اذا صدمك احد سامحه العوض مافيه خير !!!

[كرويف]

السلام عليكم
وشرايكم بهذه المقولة الي دائما نسمعها ؟

[طلال123]

والله وانا اخوك هذا حقي اذا قلط علي لاكن اذا جاك الرجال محترم سامحة واما يجيك واحد شايف نفسة لاوالله ما اتنازل يدفعها وهو مايشوف الطريق خلة يتادب

[الجبل الراسي]

علا حسب ممكن ايه وممكن ( لاّ) والله يكفينا شرور الحوادث

[ساحووق]

والله بالنسبه لي اخليه يروح واطلب العووض من الله

مره واحد صدم موتري وهو واقف عند البااب العصر وانا ماطلعت الا المغرب وحصلت الرجال موقف سيارته وبعدين جااء والله قلتله رووح الله يستر عليك وكلف الموتر على 500 ريااااال بسييييطه

وماقوول هالكلام علشاان امدح نفسي لاو الله بس هذا ضرب مثاال الان العوض مافيه خير

والرجاال اللي يستااهل يستااهل الللي يتنازل عنه

لاكت علييييكم بالبنقااليه والسوااقين تكفوووون ههه

[راعي البدايع]

فمن عفا وأصلح فأجره على الله

[الصارم7]

والله على حسب الموقف وعلى حسب الشخص الصادم

بس الاغلبية العوض من الله مو من الناس اسامح في الغالب

[الحصان 1]

العوض من راعي العوض الحي القيوم

[حزوبر]

والله بالنسبه لي اخليه يروح واطلب العووض من الله

مره واحد صدم موتري وهو واقف عند البااب العصر وانا ماطلعت الا المغرب وحصلت الرجال موقف سيارته وبعدين جااء والله قلتله رووح الله يستر عليك وكلف الموتر على 500 ريااااال بسييييطه

وماقوول هالكلام علشاان امدح نفسي لاو الله بس هذا ضرب مثاال الان العوض مافيه خير

والرجاال اللي يستااهل يستااهل الللي يتنازل عنه

لاكت علييييكم بالبنقااليه والسوااقين تكفوووون ههه
مشاء الله عليك، مهو غريب عنك العلم الغانم، تحري به

[volcano]

العوض فيه خير ونص لو هو حرام كان قلنا مابه خير لكن فيه ناس تستاهل تعفي عنها وناس ودك تنحرها

العوض ابو الخيرات والعفو عند المقدرة افضل

[ابو سعود4500]

على حسب الشخص واسلوبه بعضهم يصدمك وداري انه هو الغلطان بس مايعترف ذاك الحين والله لا اطلعه من عيونه
اما اذا جاك رجال على الاقل يعترف بغلطه هذا عندي هو الي يهم لاني ماحب الي يكابر على غير سنع

[درباس فرناس]

اللهم صلي وسلم على محمد
من باب التحديث بنعمة رب العالمين
وليس من باب السمعة والتفاخر لأننا نكتب باسماء وهمية بعضنا مايعرف بعض
ولله الحمد عدة مرات اتعرض لحوادث مرورية ولا أذكر مرة أني طلبت من شخص العوض أو طالبته بقيمة الصدمة أو خلافه
آخر مرة صدمني عامل باكستاني قلط علي من جهة اليمين الى جهة اليسار من باب الخطا وسامحته في الموقع مع أن السيارة تعرضت لصدمة شنيعة تكلف فوق الالفين لكن الخلف من العزيز الحكيم الي خزائنه ملأ بالخير ماتنضب من كثرة سؤال السائلين
والتسامح مع الناس له أثر عجيب في روحك وصحتك وسعادتك وبركة مالك
لأن المشكلة أن أكثر هذه الحوادث المرورية الخطأ فيها يصعب تقديره ويحصل فيه أخطاء كبيرة جدا من قبل المرور
ومن عفا واصلح فأجره على الله
فمن استطاع العفو فلا يدخر جهد ومن طالب بحقه فلا يلام أذا تبين له فعلا أن الحق معه بدون تدليس أو تغيير في الحقائق
والنبي صلى الله عليه وسلم وهو نبي كان يقول إنما أقضي بنحو ما أسمع ولعل بعضكم يكون ألحن بحجته من بعض أو كما ورد عنه صلى الله عليه وسلم
ولذلك تجد في بعض الحوادث أن الطرف الثاني يكون أجنبي ما يحسن أن يعبر أو شاب صغير ويكون خصمه في المقابل شخص لسن وصاحب حجة يتمكن من اقناع رجل المرور أن الخطأ على خصمه
والله يوفق الجميع للخير ويجعلنا من العافين عن الناس والله يحب المحسنين ..

[التعـ King ـديل]

على حسب الموقف ..

مره صدمني هندي وكان هالكلام اول ماطبقو التأمين والهندي يهايط مأمن الاخ ولا همه وكل ماقلت له شي ولا العسكري قال انا في تامين

شفته كذا قلت والله مااخليه حتى لو معه تامين وقعدت له لين خذت فلوسي ريال ينطح ريال .. ومره صدمني زلمه اردني وابو الشباب

يحسب انه مدري ايش .. قام يخنبق ويغلط ولا معه تامين زرعته بالتوقيف شهر .. ومره صدمني لبناني بس كان محترم وبكل ادب

قالي اللي تامر فيه بسويه .. ناظرت سيارتي وقلت رح الله معك

[mr.salih]

لكل مقام مقال.

[HAS5SAN]

والله وبكل امانة وأسأل الله العظيم أن يجعلها خالصة لوجهه الكريم
تم صدمي مرتين على سيارتين مختلفتين ملكي
وكلها سامحتهم لوجه الله تعالي
مع العلم بأن احدهم صدمي وتركني في سيارتي
احاول افتح الباب ولم استطيع وشرد في رمضان
ثم رجع بعد تخطيط الحادث وجاء بصاحب السيارة الاساسي
واخذني على جنب وقال ماعندي رخصة وراح يتم إيقافي
فا وافقت انه خويه إلى صادمني بصفتة صاحب السيارة وكل إجراءاته نظامية
والمضحك ان الضابط قال لا زم يدخل التوقيف لأنه عاكس السير ويدفع
700ريال كاش وهو اساسا مو هو إلي صدمني وإنما خويه كان مستعير سيارته
والله اني طلبت الضابط فيه وقلت للضابط انا شفت الموت
وحنا في شهر رمضان وقد سامحته لوجه الله تكفى اعتقه منها
فعلاً اعفاه من الايقاف واكتفى بالمخالفة
والسيارة الثانية هو مخطئ صادمني من ورى
وسيارتي قيمتها 160 الف ريال طبعاً دخل المستشفى
وطلع بعد 3 ساعات وايضاً سامحته لوجه الله
وكلفتني سيارتي حوالي 6000 ريال
والحمد لله
وحتى اكون صادق
قبل حوالي 20 سنة كنت مسرع وقطعت إشارة
وصدمت سيارة وهربت أنا متأكد بأنهم سالمين لكن
سيارتهم تأثرت وما رجعت لهم
عشان كذا أسأل الله ان يغفر لي وأن يغفر لهم
فقد ندمت على فعلتي ووالله اني لم اكن متعمد اصدمهم
بس متعمد اقطع الاشارة كنت مسرع

[ملك الفكتوريا]

مثل ما قلتوا حسب الشخص


مره واحد صدمني عند الاشاره والاضرار ولا شئ ونزل هو واللي معه ويتأسف ويقول ابشر بالعوض ناظرت سيارتي ما فيها شئ قلت الله يستر عليك بسيطه


وصدمت واحد ونزلت وسلمت عليه وتأسفت وقلت معليش وابشروا باللي تبيه قال فدى راسك يا رجال

المشكلة سيارتي ما جاها شئ وهو تضرر واحرجني والله


على حسب الشخص هي وحسب الاضرار




بس المهم يا جماعه الحوادث من خلف كل واحد يشيل سيارته ويفك الطريق

[قناص*07]

اذا كان قليل ادب وغير محترم ولا اعترف بخطاه
والله لاخذها واتصدقبها لواحد فقران محتاج بس عشان ادبه.

[طلال123]

اذا كان قليل ادب وغير محترم ولا اعترف بخطاه
والله لاخذها واتصدقبها لواحد فقران محتاج بس عشان ادبه.

كلامك عين العقل وهذا الصح خل الواحد يتادب <<<والله مارفع ضغطي الا الاجانب الي يسوقون التريلات فيهم عباطة الله المستعان ويكفينا شر الحوادث

[faisal400]

فعـلا" العوض مافيه خير ...<<< لكن بحـدود
كيف بحدود
يعني على حسب و(ضعك المادي )
اذا تقدير التصليح تحت ال 1000 ريال
واللي صادمك طبعا" شخص محترم ماهو من المبزره المتهورين
وماهو من اللي يقلون ادبهم وقت الحادث
بســامحه
فوق ال 1000 اتوقع انك راح تسلف وتقط وجهك على اللي يسوى واللي مايسوى
ماتسوى عليك ..

[abu fares]

العوض ما منه خير


لكن احيانا الموقف وما يصاحبه من ملابسات تجعلك تطلب العوض وانت ما تبيه

[عاشق ورق]

مثل ماتفضلوا الاخوان
المسامحة ترتبط في الغالب با الاخلاق ثم بحالتك المادية
ماهومعقوله اني اسامحه ومو مخطي واروح اتطلب خلق الله يسلفوني ولايساعدوني اصلح موتري
وهو حق لي ومافيه في الشرع نهي عن العوض ولاكراهه
تحياتي