المساعد الشخصي الرقمي

مشاهدة النسخة كاملة : تكفوووون فزعتكم سؤالي عن كفرات البالون للجيب


شمال44
26/04/2011, 07:46 PM
السلام عليكم

معي جيب GXR V8 موديل 2010

أبي أركب عليه كفرات بالون

إشتريت كفرات بالون من نوع مالون 900 - 17

شريتها مستعمله لها شهرين شبه جديده ونظيفه ماشاءالله

وشريت جنوط GX الحديد النجمه كنها جنوط الهدد

وقبل أركبها رحت لمحل ترصيص معروف وعنده ترصيص أرضي بعد

المهم جيت أتفق معه على التركيب وقالي ما أضمن لك إحتمال ترج معك السياره

اذا ركبت كفرات البالون

وشلون ترج وقبل اشريها سألت وقالوا نوع المالون كويس ومافي مشاكل

وخصوصآ اللي استخدموه

بصراحه خايف اركبه ويرج معي ؟؟؟؟

وأخاف بعد هل البالون صحيح يعدم العكوس والمساعدات ؟؟؟

والله محتااااار شريتها وتخسرت وأبي راااااااااايكم تكفوووون ؟؟؟؟

:(
طير شلوى نجد
27/04/2011, 01:14 AM
والله البولين خذ ولد بالخليان منت لاقي كفرات تجي ولا حولهن لاكن بالسفلت لك عليهن لابد من الرجه كل شي وله ضريبته
سوبر VTC
27/04/2011, 01:18 AM
بس قبل لا تجزم على البالون
معلوم عنه انه ثقيل و يسبب صرفية بنزين
و اعطيك خبرة رجال راعي كفرات بالون
يقول تراه ينفض الموتر نفض سواء صوف و ما صوف ربلات كراسي بدي
و قد تصل الى العكوس و الكوارين
لانه نايلون و النايلون ينقل المطبات و الجروف الى الشاصي و الدفرنسات
بعكس الكفر العادي دعسته اي دعسة الكفر هي نفسها تمتص المطبات و الجروف
وجهة نظر
_TOYOTA_
27/04/2011, 11:49 PM
عليك بالشواهين واترك البوالين ما وراها الا الخرابات
التعـ King ـديل
27/04/2011, 11:56 PM
انت اخترت نوعيه الكفرات الصح ولكن الماركه الخطاء

انا جربت مالون على باترول جنط 17 صح شكلها حلو والموتر راسي بالخط وصرفيه البنزين عاديه .. لكنها ثقيله بالحركه

افضل شي جربته جنط 16 على ماكسس 8 غاط 900 والله اني بايع الماكسس ومركب مالون وسافرت عليها الامارات اول

مارجعت رحت للغرابي وبعتها وطقيت صديقي القديم ماكسس وبس على جنط 16 عز الله انه احسن كفر لحد الان واي استفسار

انا بالخدمه
العنابي 616
28/04/2011, 01:13 AM
مثل ما قالك أخوي كنق التعديل
المالون عريض و ثقيل على السيارة
الماكسس ممتاز و بالنسبة لي مركبة على فكسار 95 على جنوط الوكالة ما فيه رجة طبعا مرصصة ترصيص أرضي
التعـ King ـديل
28/04/2011, 03:54 AM
على فكره انا مركب جنوط تجاريه على كفرات ماكسس ومرصصها عند ميزان المجد والحمدلله لا رجه ولا شي
الصاعقة33
06/05/2011, 02:38 PM
عندى لاندكروزر GxR 2008 عليه بالون مالون 17x900 رنقات الوكاله ميه ميه لاكن رنقات الحديد ماجربتها
XML FLASH
06/05/2011, 08:46 PM
ممكن اعرف ماذا تقصد بترصيص ارضي!
منكم نستفيد
صديق كلم رفيق
06/05/2011, 09:56 PM
انحش عن البالون ، كفرات غاليه وما تعمر إلا سنه بالكثيرر ، والثبات معدوم على الاسفلت ، والبالون صدقني جربته سنين طويله ، مايخلو من الرج لابد يرج .

ميزته الوحيده هي اذا مسكت الردميه ماتحس بالبطناج ابدا كانك تمشي على ازفلت ، وكذلك في النفود في الغراز يقص افضل من الحجري .
الثويرات
06/05/2011, 10:09 PM
انا اقول بالمختصر الي يبي يركب بالون لصحراء والجلد اقوله عجل ركبها ولايهمك كلام الناس


اذا انت راعي ديره وتبيها للمنظر والنصب على ماقالو ... لاتركبها لانها دمار مع الخطوط وخاصه اذا الجو فيه هوا يبلشك الموتر

كلامي من واقع تجربه 10 سنوات مع البالون.

لاكن الماكسس عيبه الوحيد انه قاسي مع البطناج مقارنه بغيره من البوالين.
المالون ممتاز لاكن مقاس 17 نقيل مقارنه بمقاس16 . والمالون يجي مقاس 17 فقط .

ونصيحه لله اذا انت راعي ديره وقليل طلعاتك للبر لاتركبها خذ شوري يابن الاجواد.

والرجه اذا رصص ترصيص ليزر سوا كان ارضي او عادي ان شاء الله مارايح يرج
صاحب حي
01/04/2014, 09:32 PM
وفيت وكفيت يالثويرات كلام جميل وصادق
مفضخ الشري
01/04/2014, 09:44 PM
وفيت وكفيت يالثويرات كلام جميل وصادق

الموضوع له 3 سنوات الله يصلحك ههههه