المساعد الشخصي الرقمي

مشاهدة النسخة كاملة : الحصبيات .....(7 ذو القعده 1426 ) ام صحن


مزاجي
09/12/2005, 08:17 PM
بسم الله الرحمن الرحيم

في البدايه اود ان اشكر جميع الاعضاء اللي اتحفونا في الصور السابقه للحصبيات ولام صحن خصوصأ ..ومن غيرهم ماكان راح ندري عن الربيع الجميل فيها...

بداء خط السير من الدمام في وقت متأخر من يوم الخميس لحد يقول ليش مامشيتو بدري بقولك المعاون ما عزم الا متأخر وتوكلنا على الله

وصلنا النعيريه وكان الضباب متعبنا من الطريق وققرنا ان ننام في النعيريه ومع الصباح الباكر توجهنا الى قريا العليا وبعد ذلك الى الرفيعه ومن ثم الى اللهابه وبعد ذلك قضبنا درب المبيحيص الى حط تقاطع مع درب المقانيص في الخمه والمسافه كانت تقريا من اللهابه الى الخمه 35 كيلو وبعدها 70 كيلو الى ام صحن وكان الطريق متعب جداً ولا انصح احد بالذهاب من هذا الطريق .. وصلنا و عينا من الله خير وشبينا على القهوه وتقهوينا وبعد ذلك سوينا الغداء وبعد ذلك ققرنا ان يكون خط العوده عن طريق ام قليب وذلك لقربها من ام صحن وهي تبعد تقرياً46 كيلو ولسهوله دربها وبعدها لقطنا القار الى مفرق القاعده وتوجهنا من هناك الى السعيره من ثم الى النعيريه

بصراحه كشتتنا كانت متعبه وذلك لقصر الوقت ولكن الدوام مايرحم والقلب متولع


http://www.mekshat.com/pix/upload/images12/mk21137_1.jpe

http://www.mekshat.com/pix/upload/images12/mk21137_3.jpe

http://www.mekshat.com/pix/upload/images12/mk21137_5.jpe


http://www.mekshat.com/pix/upload/images12/mk21137_aa.jpg


http://www.mekshat.com/pix/upload/images12/mk21137_eeeee.jpg


وسامحونا يالربع على القصور والله يعينا على رد جمايلكم
ابومحمدالراحل
09/12/2005, 08:30 PM
ماشاء الله
جزاك الله خير أخي مزاجي على الصور وماهنا قصور ياحبيبي
رعدان
09/12/2005, 08:43 PM
الله يعطيكم العافية , ما قصرتوا .
عاشق البسباس
09/12/2005, 08:54 PM
السلام عليكم ورحمة الله وبركاته
الاخ مزاجي مساك الله بالخير
اول شي ماجور على الرحله الحلوه ذي
ثاني شي الله يعطيك العافيه على الصور الاكثر من روعه
وتقبل تحيات اخوك عاشــــــــــق البسباس
عاشق النجوم
09/12/2005, 08:55 PM
السلام عليكم والحمد لله على السلامة ومشكور على الصور الجميلة ويلزمكم شهر راحة ودرزن لزقات جونسون تحياتي للجميع
* الخطيب *
09/12/2005, 09:04 PM
الحمد لله على السلامة ومشكور على الصور الرائعة .
ABU-AL-3eeS
09/12/2005, 09:16 PM
الله يعينكم فعلا الرحلة متعبة

كنت ناويها الاسبوع هذا

لكن صراحة الحصبيات بعيدة والصمان اشهب الهب ماتسوى العنوة على فيضتين والا ثلاث!

صراحة انصح اهل الشرقية خلال هالاسبوعين بالتوجه الى الصرار وبالاخص وادي العجمان ,, راجع موضوعي :d
مسافر1
09/12/2005, 09:21 PM
جزيت خيراًً ...
أبوصالح
09/12/2005, 09:25 PM
مشكور
صور حلوه وممتعه .

أبوصالح
مزاجي
10/12/2005, 12:33 PM
مشكورين يالربع وعز الله انكم طيحتو تعب العنوه بردودكم الي توسع الصدر
الســـاري
10/12/2005, 12:47 PM
هلااااا مزاجي

وبهالرحله اثبت انك مزاجي ;)

بس مزاج مكشاتي رائع .... والتعب يهون اذا وصلت المكان اللي انت عاني له واستانست فيه

تسلم على هالصور والسرد الشيق
مزاجي
10/12/2005, 12:51 PM
السلام عليكم والحمد لله على السلامة ومشكور على الصور الجميلة ويلزمكم شهر راحة ودرزن لزقات جونسون تحياتي للجميع

اي والله انك صادق تقول كني متهاوش مع تايسون
مزاجي
10/12/2005, 12:54 PM
هلااااا مزاجي

وبهالرحله اثبت انك مزاجي ;)

بس مزاج مكشاتي رائع .... والتعب يهون اذا وصلت المكان اللي انت عاني له واستانست فيه

تسلم على هالصور والسرد الشيق


ياهلا يالساري وان اشهد انك صادق التعب يهون لاشفت ذا الارض الطيبه.. بس صراحه اللي قبلنا راحو خبلونا وحدونا على مانكره ولاكن الحمد لله اللي يسرها
aziz99
10/12/2005, 01:25 PM
مزاجي ....المتألق دائماً ...

لا تعبت...على الصور والتقرير ...الجميل.......رائع دائماً

تحياتي لك
مزاجي
10/12/2005, 01:29 PM
لاندمت ياعزيز ونور الموضوع
ابونواف999
10/12/2005, 01:47 PM
شكراااااااااااااااااا

اخوي مزاجي الصور ذكرتنا عام 97

لاهنت مشكور
مزاجي
10/12/2005, 08:09 PM
يالله حي ابو نواف والكشته الجايه لازم انت معنا
(أبوزيـــــد)
10/12/2005, 09:58 PM
عافاك مولاك اخوي(مزاجي)على ها الصور ...
ولاتعبتوا....

أخوك/أبو زيــــــــــد
هاوي الخرج
10/12/2005, 10:25 PM
مشكور اخوي ( مزاجي ) على الصور الحلوة
ويبين أن الخضرة طيبة مع أننا لم ندخل في الشتاء
ابوذيب
11/12/2005, 08:43 AM
مشكور وما قصرت بس ها الصور قديمه انا جاي من فياض الصمان امس مابها شي وانصح لا حد يروح لها




طبعا لو راحو كلهم خربت الفياض وخصوصا اللي مايمشي مع طرف الفيضه او مع الطرق المحفوره ، لان بعض الفياض شوهتها السيارت مثل ام قرين
مزاجي
11/12/2005, 12:13 PM
مشكور وما قصرت بس ها الصور قديمه انا جاي من فياض الصمان امس مابها شي وانصح لا حد يروح لها




طبعا لو راحو كلهم خربت الفياض وخصوصا اللي مايمشي مع طرف الفيضه او مع الطرق المحفوره ، لان بعض الفياض شوهتها السيارت مثل ام قرين

حياك الله يابو ذيب ولكن طال عمرك على اي اساس حكمت ان الصور قديمه وحده من الثنتين يا انا مادل ومارحت لها ولا انك مكذبني ..ولاكن خذ العلم مني وكاد الصور هاذي ماخوذه صباح يوم الجمعه وهاذي مافيها شك ..

ولكن مني اطيب السلام
رسلان
12/12/2005, 01:57 PM
عافاكم الله أخي على الموضوع والصور ...
وجزيتم خيراً ...
الحسي
12/12/2005, 02:15 PM
شكرا لك على الصور
PATROL
24/12/2005, 08:10 PM
السلام عليكم جميعا ولاهنت اخوي مزاجي على هالصور اللي ترد النفس وعزالله ان مزاجك حلو :good: اما بالنسبه للاخ الحسي ياخوي سلامات على هالتوقيع اللي ماخلص له سنين والله لوانك باني عماره يمديها خلصت هههههههههههههههههههه :D
المقدام
27/12/2005, 12:28 AM
اخوي مزاجي مساك الله بالخير

هل من الممكن تزويدنا بالاحداثيات للمناطق اللى مريت عليها

و اذا كان هناك تراك مشيت عليه ياليت تذكره لنا اذا ما عندك مانع

لاني ناوي اكشت للفيضة هذي الله لا يهينك
omiran
30/12/2005, 12:17 AM
ماشاء الله مناظر حلوه وتصوير ممتاز الله يعطيك العافية