وينكم ياملاك بطل الدرووووب

[fof6666]

السلام عليكم ورحمة الله
بحثت طويلا في هذ المنتدى عن تجارب أصحاب الباترول الجديد وتقاريرهم عن هذه السيارة
ولكن للأسف ماحصلت شي

ودنا بتقارير اللي جربو الموتر حتى نعرف مميزاته وعيوبه


# مركب الموتر - التحمل - قطع الغيار وأسعاره_ عزم الموتر بالخط والنفود
مع ذكر ممشى الموتر ومدة امتلاكه

وسلامتكم

[ابن عكاش]

عين خير الموتر توه جديد اصبر سنه وتجيك العلوم الغانمه

[اسبيدر مان]

اكتب تقرير عن بطل الدروب بالشيخ قوقل وتلقا كل الي تبي

[HAS5SAN]

ماراح تحصل لك جواب شافي
عندنا في هذا المنتدى تقديس عجيب للسيارات
تقول ان النيسان صناعة سعودية
الله يهدي الجميع
بالنسبة لي لم اجربه
ولكن شفت له مقاطع وكلها عن سرعته خاصة ابو 400حصان
وش ابي بالسرعة انت بنفسك جرب وابحث في القوقل او اليوتيوب
وبإذن الله تحصل مبتغاك مع اني ضد سعره المبالغ فيه ولايهون اخوه اللاند

[ذيب عالية نجد]

ماراح تحصل لك جواب شافي
عندنا في هذا المنتدى تقديس عجيب للسيارات
تقول ان النيسان صناعة سعودية
الله يهدي الجميع
بالنسبة لي لم اجربه
ولكن شفت له مقاطع وكلها عن سرعته خاصة ابو 400حصان
وش ابي بالسرعة انت بنفسك جرب وابحث في القوقل او اليوتيوب
وبإذن الله تحصل مبتغاك مع اني ضد سعره المبالغ فيه ولايهون اخوه اللاند
العجيب ان لا يذكر نيسان إلا وترد على الموضوع بصيغة الضد وبشيء من الإستفزاز
بس تعجبني الجملة الأخيرة
تحياتي لك

[sameer_1798]

http://mekshat.com/vb/showthread.php?t=396457

http://mekshat.com/vb/forumdisplay.php?f=157

[الثويرات]

العجيب ان لا يذكر نيسان إلا وترد على الموضوع بصيغة الضد وبشيء من الإستفزاز
بس تعجبني الجملة الأخيرة
تحياتي لك


قسم بالله انك صادق .

[التعـ King ـديل]

اتركة عنك لو فيه خير كان شفته بكل شارع
له سنه ونص وماباعو بالخليج الا 180 سياره


بصراحه ماادري وش اقولك اجل 180 سياره بس بالخليج

عزيزي بالرياض بس فيها اكثر من 4000 سياره

واعرف اكثر من 30 رجال معه الجديد ابو 400 حصان

بقولك نصيحه حاول انك ماترد علشان ماتحط نفسك بمواقف انت في غنى عنها

بس من جد كل يوم عن يوم اقراء رد لك وتثبت لي ان مابالثوب رجال

[ذيب عالية نجد]

بصراحه ماادري وش اقولك اجل 180 سياره بس بالخليج


عزيزي بالرياض بس فيها اكثر من 4000 سياره


واعرف اكثر من 30 رجال معه الجديد ابو 400 حصان


بقولك نصيحه حاول انك ماترد علشان ماتحط نفسك بمواقف انت في غنى عنها


بس من جد كل يوم عن يوم اقراء رد لك وتثبت لي ان مابالثوب رجال


ياأخي أنت تعجبني ردودك ياأخي أنت :good2::good2::good2:

[ابوميس الحلوه]

عزالله انه موتر:good2:
لا في مركب ولا في بر ولا في خط
http://im3.gulfup.com/2011-05-07/1304771199281.jpg

[Abusliman]

خذلك هدد
ترا كل سنة يقولون الباترول صار ازين من اللاند وعقب كم سنة يقولون خلاص الحين الباترول صار ازين ما فيه كلام وعلى هالحاله
انت قارن بالموديلات القديمه من 2007 وتحت كلها من مصلحة اللاند
تويوتا ابدعت ابداع مهب صاحي بالجيوب والهلياات والنيسان ما قصر بس دايماً يقلد التااايوت ومعروف ان الي يقلد طموحه اكيد انه يصير زيك مب ازين منك
تويوتا احكم عليها من الموديلات القديمه الى يومنا ذا هي المتفوووقه
وبالنهاية لا تنسى الاستخارة

[التعـ King ـديل]

عزالله انه موتر:good2:
لا في مركب ولا في بر ولا في خط
http://im3.gulfup.com/2011-05-07/1304771199281.jpg



بالله وين اللي يقول 180 سياره بالخليج كله يجي يشوف في لقطه وحده سيارتين مع بعض .. بس صبرك علي اجميع لك باقي ال 180 هههههههه

يعطيك العافيه اخوي ابوميس على الصوره جت في وقتها

[التعـ King ـديل]

خذلك هدد
ترا كل سنة يقولون الباترول صار ازين من اللاند وعقب كم سنة يقولون خلاص الحين الباترول صار ازين ما فيه كلام وعلى هالحاله
انت قارن بالموديلات القديمه من 2007 وتحت كلها من مصلحة اللاند
تويوتا ابدعت ابداع مهب صاحي بالجيوب والهلياات والنيسان ما قصر بس دايماً يقلد التااايوت ومعروف ان الي يقلد طموحه اكيد انه يصير زيك مب ازين منك
تويوتا احكم عليها من الموديلات القديمه الى يومنا ذا هي المتفوووقه
وبالنهاية لا تنسى الاستخارة

اقراء ردك ولا ادري وش اقولك غير من كلامك مسوي ساكن مع مدير نيسان ولا ولد حارتكم؟؟ الله يصلحك

المعروف ان الباترول من 97 عليه طلب لحد الان وسعره غالي وكبوه نيسان كانت في 98 الى 2001

بعدين نزلو الفتك 2002 اللي تويوتا الى يومك هذا تقف عاجزه انها تجيب مثله اجل نيسان تقلد تويوتا

لايسمعك احد وسلم على جارك مدير نيسان لاتنسى

[بـروق الوسم]

والله وانا اخوك انا معي واحد مشاء الله تبارك الله ماعليه اي ملاحظات

وهذي صورت موتري

http://img105.herosh.com/2011/05/07/764465675.jpg

تحياتي ...

[Abusliman]

اقراء ردك ولا ادري وش اقولك غير من كلامك مسوي ساكن مع مدير نيسان ولا ولد حارتكم؟؟ الله يصلحك

المعروف ان الباترول من 97 عليه طلب لحد الان وسعره غالي وكبوه نيسان كانت في 98 الى 2001

بعدين نزلو الفتك 2002 اللي تويوتا الى يومك هذا تقف عاجزه انها تجيب مثله اجل نيسان تقلد تويوتا

لايسمعك احد وسلم على جارك مدير نيسان لاتنسى



اولاً انا ما سبيت الباترول وقلت انه فاشل
لاكني قلت ان اللاند افضل وسعرهـ ازين بعد
ما ادري وش اقول على [ مسوي ساكن مع مدير نيسان ولا ولد حارتكم ]
انا قلت مثلاً اني اعرف مدير نيسان او قلت ان اعرف اعرف واحد بالوكالة يقول الباترول فيها وفيها وفيها
كلها آراء شخصية وما تكلمت عن احد
والباترول 97 تقارنه باللاند 97 ؟! بيني وبينك المعارض رح وشف اسعارهم اللاند 97 تلقاهـ 50 وفوق والباترول من 40 وتحت
ونفس الحكاية للموديلات الي عقبها
وسالفة ان نيسان ما تقلد تويوتا ذي فكر فيها زين قبل لاتنام اليوم
1 - تويوتا طلعت السكويا وعلطوول نيسان طلعت الارمادا وبمكينة امريكية نفس السكويا
2 - النافارا فيه تقليد كبيير من الهايلكس
3 - الي نعرفه ان الباترول وربع الباترول وشاص الباترول كلها نفس الشكل بس قبل سنتين فصلوا البابين وخلوهـ شكل والشاص والربع شكل نفس تويوتا
4 - تويوتا طلعت الاوريون ورجعت نيسان المكسيما خلال سنتين لمنافسة الاوريون

انا ما اسب نيسان لاكن ما اقول انها افضل من تويوتا والدليل ان نيسان تعجبني اني ناوي على ددسن دايماً الخيار الثاني عقب تويوتا بالنسبة لي هو نيسسان
بس اقارنه بتويوتا مسسستحيل
1 - قطع غيار نيساان ناار وهذا كلام واحد معه نيسان
2 - عند البيع ما تمسك سعرها زي تويوتا ابببببببداً
3 - المكدهـ لمصلحة تويوتا والنيسان ما يقصر لاكني اشوف تويوتا افضل

ويالله برب بروح اسلم على مدير نيسان :D

[مواسي الطعوس]

ابو سليمان : المشكله لاصارت غلطتك بشي واضح وضوح الشمس ((ماتتنرقع ابد)مثل 1+1=2 هنا الكل يدري ان معلوماتك (((صفرررررررررررررررررررررررررررر))

** بالله متى انقطعت الماكسيما ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**اجل الاريون قبلهاااااااااااا ؟؟؟؟؟هههههههههههههههههههههههه.

** لعلمك الباترول واللاند انتاجهم كلهم في سنة 1951م ؟

**جاوب: متى صنع الارمادا ومتى صنع السكويا ؟؟؟؟؟؟؟ومتى نزلوا للسعوديه ؟؟؟؟

** اذا تتكلم عن الباترول الربع والربع التويوتا .....اذا الباترول ماهو اغلى تراني ماأعرف وبترك مكشاااااات.موديل 97م وتحت .

**التويوتا قطع غيار الان اغلى من النيسان ........ولا تعيش نصف عمر النيسان .

_ المشكله انك تحسب نفسك تعرف .......ونحتاج وقت طووووووووووووويل جدا علشان نصحح معلوماتك .

[Abusliman]

ابو سليمان : المشكله لاصارت غلطتك بشي واضح وضوح الشمس ((ماتتنرقع ابد)مثل 1+1=2 هنا الكل يدري ان معلوماتك (((صفرررررررررررررررررررررررررررر))

** بالله متى انقطعت الماكسيما ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**اجل الاريون قبلهاااااااااااا ؟؟؟؟؟هههههههههههههههههههههههه.

** لعلمك الباترول واللاند انتاجهم كلهم في سنة 1951م ؟

**جاوب: متى صنع الارمادا ومتى صنع السكويا ؟؟؟؟؟؟؟ومتى نزلوا للسعوديه ؟؟؟؟

** اذا تتكلم عن الباترول الربع والربع التويوتا .....اذا الباترول ماهو اغلى تراني ماأعرف وبترك مكشاااااات.موديل 97م وتحت .

**التويوتا قطع غيار الان اغلى من النيسان ........ولا تعيش نصف عمر النيسان .

_ المشكله انك تحسب نفسك تعرف .......ونحتاج وقت طووووووووووووويل جدا علشان نصحح معلوماتك .

اولاً انت منفعل مدري على ايش وقبل لا ترد عقب ردي هد شوي وصل المغرب وتعوذ من ابليس
ثانياً انا قلت يوم طلعت تويوتا الاوريون رجعت نيسان المكسيما ما قلت طلعت نيسان المكسيما
ثالثاً انا ما قلت ان اللاند انتج قبل الباترول
رابعاً السكويا اقدم من الارمادا باربع سنين او ثلاث الظاهر بس ما نزل عندنا بالسعودية الا الشكل الجديد
خامساً انا اتكلم عن الباترول بابين واللاند بابين بس اذا بنتكلم عن الربع فربع تويوتا اغلى بعد
ممشاهـ بحدود الـ 200000 موديل 97 تلقاهـ بـ 40 الف تقريباً ربع نيسان بحدود الـ 35
سادساً ما انكر ان فيه ارتفاع بقطع غيار تويوتا من 2006 تقريباً وفوق ارتفعت اسعار القطع لاكن لحد الآن نيسان اغلى
حتى باحد المنتديات المختصة بسيارات هوندا كانوا يشتكون من غلاء قطع غيار الاكورد
وبعد كل هذا لا تنسى ان تويوتا اعلى مبيعات بالعالم من مده طويلة وهالشي ما جا من الهوواء اكييد بسبب الجودهـ وانها تفوقت على منافسيها
ورد واحد من الاعضاء ان اسعار القطع مقاربه لنيسان ولا ذكر تويوتا لانها ارخص :)
وبالنهاية اتمنى ما تزعل او تعصب تراها مناقشة
اخذ وعطاء يعني

[مواسي الطعوس]

متى طلعت الاوريون ؟؟؟؟؟؟؟؟؟؟؟؟؟؟ومتى رجعت المكسيما اذا هي منقطعه على كلامك؟؟((واله انه مثل بنزين الددسن))

**متى انتج السكويا ؟؟؟؟؟؟والارمادا؟؟؟؟؟؟؟؟؟؟؟؟؟؟

**الباترول الربع رح اسال عنه واسأل عن الربت تويوتا 97 وتحت ....اذا التويوتا اغلى ابترك المنتدى ؟؟؟

[Abusliman]

متى طلعت الاوريون ؟؟؟؟؟؟؟؟؟؟؟؟؟؟ومتى رجعت المكسيما اذا هي منقطعه على كلامك؟؟((واله انه مثل بنزين الددسن))

**متى انتج السكويا ؟؟؟؟؟؟والارمادا؟؟؟؟؟؟؟؟؟؟؟؟؟؟

**الباترول الربع رح اسال عنه واسأل عن الربت تويوتا 97 وتحت ....اذا التويوتا اغلى ابترك المنتدى ؟؟؟

انا اتكلم عن تطوير المكسيما لكي تنافس الاوريون
السكويا والارمادا جاوبت لك قبل
والباترول ربع وربع تويوتا قلتلك عن اسعارها وتقدر تتاكد
ولا تتركك المنتدى ولا شي تراها مناقشه والله الي يقهرني فيك انك ماخذها دييين مب سيارات
والله قاعد اناقش والله والله
وخلاص ذا آخر رد لي اسلوبك منرفز والله

[مانسيتك]

اولا انا شاري الموتر عشان اذا جيت ابيعه يصير براس المال
انا شاري الموتر ابطرب عمري
وهذا تفكير جماعة قرش
والحين انت تقول ان نيسان قلدت تيوتا بالباترول
اولا ان الباترول واللاند مصنوعين بنفس السنه
وبعدين اللاند V8 4500
والفتك V6 4800
وهذا دليل كافي ان نيسان اقوى وارخص من تيوتا

[التعـ King ـديل]

اولاً انا ما سبيت الباترول وقلت انه فاشل

لو تقدر تسبه منت مقصر بس الحمدلله مافيه عيب

لاكني قلت ان اللاند افضل وسعرهـ ازين بعد

الاند افضل من اي ناحيه طال عمرك؟؟ هل مكينه الاند 4800؟؟ انا مجرب فكسار 2007 ويعتبر افخم نوع مافيه زود عن السفاري مب السوبر

ما ادري وش اقول على [ مسوي ساكن مع مدير نيسان ولا ولد حارتكم ]
انا قلت مثلاً اني اعرف مدير نيسان او قلت ان اعرف اعرف واحد بالوكالة يقول الباترول فيها وفيها وفيها
كلها آراء شخصية وما تكلمت عن احد

راجع ردك السابق وتعرف قصدي لعل وعسى تعرف وش اقصد

والباترول 97 تقارنه باللاند 97 ؟! بيني وبينك المعارض رح وشف اسعارهم اللاند 97 تلقاهـ 50 وفوق والباترول من 40 وتحت

تعرف سعر الاند موديل 97؟ تدري انه ب 150 الف والباترول ماكان يوصل 85 وشف الباترول الحين اسعاره مابين ال 40 ويطق 55 اذا نظيف يعني فقد 30% من قيمته خلال 14 سنه وهذا دليل انه افضل بينما الاند سعره 50 يعني فقد 66% من قيمته خلال 14 سنه تقدر تقولي وش افضل؟

ونفس الحكاية للموديلات الي عقبها

ونفس المثال اللي فوق قيسه على باقي الموديلات وتعرف انك غلطان

وسالفة ان نيسان ما تقلد تويوتا ذي فكر فيها زين قبل لاتنام اليوم

ابشر

1 - تويوتا طلعت السكويا وعلطوول نيسان طلعت الارمادا وبمكينة امريكية نفس السكويا

تصحيح لمعلومتك الارمادا نازل في امريكا 2002 والسكويا 2004

2 - النافارا فيه تقليد كبيير من الهايلكس

تقدر تطلع لي التشابه ؟؟ هل الهايلكس 6 غيارات القير؟ هل الهايلكس مريح مثله نيسان صنعت النافارا ولحد الان ماله منافس والهايلكس منافسه ابو داقس لحد الان

3 - الي نعرفه ان الباترول وربع الباترول وشاص الباترول كلها نفس الشكل بس قبل سنتين فصلوا البابين وخلوهـ شكل والشاص والربع شكل نفس تويوتا

ياليت تدخل قوقل صور وتشوف بنفسك الفرق بالشكل وياليت تجربه وتعرف الفرق بالراحه

4 - تويوتا طلعت الاوريون ورجعت نيسان المكسيما خلال سنتين لمنافسة الاوريون

اذا بناخذ على كلامك بقولك ان تويوتا طلعت الاوريون تبي تنافس الالتيما لان الماكسيما من 97 لحد 2006 ماله منافس ولمن شافو تويوتا تهايط بالاوريون دقو خشمهم بالماكسيما الجديده .. احب اذكرك الالتيما من 89 الى 96 مالها منافس ووقفت وجات الماكسيما من 97 الى 2006

انا ما اسب نيسان لاكن ما اقول انها افضل من تويوتا والدليل ان نيسان تعجبني اني ناوي على ددسن دايماً الخيار الثاني عقب تويوتا بالنسبة لي هو نيسسان

تخلي ابو داقس الخيار الثاني وهو ياباني اجل التايلندي احسن منه الله يستر عليك بس

بس اقارنه بتويوتا مسسستحيل

اذا لبست نظاره بتعرف وش الافضل بس دامك على طمام المرحوم تويوتا وبس ونوكيا وبس ماراح تعرف شي

1 - قطع غيار نيساان ناار وهذا كلام واحد معه نيسان

كان عندي هدد وبرادو اسعارها نار مقارنه بالباترول والباثفيندر

2 - عند البيع ما تمسك سعرها زي تويوتا ابببببببداً

كتبت لك مثال فوق على احسن موديل للاند وشفت الفرق خساره 66% مقابل 33% للنيسان

3 - المكدهـ لمصلحة تويوتا والنيسان ما يقصر لاكني اشوف تويوتا افضل

جرب موتر تويوتا فتره خمس سنين وتعرف .. باترولات شفتها بالمعارض موديلات 99 ماشيه فوق 500 الف بدون توظيب ولا شنبره ولا اذكر شفت اعلان لاند من 2001 وماشي في بحر ال 400 الا قالك موظب

ويالله برب بروح اسلم على مدير نيسان :D

سلم عليه بحراره وقله كنق التعديل يقولك مواتركم كفو




اتمنى ماكتب بالاحمر يفيدك مستقبلا في ردودك

[Mosaa2000]

السلام عليكم ،،هذا اول مشاركة معكم وحبيت ان تكون في هذا الموضوع لاني من ملاك بطل الدروب 2011
الموتر له معي 3 شهور وماشي 16 الف se3
الموتر رائع جدا من جميع الجوانب من فخامة وراحة وثبات وعزل وصرفية بنزين ،،، وكنت قبل ان اشتريه كنت متردد بينه وبين الاند لكن بعد الاستخارة والتوكل على الله اشتريت بطل الدروب والحمدلله وفقني الله باختياري ...
واي استفسار عن الموتر انا بالخدمة للجميع ،،

[التعـ King ـديل]

اللي ردو على الموضوع سته من ملاك الباترول الجديد بالله ابي اشوف اللي يقول 180 سياره بالخليج كله

لقينا منهم 6 وجاري البحث عن ال 174 الباقي :)

[قصيماوي]

لولا اختلاف الاذواق لبارت السلع

[التعـ King ـديل]

السلام عليكم ،،هذا اول مشاركة معكم وحبيت ان تكون في هذا الموضوع لاني من ملاك بطل الدروب 2011
الموتر له معي 3 شهور وماشي 16 الف se3
الموتر رائع جدا من جميع الجوانب من فخامة وراحة وثبات وعزل وصرفية بنزين ،،، وكنت قبل ان اشتريه كنت متردد بينه وبين الاند لكن بعد الاستخارة والتوكل على الله اشتريت بطل الدروب والحمدلله وفقني الله باختياري ...
واي استفسار عن الموتر انا بالخدمة للجميع ،،

ماشاء الله تبارك الله .. اختيار موفق .. الله يطعمك من خيره ويكفيك شره

[Mosaa2000]

ماشاء الله تبارك الله .. اختيار موفق .. الله يطعمك من خيره ويكفيك شره



الله يجزاك خير على دعواتك الطيبة .

[خيال شاب]

بطل الدروب وبس والباقي خس :D

[ابن عكاش]

الجكس الـ97م كم سعره جديد ابي واحد نظيف لو ماشي 300ألف بس شرط البدي والمحركات مكيفين ثلاجه إذا لقيت لي واحد بـ70ألف لك سعي مع حبة خشم وسلمني على الباترول الـ97م بعد ماتلحم بيبانه علشان تظبط اموره ويشفون حل لعزمه الجبار طبعاً مع تكتيم الكلبليتر

[التعـ King ـديل]

الجكس الـ97م كم سعره جديد ابي واحد نظيف لو ماشي 300ألف بس شرط البدي والمحركات مكيفين ثلاجه إذا لقيت لي واحد بـ70ألف لك سعي مع حبة خشم وسلمني على الباترول الـ97م بعد ماتلحم بيبانه علشان تظبط اموره ويشفون حل لعزمه الجبار طبعاً مع تكتيم الكلبليتر

تسنك حول ماتزعلني؟

[فارس العيون]

اجل يوم نزلوا تويوتا السكويا نزلت نيسان الأرمادا ذذ شكل الخطه عبط تسذا..
الله يصلحك عام 2004 شايف ارمادا عند العربه اجل يوم نزلوا سكويا بلا بط

[سفاري959]

يا جماعه كبروا عقولكم كل واحد يشتري الي يعجبه الي معجبه اللاند ياخذه والي معجبه الباترول ياخذه لا احد يفرض رايه بالقوه هو الصح وغيره غلط ياخي مو شرط الي يعجبك يعجب غيرك اما من ناحيه بطل الدروب الي اعرفهم اكثر من 5 اشخاص الي معهم ولا سمعت واحد منهم يسبه بالعكس واحد منهم باعه لضروف ماديه وبعد فتره طلع جديد اتمنى ان الموضوع ما ياخذ منحنى اخر وتحياتي للجميع

[الكدن1]

خذلك هدد
ترا كل سنة يقولون الباترول صار ازين من اللاند وعقب كم سنة يقولون خلاص الحين الباترول صار ازين ما فيه كلام وعلى هالحاله
انت قارن بالموديلات القديمه من 2007 وتحت كلها من مصلحة اللاند
تويوتا ابدعت ابداع مهب صاحي بالجيوب والهلياات والنيسان ما قصر بس دايماً يقلد التااايوت ومعروف ان الي يقلد طموحه اكيد انه يصير زيك مب ازين منك
تويوتا احكم عليها من الموديلات القديمه الى يومنا ذا هي المتفوووقه
وبالنهاية لا تنسى الاستخارة
كلامك على العين والراس
بس اللي يعشق قوة وفخامة السيارات الامريكية يأخذ بطل الدروب اذا الميزانية صح
وخاصة 400 حصان
تقنية يابانية بفخامة السيارات الامريكية
هذا اللي ماعليه من كلام الناس يقول ابطرب راسي
واللي يبي يناظر لكلام الناس يأخذ تويوتا وخاصة عندنا في القصيم

[Mosaa2000]

ياجماعة الخير ،،، المقارنة بين الاند والباترول اعتقد غير عادلة بتاتا لوجود فارق كبير لمصلحة الباترول الجديد ،،
قد تكون المقارنة عادلة بين الباترول والكزيس ،،،
هذه وجهة نظري لاني مجرب السيارتين ارجو تقبلها بصدر رحب ،
واختلاف الرأي لايفسد للود قضية،، تحياتي للجميع ×

[مزدهر]

اولاً انا ما سبيت الباترول وقلت انه فاشل
لاكني قلت ان اللاند افضل وسعرهـ ازين بعد
ما ادري وش اقول على [ مسوي ساكن مع مدير نيسان ولا ولد حارتكم ]
انا قلت مثلاً اني اعرف مدير نيسان او قلت ان اعرف اعرف واحد بالوكالة يقول الباترول فيها وفيها وفيها
كلها آراء شخصية وما تكلمت عن احد
والباترول 97 تقارنه باللاند 97 ؟! بيني وبينك المعارض رح وشف اسعارهم اللاند 97 تلقاهـ 50 وفوق والباترول من 40 وتحت
ونفس الحكاية للموديلات الي عقبها
وسالفة ان نيسان ما تقلد تويوتا ذي فكر فيها زين قبل لاتنام اليوم
1 - تويوتا طلعت السكويا وعلطوول نيسان طلعت الارمادا وبمكينة امريكية نفس السكويا
2 - النافارا فيه تقليد كبيير من الهايلكس
3 - الي نعرفه ان الباترول وربع الباترول وشاص الباترول كلها نفس الشكل بس قبل سنتين فصلوا البابين وخلوهـ شكل والشاص والربع شكل نفس تويوتا
4 - تويوتا طلعت الاوريون ورجعت نيسان المكسيما خلال سنتين لمنافسة الاوريون

انا ما اسب نيسان لاكن ما اقول انها افضل من تويوتا والدليل ان نيسان تعجبني اني ناوي على ددسن دايماً الخيار الثاني عقب تويوتا بالنسبة لي هو نيسسان
بس اقارنه بتويوتا مسسستحيل
1 - قطع غيار نيساان ناار وهذا كلام واحد معه نيسان
2 - عند البيع ما تمسك سعرها زي تويوتا ابببببببداً
3 - المكدهـ لمصلحة تويوتا والنيسان ما يقصر لاكني اشوف تويوتا افضل

ويالله برب بروح اسلم على مدير نيسان :D

ياشين اللي يرد وهو ما يعرف
1 تقارن الباترول 97 باللند طيب كم سعر السيارتين جدد على كلامك الباترول أفضل سعر وأقل نزول والسعر المرتفع للقديم يدل على أن اللي بعده أردى منه
2 النفارا مصنوعة من مديل 2005 و الهايلكس الجديد مصنوع من عام 2006
من اللي يقلد الثاني
3 من اللي قالك إنهم فصلو البابين عن الحوض والربع الباترول البابين لازال موجود يباع وراح يبقى إلى عام 2016 وأبشرك راح يزيدون قوة مكينة الفتك وراح تجي على الباب و الحوض بعد
4 الأرمادا نزل عندنا من مديل 2005 والسكويا من مديل 2009 من اللي يقلد الثاني
5 الأريون تقارن من الألتيما وليس مع المكسيما المكسيما مع الأفالون والإلتيما نازلة عندنا مديل 2005 والإريون مديل 2007 من اللي يقلد
6 قطع الغيار الآن قريب من بعض لإن التويوتا رفع الأسعار بشكل خيالي
أمثلة لقطع غيار تويوتا في السابق والان
1 مساعد برادو كان سعره 180 الأمامي الان 270 طبعا السعر من موزع وليس من وكالة
2 مساعد دركسون لاند كان 220 الان 370
3 تدري إن شمعة النور حق المفخرة 3000 ريال هذا السعر قديم ماأدري عن اللحين
4 مسمار توازن حق برادو أمامي 200 ريال بعد الخصم 145
التويوتا اللي شفت فيه رخيص الصدمات البلاستيك الخلفي والأمامي وليس كل سيارات توتوتا وفيه قطع أعلى من النيسان بواجد

أما مسكت السعر أنا معك لاكن مهب كل سيارات تويوتا تمسك سعرة وكذلك سيارات نيسان رح إسأل عن الباترول الشكل الجديد وشف هل هو ينزل سعره ولا لأ
وأنا معي برادو الشكل الجديد التويوتا في شي زين و كذلك النيسان يتميز باشاء أخرى

[ابوميس الحلوه]

اتركة عنك لو فيه خير كان شفته بكل شارع
له سنه ونص وماباعو بالخليج الا 180 سياره

http://www.mekshat.com/pix/upload05/images216/mk75726_20110415167.jpg

[التعـ King ـديل]

ياجماعة الخير ،،، المقارنة بين الاند والباترول اعتقد غير عادلة بتاتا لوجود فارق كبير لمصلحة الباترول الجديد ،،
قد تكون المقارنة عادلة بين الباترول والكزيس ،،،
هذه وجهة نظري لاني مجرب السيارتين ارجو تقبلها بصدر رحب ،
واختلاف الرأي لايفسد للود قضية،، تحياتي للجميع ×

اوافقك الرأي .. بس ياويلك من متعصبين التويوتا .. تحملهم

[sgl2002]

اللي مامعه نيسان ولا جربه رجاء يسكت ....

أنا كان معي شاص 2009 تويوتا وبعته وشريت باترول ربع 98 ...

أقسم بالله يالشاص ان سعره حرام فيه ....

وتغريزته بريال ... الناس تحب الشاص عشان صرفية البنزين وقوة العزم ...


لكن تعال بالشاص وتعال بالباترول في الربضات والهلاش شف من اللي يروح ...

ولا مايمديك تعشق الدبل مرتين إلا وأنواع التهريب بالصوف ..

حتى بالنفود .. بالباترول أمشي والكفرات 38 ونص المشوار ماعشق دبل ... والشاص منسم وبدون دبل على طول يحفر ..

حتى مره طالع طلعة جبلية ( خط تراب ) قوية بالجنوب ومعشق الدبل الثقيل بالشاص ،، اسمع أنواع التقحيص كل شوي تسمع صوت قرصه الكفر على الحصى .. ذكرني بأيام الددسن ..

والباترول سلم لي عليه والله فيه أماكن جبلية والسيل داكها دك و أطلعها أقول مابيطلع الا بدبل ثقيل .. وأعشقه الأول بدون دبل ويطلعها بدون ماتسمع همس للكفر ..

قال تويوتا قال ..

[خيال شاب]

للي مامعه نيسان ولا جربه رجاء يسكت ....



والله الكفو

[Mosaa2000]

اوافقك الرأي .. بس ياويلك من متعصبين التويوتا .. تحملهم

اذل راعي التويوتا جرب الاثنين نقول اهلا وسهلا برأيه ونتقبل نقده ،، اما يجيك واحد مطفي النور ولا جرب الباترول ويتعصب مع التويوتا نقوله خل رايك لك .

[مزدهر]

اتركة عنك لو فيه خير كان شفته بكل شارع
له سنه ونص وماباعو بالخليج الا 180 سياره

http://www.mekshat.com/pix/upload05/images216/mk75726_20110415167.jpg


وش تحس فيه أنت أو بالأصح من اللي يكذب عليك
يمكن إنك ناسي إنه ما نزل إلا بشهر 6 العام الماضي واللي أذكر إنه صار فيه بعض الملاحظات وتم استدعاء بعض منها والإعلان اللي نشر كان يقول فيه 1227سيارة مستدعاه وذلك بعد شهر ونص من بداية البيع
http://www.mekshat.com/vb/showthread.php?t=316980

يا أخي الشركة العربية وهو أحد وكلاء نيسان في الإمارات باعت لوحدها 2000 باترول
http://www.zawya.com/arabic/story.cfm/sidZAWYA20101227092135/

الحمراني باع عدد كبير يفوق 4000 سيارة لاكن ودي أتأكد من العدد بالظبط
قال 180 باترول ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[التعـ King ـديل]

اللي مامعه نيسان ولا جربه رجاء يسكت ....

أنا كان معي شاص 2009 تويوتا وبعته وشريت باترول ربع 98 ...

أقسم بالله يالشاص ان سعره حرام فيه ....

وتغريزته بريال ... الناس تحب الشاص عشان صرفية البنزين وقوة العزم ...


لكن تعال بالشاص وتعال بالباترول في الربضات والهلاش شف من اللي يروح ...

ولا مايمديك تعشق الدبل مرتين إلا وأنواع التهريب بالصوف ..

حتى بالنفود .. بالباترول أمشي والكفرات 38 ونص المشوار ماعشق دبل ... والشاص منسم وبدون دبل على طول يحفر ..

حتى مره طالع طلعة جبلية ( خط تراب ) قوية بالجنوب ومعشق الدبل الثقيل بالشاص ،، اسمع أنواع التقحيص كل شوي تسمع صوت قرصه الكفر على الحصى .. ذكرني بأيام الددسن ..

والباترول سلم لي عليه والله فيه أماكن جبلية والسيل داكها دك و أطلعها أقول مابيطلع الا بدبل ثقيل .. وأعشقه الأول بدون دبل ويطلعها بدون ماتسمع همس للكفر ..

قال تويوتا قال ..

لا فض فوك ياشيييييييييييييييييييييخ :good2:

[التعـ King ـديل]

للي مامعه نيسان ولا جربه رجاء يسكت ....



والله الكفو



اي والله انه كفو :good2:

[التعـ King ـديل]

اذل راعي التويوتا جرب الاثنين نقول اهلا وسهلا برأيه ونتقبل نقده ،، اما يجيك واحد مطفي النور ولا جرب الباترول ويتعصب مع التويوتا نقوله خل رايك لك .

ههههههههههههههههههه كل اللي بيردون عليك من النوع الثاني .. اتحدا واحد منهم جرب نيسان شهر

اطلق واحد فيهم يجيك راكب رديف مع خويه مشوار 100 كيلو لمزرعه ولا مخيم ويرد عليك هنا

مسوي ابو العريف

[التعـ King ـديل]

وش تحس فيه أنت أو بالأصح من اللي يكذب عليك
يمكن إنك ناسي إنه ما نزل إلا بشهر 6 العام الماضي واللي أذكر إنه صار فيه بعض الملاحظات وتم استدعاء بعض منها والإعلان اللي نشر كان يقول فيه 1227سيارة مستدعاه وذلك بعد شهر ونص من بداية البيع
http://www.mekshat.com/vb/showthread.php?t=316980

يا أخي الشركة العربية وهو أحد وكلاء نيسان في الإمارات باعت لوحدها 2000 باترول
http://www.zawya.com/arabic/story.cfm/sidZAWYA20101227092135/

الحمراني باع عدد كبير يفوق 4000 سيارة لاكن ودي أتأكد من العدد بالظبط
قال 180 باترول ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وسع صدرك قال ايش قال 180 سياره على فكره اللي ردو هنا سته من ملاك الجديد وبحارتنا 4 صارو 10 وبالصحافه 6 صارو 16 غير اللي بالقصيم ومناطق مفرقه بالمملكه بس انت ياخوي خذ وخل لاتزعل عميرك

[fof6666]

ياأخوان
الموضوع لم يطرح لمثل هذه النقاشات العقيمة
ماطرح الموضوع الا لسماع تجارب أصحاب الباترول الجديد

[mr.قهد]

الباترول اسمه بطل الدروب ؟؟؟ ههههههه
يــــاكـــــبــــــر الـــهــــــــــم

[التعـ King ـديل]

الباترول اسمه بطل الدروب ؟؟؟ ههههههه
يــــاكـــــبــــــر الـــهــــــــــم

دام صرنا نتفاخر بالبط ونسميه مفخره الارض وهو مايسوى التالي من الغنم .. يحق لنا نسمي شيخ المواتر ببطل الدروب .. على الاقل موتر يبيض الوجه بر وديره

ومن ناحيه الهم .. اي والله صدقت جايب لك الهم وماتصدق على الله يجي طاريه بمكان الا نطيت ترد

[mr.قهد]

دام صرنا نتفاخر بالبط ونسميه مفخره الارض وهو مايسوى التالي من الغنم .. يحق لنا نسمي شيخ المواتر ببطل الدروب .. على الاقل موتر يبيض الوجه بر وديره


ومن ناحيه الهم .. اي والله صدقت جايب لك الهم وماتصدق على الله يجي طاريه بمكان الا نطيت ترد


شكلك من يوم انك صغير وانت من جرف في دحديره منت ضاري على خير ويوم اشتريت بطل الخرابات معاد تشوف زيه ابـــد
جرب جرب التايوتا وراح تــــحرق الباترول القمـــامه:good:
:good2:( بطل الدروب هههههه صدق القــرد في عيــن امــه غـــزال خخخخ)

[مواسي الطعوس]

حراااااااااااام ها البزر يكتب بمكشات .

* هم دخلوا نت بشهار . اللي يحصله يربطه ويشيله لشهارررررر,

[m-a-z-d]

ياشباب ترا والله موب نافعينا لانيسان ولا تويوتا كلهم ملاعين لا ابوجميل ولا الحمراني والطقة تجي على روسنا حنا ...
فل نستمر ونردد دوما خلوها تصدي...

[المنيعي1]

تقرير كامل عن نيسان باترول (بطل الدروب)2011 بالصور


نيسان باترول 2011
(بطل الدروب)

http://www.nissan-arabia.com/vb/attachment.php?attachmentid=5809&d=1301822897&thumb=1 (http://www.nissan-arabia.com/vb/attachment.php?attachmentid=5809&d=1297291281)
بسم الله الرحمن الرحيم

والصلاة والسلام علي اشرف الانبياء والمرسلين تقرير كامل عن سيارتي نيسان باترول 2011 بطلة الصحراء


فئات السيارة واسعارها في السعودية
فئات الـse1,se2,se3,le1 نفس الشكل بالضبط الختلاف داخلي فقط
SE 1
http://www.nissan-arabia.com/vb/attachment.php?attachmentid=5810&d=1301822897&thumb=1 (http://www.nissan-arabia.com/vb/attachment.php?attachmentid=5810&d=1297292448)
و مواصفاتها
محرك 5.6 لتر 320حصان 403 عزم دوران
ناقل الحركة اوتوماتيكي 5 سرعات + ناقل يدوي
اربع وضعيات للقيادة 1-الطريق2-الرمال3-الجبال4-الوحل والثلوج
مفتاح ذكي + زر تشغيل المحرك
تخشيب داخلي
ثلاجة تفتح باتجاهين
جنوط كروم مقاس 18" + اطارات 18 265/70
مثبت سرعة
انوار الفرامل بنظام ليد
انوار ضباب امامية
راديو +مشغل سي دي +mp3 +8 سماعات +مدخل AUX
تعتيم المرايا الجانبية
مكيف الكتروني بتحكم منفصل بدرجة الحرارة +فتحات تكييف خلفية
abs+ebd+ba+vcd
نظام التحكم الديناميكي +نظام المانع للانزلاق +نظام معزز الفرامل
مقعد السائق كهربائي ب 8 وضعيات
حساسات امامية وخلفية
8 حملات اكواب
وسائد هوائية مزدوجة للسائق والراكب
مرايا كهربائيه مع اشارة الانعطاف
نظام الثبات في المرتفعات عند التنقل بين دواسة البنزين والفرامل
نظام التحكم في المنحدرات(يقوم النظام بالتحكم بنزول السيارة بدون تدخل السائق في المنحدرات الوعرة)
السعر بدون دفلوك 177000 مع دفلوك 179000
SE-2

جميع مواصفات se-1 + التالي
فتحة سقف وعوارض سقفية
باب خلفي كهربائي

السعر بدون دفلوك 183000 مع دفلوك 186000

SE-3
جميع مواصفات se-1 +se-2 التالي
هاردسك لنظام الملاحة
هاردسك لنظام الموسيقى
mp3+dvd
نظام بلوتوث مثبت على المقود
كاميرا خلفية مع تخطيط ثابت ومتغير
شاشة كبيرة قياس 8"
مدخل ايبود
قياس ضغط الاطارات
نظام التحكم بالصوت مثبت على المقود
فتحات تكييف مثبتة في السقف مع تحكم خلفي الكتروني
نظام الستارة الهوائية(تفصل بين حرارة زجاج السيارة وسقفها عن داخل السيارة)

السعر مع دفلوك 201000

ننتقل للفئة الاعلى وهي الـ LE وتاجي اربع انوع هي

LE-1

محرك 5.6 لتر 400حصان 500 عزم دوران
ناقل الحركة اوتوماتيكي 7 سرعات + ناقل يدوي
نظام التحكم بالصوت مثبت على المقود
نظام بلوتوث مثبت على المقود
شاشة معلومات مقاس 7" بدون نافيقيشن
معلومات خاصة با الاوف رود
كاميرا خلفية مع تخطيط ثابت ومتغير
فتحات تكييف مثبتة في السقف مع تحكم خلفي الكتروني
نظام الستارة الهوائية(تفصل بين حرارة زجاج السيارة وسقفها عن داخل السيارة)
مدخل ايبود
هاردسك لنظام الموسيقى
mp3+dvd
بدون فتحة
جنط 18"
السعرمع مع دفلوك 213000

LE-2
http://www.nissan-arabia.com/vb/attachment.php?attachmentid=5811&d=1301822897&thumb=1 (http://www.nissan-arabia.com/vb/attachment.php?attachmentid=5811&d=1297294023)
جميع مواصفات le-1 + التالي
شاشة معلومات مقاس 7"
بدون نافيقيشن
بدون فتحة
نظام التعليق الهيدروليكي
جنط 20"
انوار زنون
انوار الترحيب
حساس اوتوماتيكي لمنع الاصطدام

السعرمع مع دفلوك 226000

LE-2
جميع مواصفات le-1 + التالي
شاشة معلومات مقاس 7"
بدون نافيقيشن
بدون فتحة
نظام التعليق الهيدروليكي
جنط 20"
انوار زنون
انوار الترحيب
حساس اوتوماتيكي لمنع الاصطدام

السعرمع مع دفلوك 226000

LE-3
جميع مواصفات le1+le2+التالي
مقود تلسكوبي بتحكم كهربائي
فتحة سقف وعوارض سقفية
باب خلفي كهربائي
هاردسك لنظام الملاحة
هاردسك لنظام الموسيقى
شاشة مقاس 8"
مقاعد جلد
مقعد الراكب كهرباء ب 4 وضعيات
تبريد وتسخين المقاعد الامامية
السعرمع مع دفلوك 242000
هاذي لفئة هي اللي عندي وهاذي صورها
http://www.nissan-arabia.com/vb/attachment.php?attachmentid=5812&d=1301822897&thumb=1 (http://www.nissan-arabia.com/vb/attachment.php?attachmentid=5812&d=1297294282)
اعلى فئة والتي نزل في السعودية منها 15 سيارة وجميعها بيعت

VVIP
جميع مواصفات le1+le2+le3+التالي
مجموعة انظمة السلامة
وسائد هوائية جانبية وخلفية ستارية
اربع كاميرات
مثبت سرعة ذكي (رادار)
شاشات خلفية بنظام دي في دي خلف المقاعد الامامية
مقاعد خلفية مفصولة
علامات مذهبة بماء الذهب
مرايا واطارات الكشافات وجلد الابواب من الكروم

السعرمع مع دفلوك 303000 (فئة خاصة بمناسبة التدشين صنع منها 300 سيارة فقط)

صورةللسيارة:
http://www.nissan-arabia.com/vb/attachment.php?attachmentid=5813&d=1301822897&thumb=1 (http://www.nissan-arabia.com/vb/attachment.php?attachmentid=5813&d=1297294641)

مقطع لتسارع السيارة


فئة VVIP غالية شويhttp://www.mekshat.com/vb/images/smilies/doubt.pnghttp://www.mekshat.com/vb/images/smilies/doubt.png
فعشان كذا اشتريت الـ le-3 وركبت علية الرادار و الدي في دي والصدام والاكسسورات وكلها
بـ 15 الف ريال وانت سايق VVIP http://www.mekshat.com/vb/images/smilies/dhh.pnghttp://www.mekshat.com/vb/images/smilies/dhh.png
هذا موضوعي الاول واتمنى من الدارة تثبيتة لافادة الجميع

ملطوش طبعاً

[التعـ King ـديل]

شكلك من يوم انك صغير وانت من جرف في دحديره منت ضاري على خير ويوم اشتريت بطل الخرابات معاد تشوف زيه ابـــد
جرب جرب التايوتا وراح تــــحرق الباترول القمـــامه:good:
:good2:( بطل الدروب هههههه صدق القــرد في عيــن امــه غـــزال خخخخ)


اللي جربت من التويوتا هدد 2004 قعد معي ست شهور برادو 2004 قعد معي سنه ونص فكسار 2007 قعد معي شهرين فكسار 2010 قعد معي ثلاث شهور جيب لكزس 2009 قعد معي شهر يكفيك هالخمه ولا لا؟ واذا الباترول قرد فاانا اقول ياحلاه يالقرد عند البط

[HAS5SAN]

اللي جربت من التويوتا هدد 2004 قعد معي ست شهور برادو 2004 قعد معي سنه ونص فكسار 2007 قعد معي شهرين فكسار 2010 قعد معي ثلاث شهور جيب لكزس 2009 قعد معي شهر يكفيك هالخمه ولا لا؟ واذا الباترول قرد فاانا اقول ياحلاه يالقرد عند البط



مو كنك كثرتها شوي طالع عمرك
اوه نسيت طال عمرك
عندك معرض :D

[التعـ King ـديل]

مو كنك كثرتها شوي طالع عمرك
اوه نسيت طال عمرك
عندك معرض :D[/CENTER]


لا كثرتها ولاشي .. الحمدلله فضل من الله وكانك زعلان كان عندي كامري 2002 وهايلكس 2004 بس علشانها خارج نقاشنا ماذكرتها

و باترولات موديلات 89 و91 و92 و95 و96 و97 و98 و99 و2001 و 2005 وجربت 2010 في ابوظبي وشريت لواحد من الشباب مستعمل 2010

انا ياعزيزي لمن امدح سياره او اذمها اتكلم من تجربه وليس يقولون كما يسمع غيري من المجالس

[عرهب]

يا شباب الله يبارك فيكم , الموضوع طرح للنقاش أتمنى من رواد هذا المنتدى الرائع أن يتناقشوا بأسلوب أفضل من كذا , نحن نحب هذا المنتدى , ونتمنى أن نرى فيه النقاشات البناءه التي لا تجرح شعور الآخرين , وفقكم الله لما يحب ويرضى .

[mr.قهد]

اللي جربت من التويوتا هدد 2004 قعد معي ست شهور برادو 2004 قعد معي سنه ونص فكسار 2007 قعد معي شهرين فكسار 2010 قعد معي ثلاث شهور جيب لكزس 2009 قعد معي شهر يكفيك هالخمه ولا لا؟ واذا الباترول قرد فاانا اقول ياحلاه يالقرد عند البط


الاخ صــــــاحــــب عبداللطيف جميل:p
ههههههه خخخخخخخ

[سفاري نجد]

السؤال موجهه لأصحاب الباترول الجديد ومستخدميه فقط لأظهار مزاياه وعيوبه ليستفيد من يرغب بالشراء ؟


اللي عنده معلومه يكتبها كتجربه ؟!!


أما معلومات عشوائيه لا نرغبها ؟!!


معلومه : لصاحب الموضوع أستطلاع عن اللاند 6 سلندر و 6 صفحات ما احد نط من اصحاب الردود اللي تذم الباترول وقدم معلومه مفيده بالانــد وشارك ؟
مشاركاتهم في ذم الباترول ودق اللطم ؟؟!!!

http://www.mekshat.com/vb/showthread.php?t=382300 (http://www.mekshat.com/vb/showthread.php?t=382300)


عجبي لكم ؟!!


لنرتقي بتبادل المعلومه المفيده لجميع مستخدمي السيارات .


دمتم بخير...

[O s O]

السلام عليكم ورحمة الله وبركاته

انا اليوم سجلت في منتداكم الطيب وهاذي اول مشاركه لي

وقلت اطرح لكم تجربتي لنيسان الجديد2010 بطل الدروب(400حصان) وولنقطع الشك باليقين

ويقول المثل اسأل مجرب ولا تسال طبيب والموتر كامل والكامل الله واي شخص يذمه هذا يبغي يقلل من قدرات الموتر او حاقد على النيسان بشكل عام لا اكثر ولا اقل والموتر قنصت فيه وكل اسبوع فالبر ولله الحمد لا تفكك مثل ما يدعي بعض الناس ولا شي وللعلم توايره بلد (برجيستون مقاس20) وفوق هذا ريافته ما شاء الله عليها اللهم تنسيم 20 ولا تشيل هم روح اوعر مكان ولا تخاف و روح اقوى رباظه ودق الدبل الخفيف واستمتع

وانا اقول الي يبغي ياخذه يتوكل على الله ولا يتردد لانه عز الله انه موتر ومركب شيوخ وانا ناوي هالوقت على البالون التواير900 واكيد بيكون اريف بوااجد

وان شاء الله اني افدتكم بتجربتي للبطل وما سمي بطل من عبث:good2:

[ابا الأفلح]

ياخي تذكرت رد واحد من الاعضاء قبل اكثر من سسنتين على نفس هذه النقاشات :
(سيارت ابوي احسن من سيارت ابوك ) مشكله ياخي ما فيه سياره الا ولها عيوب ومميزات
لا بطل الدروب ولا المفخره ولا غيره الخلاصه ان اسعار السيارت مبالغ فيها جدا وهي لا تستاهل هذا السعر
الواحد يتزوج اب 120 الف وسعر السياره اب 200 الف شي عجيب واقدر ابني دور كامل اب 250 الف والي رازقه الله يحمد الله ويتصدق

[سفاري959]

شكلك من يوم انك صغير وانت من جرف في دحديره منت ضاري على خير ويوم اشتريت بطل الخرابات معاد تشوف زيه ابـــد
جرب جرب التايوتا وراح تــــحرق الباترول القمـــامه:good:
:good2:( بطل الدروب هههههه صدق القــرد في عيــن امــه غـــزال خخخخ)

والله ما ادري وش اقولك اخاف انصحك وتكون اكبر سن مني ثم تصير ياكبرها بس ياخي انا قريت كثير من ردودك ماتخلا من الفاظ يستحي الواحد يقولها زبـــــــــــاله > القمــــــــــــــامه اكرم الله الملائكه والرجال الي يقرون ردي ياخي احترم هالمنتدى والرجال الي فيه بالله عليك هالألفاظ تقدر تقولها في مجلس رجال ؟؟؟؟؟؟؟ ما اتوقع ان شاء الله انك ولد ناس ومتربي على الأخلاق والدين وترى هالمنتدى مجلس رجال والسالفه كلها حديد صانعه كافر ان كانه عاجبك خذه واذا ما عجبك خله للي يبونه ارجو تقبل نقدي بصدر رحب والله كلامي للمصلحه العامه ولا اتمنى اننا ننزل للمستويات الي ما تليق فينا كرجال عيال ناس ومتربين على الأسلام واخلاقه وادابه تحياتي لك يالغالي

[O s O]

ياخي تذكرت رد واحد من الاعضاء قبل اكثر من سسنتين على نفس هذه النقاشات :
(سيارت ابوي احسن من سيارت ابوك ) مشكله ياخي ما فيه سياره الا ولها عيوب ومميزات
لا بطل الدروب ولا المفخره ولا غيره الخلاصه ان اسعار السيارت مبالغ فيها جدا وهي لا تستاهل هذا السعر
الواحد يتزوج اب 120 الف وسعر السياره اب 200 الف شي عجيب واقدر ابني دور كامل اب 250 الف والي رازقه الله يحمد الله ويتصدق
اخوي النيسان الجديد مايتقارن مع المفخره ابد ابد وانا امدح السيارة من ناحية استخدام فالبر والسيارة تنفع حق خطوط وانت لو قايل لي وش عيبوها افضل بألف مره من ردك السابق السيارة عيوبها
1-مايركب لها بالون تواير900 الا بـ التورنة للدرام ويلات (الدسكات) وهذا عيب كون السيارة سيارة اوف رود

2- السيارة تشرب او تبلع بنزين اذا كان الاستخدام حار او رياضي يعني الله يعينك عالصرفيه اذا انت راعي دعاس - انا عن نفسي امشي عالخطوط بين الـ130-160 والصرفيه حلوه وربما ممتازة بس لاتدوس يعني الدوسة حدها لانه يشرب اذا استخدام رياضي واكيد لانه (8سلندر)

3-الانظمة الزايدة الي هي نظام الحصا ونظام الرمل ونظام الشارع ونظام الثلج هو صحيح ان الانظمة تخلي اداء السيارة افضل لكن تنزعج منها يعني انت عالشارع جيت بتنزل بر توقف وتضع القير على N وتكبس على زر الحصا جيت بتطلع من البر نفس الموال وتكبس على زر الشارع يعني اول الايام راح تشوفها عادية عقب بتنزعج منها

4- صوت مروحة التبريد تصدر صوت عالي وغالبا وقت الظهيره لتبرد على المحرك ويكون الصوت عاليا نوعا ما (ولكن ربما البعض يشوفه عيب والاخر يستطرب على الصوت ويقول ان الصوت يدل على وجود محرك جبار) انا عن نفسي ما اهتم حق هذا الصوت ولا يعني لي شي


بس هذا الي اشوفه عيوب فالموتر ولكن المفخره ادفع حدود الـ200 الف واداء الموتر فالبر تعبان يمكن الهلكس الفورويل تقدم نفس ادائه

وهذا الكلام من تجربه لحد يقول اني متعصب :D

[ابا الأفلح]

الاخ oso مع احترامي لك انت بوادي وحنا بوادي وانا ماسألتك اصلا ولا اعرف عن السيارات هذي شي انا جالس اتكلم عن التعصب من بعض الاعضاء والاستفزازيه بالردود عشان سياره لا ناقه له فيها ولا جمل الي يشوف بعض الردود يقول ان له سهم في مصنع نيسان او تويوتا وبعظهم اشك انه مسوق لشركه اذا تحط عيب بالسياره ثار مثل العاصوف السوره وغبر تقل ساب واحد من جماعته مدري صغر سن ونعذره ولاصغر عقل ونقول الله يكمله له

[Abo gssar]

ياحبي للبطل الدروب مع اني قاعد احكحك منا ومنا وقربت اجمع قيمته بس متردد خايف لايطلع فيه عيوب .عشان كذا تكفون ياالربع اللي ماجرب الموتر لايكتب عنه من خلال اقوال الناس او مايسمع عشان مانشكل سمعة غلط عن الموتر ..وانتم تذكرون قبل كيف شيباننا كانو يذمون في جيوب النيسان اول وماكان احد يسومها والحين يوم الناس جربتها طارت اسعارها واقصد الموديلات القديمة من 90الي97 خصوصا الربع كان على 11الف و15 والحين 30 و40 الف بعد ماجربوه الخلق ووثقوا فيه ...عشان كذا خلو التعصب الاعمى ولا تتكلم الا من تجربة

[السليطين]

كل اللي اعرفهم وجربوا الموتر ... كلهم يمدحونه ... من ناحيه الصرف والقوه والفخامه والراحه ..



جمع كل الزين ...

[نفود بريدة]

يا جماعة .. الى متى ؟ :(

تويوتا ازين من نيسان .. الى متى ؟ :(
الباترول ازين من اللاندكروزر .. الى متى ؟ :(
البطل ازين من البطه .. الى متى ؟ :(

ياليت لو نرتقي بأسلوب الحوار .. ويكون الهدف الرئيسي لنا جميعا هو الفائدة ..

فيه قاعدتين مهمة في الحوار السليم والناجح ..
1- تذكر أن لا تمدح سيارة على حساب ذمك لسيارة أخرى ..
2- تذكر لولا اختلاف الأذواق لبارت السلع ..


آآآه بس .. متى يجي اليوم الي نكون فيه متكاتفين جميعا في خدمة بعضنا البعض في هذه المقارنات بعيدا عن التعصب واللامنهجية وداخل مجال ودائرة الأدب والاحترام ..



شيء في نفسي خرج بعد مشاهدات استمرت لسنين داخل هذه الخيمة ..
وفقكم الله جميعا لكل خير ..:)

[جوبتير]

يا أخوان انا جربت الفتك سوبر سفاري خليجي موديل 98 أول موديل بعد الشكل المربع أبو شمعات مدوره

نزلت فيه جازان ولقيت صاحب كرسيدا مغرز في سبخه تغرز فيها برجليك في الشقيق ونزلت له ويشهد الله على ما اقول ،، لقيت سيخ عماير طويل مقاس 10 ملم تقريبا قديم طايح واخذته وشبكته بالكرسيدا وسحبتها مسافه اكثر من 30 متر ويعلم الله ان الجيب يمشي وكأنه سفينه ماشاء الله وبعدها طلعت على طعوس بجوار بحر الشقيق كأنها رماد واعطيته دبل خفيف وكذلك يسبح سباحه على الرمل بدون ادنى معانه وأقسم بالله انني عندما عدت إلى مدينة أبها مثلث الدرب انقلبت وسلمت ولله الحمد وقد اصر المرافقين معي أنها عين ما صلت على النبي

أما الشاص 2009 رسمي فقد استخدمته وطلعت فيه اماكن اصابها السيل واعتقد ان تطلعها الهايلكس وقد اتعبني كثيراً نظراً لكونه قاسي من حيث المفاصل واليايات وعند الثنيات الكبيره يرتفع احد الكفرات ويبدأ فالتحفير مكانه رغم ان المكان صخري متماسك
أما سيارات النيسان فمفصلاتها طريه وتتلائم مع أقسى التعرجات الصخريه والرمليه

الخلاصه من وجهة نظري

الباترول يعيبه التفكك في اجزاءه مع الاستخدام واستهلاكه الكبير للبنزين

اللاند يعيبه القساوه في مركبه وجلافة ممشاه في البر



قد اكون اطلت الموضوع ولكن هذه تجربه بدون أي محاباة لنوع معين

تحياتي للجميع

[HAS5SAN]

8
88
888
8888
للمعلومية
الـ1998 مانزل فتك
كان ينزل بحاقن إلكتروني
على مكينة (CC4500 )
الفتك نزل من 2002
وهو نضام صبابات (VTC )
على مكينة ( CC4800 )

[التعـ King ـديل]

8
88
888
8888
للمعلومية
الـ1998 مانزل فتك
كان ينزل بحاقن إلكتروني
على مكينة (CC4500 )
الفتك نزل من 2002
وهو نضام صبابات (VTC )
على مكينة ( CC4800 )




ياشيخ انت فله بجد .. ردك على انك تحاول تعيب الموتر الا انك مدحته .. ال 4500 سوا كذا اجل كيف ال 4800 انا اشهد ان الباترول سياره البر الاولى :good2:

[رحاال 2009]

الجيب السفاري


من شراله جيب و لا داج الصحاري
شريته للجيب من جيبه خســــاره


ما نفظت الجيب مع قل إقتـــداري
لجل اوقف موتري حدر العمـــــاره


موترٍ فيه المزايـــــا و المــــواري
عد مادار اليماني في مــــــداره


يعشق اوساع الفيافي و البــراري
ماصنعوه الدربٍ تعوقـــه إشـــــاره


لانهمته جاك به طبع إنتحـــــاري
في طريقٍ سود الله وجه قــــاره


وان طرقت السلف يطلقله عياري
رميةٍ وحده و لا يخطــــي عيـــاره


كنـّه اللي طالبٍ بالحق ثـــــاري
من عدوٍ صابني في وسط غاره


لامسكت إمروض الويل إبيساري
كني اللي حاظنٍ سيد العــــذاره


شوفة العداد من بعد العصــــاري
تغني الولهان عن شوفة ديــــاره


لاحداك الليل في وسط القفاري
من بعيد اتشاف ليتاتـــه منـــاره


لا تعذلون المولع لـــــو يثــــاري
من غرامه زاد قلبي في خظاره


بزهمك يا جيب في طول المساري
دام نجم إسهيل تــــوه ماتــــــواره


تل ويلك لا توقــــف يالسفــــــاري
لين تاقف فوق تلعـــات العمــــاره


خايعٍ لامن شرب عذب الخبـــاري
السدر و الشيح و الرمثه ثمـــاره


منوة اللي عادته طرح الحبـاري
وافيٍ لا طار علقله حبــــــاره


من نسل سنجار بالهدات ظاري
من طبوع القرم تلقابه نــــزاره


لا لمحله خرب في وضح النهـاري
فزّته شبت على سبقه شــراره


ستــّل الجنحان و اقفت به محاري
وابتعد عن ناظر العيـــن و تــــواره


مايعوقه بالهدد سرعـــة ذواري
لو يزيد الريح ما عذرب مطـــاره


يوم حدر ثم خذى منها نثـــــاري
كنــّه إشهابٍ هوى وقت انحداره


زين شوف الطير للصيده مباري
منظرٍ و الله ما مثلــه نظــــــاره


لا تكاشف برق تطريه الطـــــواري
ثم يزيد الشوق في صدري حراره


مابقالي صبر في طول انتظاري
العمر من دون مقناصٍ خســـاره


من نقلت الطير بالجيب السفــاري
ماسلب عقلي سوى حب الصقاره



اهداء لملاك الباترول

[O s O]

الجيب السفاري



من شراله جيب و لا داج الصحاري
شريته للجيب من جيبه خســــاره


ما نفظت الجيب مع قل إقتـــداري
لجل اوقف موتري حدر العمـــــاره


موترٍ فيه المزايـــــا و المــــواري
عد مادار اليماني في مــــــداره


يعشق اوساع الفيافي و البــراري
ماصنعوه الدربٍ تعوقـــه إشـــــاره


لانهمته جاك به طبع إنتحـــــاري
في طريقٍ سود الله وجه قــــاره


وان طرقت السلف يطلقله عياري
رميةٍ وحده و لا يخطــــي عيـــاره


كنـّه اللي طالبٍ بالحق ثـــــاري
من عدوٍ صابني في وسط غاره


لامسكت إمروض الويل إبيساري
كني اللي حاظنٍ سيد العــــذاره


شوفة العداد من بعد العصــــاري
تغني الولهان عن شوفة ديــــاره


لاحداك الليل في وسط القفاري
من بعيد اتشاف ليتاتـــه منـــاره


لا تعذلون المولع لـــــو يثــــاري
من غرامه زاد قلبي في خظاره


بزهمك يا جيب في طول المساري
دام نجم إسهيل تــــوه ماتــــــواره


تل ويلك لا توقــــف يالسفــــــاري
لين تاقف فوق تلعـــات العمــــاره


خايعٍ لامن شرب عذب الخبـــاري
السدر و الشيح و الرمثه ثمـــاره


منوة اللي عادته طرح الحبـاري
وافيٍ لا طار علقله حبــــــاره


من نسل سنجار بالهدات ظاري
من طبوع القرم تلقابه نــــزاره


لا لمحله خرب في وضح النهـاري
فزّته شبت على سبقه شــراره


ستــّل الجنحان و اقفت به محاري
وابتعد عن ناظر العيـــن و تــــواره


مايعوقه بالهدد سرعـــة ذواري
لو يزيد الريح ما عذرب مطـــاره


يوم حدر ثم خذى منها نثـــــاري
كنــّه إشهابٍ هوى وقت انحداره


زين شوف الطير للصيده مباري
منظرٍ و الله ما مثلــه نظــــــاره


لا تكاشف برق تطريه الطـــــواري
ثم يزيد الشوق في صدري حراره


مابقالي صبر في طول انتظاري
العمر من دون مقناصٍ خســـاره


من نقلت الطير بالجيب السفــاري
ماسلب عقلي سوى حب الصقاره




اهداء لملاك الباترول



تل ويلك لا توقــــف يالسفــــــاري
لين تاقف فوق تلعـــات العمــــاره

صـح الـسانـك
والله عليك وعلى قصيدتك الروعة
وتسلم يالحبيب

[التعـ King ـديل]

الجيب السفاري


من شراله جيب و لا داج الصحاري
شريته للجيب من جيبه خســــاره


ما نفظت الجيب مع قل إقتـــداري
لجل اوقف موتري حدر العمـــــاره


موترٍ فيه المزايـــــا و المــــواري
عد مادار اليماني في مــــــداره


يعشق اوساع الفيافي و البــراري
ماصنعوه الدربٍ تعوقـــه إشـــــاره


لانهمته جاك به طبع إنتحـــــاري
في طريقٍ سود الله وجه قــــاره


وان طرقت السلف يطلقله عياري
رميةٍ وحده و لا يخطــــي عيـــاره


كنـّه اللي طالبٍ بالحق ثـــــاري
من عدوٍ صابني في وسط غاره


لامسكت إمروض الويل إبيساري
كني اللي حاظنٍ سيد العــــذاره


شوفة العداد من بعد العصــــاري
تغني الولهان عن شوفة ديــــاره


لاحداك الليل في وسط القفاري
من بعيد اتشاف ليتاتـــه منـــاره


لا تعذلون المولع لـــــو يثــــاري
من غرامه زاد قلبي في خظاره


بزهمك يا جيب في طول المساري
دام نجم إسهيل تــــوه ماتــــــواره


تل ويلك لا توقــــف يالسفــــــاري
لين تاقف فوق تلعـــات العمــــاره


خايعٍ لامن شرب عذب الخبـــاري
السدر و الشيح و الرمثه ثمـــاره


منوة اللي عادته طرح الحبـاري
وافيٍ لا طار علقله حبــــــاره


من نسل سنجار بالهدات ظاري
من طبوع القرم تلقابه نــــزاره


لا لمحله خرب في وضح النهـاري
فزّته شبت على سبقه شــراره


ستــّل الجنحان و اقفت به محاري
وابتعد عن ناظر العيـــن و تــــواره


مايعوقه بالهدد سرعـــة ذواري
لو يزيد الريح ما عذرب مطـــاره


يوم حدر ثم خذى منها نثـــــاري
كنــّه إشهابٍ هوى وقت انحداره


زين شوف الطير للصيده مباري
منظرٍ و الله ما مثلــه نظــــــاره


لا تكاشف برق تطريه الطـــــواري
ثم يزيد الشوق في صدري حراره


مابقالي صبر في طول انتظاري
العمر من دون مقناصٍ خســـاره


من نقلت الطير بالجيب السفــاري
ماسلب عقلي سوى حب الصقاره



اهداء لملاك الباترول


صح لسانك وسلمت يدك على الاهداء

[HAS5SAN]

ياشيخ انت فله بجد .. ردك على انك تحاول تعيب الموتر الا انك مدحته .. ال 4500 سوا كذا اجل كيف ال 4800 انا اشهد ان الباترول سياره البر الاولى :good2:

علامك ياولد
انا بينت للرجال نوع المكينة ونظام الحاقن
هو عنده لبس في معلومة وضحت له اللبس فقط
اما اعيب وما اعيب
فالله يشفيك قل آمين
والله يهديك وترى كان عندي سوبر سفاري 1998
الله لا يذكره بالخير انا اشهد انه مقاول محطات البنزين
وعزمه اقل من الهايلكس والله انه فشلني اكثر من مرة

[طعميس]

كل واحد يقول موديلات 98 الى 2001م ثقيل .العمده على 2002م وطالع

[المقناص بالحر]

اولاً انا ما سبيت الباترول وقلت انه فاشل
لاكني قلت ان اللاند افضل وسعرهـ ازين بعد
ما ادري وش اقول على [ مسوي ساكن مع مدير نيسان ولا ولد حارتكم ]
انا قلت مثلاً اني اعرف مدير نيسان او قلت ان اعرف اعرف واحد بالوكالة يقول الباترول فيها وفيها وفيها
كلها آراء شخصية وما تكلمت عن احد
والباترول 97 تقارنه باللاند 97 ؟! بيني وبينك المعارض رح وشف اسعارهم اللاند 97 تلقاهـ 50 وفوق والباترول من 40 وتحت
ونفس الحكاية للموديلات الي عقبها
وسالفة ان نيسان ما تقلد تويوتا ذي فكر فيها زين قبل لاتنام اليوم
1 - تويوتا طلعت السكويا وعلطوول نيسان طلعت الارمادا وبمكينة امريكية نفس السكويا
2 - النافارا فيه تقليد كبيير من الهايلكس
3 - الي نعرفه ان الباترول وربع الباترول وشاص الباترول كلها نفس الشكل بس قبل سنتين فصلوا البابين وخلوهـ شكل والشاص والربع شكل نفس تويوتا
4 - تويوتا طلعت الاوريون ورجعت نيسان المكسيما خلال سنتين لمنافسة الاوريون

انا ما اسب نيسان لاكن ما اقول انها افضل من تويوتا والدليل ان نيسان تعجبني اني ناوي على ددسن دايماً الخيار الثاني عقب تويوتا بالنسبة لي هو نيسسان
بس اقارنه بتويوتا مسسستحيل
1 - قطع غيار نيساان ناار وهذا كلام واحد معه نيسان
2 - عند البيع ما تمسك سعرها زي تويوتا ابببببببداً
3 - المكدهـ لمصلحة تويوتا والنيسان ما يقصر لاكني اشوف تويوتا افضل

ويالله برب بروح اسلم على مدير نيسان :D


كلامك مجرد وجهة نظر
عندي تعليق بخصوص الارمادا والمكسما
الارمادا وصل عندنا من موديل 2005 والسكويا 2009 ايهما اول وايهما المقلد
المكسما متصدره من البداية ولم يوقف استيرادها حتى تعود
مع احترامي للجميع

[ابن عكاش]

يا أخوان انا جربت الفتك سوبر سفاري خليجي موديل 98 أول موديل بعد الشكل المربع أبو شمعات مدوره

نزلت فيه جازان ولقيت صاحب كرسيدا مغرز في سبخه تغرز فيها برجليك في الشقيق ونزلت له ويشهد الله على ما اقول ،، لقيت سيخ عماير طويل مقاس 10 ملم تقريبا قديم طايح واخذته وشبكته بالكرسيدا وسحبتها مسافه اكثر من 30 متر ويعلم الله ان الجيب يمشي وكأنه سفينه ماشاء الله وبعدها طلعت على طعوس بجوار بحر الشقيق كأنها رماد واعطيته دبل خفيف وكذلك يسبح سباحه على الرمل بدون ادنى معانه وأقسم بالله انني عندما عدت إلى مدينة أبها مثلث الدرب انقلبت وسلمت ولله الحمد وقد اصر المرافقين معي أنها عين ما صلت على النبي

أما الشاص 2009 رسمي فقد استخدمته وطلعت فيه اماكن اصابها السيل واعتقد ان تطلعها الهايلكس وقد اتعبني كثيراً نظراً لكونه قاسي من حيث المفاصل واليايات وعند الثنيات الكبيره يرتفع احد الكفرات ويبدأ فالتحفير مكانه رغم ان المكان صخري متماسك
أما سيارات النيسان فمفصلاتها طريه وتتلائم مع أقسى التعرجات الصخريه والرمليه

الخلاصه من وجهة نظري

الباترول يعيبه التفكك في اجزاءه مع الاستخدام واستهلاكه الكبير للبنزين

اللاند يعيبه القساوه في مركبه وجلافة ممشاه في البر



قد اكون اطلت الموضوع ولكن هذه تجربه بدون أي محاباة لنوع معين

تحياتي للجميع
شف يالغالي ما نكذبك ومحشوم يالغالي بس بديت احس ان الباترول حقك مسكون
يمكن انك سواق ماهر بس ترى كل موتر فيه حقه
كان معي جكس 2007م سحبت به ددسن غمارتين في طرف سد حريملاء طافي والطين واصل للبيبان نتلته نتل وركب في واحد من الجماعه وقطعت به شعيب سحب و السيل يمشي والله ان الجكس يسبح سباحه و المسافه تقريباً 200متر والله شاهد

[رسيس نجد]

ما نقول الى الله يخارجنا 0 تعصب في السيارات والاند يه 00000 الى متى0000 يامكشاتيه 0

[شطرطون]

للاسف اني ضيعت وقتي وانا اقرا ردود ما ادري وشلون اوصفها...

المشرفين المفروض يحذفون الردود الخارجه عن الموضوع

[جبل ادقس]

الجكس الـ97م كم سعره جديد ابي واحد نظيف لو ماشي 300ألف بس شرط البدي والمحركات مكيفين ثلاجه إذا لقيت لي واحد بـ70ألف لك سعي مع حبة خشم وسلمني على الباترول الـ97م بعد ماتلحم بيبانه علشان تظبط اموره ويشفون حل لعزمه الجبار طبعاً مع تكتيم الكلبليتر

موجود طلبك وانا اخوك
جيب لاندكروزر موديل 97 VXR
تانكيين - مكيفين - استبنتين
مسجل لمس - مكيف لمس - فتحه سقف
فل الفل وانا اخوك
الموتر مع الوالد شد بلاده مشتريه قبل حوالى اربع سنوات من مزاد الجيش ويوم اخذه ماشي حوالى 70 الف والان عداده على مشارف 230 الف .

المطلوب 55 الف ريال والموتر على الفحص
اذا صامل ارسل رقمك على الخاص ... اما اذا كان ردك على ملاك النيسان فالله يستر عليك

[سوبر مكشات]

ويييين المشرف

لو حصل انه يحذف الردود اللي برا الموضوع

جاي ادور مقاطع تطعيس وكشتات وصيد على البطل او سلبيات وايجابيات او ترهيمات والقى مقارنات للموديلات الاوله

التخصص مطلوب

[خيال شاب]

كل اللي اعرفهم وجربوا الموتر ... كلهم يمدحونه ... من ناحيه الصرف والقوه والفخامه والراحه ..



جمع كل الزين ...


:good2::good2::good2::good2::good2::good2::good2:: good2::good2::good2:

[ابن عكاش]

موجود طلبك وانا اخوك
جيب لاندكروزر موديل 97 VXR
تانكيين - مكيفين - استبنتين
مسجل لمس - مكيف لمس - فتحه سقف
فل الفل وانا اخوك
الموتر مع الوالد شد بلاده مشتريه قبل حوالى اربع سنوات من مزاد الجيش ويوم اخذه ماشي حوالى 70 الف والان عداده على مشارف 230 الف .

المطلوب 55 الف ريال والموتر على الفحص
اذا صامل ارسل رقمك على الخاص ... اما اذا كان ردك على ملاك النيسان فالله يستر عليك
انا قلت جكس وفيه نوع مرغوب اللي هو فكس سلق يجي مواصفات الفكس آر لكن من بر سلق وهذا قطري اكثر شي
وانا ماراهنت على شي اللى وانا قد كلامي اقر كلامي وجب لي نفس المواصفات وابشر بالسعي يالغالي في معارض الشفا جكس مكيفين ثلاجه واسبير علاق ماشي 288ألف بدينظيف والمحركات الله اعلم بها مسيوم بـ87ألف
ونيسان وتويوتا كلها عينين في راس ومجربها كلها ومسألة التعصب ذي ماراح تفيدنا شي واللي بنستفيده إذا حصل التنافس بين الوكلاء المصنعين للسيارت انهم ينزلون مواصفات وجوده افضل
على العموم
ارسل لي رقمك على الخاص ومواصفات الموتر لاهنت