الفزعة تكفون ياأصحاب الجي اكس ار

[مكشاتي ركن]

مساكم الله بالخير

ياأخوان أنا شريت قبل فترة قصيره جي اكس ار 2006 سعودي اتوماتيك والموتر نظيف ولله الحمد وحتى مامشى كثير يعني حوالي 90 الف لكن بحكم قلة خبرتي بالجيب بشكل عام والاتوماتيك ايضا انه لما اعشق الموتر من ال R الى D اسمع طقه بالبدايه تكون قويه من اول تعشيقه وبعدين لما اعشق مره ثانيه اسمعها لكن بشكل اخف طبعا هذا اذا عشقت الموتر بشكل سريع نوعا ما لكن اذا عشقته بصوره تدريجيه يعني من N الى D واعطي كل نمره ثانيه او ثانتين يختفي الصوت بشكل خفيف هذا شئ .
الشئ الاخر انه لما امشي بالسياره وعلى سرعه اقل من 100 وارفع رجلي عن دواسة البنزين وادعس بسرعه اسمع الطقه ولكن لما ادعس بشويش مايصير شئ ,

طبعا قبل لااشتري السياره مريت على اكثر من معرض وعندهم نفس موديل موتري وجربت وسمعت نفس الطقه عند التعشيق وتوقعت الامر طبيعي

طبعا فيه ميكانيكيين قالوا انها فضاوة بالقير وقالوا انها يمكن مشكله بالصليب وووووو.... دوخوني والله

ماابغى اكثر الكلام لانه فيه اللي يبي يفيدني هنا وتحياتي

[حطام]

آرحب مكشاتي ركن.....فيه واحد مشتري موديل 2004 جديد على وقت الموديل نفس الصوت يطلع اذا عشق القير

بس ماادري بالخط يطلع صوت ولا لا وليومك هاذا ماسوا فيه شي نفس المشكله

انا من رايي تقطع الشك باليقين وده الوكاله ولا خل الورش كلن يسوي وش طلع معه اللي يقول فضاوه خله يسويه واللي يقول صليب الخ ...مهيب خساره دامه حقك اصرف عليه يريحك بعدين

:) دمت بود

[غدر الزمن]

اما انا اقول اغبى ميكانيكي من قال انها فضاوه في القير

هي فضاوه صحيح ولكنها في الصليب الخلفي وهذا تقدر تتاكد منه انت وقف السياره

على حفره او على بستم المغسله اذا غسلت السياره ولف عمود الدوران بيدك بلاتجاهين

الثانيه فضاوه في الكارونه وهي شائعه في السيارات ذات القير الاوتوماتيكي اللي ماتستخدم بحشمه..... بالتوفيق ان شاء الله

[ابن هذيل]

هلا بك الطقه عندي وعاديه اهم شئ ادعس على البريك اذا بغيت تغير النمره الى دي اكيد تغير القير بدون ضغط البريك زين

اما وانت تمشي ماعندي خبر عن الطقه

[hamo0o0ody]

انا عندي نفس مشكلتك بالظبط معي Gxr2006 شريته وكاله
ورحت كم مره للوكاله وقالوا طبيعي
ورحت لكم ورشه قالوا طبيعي في 2006 و2007 علشانه رباعي مستمر
واستفسرت من الاخوان هنا في المنتدى قالوا طبيعي
وانا اقولك طبيعي مثل ما قالوا لي الاخوان المكشاتيه
ولا تخلي احد يحوس عليك القير ويلعب فيه
أخوك / أبو نواف

[Myway]

لا تحاتي هذي عاديه كل الجيوب التماتيك فيها مثل ماقااالو الاخوان دفع رباعي ..

[طارق2011]

طبيعي ولا تخاف منه انا معي نفس الموديل فيه نفس ما ذكرت
و الأفضل عند التعشيق من الـR الى الـ D ان تتركه على الـN ثواني ثم تنتقل الى الـD والعكس

[mdr3m777]

طبيعيه
حتى ٢٠٠٩ فيه صوت طقه

اما يطلع صوت طقه وانت ماشي الله واعلم هو الاستبليزر اللي يركب تحت بالنص حول الكارتير

[مضارب سيارات]

الطقه عادي في كل الجيوب 8 سلندر دفع رباعي مستمر

[8ابوسلمان8]

هلابك اخوي انا معي 2006 ونفس الطقه كانت عندي انا وس وست وكلن يقولي نفس الكلام للي قالولك

ياطويل العمر شف انا غيرت القطعه قبل كم شهر والموتر زان معي

مر قطع الغيار اشتر القطعه اسمها كرسي دبل على ما اعتقد او كمر تجي قطعتين حديد طولها تقريبا شبر وزياده معها جلد قله ابي كراسي او كمر جيب لاندكروزر 2006 على ما اعتقد هذا اسمها والله ناسي اسمها بس هي تجي حديد طولها شبر وزياده وتجي دائريه من اطرافها ومعها يجي جلد وسعرها تقريبا800ريال وتركيبها ب400 او 300


انا كنت نفس مع التعشيق واذا فكيت رجلي ورجعت دست الابنص يطلع تكك غيرها انت وان شاءالله بتغير عليك الموتر للاحسن

[المستشار555]

مرحبا اخوي شوف هذا الرابط وان شاء الله تنحل مشكلتك

منقول
http://www.mekshat.com/vb/showthread.php?t=276100 (http://www.mekshat.com/vb/showthread.php?t=276100)

[المستشار555]

السلام عليك
اخوي انا عندي نفس المشكله جبت الجلد وطلعت عندي سليمه ورحت للميكانيكي قالي فيه فضاوه في العكس الايسر