دنلوب على باث ولا احلى يوجد صوره !!!

[قرم]

http://www.mekshat.com/pix/upload/images12/mk8645_find1.jpg
http://www.mekshat.com/pix/upload/images12/mk8645_find2.jpg
http://www.mekshat.com/pix/upload/images12/mk8645_find5.jpg
http://www.mekshat.com/pix/upload/images12/mk8645_find7.jpghttp://www.mekshat.com/pix/upload/images12/mk8645_find4.jpghttp://www.mekshat.com/pix/upload/images12/mk8645_find6.jpg
http://www.mekshat.com/pix/upload/images12/mk8645_find8.jpg

ياويليه طلعت بطاعونه هالصور لاعادت ! هه اثركم بذا!!! يالله حيهم ! شفتو موتري وشفتو طويل العمر اللي بجنبه هذا ابوي الله يحفظه وأبائكم والله عندي صور كثيره بس هذي الأفضل لدي الله يغفرلي وإياكم .

[قناص الليل]

ماشاء الله .
الله يعطيك خيره و يكفيك شره .

و الله يخلي لك الوالد و يعطيه طولة العمر على طاعتة و الصحه و العافيه انشاء الله و جميع اباء و امهات المسلمين ، و ان يرحم و يغفر لمن مات منهم ...

[غالي]

ماشاء الله تبارك الله
:)

[طحنون]

يازين هاشايب زيناه
ماشاء الله عليه
تراني احب الشياب وجلساتهم اللي يعطيه الصحه والعافيه
تكفاء حبلي رأسه
واما صوره موترك مع الكفرات الله يعطيك خيره وشره
كنه يقول الطعوس وينها فيه
ماشاء الله تبارك الله
الله يخلي شايبنا
اخوك طحنون

[الـراشـد]

ماشاء الله الكفرات مناسبة ومجمله الموتر ماشاء الله الله يعطيك خيرة ويكفيك شره

الله يحفظلك الوالد ويطول عمره ان شاء الله...

[غضنفر]

ورا ابوك مفصخ نعاله ولا عشان الكمرا
والموتر ماشاء الله طالع نظرة مع الدنلوب
لكن كأنه مرتفع بزيادة بسبب المساعدات

[قرم]

قناص الليل . الله يجزاك بالخير مشكور اخوي :p
غالي. تسلملي ياخوي :p

طحنون. الله يجبر بخاطرك ويحفظك ولا يهمك ياخوي يستاهل ابوقرم حبتين على راسه وماعليكم زود والباث إلى منه
قال وين الطعوس عرفت إنه جته الحاله!! وزادت عليه الحاله بعد هالكفرات .. ركبوهن وتنسون الدبل بس الهوا 15 :p


الـراشـد يالله حيه جزيت خيراً والله يحفظك :p

black path هلابك . ابو مفصخ عشان مايغرز :D والموتر يرتفع يرتفع والله ما ارد مساعدات بلاده لويمشي على على كفرات قدام واما الكفرات وش لوتشوفهن على الطبيعه تسان ودك تخمخمهن :D

[sultan8861]

ياقرم الله لايهينك وش تغير معك الباث يوم غيرت مساعدات الوكاله وهل انت مغير اليايات وهل تنصحني اغير اليايات

والكفرات اللي مركبها عرضها كم 265 والا 275

وشكرااااااااااااااااااااا

[نمر بن حثلين]

ما شاء الله

كنت متوقع الدنلوب بيطلع عريض بزيادة ويخرب شكل الموتر
لكن الي اشوفه بالصوره انه لابق عليه وطالع شكله تمام

يطعمك خيرهن ويكفيك شرهن

كم مقاسهن بالظبط وكم السعر ؟

ويوم ركبتهن فرقت عليك المطبات؟

[الربذي]

السلام عليكم
اخوي قرم وياهلا انا شفت موضوعك اليوم الصبح بدري يالله صباح خير بالمكتب وجيت ابي ارد وسويت دخول ويقول شكرا لدخولك يالربذي بس كل مابي ارد تطلع لي لايمكن قد وقف معرفك او المهم من ذا الكلام مره ثانيه وهكذا لين مليت وشلون لو افرمت الجهاز خايف ماقدر اشارككم
وكان بودي ارد من هناك بس ماقدرت لكن جاء احد الزملا ويقول مريت على الوكاله قبل اسبوعين ابي اسود بصراحه رزه وروعه ويقولون له مافيه من موديل 2005 الا اربع حبات بس !! يعني باثات سود فاطلعته على سيارتك الله يعطيك من خيرها ويكفيك شرها بس يقول ماجربو اليوكوهاما قلت وش به احسن من الدنلوب بالبر ماعقوله المهم نرجع
روعه سيارتك ياخيي قرم اسم على فعل واللهم احفظ لاخينا قرم والده وسلم لي عليه ياخوك انا احب الشيبان لانهم طيبين وعلى الفطره ومسميهم زينه الارض وخصوصا اللي تاركين لحاهم وملتزمين بالشرع بكل دقه انا ماحب الي ودقانهم كانها () فروخ حمام يعني محلقين ويدخنون فانهم خراب الارض
لكن مثل ماقالو الاخوان كم المقاس وكيف المطاب لان مطبه قاسي وبراسك ياشينه مثل ماقال احد الزملا فى المنتدى كان واحد معطيك شلوطي !!!!
اخوك

[أبو يوسف]

ما شاء الله
الموتر طالع رزه الله يعطيك من خيره ويكفيك شره

الله يحفظ لك الوالد ويرزقك بره

تحيتي

[قرم]

السلام عليكم ورحمة الله وبركاته جميعاً .. أستميحكم عذراً على التأخير عملنا ورديات ولايرحم وتوي والله فكيت من الورديه وقلت ارد على قروم مكشات واشكرالجميع على مرورهم وهذا فخر لي ولا ابالغ يشهد ربي ...


sultan8861 ولاتهون إبشربسعدك اولاً انا مغير مساعدات فقط .. في السابق مع الأصليات سيئات الذكر اي مطب اي هويه الحديد تسمعله ضرب من اسفل السياره ومع التحميل ماتحس مساعدات للسياره وكأن السياره على الدفرنس وبالبر احزن عليه . ومع الجديد نعم السيار زادت خشونه مافيه شك في ذلك اضرب ااكبر مطب ماعاد اسمع صفق الحديد ببعضه لإن الجديد عنده القدره على إستيعاب الصدمه وإمتصاصها بشكل ممتاز اصلاً لو قارنت
بين الأصلي والإسترالي كان تشوف الفرق بالوزن والسماكه لصالح الإسترالي . وللعلم ترى المساعدات عاده غير مسئوله عن إرتفاع السياره او نزولها فهذه وضيفة الياي وهو اللي انا ما اقدر افتيك فيه لإني ماجربته
والكفرات هي دنلوب( GRANDTREK - AT20)
والمقاس 265\65\17

[قرم]

السلام عليكم ورحمة الله وبركاته جميعاً .. أستميحكم عذراً على التأخير عملنا ورديات ولايرحم وتوي والله فكيت من الورديه وقلت ارد على قروم مكشات واشكرالجميع على مرورهم وهذا فخر لي ولا ابالغ يشهد ربي ...
:heart:

sultan8861 ولاتهون إبشربسعدك اولاً انا مغير مساعدات فقط .. في السابق مع الأصليات سيئات الذكر اي مطب اي هويه الحديد تسمعله ضرب من اسفل السياره ومع التحميل ماتحس مساعدات للسياره وكأن السياره على الدفرنس وبالبر احزن عليه كثير والله. لكن الجديد نعم السيار زادت خشونه مافيه شك في ذلك لكن اضرب ااكبر مطب ماعاد اسمع صفق الحديد ببعضه لإن الجديد عنده القدره على إستيعاب الصدمه وإمتصاصها بشكل ممتاز اصلاً لو قارنت
بين الأصلي والإسترالي كان تشوف الفرق بالوزن والسماكه لصالح الإسترالي . وللعلم ترى المساعدات عاده غير مسئوله عن إرتفاع السياره او نزولها فهذه وضيفة الياي وهو اللي انا ما اقدر افتيك فيه لإني ماجربته
والكفرات هي دنلوب( GRANDTREK - AT20)
والمقاس 265\65\17
:p

نمر بن حثلين مشكور اخوي فعلاً اريح من القديمات وتراهن فعلاً بارزات شوي لكن ماتشوف هالبروز إلا على
الطبيعه :p


هه !! الربذي ؟ يالله حيه زمان ياخوي اولاً مشكور على هالدعوه الطيبه من وجه طيب ويشهد الواحد ألأحد

إنه فعلاًعلى فطره وبساطه الناس االاولين الله يطول عمره وعمرك على طاعته
بعدين تصدق توي ادري عن رغبه الناس باللون الأسود تصدق كبربعيني الماخوذ تصدق والله يوم جيت اشتريه جاهدت جهاد ابي لون غير الأسود كان براسي مثل الؤلؤي وكم لون ولأنه كان في اخرسنه2003 مابقى إلا هاللون
وألوان ماهب زينه قلنا على بركة الله عطونا الأسود . بس ياخي يبيلك تروشه كل يوم يبان عليه الوصخ على طول قضى مانا
وبعدين حلوه شلوطي خلاص منا ورايح مساعدات بلاده نسميها ام شلوطي :

ياخوي ربذي الله يرحم والديك لاتزعل مني عندي سؤال مخلين بس اناضر بالغما !!!!!!!!!!!!!!!!!!!

( ياخوي .وش معنى ................... ربذي )

أبو يوسف الله يحفظك ويجبر بخاطرك شكراًعلى مرورك الكريم :good:

[البر بريرة]

أخوي قرم

أحسن مافي الصور الوالد الله يعطيه طولة العمر الله يحفظ لنا شيبانا

أما من ناحية الدنلوب شكلها ممتاز ومريح في الممشى

س / هل يطلع لها صوت على الخط

تحياتــــــي للوالــــــد الغـــالــــي سلملي عليـــه كثير الســــلام

[الربذي]

السلام عليكم
هلا بقرم
قل لوالدك الله يحفظه لك سحبت البساط من موضوعي وصارو مايحكون الا عنك مانت ملاحظ ذلك (اللهم احفظ لي والدي (اللهم ارحم امي ) ولاخونا والده بالنسبه لتساؤلك صح لغويا ! نسبه الى بلده الربذة وهي تقع شمال شرق المدينة المنوره بحوالى190كم وساعطيك عن رابط يتكلم عنها من مكشات
واحببتها لان بها قبر الصحابي الفاضل ابو ذر الغفاري رضي الله عنه وجمعنا به وقد قال عنه الرسول عليه الصلاة والسلام يعيش وحده ويموت وحده ويبعث يوم القيامه وحده تحققن الاولين وبقى البعث وحتما سيبعث وحده لانه كلام الصادق المصدوق (وماينطق عن الهوى )

http://www.mekshat.com/vb/showthread.php?s=&threadid=17055
وتقبلو ا اطيب الاماني من
محبك الربذي

[قرم]

البر بريرة سلام عليكم .. اللهم امين مشكور على هالدعوه والسلام يوصل بإذن الله ربي .
ج | والله لاصوت ولا حاجه الكفرات قمه في الروعه وقمه بالهدوء :good:




تصدق لودريت كان سميت العنوان شايب على باث ولا احلى يوجد صوره !!! لكن يستاهل ابوي لويجرجر
مصانع السجاد كلها .
وتراني إستمتعت بمحتوى الرابط الله يزيدك علم يرضاه ربي ويبغضه الشيطان في حفظ الله :p

[معجب]

ما شاء الله
الموتر طالع رزه الله يعطيك من خيره ويكفيك شره

الله يحفظ لك الوالد ويرزقك بره
**************** ايش رايك لو تاخذ فورد 2005 باكب اسود قمرتين **************
تحيتي

[قرم]

معجب :D
ايش رايك لو تاخذ فورد 2005 باكب اسود قمرتين

هلا أبوسليمان يالله حيه هاه عفطت ألإريل الجديد ولا توك :D مير على فكره دوك الرابط ذا

افغص بشويش (http://www.mekshat.com/vb/showthread.php?t=41166)

[الأعصـــــار]

ماشالله تبارك الرحمن
الله يعطيك خيره ويكفيك شره
والله يرزقك بأطيب منه

أخوك الأعصــــــــــار...

[aziz2727]

ما شاء الله
مبروكه ،، طالع الموتر رزه والله يخليلك الوالد .. تكفا وانا اخوك بر ابوك

[salehhd]

ما شاء الله

موترك زي موتري :d

على فكرة كيف السيارة فل المطبات سمع ان الدنلوب مطبة اخف من البرجستون هذا صحيح
وهل حسيت باي زيادة في صرفية البنزين

[الأسد]

تسلم أخوي القرم ..
حبيت أسألك عن بعض الأمور :
أولا /كفرات الدنلوب هل هي نفس حجم البرجستون ؟وهل تحك بالنسافات ؟وهل جربتهن بالصحراء(نفود أو حجارة)؟وهل لهن صوت مع المشي؟ وكم أسعارهن ؟.
المساعدات اللي مركبها هل هي استرالية ؟ووش الفرق بين الأحمر والأصفر ؟ وهل فيه فرق عن شد البلدمن ناحية المطبات؟ وكم سعرها؟؟
وآسف على الاطالة......

[البـدر]

فيه رمز للكفر هكذا
ولمعرفة معنى الرموز على الإطار قد يفيدك هذا :

J يتحمل سرعة قصوى مقدارها 100 كم/ساعة.
K يتحمل سرعة قصوى مقدارها 110 كم/ساعة.
L يتحمل سرعة قصوى مقدارها 120 كم/ساعة.
M يتحمل سرعة قصوى مقدارها 130 كم/ساعة.
N يتحمل سرعة قصوى مقدارها 140 كم/ساعة.
P يتحمل سرعة قصوى مقدارها 150 كم/ساعة.
Q يتحمل سرعة قصوى مقدارها 160 كم/ساعة.
R يتحمل سرعة قصوى مقدارها 170 كم/ساعة.
S يتحمل سرعة قصوى مقدارها 180 كم/ساعة.
T يتحمل سرعة قصوى مقدارها 190 كم/ساعة.
H يتحمل سرعة قصوى مقدارها 210 كم/ساعة.
Vr يتحمل سرعة قصوى مقدارها 210 كم/ساعة.
Zr يتحمل سرعة قصوى مقدارها 240 كم/ساعة.
V يتحمل سرعة قصوى مقدارها 240 كم/ساعة.
W يتحمل سرعة قصوى مقدارها 270 كم/ساعة.

ما هو الرمز الذي أخذته للسيارة، أعطاك الله من خيرها وكفاك شرها .

[طقها والحقها]

السلام عليكم ورحمة الله وبركاته
بارك الله فيك اخي العزيز قرم وبوالدك وبجميع الأخوة في هذا المنتدي الغالي على قلوبنا
اخي قرم ما رأيك بكفرات بريلي هل هي جيدة وكيف الدانلوب معك في الباث فأنا املك واحد واريد ان اغير كفرات الباث ومحتار
بارك الله في الجميع وجزاهم الله خير

[حـاتـم]

ماشاء الله الموتر حلو

والله يطعمك خيره ويكفيك شره

والله يخليلك الوالد

وشكرا

اخوكم / حاتم

[الساهي 2]

أشكر أخوي قرم
وطال الله بعمر والديك

جزاك الله خير

[::الرهيب::]

السلام عليكم...

هلا والله بأخوي (قرم)...

ماشاء الله ..الله يخلي لك الوالد...
ويخلي لك موترك...



تسلم أخوي القرم ..
حبيت أسألك عن بعض الأمور :
أولا /كفرات الدنلوب هل هي نفس حجم البرجستون ؟وهل تحك بالنسافات ؟وهل جربتهن بالصحراء(نفود أو حجارة)؟وهل لهن صوت مع المشي؟ وكم أسعارهن ؟.
المساعدات اللي مركبها هل هي استرالية ؟ووش الفرق بين الأحمر والأصفر ؟ وهل فيه فرق عن شد البلدمن ناحية المطبات؟ وكم سعرها؟؟


8
8

نفس أسئلته....<<-- متعيجز... :d

لأني ناوي أغير المساعدات....شد البلد فيها أنواع الطقطقة.... :(

ولو أبغى أبيع كفراتي (بريجستون)..كم تجيب.؟؟


أتمنى تجاوب.. : )


أخوك
الرهيب..

[عبوووود]

ما شاء الله تبارك الرحمن ...

[البيـــــراوي]

ماشاء الله والله انه راكب عليه خل عنك عراض مرة وتطرب الكيف

[قرم]

الساهي 2 . الله يجبر بخاطرك ومشكور على المرور:p

البيـــــراوي.. والل أنها تطرب وتعجب وتبرد الكبد وكشخه وراحه ..هذا الكلام لاتقوده العاطفه بل الحق ما اقول جربها بالطعوس وهواها 15 وشوف.. وبالمدينه 30 وبالخط40 ماشاء الله لاقوة ألابالله ..الحقيقه انا راضي عنهن كل الرضا.
ومن قال انهن يحكن في النسافه فقدجانبه الصواب :no2:

الريشه.. مرحبابك وهلا:p

::الرهيب:::p
الدنلوب اعرض من الأصليات وأعلى كذلك وهي قمه في الراحه ووالله لايحكن ولا يحزنون .ولا أدري من هاللي اوحى للشباب بذلك . هل يصدرن صوت؟ ابداً ابداً يا اخي .هل جربتها بالنفود والحجاره؟ نعم ..وبردت كبدي :good: بالنفود نسم الى15 بالرباضه إلى 10 او 5 احياناٍ بالأماكن الحجريه يجب ان يكون الضغط 40 حتى لا يتأذى الكفر وللعلم لهن الأن تقريباً 6شهور وكأنهن جديدات .والبرجستون يا أخي كدهن حلل قريشاتهن والدنلوب ملحوق عليه
المساعدات .. لا اعرف إلا الأصفر. ولا احسن منهن للباث . لكن!!! إنسى الراحه :)

[::الرهيب::]

السلام عليكم...

ماقصرت أخوي (قرم)....

ذيب والذيبان قليل..... :D

لكن أتمنى تعطيني

كم سعر الدنلوب..؟؟

وكم سعر المساعدات..؟؟
ووين ألقاها...لأن واحد قال لي تلقاها في (الرماية) اللي على التخصصي..بس مدري..!!

أخوك
الرهيب

[قرم]

وعليكم السلام
::الرهيب:: .. يالله حيه

الدنلوب ب 460

المساعدات الجوز ب 560 لكن الأسعار ترتفع وتنخفض بحسب السوق

فعلاً وكيلهن الوحيد .. الرمايه . انا اخذتهن من جده للعلم

[الوافي2008]

السلام عليكم اخوي وحياك الله انا معي باث ونا ونخوك الشتا كله في البر طردي ويا خي بهذلني في نزول الجيب ابي ارفعه الصدام الا مامي متكسر من كثرمايضرب علي وجهه ابي ولا عليك امر تعلني وش مسوي بسيارتك ماشالله عليها والله يطعمك من خيرها ويكفيك شرها والشي الثاني اذا حملت عليها يطيح من ورا ولا لأ وارجو الرد مشكو وجزاك الله خير
تقبل مروري اخوك الوافي2008

[ضلع الرقيبه]

ماشاء الله كايف الباث با الكفرات الدنلوب لكن غلت ها الايام حسبي الله على من كان السبب

والله يخلي لك ابوك

[البـدر]

ما نزل كفرات دنلوب نفس مقاس الوكالة؟

[المميـز]

ماشاء الله تبارك الله الموتر نظره ونصب وخاصه الصورة الاولى

والله يخلي لك ابوك ويطول بعمره

[ملاحق السيول]

ماشاء الله تبارك الله موتر ممتاز ومزينه الوالد

[اول الوسم]

ماشاء الله تبارك الله ربي يستر عليه وعلى راعيه
والله الموووتر شكله مرتب لى هالكفرات
وربي يحفظ لك شايبكم .. وتقبل تحياتي

[الهاوي2008]

الموضوع قديم

[بيبسي]

الله يخليلك هالشايب ويخليلنا شيبانا ويرحم الاموات منهم ... أمين يارب ... بصراحه الموتر ماشاء الله عليه .... والدنلوب معروفه ما اتعداها ابد ....بس انا استغربت مقاس الكفر 17 او 16 لان الباث على مااعتقد مقاس 16

[سوبر VTC]

الله يطول بعمر الوالد
لكن انا اللي اعرفه ان الكفرات بالاماكن الحجريه لازم تنقص الهواء لانه اذا كان مليان هواء على طول ينشق الكفر من شلافيات االحصى
انا اخبر بالصمان وقت القميري نحط بالكفرات 10 واحيانا 15 حتى اننا ندخل بحجره كله حصى شللافيات و لا فيه مشاكل

تحياتي

[سوبر152]

الله يطول بعمر الوالد
لكن انا اللي اعرفه ان الكفرات بالاماكن الحجريه لازم تنقص الهواء لانه اذا كان مليان هواء على طول ينشق الكفر من شلافيات االحصى
انا اخبر بالصمان وقت القميري نحط بالكفرات 10 واحيانا 15 حتى اننا ندخل بحجره كله حصى شللافيات و لا فيه مشاكل

تحياتي

[سيف الظفير]

ازين مافي الصورة صورة الوالد الله يحفظه

[مثبت السرعة]

ماشاء الله الله يعطيك من خيرهن ويكفيك شرهن

[راعي بيشة]

صورة أ[]: مع الموتر أعتبرها أنا أزين شي في ها المنتدى كله

الله يعطيه العافية ويخليكم له ويخليه لكم

[راعي بيشة]

أقصد صورة الوالد