المساعد الشخصي الرقمي

مشاهدة النسخة كاملة : بخصوص مقاطع .فضيحة سيارة(*****) تحدي مثلآ


قوقس
29/04/2011, 03:33 PM
السلام عليكم ورحمة الله وبركاته

اخباركم اعضاء مكشات الكرام ... ان شاء الله بصحه وعافيه

اسعد الله صباحكم/مسائكم , بكل وقت

بخصوص كثر التحديات خخ بين الاعضاء كل شوي واحد جايب مقطع سياره
مغرزه ويقول ماتستاهل ودافع كل القيمه عشان سياره تسود وجهك بالبر
الخ...
انـا اقول المقطع يحكم:D .. = 80% على السواقه



iTxMUbRT9tY



.


Rg27fJmRVSo



.


ساهر خخخ


MT-r9TO1RTw



لا تنسون التقييم
سلطان الضوي
29/04/2011, 03:47 PM
كفووووو والله

نسم الكفر
وادعس


ذكرتني بقبل اسبوع
كنا طالعين بحائل
ومن ضمن الأخوياء واحد على فورد بس سوااااق طلع لين وقف عندنا على الطعس
والثاني على جيب ويالله طلع الطعس والمصيبه انه غرز ويالله طلع

ويعطيك العافيه
قوقس
29/04/2011, 03:53 PM
هههه كفو يالفورد 8 سرندل وش تبي بعد هه مع انه ثقيل


هي على السواقه وانـا اخطيت يوم قلت 80% الا 100%

يعطيك العافيه مشكور على المرور
مفكر عربي
29/04/2011, 03:58 PM
نسم الكفر وحاول ما تطيح في حفرره وبس
SAS2
29/04/2011, 03:59 PM
والله التطعيس يبيلة قلب قوي اكثر من مهارة هذا الي شفتة يمكن صح ويمكن غلط
قوقس
29/04/2011, 04:06 PM
والله التطعيس يبيلة قلب قوي اكثر من مهارة هذا الي شفتة يمكن صح ويمكن غلط

فعلآ يبيله واحد موسع صدره ولا همه يغرز ولا ميغرز كذا بيفكر بسرعه وويتصرف
هي زي السباحه ان خفت غرقت سوئ كنت سمين ولا نحيـف يعني موب على الموتر :D
hally
29/04/2011, 05:10 PM
هههههههه
أزين شيء الباص هو ونوافيره
يمال العافية على المقاطع
قوقس
29/04/2011, 05:48 PM
هههههه يازين من زرف ساهر وقعد ينوفربه ههههه
الله يعافيــك

شكرا على المرور
Abo gssar
29/04/2011, 06:31 PM
ولا تنسون الممارسة دايم اي شخص خبرة في التطعيس لازم تلقاه اكل تغريزات لين طفش ...
gomr-15
29/04/2011, 08:28 PM
اشهد ان الي يسوق الباص سواق نفود

واضح بعد انهم داخلين داخل بالبر واجد يعني مسافه موب بسيطه لنه الارض نظيفه

الصراحه اهنيهم على الباص واحلى دعايه وشكله باص من نوع هونداي
عاشق السيل
29/04/2011, 09:08 PM
أما الباص تحححححححححححححححححححــفة ههههههههه ينوفر ومركب كفرات خط بعد !!!!!
مكشاتي 2011
29/04/2011, 09:55 PM
100% يامسروقه او مسـتاجرة
ذيب النجيل
30/04/2011, 12:30 AM
اي سياره تنسم هواها ماراح تغرز


زمان كنا ننسم هوا كفرات الددسن الـ(85) ونخليه مابين ال 15 وال10


ونسابق الجيوب بالغراز


تصدقون اعرف واحد معه جي اكس اار 2007 وغرز وماعرف يطلعة وغير سحبوه بحراثه


كانت قريبه منهم بمزرعة


قلت كيف تغرز وموترك عزمة قوي قال عشقت الدبل الصغير والكبير ومارضى يطلع


قلت نسمت هوا الكفرات قال لا


فقلت له كم الهواء قال تقريبا 40


فقلت هذا البلا كيف تبيه يطلع من الغراز وهواه 40 لونك منسمه على ال 20 او 18 كان ماغرز


ولا تحتاج الدبل


وهذي النقطة فيه ناس ماتعرفها وثم يغرز ويبلش
أبوغيث 2003
30/04/2011, 12:44 AM
100% يامسروقه او مسـتاجرة


ماشاء الله عليك :)

وش يقرب لكـ المحقق كونن :D

لا تتهم الناس باركـ الله فيكـ

يعني على طول خليتهم حرامية

على العموم واحد من الربع حقهم الباص وكشتنا به من باب التغيير :p

http://www.mekshat.com/pix/upload05/images214/mk117628_img_1163.jpg


http://www.mekshat.com/pix/upload05/images214/mk117628_img_2587.jpg


http://www.mekshat.com/pix/upload05/images214/mk117628_img_2607.jpg
راع الريمة
30/04/2011, 12:51 AM
ههههههههههههاي ...

عز الله انكم صادقين....والله يرجال اني كنت ماأعرف أسوق بالنفوذ لأن أرض ديارنا رمال لكن مو مثل النفود...المهم اني رحت لديره كلها رمال ...ضيعت الديره وتعديتها المهم وانشدلي واحد قالي يخوي أنت تعديتها...شفوفها وراااااااك...طبعا أنا على الازفلت..المهم وأحصلي مقص(فوق تحت)ولاهم حاطينبه رمله نفود ..قلت يالله تخارجنا ...المهم ويوم وطيت الرمله والسيارة تقول مكاني وأفحط وأفحط ولا والله كل ماأزيد تنزل ايلين دقر الدفرنس ...بصراحة جوني رجال وعاونوني بس والله ان وجهي طاح بالارض....عاد قلت والله مااخليها تحصلي المره الثاني ..صرت أداوم 40 ك نفود...يوميا...وأغرز وأطلعها ايلييييييين تعلمت مظبوط...حتى صرت أتحدى أهل الديرة اللي كنت أداومبها بالسواقة بالنفود والتطعيس....حتى بالخير قالولي عز الله انك سوااااااق.....لدرجة ان واحد من خوياي طلع من الدوام -بعد ساعة يوم عود..خير يفلان وش بلاك ..قال غرزت..ويوووم ضحكت عليه_أنت تغرز؟وانت تضحك علي وتقول يالغشيم يالغشيم وهالحين تغرز...قلت يعيال أنا اللي بطلعه ..المهم رحنا لسيارته وطلعتها له وقلت توكل يالغشييييييييم....

حبيت أشاركم باللي عندي ......صحيح انها عند السواق...

المشكله انه كانت معي هايلكس 2007 مظبوطة بالنفود بس أغرز...وبعدين شرينا ددسن 87 والله بعد ماتعلمت السواقة بالنفود صرت ألعبه لعب....شاطر صح؟؟



ثقلت عليكم؟


تحياتي لكم
YUKON_GMC
30/04/2011, 01:34 AM
صحيح الموتر من سواقه لكن تعطيس اللومينا والباص كانت عقب المطر واضح اثر الندى في النفود ومعروف وقت حتى الصغار تطعس

لكن راعي الكامري انواع التكسير لاعن خيرها ومكسرها

التطعيس فن وذوق من ناحيه تتونس وتنبسط ومن ناحيه تحافظ على سلامة سيارتك من الجور والمطبات اللي تكسره

وهذي مشاركه مني تطعيس على خفيف انا والعيال على خوي الدرب اللي بالتوقيع

zXVqPKvtAys

D0CF-poKQ8M
قوقس
30/04/2011, 03:25 PM
يعطيكم العافيه

ع

المرور
عبدالرحمن37
30/04/2011, 04:26 PM
الله الله هي على السواق

وزيادة الخير خيرين هاذي كورلا في نقرة المجمعه وموقف في راس النقره هههههههه

http://www.sudeer-up.com/upload//uploads/images/sudeer-922facf579.jpg

الصوره منقوله من شبكة سدير
قناص العودة
30/04/2011, 09:09 PM
نسم ولايردك الا الين يوقف الموتر
D.luffy
30/04/2011, 09:40 PM
يا حبيبي هي مهب على الشاص هي على الراس ولا وصوره مع التحيه لسواق الباص ههههههه
_TOYOTA_
30/04/2011, 10:21 PM
جلد مهوب جلدك جره على الشوك
قوقس
02/05/2011, 02:47 PM
الله الله هي على السواق

وزيادة الخير خيرين هاذي كورلا في نقرة المجمعه وموقف في راس النقره هههههههه

http://www.sudeer-up.com/upload//uploads/images/sudeer-922facf579.jpg

الصوره منقوله من شبكة سدير
مشاء الله ربع موب كورلا
ههه
يعطيــك العافيه
مشكوورين على الشطفه
ABOODYالعيلي
02/05/2011, 05:19 PM
:f أنا أشهد أنه موضوع رائع :f

:f تقبل مروري :f