يعرف اي معلومة عن الموتر يسدحها لنا

او اي نصيحة فانا انقبلها بصدر رحب

ودمتم بخير والله يحفظكم ويرعاكم

اخوكم محمد


كان معي واحد الي تحتاجه هو انك تاساله كم ينقص من علبه اذا مشاء 4000 اذا كان علبه حلو
الامر الثاني الحراره يبيلك تاخذه وتغير الرديتر انكانه ما غيره عند ابو براهيم لان فيه عيب مصنعي ان الرديتر الي عليه صغير رصه وحده والي يحتاجه رصتين
المر الثالث دورلك ياي استرالي للي وراء لانه ينزل مع اي تحميل ويصبح مطبه اقشر
ان كانك تبي توضبه علشان تفتك من النقص راسلني وابعطيك العلم الي يسرك
اذا تبي اخوه من غير عيوب خذ اكستيرا انا مجرب الباث 2004 وجلس معي قرابت الخمس سنين والان خذت اكستيرا رهيب الصراحه يتفوق عليه في كثيرر من المور

[ابو وافي 444]

بختصر بنصيحتي بكلمة بسيطة

لا تاخذ الا النظيف الناهي ولا توجعه بالبر لانه مهوب سيارة بر 100% الا اذا تبي تداوم بالورشه اسبوعيا
خلك راعي بر بس بالمعقول لا تعلفه
خبرة استخدام 3 سنوات 2005

[التعـ King ـديل]

فكيته وكاله .. موتر مافي احلا منه مااشتكيت من شي ابد الا شي واحد ان مافيه مكيف ورا ومرتبه ثالثه ولا باقي علومه تسر الخاطر

ماعمره فشلني لا في خط ولا في بر ولا في اي مكان .. بس يبيلك تدلعه وتراعيه يعني بعد كل مشوار ناظره وسمح خاطره كانك جالده

وصدقني موتر سمح وبيرضى وبيطربك .. زي ماقلت لك عيبه انه مافيه مرتبه ثالثه ولا كان مابعته .. والله الله بالمحافظه عليه

للتوضيح اللي معي 2005 اخو 2004 مهنا فرق

[عاشق مكشات22]

بيض الله وجيهكم عز الله ماقصرتوا ابدا وجزاكم الله خير الجزاء وبارك فيكم اينما كنتم

واللي عنده زياده من المعلومات لايبخل علينا يالغالين ودمتم بخير جميعا .

[عاشق مكشات22]

نطمع في المزيد من الردود والنصائح الطيبة يالغالين تكفووون

[MjNo0oN]

نصيحه لك زد دريهماتك وخذلك من هالجدد اكستيرا او اف جي او فورنتشر v6

اذا كانت الحال لك عليها دور لك باترول من 98 لين 2009 طب وتخير ودور النضيف ولا تفوته ((والمثل يقول مد لحافك على قد رجليك وانتم بكرامه))

اما الباث فندر عز الله انه ذيب ومايقصر ويجامل بس ما انصحك فيه (( نصيحة مجرب هو حاليا مع اخوي من وكالته 2003 )) من بعض المشاكل الموجودة فيه ارفاع الحرارة مع السرعات العالية خصوصاً في الفتره الاخيره اما قبل مافيه شي (ويقولون ترهيم مراوح لومينا وتضبط الحراره) و نقص الزيت بشكل غير معقول تقريباً علبتين الى ثلاث كل 5000 وهو راس ماله 5 علب مع السيفون او اقل ان ماخاب ضني القير عايدي طالع في صوت غريب ((اسمع صوت القير من داخل الغمارة وشكل فيه مشكلة في العزل بس مابعد كتب الله وكشفنا عليه)) و الباب الخلفي يهربد هربدة الله لايوريك ((يقولون فيه من يحلها في الصناعية القديمة لاكن ما ادلها)) < وهاذا العيب الي في الباب اتوقع في كل باث فندر)) و مواجهته مشكلة في حساس الهوا دايم يخرب عليه ما ادري وش السبب ((تقريباً كل طلعه او طلعتين للنفود يخرب وهو طلعاته قليله وتقدر تقول موتر ديره ماجاه جور الجيوب)) وفي الوقت الحالي مانقدر نغزي به اي نفود بسبب الحرارة و حساس الهوى و نقص الزيت اسعار قطع غيارة متفاوته فيه منها المرتفع وفيه الرخيص (مثلاً العكوس بـ600 للثنين او اقل و السلف بـ1500 وطلبية اسبوعين)) طبعاً هاذي التسعيره شبه قديمة قبل تقريباً سنه

هاذي اهم الملاحضات الي بشكل مستمر تواجهنا خلال السنتين الي راحت فقط اما قبل كان ممتاز وزي الحلاوة وللمعلومية الموتر لحد الان مابعد وصل لل200 الف تقريباً 170 او 180 الف بالكثير

من مميزاته رساوته شبه جيدة جداً العزل جيد جداً ((اذا كان الموتر نضيف وشبه وكاله بتقول ممتازات)) طبعاً انا اكلمك عن الجيوب ومقارة بالجيوب الثانيه وليس السيارات الصغيره

ورايي الشخصي من انسان معاشر تجربته انحش عنه وعليك بالي دليتك عليه ابرك واطول عمر او شفلك جيب غيره نصيحه لوجه الله

[أبوغيث 2003]

أهم شي

(الحرارة , نقص الزيت )

إذا الموتر بالنفود ما ترتفع حرارته ولا ينقص زيته أو ينقص بشكل بسيط عز الله إنكـ تبي ترتاح

[Bader-M]

با ختصار

لا انصحك به

المحرك صعب الصيانة و قطع غيار غالي و عمر افتراضي قصير

تقبل مروري