يا أهل الشيصان ماهو حل هذه المشاكل

[شاص&نص]

السلام عليكم ورحمة الله وبركاته
ماهو الحل لكل مما يلي
1) فتحة التهويه تنفتح من نفسها بعد سرعة 110.
2) أصوات الهواء عند السرعات العالية.
3) الصفيرة ما تطلع؟
4) أحيانا بعد إيقاف السيارة فترة بسيطة (صلاة -بقالة) ثم إعادة تشغيلها ترتفع الحرارة لحوالي النصف ثم تعود إلى و ضعها الطبيعي على الربع بعد حوالي دقيقة إلى دقيقتين
و جزاكم الله خيرا

علما بأن الموتر مامشى 5000

[al-nashmi]

السلام عليكم ورحمة الله وبركاته

اخونا شاص ...

الامور ان شاء الله كلها تساهيل..

1- بالنسبة لفتحة التهوية تفتح لانها لا تتحمل الفرق بين الضغط الخارجي والداخلي للغمارة( وهذا عيب تصنيعي وسهل تصليحه ود الموتر للوكالة وبيون يصلحونة على الضمان) وتبي تتأكد انه بسبب فرق الضغط افتح القزاز الخلفي فتحة بسيطة وامش 120 وتبي تلاحظ ان فتحة الهوايه ما انفتحت

2- اصوات الهواء عند السرعات العالية هذي من عيوب كل السيارات الجديدة عندنا vx.r2005 جديد وكذلك شاص بريمي 2005 جديد وكلها نفس المشكلة بسبب رداءه التصنيع وضعف الحديد الابواب وربلات الابواب
وحلها ان تروح للغرابي وتحصل عند محلات الزينة ربلات توضع على اطار الباب من جهة الغمارة وتسكر اصوات الهواء باذن الله..
3- الصفيرة ما تطلع طبيعي في المودبلات الجديدة .... ويقولون انها تطلع اذا مشى الموتر واجد 40000كم وفوق ونا ماني متأكد موترنا مشى 20000كم ولا طلعت!!! ( وبعدين احسن لا تطلع وش لك بوجع الراس )

الموديلات القديمة من كثر تصفيرها كرهتها كأنك في مخرطة هوبات ...... بس ونونه وصياح.هههههههههااا

4- النقطة هذي طبيعية جدآ ولا تشيل همها ابدآ...

وعسى قدرت ان اخدمك بما اعرفه عن هذا الموتر.....

والشباب ان شاء الله ما يقصرون.... يبون يردون عليك ويفيدونك اكثر مني...

وتقبل تحيات اخوك النشمي

[الضاري]

بالنسبة للنقطة الرابعة فهي طبيعية كما قال أخونا النشمي

لأن الموتر محتر وطفيتة فشي طبيعي أن الحرارة ترتفع شوي ... لأن وسيلة التبريد وقفتها وهي الاديتر.

أما الصفيرة فهي مهمة في الشاص وأخالف رأي أخوي النشمي .. لأنها تعطى سائق الشاص بعض النشوة والعزيمة يا كبس على البنزين ..... ;) :p

[هاوي قصيده]

من ناحيه الصفيره يا خوي يقولون ان الجيب بعد موديل 97 ماصارت تجي بصفيره

والا اول كان الشاص اذا مشى 5000 بدت تصفرر الكنداسه

وتقبل شكري

اما عن الامور الاخرى فماقصروا الشباب

[**( تلمي )**]

أضيف معلومة بالنسبه للصفيرة فهي ما تطلع إلا بعد 60 الف كلم إلا 90 ألف كلم هذا بالنسبة للمشي الطبيعي ,,,
أما أذا الموتر يعلك ويطاعس به هي تطلع قبل ... يعني بــ 40 ألف كلم ,,,, ونادر ما تطلع قبل ذلك ,,,,,

هذا والله أعلم ,,,,
تحياتي للجميع ,,,

[هاوي الله]

4- بالنسبه للحراره :
الأفضل إنك إذا مسكت خط إو إذا جرت يعني ضغطت على المكينة ( تغريس أو غيره) ووقفت بعدها يعني مثلا تعبي بنزين أو أي غيره الأفضل إنك ماتطفي السياره إلا بعد خمس دقائق على الأقل من الوقفه ***
ترى إذا طفيت السياره على طول تراه يضر على المكينه على المدى الطويل ***

[صنهات]

السلام عليكم ورحمة الله وبركاته
ماهو الحل لكل مما يلي
1) فتحة التهويه تنفتح من نفسها بعد سرعة 110.
2) أصوات الهواء عند السرعات العالية.
3) الصفيرة ما تطلع؟
4) أحيانا بعد إيقاف السيارة فترة بسيطة (صلاة -بقالة) ثم إعادة تشغيلها ترتفع الحرارة لحوالي النصف ثم تعود إلى و ضعها الطبيعي على الربع بعد حوالي دقيقة إلى دقيقتين
و جزاكم الله خيرا

علما بأن الموتر مامشى 5000


اخوي ماذكرت الموديل بالنسبه للحراره بسيطه غير غطاء الاديتر الى الاصلي ورجع البلف حق الحراره وتثبت حرارة السيارة على طول

[شاص&نص]

جزاكم الله خير واحد واحد على سرعة الرد

و كذلك متأسف على التأخر لأن هذي رجعتي من البران
----
أخوي النشمي بالنسبة للصفيرة فأنا أخالفك الرأي و أوافق أخوي الضاري (و إختلاف الرأي لا يفسد للود قضية)
بالنسبه لفتحة التهوية هل صلحتوها أم لا؟
-----
أخوي صنهات الموتر جديد 2006
-----
الأخوة
هاوي قصيدة
تلمي
فتى البران

لكم كل الشكر

------

و جزاكم الله خيرا جميعا



أخوكم أبو عبدالكريم

[فتى شنه]

السلام عليكم ورحمه الله وبركاته

اخوي شاص مبروك السياره والله يطعمك من خيرها ويكفيك شرها الى باسلك اخوي شاص كيف صرفيه مع الخط وو سط المدينه وهل المطب الى الان قوي وكيف عزم البخاخ اقوى من الكلبليتر

[شاص&نص]

الله يبارك فيك و جزاك خير و بالنسبة للصرفية ف 140ريال تانككين يمشيك 800 كيلو أو أزود بالراحة طبعا ديرة مع خطوط و بران خميس و جمعة

و بالنسبة للمطب ف ما عليه لأنك تبي تتعود عليه و كذلك يخف مع مرور الوقت

و العزم لا يعلى عليه

أخوك أبو عبدالكريم

[al-nashmi]

اخونا ابو عبد الكريم،،،

بالنسبه لفتحة الهواء ما خربت عندنا ولا تفتح عند السرعه،،،، بس انا اتوقع انها مثل ما قلتلك لانها قد صارت معي بباترول موديل
98،،، وصلحوة الوكاله... وقالوا السبب بسيط جدآ قفل الهواية مرتخي و أعادوا وزنيته فقط لا غير....

ويا زين الهدوء،،،،،،

تحياتي للجميع
اخوكم النشمي

[ابوفهد225]

فتحة التهويه صارت معي مرتين في شاص 2001 و 2004 كلهم خليجيات

وصار عندي خبره الموتر الاول رحت لكهربائي وصلحه بس قعد يخربط شوي

والمره الثانيه نفس الكهربائي لكن بطريقه سهله للغايه لكن صعبه اشرحلك

اذا كنت بالقصيم اوصفلك الكهربائي او راسلني على الخاصه

[شاص&نص]

جزاكم الله خير على مشاركتكم و بالنسبة لك أخوي أبو فهد225 إنا بالرياض لكن إن حصل لي زرقه للقصيم ف بأحاول أنسق معك و جزاك الله خير

[ابومرتاح]

بالنسبة للصفيره ما اظن تطلع في الموديلات التالية....انا كا معي 2003 ومشى فوق 200 الف ولا طلعت الصفيرة.....وخويي معه 2004 ومشى الى حد الان 144 الف ولا طلعت الصفيرة....

[ابوهلي]

بس باسالك الشاص سعودي ولا خليجي

[شاص]

صوت الصفيرة انقطع من موديل 2002 الدفعة الأولى .. والموديلات اللي بعده يعني 2002 الدفعة الأخيرة إلى 2006 ما تصفر لو يمشي مليون :d :d
(يا زين السبعة وتسعين وصفيرة :d :d )

[شاص&نص]

أشكركم على مشاركتكم و الله يعينا ندور شكمان 2000

و بالنسبة لأخوي أبو هلي المتر تراه خليجي

أخوكم أبو عبدالكريم