ياجماعة الخير فزعتكم ,, الباترول فيه رجه غير معقوووووله .. [الأرشيف]

شقرآآآوي

01/05/2011, 10:55 AM

السلام عليكم ورحمة الله وبركاته ..
حي الله الجميع ..

ياحبايب ..
موتري سفاري 2008 وفيه رجه غير طبيعية مره مره .. تهز الموتر هز ..

المراتب ترجف , والدركسون , وكل شي تتوقعونه :D

توضيح شوي ..
انت الآن اذا كنت تمشي بالنفود مثلاً ,, وغطست الموتر شوي ولا ماقدر يكمل ممشاه ,, الكفراات تصير تضرب بالأرض وترج الموتر ..

هذا بالضبط الي يجيني في كل وقت , وفي سرعات غير محدده ..

فـ الي عنده حل يسعفنا الله يعافيكم ..
لأن الرجه ذي معد تنطاااق والله ..

عفط

01/05/2011, 11:05 AM

حبيبي.. هذا سلمك الله قد يكون من الرمان اللي بالهوبات قدام يبن شد, أقول قد لان اخوي قد حصلت له هالمشكله وبالأخير طلعن الرمان مرتخيات وشدهن.. دعواتك وتراه أول رد لي بالموقع !!
مستانس ^_^

ساري 111

01/05/2011, 11:15 AM

باترول 4500

01/05/2011, 11:24 AM

وعليكم السلام

حصلت لي مثل مشكلتك رحت لورشة وقال لي المشكلة عندك من ربلات البنهار ( الظاهر الإسم كذا ) رحت شريت الربلات ورجعت للورشه ركبهن لي
وإلى الحين ولله الحمد الموتر مضبوط .

ابومهند 2

01/05/2011, 11:54 AM

انا ماخليت شي ماغيرته ولا راحت
و وصوفي اهل الخير ورشه ترصص ترصيص ارضي
رحت وركب على الكفر جهاز غريب اول مره اشوفه
وبعدها الحمدلله
اذا انت في جده ادلك عليها

شقرآآآوي

01/05/2011, 11:59 AM

اخوي أحمد : ياهلا بك والله ,, وعز الله انك تبي تستانس بمكشات ..
طيب وين ممكن اقدر ازينها ...؟ فيه مكان تمدحه .... ؟

ساري : اي والله عز الله بينقلب على الرجه ذي ..
بس لا هنت ممكن توضح لي بالضبط وش الطريقة .. ؟
ووش اقول للمخرطه .. ؟

باترول : تذكر لي اسم الورشة وموقعها لاهنت ..!

ابو مهند : انا في الرياض يالغالي , والله يعطيك ألف عافية ..

ابوسند9

01/05/2011, 12:11 PM

اخوي
نصيحه لا تلعب بالسياره ولا تسوي شي حتى تتاكد من الكفرات لا يكون محبل اي فيه انتفاح
او طين با احد الجنوط
واذا على كلامك الرجه قويه ما اتوقع من رمان او اذرعه او ربطات

القاسمي

01/05/2011, 12:55 PM

وعليكم السلام ورحمة الله وبركاته
حياك الله اخوي شقراوي
معروف ان الجيب ما تخليه الرجه دائماً وانا اقول لا تشري ولا تحط وتخسر الا بعد ما تشيك على اشياء اساسيه بعطيك اياها وشيك عليها قبل وبعدين تتوضح لك
1- عندك الكفرات تأكد منها ومن هواها
2-وزن الاذرعه والترصيص
3- عمود كردان وعمود الدبل وهذي هي دااااائماً اغلب مشاكل الرجه القويه منها بسبب بطن الموتر يضرب فسكاكين والعقوم وتنلوح وتسبب رجه قويه
اذا والله ما فيها شي عاد يمكن من الهوب الرمانات ومن ذا الكلام اول شي شيك تشيك بس على الثلاث اشياء هذي وجرب اذا ضبط خير وبركه بعدها الله يعينك على الاشياء الثانيه

ورح لميزان العضيب فالصناعيه تراهم كويسين وبالتوفيق

ريحه الخزامى

01/05/2011, 01:03 PM

هلآ أخـوي شقرآوي ....

به ورشه بالصنآعيه القديمه ....

لـ أبو صآلح ، وابو ريم ، من القصيم ....

متخصصين بوآترل ....

وان شآءالله تلقى عندهم العلم ، هذآ رقم ابو ريم \ 0504209258 بعد اذن الادآرهـ للفآئدهـ

من بيرث

01/05/2011, 01:27 PM

اخوي انا عندي نفس المشكلة باترول 2006
الحل بسيط جدا وعلى مسوليتي انا رحت للعضيب ووووووو. وكل ورشة تقول كلام.
والصحيح من تجربة
عندك الرجة من الوردة .تكون شد بلد بعدين ترتخي وتسوي رجه
تفك الكفرين الي قدام فيه وردتين اكبار تفكهم وتروح الرجه
وبعض الورش نصابين خصوصا واحد سوري بصناعية يقول ابروح اسوي خرط والصحيح مايسوي اي شي بس يفك الوردتين

قرم العيال

01/05/2011, 01:35 PM

يرج بجنوط الوكاله !! ولا التجاري الي انت مركب بالتوقيع !!

سوبر VTC

01/05/2011, 02:33 PM

الحل
شد رمان العكس و فيه وردات تلغى

HAS5SAN

01/05/2011, 02:43 PM

اتوقع طبيعي كل الباترولات كذا

شقرآآآوي

01/05/2011, 03:27 PM

ابن عكاش

01/05/2011, 06:12 PM

الله يسر امرك وتلقى الحل ومثل ماقالو الأخوان ابد بالأمور البسيطه حتى تجد الحل ولا تستعجل
وفقنا الله واياك لكل خير وسهل امورنا آمين

شقرآآآوي

01/05/2011, 07:06 PM

جزاك الله خير يابن عكاش .. :)

ياليت واحد من الاخوان يعطيني ورشة مضمونة وجيدة أودي الموتر لها ..

التعـ King ـديل

01/05/2011, 07:19 PM

قصدك الرجه اللي تجي اذا صرت تمشي 80 او 100 وضربت مطب خفيف او حفره بدا يرج الموتر مع كل جهه تحس انه يبي يقلب صح ؟؟

ولاتقلق هالمشكله موجوده بالباترول من 88 الى اخر اخر موديل من الفتك

هذي من ذراع التوازن اللي فوق دفرنس قدام وعلاجه عند المخرطه

موفق عزيزي

فيك نشاط يعجبني خاصه لمن يتعلق الموضوع بالباترول او النيسان بشكل عام

الرجه اللي يتكلم عنها صاحبنا ماهي الرجه اللي تتكلم عنها انت ياليت تقراء من جديد وتجاوبه اذا عندك اجابه

التعـ King ـديل

01/05/2011, 07:21 PM

حل مشكلته بسيط وردها لميزان العضيب وقلهم يشيكون لك على وردات الهوبات ومساعد الدركسون

طعميس

01/05/2011, 08:53 PM

حتى الحوض التويوتا فيه رجه مهب صاحيه .الموتر اذا كان دفرنس امامي يحصل فيه رجه.

عاشق البترول

01/05/2011, 08:58 PM

اخي الفاضل يامرحبا ومسهلا فيك بموقعك مكشات
ما ازيد على كلام الاخوان ...
بس شيك على معاون الدركسون يمكن يكون تعبان وهالشغله حصلت لي على اي حفره بالشارع ينفض الموتر
نفضه ماهي طبيعيه بدلته وارتحت
واكبس عامود التوازن الي يجي خلف معاون الدركسون
...
تقبل تحياتي ...
عاشق البترول

الجني العبد

01/05/2011, 09:12 PM

حي الله بالجميع .. والله يعطيكم ألف ألف عافية ..
ولا هنتوا جميع يالغالين ..

طيب ياجماعة الخير .. هل تدلوني على ورشة جيدة , وفاهمه بالأمور هذي ..؟
لأن الموتر والله ماينطاق نهائياً ,,, وأحس انه مع الرجه يتفكك على شوي شوي ..

*اخوي قرم العيال .. مالك لوا ,, مركب جنوط الوكاله أصلية مقاس 17 ..

السلام عليكم ورحمة الله وبركاته
حصلت لي نفس مشكلك بالضبط ، يعني الموتر كله يخض خض ( المراتب ، الديكور ، البيبان ، الكفرات ، كل أبو شي ) وكلفني تصليحها 100 ريال
الزبده /
فيه عمود أفقي فوق الدفرنس الأمامي ( يااخي نسيت اسمه ، حفرت منا ومنا عجزت أجيبه :( )
المهم هذا العمود لاهو مساعد ولاش ، عبارة عن حديده طول يدك وأطراف الحديده على شكل دوائر في داخل كل دائرة توجد ربله ، وحده منهن تالفه ، استبدله بوحده جديده وتضبط أمورك
مكان الحديده بالضبط ، فوق الدفرنس الأمامي ممتده من اليسار لليمين ، عموما الظاهر مابه غيرة :)

قيمه الربله 50 ريال ( قبل سنه ونص )
والتصليح عند أي واحد ، وأنت وشطارك لأن المسأله كله فك وركب

الوسيطاء

01/05/2011, 09:12 PM

اخوي المساعدات خربانه وذراع الدركسون يبيله جلب رباط

الجني العبد

01/05/2011, 09:17 PM

السلام عليكم ورحمة الله وبركاته
حصلت لي نفس مشكلك بالضبط ، يعني الموتر كله يخض خض ( المراتب ، الديكور ، البيبان ، الكفرات ، كل أبو شي ) وكلفني تصليحها 100 ريال
الزبده /
فيه عمود أفقي فوق الدفرنس الأمامي ( يااخي نسيت اسمه ، حفرت منا ومنا عجزت أجيبه :( )
المهم هذا العمود لاهو مساعد ولاش ، عبارة عن حديده طول يدك وأطراف الحديده على شكل دوائر في داخل كل دائرة توجد ربله ، وحده منهن تالفه ، استبدله بوحده جديده وتضبط أمورك
مكان الحديده بالضبط ، فوق الدفرنس الأمامي ممتده من اليسار لليمين ، عموما الظاهر مابه غيرة :)

قيمه الربله 50 ريال ( قبل سنه ونص )
والتصليح عند أي واحد ، وأنت وشطارك لأن المسأله كله فك وركب

أبشرك ، تذكرت اسمه هههه :)
الرباط الأمامي ، أحد الجلب حقاته تالفه
الشغل سهل جدا ، وتقدر تشتغل بالبيت من قوة إنه مايبيله شي :)

السليطين

01/05/2011, 09:22 PM

قصدك الرجه اللي تجي اذا صرت تمشي 80 او 100 وضربت مطب خفيف او حفره بدا يرج الموتر مع كل جهه تحس انه يبي يقلب صح ؟؟

ولاتقلق هالمشكله موجوده بالباترول من 88 الى اخر اخر موديل من الفتك

هذي من ذراع التوازن اللي فوق دفرنس قدام وعلاجه عند المخرطه

موفق عزيزي

فعلا المشكله هذي موجوده بكل الجيوب اللي فيها دفرنس امامي .... كلها حتى اللند والجمس ..
هذي مشكله سببها الاول مساعد الدركسون ,, يليه الاذرعه ,,

معنا شاص 2008 ... وصارت لنا نفس المشكله ... نحسبه يبي ينقلب .. وطلع من مساعد الدركسون ... ركبنا مساعد استرالي وضبط الموتر

السليطين

01/05/2011, 09:25 PM

اتوقع طبيعي كل الباترولات كذا

كل امواتر اللي فيها دبل بشرط يكون دفرنس وليس فريولات ...

السليطين

01/05/2011, 09:28 PM

حتى الحوض التويوتا فيه رجه مهب صاحيه .الموتر اذا كان دفرنس امامي يحصل فيه رجه.

فعلا ... هذا الكلام الصحيح

غالبا تكون الرجه من المساعد واحيانا نادره تكون من ذراع الدركسون او الاذرع الجانبية

شقرآآآوي

01/05/2011, 11:56 PM

مرحبا بالجميع ..
رحت للعضيب قبل فترة , وقام يكتب لي دسته قطع غيار وتكلف حول الـ 700 ريال ..
قلت: تضمن تروح الرجه .. ؟
قال : لا ..
قلت : احلق شنبي ان زينتها عندك يابعدي .. :)

وناوي بإذن الله اجرب طريقة اخوي الجني , وبإذن الله بعطيكم علم بعدها وش يصير بالموتر ..

وكان احد يعرف حل زيادة ,, فليته ينفعني وينفع جميع الشباب الي يعانون من مشكلتي ..

والغالي الي يقول المساعدات مفقعه .. أنا توي مركب طقم كآآآمل مساعدات استرالية خلفية وأمامية ولا أمداها تنتهي ..

ألف ألف شكر لكم ياكويسين :)

ابوو زيد

02/05/2011, 12:06 AM

قبل لا ابيع موتري بفتره

جتني رجه الله لا يوريك

اذا اكلت مطب يبداء الموتر ينفض كله لزم اهدي

طلع من عامود الدركسون الي قدام

زينته ببريده عند الصمعاني

شال ورده ورجع كبسه ونسيت شي اسمه رجه حتى بالبالون

دعاس

02/05/2011, 12:30 AM

وعليكم السلام ورحمة الله وبركاته

حياك الله اخوي شقراوي
معروف ان الجيب ما تخليه الرجه دائماً وانا اقول لا تشري ولا تحط وتخسر الا بعد ما تشيك على اشياء اساسيه بعطيك اياها وشيك عليها قبل وبعدين تتوضح لك
1- عندك الكفرات تأكد منها ومن هواها
2-وزن الاذرعه والترصيص
3- عمود كردان وعمود الدبل وهذي هي دااااائماً اغلب مشاكل الرجه القويه منها بسبب بطن الموتر يضرب فسكاكين والعقوم وتنلوح وتسبب رجه قويه
اذا والله ما فيها شي عاد يمكن من الهوب الرمانات ومن ذا الكلام اول شي شيك تشيك بس على الثلاث اشياء هذي وجرب اذا ضبط خير وبركه بعدها الله يعينك على الاشياء الثانيه

ورح لميزان العضيب فالصناعيه تراهم كويسين وبالتوفيق

كلام سليم100% واحيانا تحس رزيز قوي الغماره والقزاز وكلها تنفض’’تاكد من عمود الديوران يمكن مطعوج’’وترى الجنوط الصينيه تنفتل وتعمل رجه قويه
وعلى الترصيص ماتبين الا بالسرعه

سوبر VTC

02/05/2011, 01:54 AM

مر على صالح التركي يدلك على ورشة
او تعال للصمعاني ببريدة

A.S.A.1

02/05/2011, 09:29 AM

يأخي بحسب التوضيح اللي ذكرته في موضوعك وبحسب فهمي ، المشكلة متعلقة بقيادة السيارة في الرمال ؟ إذا كان فهمي صحيح ، فالمشكلة متعلقة بهواء الكفرات يكون زايد فوق اللزوم والدليل أن الكفرات عند حدوث المشكلة تسوي أثر مشابه للبطناج ...جرب تنزيل الهواء قبل الفكفكة والخساير وعلمنا بالنتيجة علشان نستفيد

شقرآآآوي

02/05/2011, 11:38 PM

هلا بالجميع ..
الكفرات سليمة 100% ..
ورصصتها من محل إطاراتي والمشكله موجودة ولا تزال ..
والرجة تظهر بالزفلت وليس بالنفود والرمل ..

الاربعاء بإذن الله بأطمر الصناعية والله يكتب الي فيه الخير ..