المساعد الشخصي الرقمي

مشاهدة النسخة كاملة : مشورتكم في هالموتر .. صورة ..


خشكاري
09/12/2005, 10:03 PM
بسم الله الرحمن الرحيم

السلام عليكم ورحمة الله وبركاته

حياكم الله . . ياأخوان شفت الموتر على الطبيعة . . ماشاء الله تبارك الله . . نظيف جدا جدا . . بصراحة أعجبني . .

مواصفاته كالتالي (لاأحد يسألني غيرها) :
- موديل 1993
- 6 سلندر قير أوتوماتيك
- أبيض داخل بني مع بيج
- الاستمارة فيها 2 (أجانب)
- ماشي 200.000 كلم
- فحص جديد واستمارة سارية
- نظيفة جدا من الداخل والخارج
- مافيها صدا
- الدبل لم يستخدم الا نادرا

http://www.7mel.com/uploads/88ca2d810f.jpg

كم في اعتقادكم يسوى . .؟ ارجو المشورة . .
وشكرا . .
توونا
09/12/2005, 10:19 PM
انحش كان تبي نصيحه اخوك هذولا نظيفهن عاطل باطل والله لايخسرك
خشكاري
09/12/2005, 10:27 PM
أخي توونا شاكر نصيحتك . . عالعين والراس . .

لاكن الموتر من جد نظيف ومحركاته على الشرط . .

وأنت والله خوفتني . . طيب ماينفع حق كد ربيع - سنه وبعدها نصرفه . .
المشهور
09/12/2005, 10:27 PM
عض ثوبك وطقق نعيلاتك وهج

الشيروكي مكروه لدى الشعب

وهذا رايي

ولك مني التحية ،،،،،،،،
المستوي 1
09/12/2005, 10:36 PM
هلا

لا تدفع اكثر من 17000 اذا انت مستعجل

ولا تحصل نظيف و ارخص بس يبي طولت بال

ودمتم
ولـد الدوادمي
09/12/2005, 10:44 PM
اخوي انت علمني كم حدك وانا انشالله ماراح اقصر معك

لاني من محبين الشروكي وعندي خلفيه عنه

الف شكر لك اخوي ..
حر اليدين
10/12/2005, 07:26 AM
السلام عليكم
مااظن انه ياصل 17 ولايهون اخوي انا شاري افضل منه 94 قير عايدي اقل منه ممشى تقريبا 14000
استخر وشاور اخوي العزيز

تقبلوا تحياتي
ع.ف.الدرويش
10/12/2005, 07:38 AM
خشكاري..
صبحك الله بالخير..
أضم صوتي للأخ حر اليدين وأقول لا تدقع أكثر من 14 ألف وإن كنت بتزود لا تزود عن الـ15
وأنصحك بفحصها فحص شامل من إلى..!
والله يوفقنا واياك لكل خير
والله يطعمك خيرها ويكفيك شرها

أبو فهــد..
BlueSky
10/12/2005, 09:44 AM
12 او 13 مايزيد ولا تامن الاجانب
الكونترولCONTROL
10/12/2005, 10:05 AM
ما اظنه يوصل 12 !!!!!!!!!!!! بين 9 و 11 و كثير عليه ..........
ترى الموتر غثا ..... و الله يعينك ..... اما اللي يقول 17 !!!! يقصد موديلات 96 و 95 !!!! النظيفة بعد
أبو أسامة
10/12/2005, 11:48 AM
السلام عليكم ورحمة الله وبركاته
أخي الكريم : خشكاري
أنا ما أنصحك به .............. لكن إذا أنت مصر تأخذه لا تدفع فيه أكثر من 12 وتخب عليه نصيحه .......... يعني أنا مع كلام أخوي كنترول ............................

والسلام عليكم ورحمة الله وبركاته
نمر بن حثلين
10/12/2005, 06:09 PM
اذا انت تبي الموتر للرمل والتطعيس الموتر يطربك بس تحمل قطع غياره وغثا خراباته

اما اذا انت مالك في مطامر الطعوس وتبي موتر تستعمله بركاده وتكده لا يقربك الموتر وهج

لان ماله ميزه الا بالتطعيس وحتى التطعيس ما ينفع هذا لانه تماتيك
وتماتيك الشروكي اكثره يجي 1 و 2 بنمرة وحده
يعني الا اخذت العزم عشق بالثاني وطاح عزمه
قصيمي والهوى شرقي
10/12/2005, 08:01 PM
نرى بعد الربيع مايجيب ولا ريال كله خساره 9500 وواجد عليه بعد الربيع مايجيب الى 7 او 6 وبس اسأل مجرب غير التيوتا لاتدور نصيحه بعدين قطع غياره نار واذا كنت راجل لكل كل جريت عليه بالبر تدخل الورشه خذه كان معي زيه وييلله بعته
nahham
10/12/2005, 08:07 PM
بالنسبة للسعر الاخوان ما قصرو

لكن خذ رأيي واستشر اصحاب الورش

ترا الشروكي غثيث واقشر

الله يختار لك الصالح
anas
10/12/2005, 09:44 PM
انا كان معاي واحد موديل 96 استخدام امريكي فل كامل شيروكي فتحة وقير توماتيك ومثبت سرعة نظيف مثل اللي في الصورة .... شريته العام الماضي وبعته بعد 4 شهور فقط خسرني فيها 4000 ريال قطع غيار وبعته والمكيف خربان بعد ... كل ما دخلت في طعوس ما اخرج إلا وفيه خراب .. تحس وانت تسوقه انه بيخرب عليك في اي وقت ..... نصيحة انحش عنه لأنه من برا الله الله ومن جوا يعلم الله .
بواسامه
10/12/2005, 09:58 PM
ترى الشروكي يتلفت بالطعوس والمصدات
وان شاف ان ما حولك احد طفى بك

هج منه هجوجك من الاسد
أبو مهند الزهراني
10/12/2005, 10:52 PM
شريت واحد موديل 90 ب 13500 وخسرني اكثر من4000 ريال وبعته ب 7500 يعني خسارة هائلة وبعدها توبة من الشيروكي
الكونترولCONTROL
10/12/2005, 11:07 PM
اخوي Anas ..... نفس الشعووووووور و نفس الموقف 100 % بس انا ما صبرت ما خليته يكمله يومه الأول معي
قلت هذا مهوب موتر .... هذا قطعة برميل .... مع اني أخذت فل كامل أمريكي موديل 98 !!!!!
كشا(الجواء)تي
10/12/2005, 11:15 PM
الشروكي ماعليه بالرمل بس عيبه انه كثير خرابه تشريه بــ15000 أو أقل وبعد سنه ماتدري ألا وانت دافعهن مرة ثانيه على تصليح الخرابات اللي فيه ............ وانصحكم بالباترول الربع بنفس القيمة بس يطررررررررررررب.
خشكاري
10/12/2005, 11:29 PM
السلام عليكم ورحمة الله وبركاته

الاخوة الكرام :

* المشهور
* المستوي 1
* ولـد الدوادمي
* حر اليدين
* ع.ف.الدرويش
* BlueSky
* الكونترولCONTROL
* أبو أسامة
* نمر بن حثلين
* عاشقjeep
* nahham
* anas
* بواسامه
* فتى تهامة
* الكونترولCONTROL
* كشا(الجواء)تي

أشكر تواصلكم الكريم بالمشورة وهذا غير مستغرب عليكم . . ومن ناحية السوم وسمعة الموتر الذي لمسته من الردود خصوصا من الاخوة أصحاب التجربة الشخصية مع الشيروكي أقول عز الله اللي ماشريته . . مع اني كنت صامل عليه خصوصا بعد ماشفته لاكن كما قيل ماخاب من شاور . .

أكرر شكري لكم أيها الاحبة وجزاكم الله كل خير . .
الطير المهاجر
11/12/2005, 10:10 AM
انا اقول انك اولا لازم تطلع فيه طريق وتدوس عليه وتشوفه زين مازين
ثانيا لازم تشغل الدبل وطعس به اشوي
ثالثا علشان تتطمن وده اي ورشة محترمة ومعروفة وزينة وخلهم يفحصون السيارة من ماكينة ومحركات
ولازم تطل عليها من تحت وتشوف الاذرعة والمقصات وهالاغراض كلها ( اذا رغبان فيه )
واذا جيت بتشتري ترى الاجانب سهلين بس لاتزيد عن 14 الف واذا كان اقل يكون احسن
لانك اذا شريته راح تغير كفرات وجنوط وتشتغل فيه اشوي
اما عن سيارات الاجانب الي في السعودية ياجماعة فهم افضل سيارات في المملكة لانهم يهتمون في الصيانة اكثر
مننا وخدمتهم للسيارة كثير محدودة وحتى في الطرق مو مثلنا يوم نمشي على السيارة مية ويوم الطبلون كله والزيت مانعايره
ولا شي
نصيحة لكل واحد محصل سيارة اجنبي في السعودية عندنا انه اذا وده فيها يشتريها ويدعي لي
تحياتي
الكونترولCONTROL
11/12/2005, 10:23 AM
هاهاهاهاهاهاهاهاها وش ذا يا ابو أسامة !!!!
هج منه هجوجك من الأسد ؟؟؟؟!!!!!!!!!!!!!!!!!
وووووووووووووووووووووووووووووووووووووووووووووووووو وين رايح وقف !!!!!!!!!!
مصلي بنا شرق على كيفك الأمثال !!!!!!!
منصور ع
11/12/2005, 01:21 PM
اخبر واحد من الربع عنده شيروكي 90دخل به البر مرتين والثالثه رجع من البر مربط قيره بأ سيام تفكككت مساميره وطاحت في الأرض وخوي الثاني معاه 2002 تشوفه كنه 88ومتعامل جيد مع الورش شوي ويفتح حساب عندهم .... زبدة الموضوع (هج عنه)
مخاوي الطعوس
11/12/2005, 07:51 PM
يستاهل 16000
الديوان
11/12/2005, 08:18 PM
نصيحة مخلص لك هج هج هج هج
ترا ماوراه الا الغثا والخساير تراه موتر فااااااااااااشل
والله يختار لك الاصلح ..... تحياتي
بو خليفه
11/12/2005, 11:44 PM
أولاً هل ماشي بالميل أو الكيلو لأن الفرق واضح بينهم حتا لو يكون نظيف لكن السيارة تعتبر استهلك نصف عمرها إذا كانت كيلو
و إذا كانت بالميل فسيارة تالفه و لا تصلح للاستخدام
أن كان بالكيلو من 11000 - 14000 ريال و إذا كنت هاوي هذا الجيب فأدفع أكثر
إذا كان بالميل 10000 و أقل