ودي اغير ربلات الموتر ..وفيه صوت مع المطبات .. خبراء الباترول [الأرشيف]

مشاهدة النسخة كاملة : ودي اغير ربلات الموتر ..وفيه صوت مع المطبات .. خبراء الباترول

عاشق النفود 111

27/04/2011, 05:13 PM

أحبتي الغالين

السلام عليكم ورحمة الله وبركاته

عندي صوت مع المطب وأنا مهدي بعد نزول الكفرات الامامية الصوت من الامام في اسفل السياره ... أشبه بصوت أنتل الايكوم إذا ارتخى ( طرق طرق )

لم أغير أي شيء بالسياره سوى المساعدات الاماميه جبريل ولها تقريبا سنه الان ..

الكشف عند الورش المبدئي بالنظر كل شيء سليم وكل شيء مشدود .. قالوا لي الربلات ولكن قلت ابي اسأل خبراء مكشات لتأكيد ..

السياره ما شاء الله لها 3 سنوات كد وجلد وبران وجبال وأوديه بختصار استخدام عنيف ...

ياليت تدلوني على ورشه محترمه بالخرج لو أمكن وإذا ما فيه الله يعينا على زحمة الرياض :)

للمعلوميه السياره باترول سياحي 2008 بابين

آسف على الاطاله ولكم مني خالص الشكر

أخوكم أبو بدر

mamsdt

27/04/2011, 08:39 PM

امنيتي كشتة

27/04/2011, 11:14 PM

انا عندي نفس المشكلة مع يوكن 2000

مع المطبات واللفات يطلع صوت طقطقة

رحت ميكانيكي قال هذا البدي يظرب على الشاص لان الربل منتهي

صراحة متردد هل تتغير بسهولة والا يبي لها فك ذراع وسالفة ومبلغ يشيب الراس

ننتظر الخبراء بالافادة

عبدالسميع

27/04/2011, 11:28 PM

الله يبارك لك بموترك

شوف طال عمرك مدام انك تطلع للبر دايم واستخدامك مثل ما تقول عنيف ...

ركب مساعدات اولد مان مع سبرنقات اولد مان

والصوت الي تسمعه هذي ممكن تكون ربلات البدي الي تكون بينه وبين الشاصي أو البوشات وهذي ضروري تغيرها

من اجل الثبات بالطريق والرساوة وراح تختفي الاصوات ان شالله بعد ما تغيرهم

التعـ King ـديل

27/04/2011, 11:38 PM

شيك بالبدايه على ربلات اليايات تلاقيها متقطعه

ابو عاذر

27/04/2011, 11:44 PM

شيك اخوي على الكليبرات وشد مساميرها لإنها مع الوقت ترتخي وتسبب صوت
مع تحيات اخوك ابو عاذر

عاشق النفود 111

28/04/2011, 05:35 AM

كان عندي مثل الصوت اللي تقول
اول شي شيك على المساعدات
ثاني شي رح عند الكفر الامامي مع الجنب
وشف الياي بتلقى فوقه ربله ونازلة وسطه يقالها ربلة مطبات
انا خذتها من الوكاله وركبتها وراح الصوت

انا عندي نفس المشكلة مع يوكن 2000

مع المطبات واللفات يطلع صوت طقطقة

رحت ميكانيكي قال هذا البدي يظرب على الشاص لان الربل منتهي

صراحة متردد هل تتغير بسهولة والا يبي لها فك ذراع وسالفة ومبلغ يشيب الراس

ننتظر الخبراء بالافادة

الله يبارك لك بموترك

شوف طال عمرك مدام انك تطلع للبر دايم واستخدامك مثل ما تقول عنيف ...

ركب مساعدات اولد مان مع سبرنقات اولد مان

والصوت الي تسمعه هذي ممكن تكون ربلات البدي الي تكون بينه وبين الشاصي أو البوشات وهذي ضروري تغيرها

من اجل الثبات بالطريق والرساوة وراح تختفي الاصوات ان شالله بعد ما تغيرهم

شيك بالبدايه على ربلات اليايات تلاقيها متقطعه

شيك اخوي على الكليبرات وشد مساميرها لإنها مع الوقت ترتخي وتسبب صوت
مع تحيات اخوك ابو عاذر

بارك الله فيكم ويعطيكم العافية ...

ابو عود

28/04/2011, 01:01 PM

غير المساعدات وركب مساعدات شاص 2002

وشيك على ربلات الياي

عاشق النفود 111

28/04/2011, 10:49 PM

غير المساعدات وركب مساعدات شاص 2002

وشيك على ربلات الياي

هلا بك أخوي

بالنسبة لمساعدات الشاص في الخلف فقط تناسب أما في الامام تنفقع ...

هويدي

29/04/2011, 09:53 AM

الصوت اللي تقول حلقات الياي تضرب فيها بعضها
الحل يلبسونها لي ابحث بالمنتدى تلقى موضوع لأخونا سوبر فتك

انتبه تغير الربلات ويحطونلك ربلات تجاريه وتكره نفسك
او تركب مايسمى بالخنزيره مالها اي فايده بس خساير دراهم

عاشق النفود 111

29/04/2011, 09:29 PM

عاشق النفود 111

03/05/2011, 09:43 PM

السلام عليكم ..

لتعم الفائده للجميع ..

كان عندي تهريب في الصوفة الداخليه (الصغيره) للعكس .. التهريب جهة الركبه على اليسار ..

وتم شراء الصوفه الداخليه مع وجه ركبه
وبعد تركيبها

أخبرته بالصوت قام وشد جميع المصامير من تحت الي معها ربلات ..وقالي إن الربلات باقي فيها عمر

مصامير البدي - المصامير الي حول الاذرعه والركب

تقريبا جميع المصامير الي معها ربلات في أسفل السياره من الامام والوسط ..وفيها ما هو مشدود والبعض منها مرتخي قليلا ..

مبدئيا اختفى الصوت .. وسأوافيكم إذا ستجد جديد

بالتوفيق للجميع

عاشق النفود 111

07/05/2011, 03:29 PM

للاسف رجع الصوت

صاحب حي

07/05/2011, 11:03 PM

وعليكم السلام ورحمة الله وبركاته
اسمح لي امون عليك وقول انت حساس لمثل ها الاصوات حسن شي في السفاري طنش تعش تنتعش يعني لا دقق

قصاف123

08/05/2011, 01:12 AM

اخوي انا صاحب باترول من عرفت الدنيا
الي عندك ربلات البدي دبلها اوخلاص لااتغيرها
التدبيل سعره من 170+ايلى200ريال تقريبن

راعي وفى

08/05/2011, 02:12 AM

ادبل مساعد الدركسون
وتروح كل الاصوات
ويتماسك الموتر

عاشق النفود 111

06/06/2011, 06:19 PM

وعليكم السلام ورحمة الله وبركاته
اسمح لي امون عليك وقول انت حساس لمثل ها الاصوات حسن شي في السفاري طنش تعش تنتعش يعني لا دقق

حياك الله أخوي أخ وعزيز وخذ راحتك
والله مطنش ولكن .. ما أرتاح إذا سمعت الصوت
ولا تنسى إني أقطع مسافات بالصحراء
فمن المهم سلامة تعليق وتوجيه السياره

اخوي انا صاحب باترول من عرفت الدنيا
الي عندك ربلات البدي دبلها اوخلاص لااتغيرها
التدبيل سعره من 170+ايلى200ريال تقريبن

حياك الله أخوي
مريت ورشة مرات بالصناعية القديمة بالرياض
ودبل لي ربلات البدي الامامية الي تحت البيبان الاماميه
ودبل صوف مصامير شد .. ما أذكر وشهن بالضبط
وجربت الموتر .. ما راح الصوت ..!!
رجعت لمه وقلتله فك كل الربلات الي ركبتها
وقالي رح للميزان

ادبل مساعد الدركسون
وتروح كل الاصوات
ويتماسك الموتر

حياك الله اخوي
تم الكشف على مساعد الدركسون وسليم ولله الحمد
فيه فضاوه بسيطه جدا في الذراع

عاشق النفود 111

06/06/2011, 06:23 PM

غيرت ربلات عمود الشداد الامامية الاربع كلهن

أختفى الصوت لمدة يوم حتى مع المطبات

والان رجع مثل أول

ما ادري وش الحل ..!!؟؟

comابوسليمانwww

07/06/2011, 11:42 AM

اخوي صدقني الصوت هذا من الياي القدام
يمين وهو موجود بكل البواترل ركب عليه من اعلى لي وبيروح الصوت

قرم العيال

07/06/2011, 01:02 PM

الصوت الظاهر من ربلات العمدان الي تمسك الدفرنس الامامي ,, وهذا صوت الحديد يضرب ببعض

شيحاوي

07/06/2011, 01:37 PM

تقول صوت مثل صوت انتل الايكوم معناه انه صوت الياي ركب عليه لي هوا حق امريكي فك الياي ورح لمحلات قطع غيار الامريكي وشف المقاس اللي يالله يركب عليه يعني يصير ضيق شي قليل تحط صابون فيري ويركب وحاول يغطي ثلاث لفات وماعاد تسمع الصوت ابد باذن الواحد الاحد

ابو طوق

07/06/2011, 05:26 PM

السلام عليكم اخوي
وانت واقف والسيارة شغاله حرك الدركسون يمين ويسار بسرعه اذا طلع الصوت هذي ربلة عمود البنهارت
منتظر ردك

أبو فستق

07/06/2011, 05:45 PM

انا كان عندي صوت ولقيت فيه فضاوه بين الكفر والرمان اللي قدام

عاشق النفود 111

08/06/2011, 08:06 PM

اخوي صدقني الصوت هذا من الياي القدام
يمين وهو موجود بكل البواترل ركب عليه من اعلى لي وبيروح الصوت

حياك الله أخوي .. بالنسبه للياي شد بلد أذكر الاخوان في المنتدى يتكلمون على الاسترالي الي به صوت ويلبسونه ...

الصوت الظاهر من ربلات العمدان الي تمسك الدفرنس الامامي ,, وهذا صوت الحديد يضرب ببعض

الظاهر أني ابي اغير كل الربلات ... بارك الله فيك

تقول صوت مثل صوت انتل الايكوم معناه انه صوت الياي ركب عليه لي هوا حق امريكي فك الياي ورح لمحلات قطع غيار الامريكي وشف المقاس اللي يالله يركب عليه يعني يصير ضيق شي قليل تحط صابون فيري ويركب وحاول يغطي ثلاث لفات وماعاد تسمع الصوت ابد باذن الواحد الاحد

يعطيك العافيه ونجرب نلبس الياي الله يعين

السلام عليكم اخوي
وانت واقف والسيارة شغاله حرك الدركسون يمين ويسار بسرعه اذا طلع الصوت هذي ربلة عمود البنهارت
منتظر ردك

عند الميزان يطلبون اسوي هل الحركه بس ما فيه صوت يقولون زين ما فيه شيء الصوت مع المطب فقط وبعد النزول منه مباشره .. يعطيك العافية اخوي وآسف على التأخير

انا كان عندي صوت ولقيت فيه فضاوه بين الكفر والرمان اللي قدام

الرمانات زينات كاشف عليهن .. يعطيك العافية

HCW

08/06/2011, 08:34 PM

سفاري نجد

08/06/2011, 09:02 PM

طلع عندي زي الصوت اللي تقول عنه باترول 2003 الربلات اللي فوق اليايات الاماميه والخلفيه اشتريت اصليه من الوكاله وتركيب عند ورشه الرمايه سهل الفك والتركيب للي يعرفون شغل يد 100 ريال

عاشق النفود 111

08/06/2011, 11:42 PM

هذي الصوت الله يعطيك العافيه فضاوه من المساعدات الاماميه
طبيعي يطلع بعد سنه او سنتين من الاستخدام العنيف
بشرح المشكله
العامود لما يدخل و يطلع وسط المساعد تصير فيه فضاوه لاتذكر و بعد فتره من الاستخدام
الحل تغيير المساعدات الاماميه و راح يروح الصوت
عشان تختبر المشكله لاحظ قبل ما تطلع الكفر فوق المطبه راح تسمع له طقه خفيفه و في نزول الكفر من المطبه راح تسمع صوته اعلى بسبب ضغط وزن السياره على المساعد.

المشكله هذي عانيت فيها كثير في اكثر من سياره الى درجه وصلت فيني اني اغير مجموعه الدركسون كامله و الصوت موجود بالاخير راح لما غيرت المساعدات و الي يومك الحمد الله لما اسمع نفس الصوت اشيك عليه عند اقرب مطبه و بعدها اقرر اذا هو مساعد او غيره لاكن في الغالب المساعدات عمرها انتهى بعد 3 سنوات من الجلد المستمر.

هلا بك اخوي يعطيك العافيه على التوضيح .. ولكن اخوي المساعدات الاماية مغيرات ركبت حقات الشاص انفقع واحد خلال شهر وغيرتها بمساعدات قابريال (جبريل) توها تكمل السنه .. والظاهر إني ابي ارجع حقات الوكاله باقي فيهن عمر ..

طلع عندي زي الصوت اللي تقول عنه باترول 2003 الربلات اللي فوق اليايات الاماميه والخلفيه اشتريت اصليه من الوكاله وتركيب عند ورشه الرمايه سهل الفك والتركيب للي يعرفون شغل يد 100 ريال

يعطيك العافيه وبارك الله فيك .. بعد الفحص يقولوا سليمه

HCW

09/06/2011, 08:20 AM

هلا بك اخوي يعطيك العافيه على التوضيح .. ولكن اخوي المساعدات الاماية مغيرات ركبت حقات الشاص انفقع واحد خلال شهر وغيرتها بمساعدات قابريال (جبريل) توها تكمل السنه .. والظاهر إني ابي ارجع حقات الوكاله باقي فيهن عمر ..

يعطيك العافيه وبارك الله فيك .. بعد الفحص يقولوا سليمه

اذا انت راعي جلد انصحك ب مساعدات OME
OLD MEN
او الاختيار الاخر ارخص و جودتها معقوله
KYB GR
اهم شي انها GR لان فيه نوعيه ثانيه ضعيفه و بسرعه تهرب زيت

عاشق النفود 111

09/06/2011, 05:27 PM

اذا انت راعي جلد انصحك ب مساعدات OME
OLD MEN
او الاختيار الاخر ارخص و جودتها معقوله
KYB GR
اهم شي انها GR لان فيه نوعيه ثانيه ضعيفه و بسرعه تهرب زيت

جزاك الله خير اخي الكريم

أبو تركي82

10/06/2011, 04:32 PM

السلام عليكم
اخوي هذا الصوت طلع عندي بسيارتي فتك طلع من ربلات المطب اللي تجي بوسط الياي فوق وغير الربل اللي يجي بين الياي والبدي
ادري قالولك سليمه بس غيرها وماراح تخسر شي كلفتني 30 دينار كويتي

عاشق النفود 111

10/06/2011, 11:19 PM

kmk9999

11/06/2011, 10:25 AM

السلام عليكم

حلها عندي وانا ابو هندي
أنا اخوي غير جميع اليايات وركب يايات استرالية
المهم بعد ما غيرها صار يطلع صوت بالامام ما خلى ورشة
ما مر عليها اللي يقول الربلات واللي يقول ما أدري وش
المهم وهو راح يغير الكفر ويرصصه ويسويله ميزان
قال اخوي خلني اسال الهندي حق الميزان المهم الهندي ركب مع اخوي
وسمع الصوت وقاله بخمسين ريال قال له اخوي اذا راح الصوت راح اعطيك
مية ريال وصلح الهندي المشكلة وراح الصوت زي السلام عليكم.

تبون تعرفون المشكلة طلعت اليايات ماهي راكبة صح.
هذا والله أعلم

عاشق النفود 111

30/01/2012, 09:09 PM

السلام عليكم

للرفع يا أخوان

ما زال الصوت المذكور في أول الموضوع موجود ..

رغم تغيري لربلات عمود الشداد وربلات مصامير عمود التوازن وربلات المساعدات

كان تغير الربلات على اوقات مختلفه وبعد تغير كل نوع يختفي الصوت لفتره قصيره وبعد كم مطب يرجع

وصار عندي رجة المطب على سرعة 100 خصوصا إذا صار على منحنى مثل مطبات التهدئه والحفر والنتؤات الصغيره مع المنحنيات تأتي خاصة أول ما أمشي بالموتر في الصباح علما بأني ركبت مساعد دركسون الاصفر (أولد مان) بعد ان قرأت عنه في بعض المواضيع ولكن مازالت الرجه موجوده ..

ايضا صار فيه نشوفه في الربلات ولا أدري أيهن المهم صوتها واضح جدا في الصباح الباكر مع المطب ( تعرفون صوت الربله الناشفه مع المطب)
وإذا استخدمت السياره لفتره طويله يختفي صوتهن .. هل الصوت من الربلات الي غيرتهن ..؟

المساعدات الامامية جبريل واليايت شد بلد

الكفرات بالون ماكسس مرصصهن أرضي قبل 5 شهور ولا امشي فيهن لين اقدم الموتر اقل شيء 2دقيقتين

وش السوات يالربع

عاشق النفود 111

31/01/2012, 04:11 PM

للرفع

الموضوع مهم لدا الكثير لقتنائهم هذه السياره

المشاهدات فوق الالفين أين من يفيدنا

بارك الله فيكم

مداعب الضلع

31/01/2012, 04:42 PM

@قرناص@

31/01/2012, 06:48 PM

اخوي عاشق النفود جربت تلبس الياي بلي؟؟

عاشق النفود 111

31/01/2012, 10:00 PM

اخوي طيب شفت الجنوط ؟

انا صار لي مشكله الي هي الرجه مع انها ما اختفت كليا" بس اختفت اغلبها

من زمان يرج الموتر من السرعه 60 وهو يرج

اما هالحين بالشهر مره وحده يرج

والمشكله طلعت عندي بالجنوط

لذالك الي يخبر لي جنوط بكفراتهن يقولي الله يجزاه خير

الجنوط شد بلد ومتأكد منها
مقدر مرورك

اخوي عاشق النفود جربت تلبس الياي بلي؟؟

الخلفيات ملبسه لأني مغيرها استراليه
الاماميه شد بلد ولا لبستها
يعطيك العافيه أخوي

عاشق النفود 111

31/01/2012, 10:15 PM

تم الاتفاق مع ورشة ميزان بوزن الرمانات الي في الركبه وتأكد منها

كذلك الرمان الي ورا الكفر مباشره يتأكد منه ..

لي سؤال هل من الضروري يفحص الرمان الي اسفل الركبه ويقوم بوزنه
أم يوزن الاعلوي فقط..؟ لأني قلتله على السفلي قال ما يحتاج الى إذا صارت السياره ترج بستمرار ..؟ أفيدونا يااااااخبرااااء

وسوف اوافيكم لاحقا

كان الله في عون الجميع

ابو صقر 07

01/02/2012, 01:27 AM

اخوي عاشق النفود شيك على جلد اليايات وجلود المساعدات الاماميه يجي في كل مساعد اربع اثنين فوق واثنين تحت والاهم اغسل السياره بستم وخذ زيت نارجين من البقاله العلبه لونها اخضر وقيمتها خمس ريال ورش الموتر من اسفل عند المغسله وان شالله بيروح الصوت سوها واعطيني خير هذا بالنسبه للصوت اما بالنسبه للرجه اللي على الميه فشيك على عمود التوازن بتلقى فيه فضاوه هي سبب الرجه ودايم هي مشكلة الرجه بالباترول منت خسران سوي لعمود التوازن الامامي كبس لان اغلب الورش راح يقلك مابها شي الا واحد يكون خبره بالجيوب صدقني صارت معي وكبست العمود وراحت الرجه واذا تبي ترتاح مره وحده غير عمود التوازن وراح تدعيلي بس تراه غالي شوي وبالتوفيق

عاشق النفود 111

03/02/2012, 07:12 PM

هلا بك أخي الفاضل ابو صقر

بالنسبه لجلد اليايات إذا تقصد الي تجي في وسط الياي أعتقد تسمى جلدة مطب بعد فحصها بالنظر

سليمه .. جلد المساعدات الصغار غيرت الثمان كاملات قبل 5 أشهر تقريبا أختفى الصوت لحظات

ورجع .. بالنسبه للرجه إذا تقصد بكبس عمود التوازن >> كبس الاذرعه سويتها قبل 3 أشهر

تقريبا ..

والغسيل بالزيت هل هو حل نهائي ولا عملية تليين للربلات وترجع مثل أول ..؟

ومع ذلك غيرت ربلات عمود الشداد أختفى الصوت يوم ورجع

سويت وزن لرمانات الركبه العلويه فقط .. من أجل الرجه مع المطبات خاصة أول ما أحرك السياره صباحا ..
والي تحت حسب كلم الفني مالها داعي ..!! << لا أدري هل الي تحت مالها داعي صحيح >>
سألت في ردودي السابقه ولم أحد يجيب ..

يبدو أن مكان الموضوع غير مناسب أتمنى من المشرفين نقله لخيمة الاعطال حتى يكون ظاهر ونجد حل من أهل التجارب والخبرات ..

كل الشكر اخي على مرورك

في انتظاركم بارك الله فيكم

أبو تركي82

11/02/2012, 11:59 AM

عندي نفس مشكلتك بالضبط
صوت طقه لما انزل من المطب وصوت الربلات اللي كنها ناشفه
للعلم الموتر شد بلد 2004
اتمنى اذا لقيت الحل تكتبه هني

هويدي

14/02/2012, 03:32 PM

والله والعالم انه ربلات المقصات

مثل اللي بالصورة رقم 16 و 13

http://www.mstaml.com/imagesData/i131873115668390011.jpg

ابوسند9

14/02/2012, 09:24 PM

اخوي عاشق
الشباب ما قصروا والله يعطيهم العافية......لكن انا بعطيك نقاط بس بشرط تفحصها انت بنفسك واترك عنك الورش
---- اولا : الطقــــــــــــــــــــــــــــــــة :
n افحص المواسير والكنداسه لا تكون تدق بالبدي من وقت لأخر وتأكد من الشيلات(ربلات الكندسه).
n افحص كرسي القير لا يكون مهتري ويدق بنفسه.
n افحص صاجة الكنداسه وموقعه بالبودي فوق الكنداسه (الدبة) وهي حامي عن الحرارة ربما تكون مرتخيه.
n تأكد من كرسي البدي اللي تحت السائق على طول وتقدر تشيك عليه انك تشوف اذا كان فيه فضوه راح تلاحظ اثاره (يعني تشوف انه متحرك عن موقعه شيء بسيط) او انك ترفع البدي بعفريته مع قاعده الدعاسة حتى يرتفع البدي عن الشاصي وتشيك على الكرسي.
n اما بالنسبة للي دبل لك كراسي البدي فاء احب اقولك اذا هو فك الكراسي ووضع الربلة مع الكرسي أي بين البدي وقاعده الكرسي اللي بالشاصي فاء كذا كويس
n اما اذا هو فك صامولة الكراسي ووضع الربلة تحت فكذا لو يحط مليون ربله لان المشكلة بالفضاوه بين البدي وقاعده الكرسي من اعلى
وللأسف ان فيه ورشه مشهوره بالصناعية القديمة بالرياض صاحبها يماني تسوي كذا والعالم عنده سرررررا.
---- ثانيا: الشــــــــــــــــــــــــــــــــــــــدادات:
n انت تقول غيرت ربلات الشدادت الأمامية وعددها اربع اذا انت تقصد هنا (الرباطات) وهي اللي راكبه بالدفرنس الامامي من اسفل ونهايتها رايحه وراء فهنا عددها ثمان ربلات
كل شداد او رباط فيه اربع ربلات اثنين قدام وهي كبس واثنين خلف وهي غير كبس فاء شيك على الخلفي لا تكون فيها فضوه..
---- ثالثا:المســـــــــــــــاعدات ومساعد الدركسون:
n مساعدات شد البلد انا اشوف انها افضل مساعدات على الاطلاق من ناحيه الرساوه وطول مدة الاستخدام سواء على ياءي شد بلد او استرالي وللاستخدام العنيف
n وياء شباب مساعدات السفاري اذا انفقع واحد يبين بالسيارة على طول ومن اول مطب تدري انه منفقع عندك مساعد
n الزبدة افضل مساعدات للسفاري شد البلد ومن واقع تجارب سنين وكذألك مساعد الدركسون وهي قليله جدااا انه تخرب
n وللعلم المساعدات الخلفية يركب عليها مساعدات الباترول خلفي موديل 91 92 وطلع واصلي ونص سعرمساعدات الباترول الفتك او السياحي وحتى لو عليه ياي استرالي
---- رابعا: الرجــــــــــــــــــــــــــــــــة:
اخوي عاشق بما انك تقول مساعد الدركسون سليم والجنوط اصليه لذا جرب وافحص التالي:
n انت تقول ان الرجة تجي من بعد ال 100 وخاصه اذا اخذت مطب صغير او حفره صغيره فاللي اعرفه هنا ان هذه النوع من الرجة وخاصه بالبالون ما تجي اللي اذا كان كفرات قدام واحد فيه هواء مثلا 35 وكفر فيه تقريبا بين 25 الى 20 لذا تأكد..
n شيك على ربلات عمود البنهارد وهو اللي راكب فيه مساعد الدركسون.

n فك كفرات قدام مع الجنوط وركبها وراء وجرب فربما هناك مشكله باء احد الكفرات طعج بالجنط. اوتحبيل بالكفرات.
n وبالنسبة للرمان اللي قدام لا تقربها ولا تسوي فيها شيء وحتى لو كان فيه تهريب بسيط لان التهريب الخفيف ما يضر.
n وبأ امكانك انك تفحص ارتخاء الرمان انك ترفع السيارة من قدام وتمسك الكفر بيد من فوق ويد من اسفل وهز فوق تحت وعلى الداخل وراح يبين معك اذا فيه فضاؤه وهذه الفضاوه تسبب الرجة .
n واذا هي على الترصيص الله يعينك لان البالون الجديد الفيتنامي بعد كل تنسيم للهواء بالنفود او الوعرغالبا يحتاج ترصيص .
n و بالسبه للعرجة الصبح عادي وكل البالون كذا.
n ا ما صوت الربلات فهذا شيء طبيعي في اغلب السيارات وخاصه بالشتاء وبالصيف تختفي.
n الزبدة اخوي عاشق سياراتك ما شاء الله موديل 2008 فا حاول انك ما تبدل شيء اللي انت متأكد منه وغالبا الباترول يحتاج بعض القطع الاستهلاكية مثل الربلات بعد ممشى 250 الف للاستخدام الجائر والعنيف
n اخيرا اتمنى اني قدمة مايفيد ولو اني فصلت تفصيل ممل واعلم انك ماشاء الله فاهم ومدرك لكن لكي يستفيد منها اخواني الاعضاء
.

Vتكان

14/02/2012, 10:46 PM

انا راعي باترول ومثل ما قال اخوي صحاب حي طنش
والصوت الظاهر انه من شداد الدفرنس
بالنسبه لي اذا كثرت عندي الاصوات والطقطقه من تحت دورت لي شوي طين بالبر واروح واجي عليه على سرعه الين تروح الطقطقه

هويدي

15/02/2012, 01:03 AM

لقيتها لقيتها ابشربها <= مسجل هدف الاخ ولا حال لغز

قدر الله علي وطلعتلي طقه مشابه للطقه اللي تقول

غيرت ربلات مساعدات ويايات ولا راح الصوت

وكنت مخطط اغير ربلات المقصات الين اليوم عقب العشا اكتشفت المشكله

تحت الميكنه فيه مساعدين صغار بجانب كراسي المكينه

الجهه اللي فيها طقه المساعد من تحت يلعب مب ماسك زي الجهه الثانيه ( ربلته ناشفه )

كذلك كرسي المكينه متكي على ربل قاسي

الطقه طلعت عندي بالجهة اليمنى مب مزعجه بس دابلتن تسبدي وسبب خرابه من مويه البطاريه الاضافيه

وبكرى ربوع ابتفرغلها لاني غرقتهم شحم الليله واشوف وش وظعهم الظهر
|
يا انهم يداومون صح ولا اوظفهم غيرهم

«نجم الخير»

15/02/2012, 01:21 AM

واضح ان الصوت من الياي والافضل انك تلبس الياي لي :)

انت جرب لبس الياي الي في الجهه الي فيها الصوت وان شاء الله يطيب الصوت
بس غير الي هذا

http://im19.gulfup.com/2011-12-28/1325096881883.jpg

عالي الكيف

15/02/2012, 02:13 AM

الاخ عاشق ,,,, كان الله في عونك

الاخوان ماصروا افادوك كلن حسب تجربته

وانا افيدك بتجربتي ورأيي ولا تضحكون علي :D:D:D

بالنسبه لي وجدت المجرم المتسبب بظهور الصوت هو............

غطاء الكبوت :mad::mad::mad:

اغلب الباترولات بعد فتره من الاستخدام العنيف يظهر فراغ في قفل غطاء الكبوت ولا اعلم السبب !!!

حاول تثبته بحبل او سيم حديد وجرب اذا اختفى الصوت حل مسامير القفل الثلاثه ( شوي ) وحاول تنزيله شوي بظرب المسامير برفق ثم شدها اذا لاحظت نزولها .

تحيتي لجميع الفتكاويين .

ابوتركي666

15/02/2012, 09:32 AM

الله يعينك لاتدقق طنش تعش طبيعي الباترول طقطقة

RW7..ALBDAWA

15/02/2012, 12:17 PM

على كلامك رجـه بالصصصصبح هذآ البآلون مآيحتاج ابو البلآوي كلهآ ابو الخسآير

ومع ذآلك نسستخدمـه جررب فك البآلون وركب شيآهين او اي كفر بس مآيكون بآلون وجرب

واذا تبي كفرآت اعطيـك يآهآ تجرب عليهن وتعطيني يآهآ مآهي مشكله موقعي بـ شرق الريآض