المساعد الشخصي الرقمي

مشاهدة النسخة كاملة : نصيحتكم يالربع في هايلكس دفرنسين 2010 ..!


abo-abdulaziz
06/05/2011, 11:05 AM
السلام عليكم ورحمة الله وبركاته
.
.
.
أخواني هذي الأيام شاغل تفكيري الهايلكس دفرنسين 2010 !
وبغييت آخذ رايكم لاهنتوا ..


عموما أنا راعي بر روحات وجيات وكشتة وطيور" ومحتاج الحوض " لكن ماني راعي نفوذ .. وأبنشدكم .!
- أداء الموتر بالمدينة هل هو مريح .. يؤدي مشاوير الجامعه ;) ؟!
- كيف الموتر مع الخطوط ؟
- مميزات وعيوب إذا تعرفونها أتمنى ما تحرموني منها :)


-
-


تحياتي . . .
حزوبر
06/05/2011, 11:23 AM
السلام عليكم
أنصحك بهذه السيارة، ولن تندم ان شاء الله تعالى
مميزاتها:
قويه
اقتصاديه، فلل ب 32 ريال، واتحداك تتذكر متى أخر مره عبيت(يمكن لأني شايب أنسى):D
مرغوبه عند البيع
قليلة الأعطال
سيارة مدينه وبر
وأنصحك بالقير التماتيك، حيث أنها ، سيارة تنفع للرياض وزحماته
كذلك تجيد قفز الحواجز:Dطمر الأرصفه عند الزحمات:D

عيوبها:
غير مريحه في السفر ، ويمكن التغلب على ذلك بالمساعدات، والكفرات اللينه
تحتاج لمثبت سرعه (لمن يمل من دواسة البنزين)
abo-abdulaziz
06/05/2011, 11:33 AM
السلام عليكم
أنصحك بهذه السيارة، ولن تندم ان شاء الله تعالى
مميزاتها:
قويه
اقتصاديه، فلل ب 32 ريال، واتحداك تتذكر متى أخر مره عبيت(يمكن لأني شايب أنسى):D
مرغوبه عند البيع
قليلة الأعطال
سيارة مدينه وبر
وأنصحك بالقير التماتيك، حيث أنها ، سيارة تنفع للرياض وزحماته
كذلك تجيد قفز الحواجز:Dطمر الأرصفه عند الزحمات:D

عيوبها:
غير مريحه في السفر ، ويمكن التغلب على ذلك بالمساعدات، والكفرات اللينه
تحتاج لمثبت سرعه (لمن يمل من دواسة البنزين)




ما دام عيوب الموتر بالسفر ماعليه ان شاء الله ..
ماني راعي سفر ولاني أبعد ولا تخاف حنا شباب :D
يعطيك ألف عافيه أخوي حزوبر :)
abo-abdulaziz
06/05/2011, 01:39 PM
للرفع ....
و لد ملهم
06/05/2011, 01:45 PM
حياك الله ابو عبدالعزيز التويوتا الموديلات الاخيره مو زي اول بدون جوده و فراملها سيئه جدا و اسعار مبالغ فيها اللحين سعر الغمارتين بدون دبل 88 و مصنوع بتايلند .... دور لك بديل افضل منه ....
abo-abdulaziz
06/05/2011, 02:06 PM
حياك الله ابو عبدالعزيز التويوتا الموديلات الاخيره مو زي اول بدون جوده و فراملها سيئه جدا و اسعار مبالغ فيها اللحين سعر الغمارتين بدون دبل 88 و مصنوع بتايلند .... دور لك بديل افضل منه ....

والله صدقت ياخوي السعر مبالغ فيه ولكن ليس لوحده , مبالغ في السيارات كلها ..
ومن ناحية الفرامل أوول مره أسمع أحد يشكي منها ؟؟؟؟؟
مولع بالطير
06/05/2011, 02:19 PM
والله ياخوي كان سعره با90 الف انا اشور عليك تزوده وتاخذلك اف جي 2011 ولا تاخذلك سييرا جمس 2500 ماراح تندم اناشالله وع العموم الله يعطيك خيره ويكفيك شره ويقويك ع فلوسه وتقبل مروري
omar 3
06/05/2011, 02:50 PM
والله ياخوي كان سعره با90 الف انا اشور عليك تزوده وتاخذلك اف جي 2011 ولا تاخذلك سييرا جمس 2500 ماراح تندم اناشالله وع العموم الله يعطيك خيره ويكفيك شره ويقويك ع فلوسه وتقبل مروري

ايييييييييييييييييييييييييييه الله يخلف


الافجي سعره ب 150 والقير العادي ب 130
بروق ساق
06/05/2011, 03:16 PM
أعقلها وتوكل ــــــــ خذ بريمي يمكن أرخص من السعودي ـ أفضل لك ـــ السعودي نازل من الأمام أما البريمي وقفته زينه
abo-abdulaziz
06/05/2011, 07:27 PM
والله ياخوي كان سعره با90 الف انا اشور عليك تزوده وتاخذلك اف جي 2011 ولا تاخذلك سييرا جمس 2500 ماراح تندم اناشالله وع العموم الله يعطيك خيره ويكفيك شره ويقويك ع فلوسه وتقبل مروري

هلا بك أخوي مولع بالطير ...
والله أحترم رآيك أخوي لكن أف جي ما يصلح لي ولا أعجبني شكله والجديد غالي جدا .!
والصندووق بصرآحه أحتاجه كثييير !

عموما مشكوور على مروركم :)
abo-abdulaziz
06/05/2011, 07:29 PM
أعقلها وتوكل ــــــــ خذ بريمي يمكن أرخص من السعودي ـ أفضل لك ـــ السعودي نازل من الأمام أما البريمي وقفته زينه


ان شاء الله النية في محلها ما تغيرت " هايلكس دفرنسين 2010 "
لكن السعودي أتوقع أفضل من الداخل وأريح !

مشكور على إبداء الرآي :)
abo-abdulaziz
06/05/2011, 10:01 PM
up :)
........
سفاري 9
06/05/2011, 10:16 PM
والله اخوي هي ممتازه
لكن قيمتها حارة
خذ لك جيب مستخدم او شاص بتلقى نضيف احسن لك
الجني العبد
06/05/2011, 10:21 PM
البريمي أفضل من السعودي ( من ناحيه القطع والتماسك والسعر )
أما الشكل وعند البيع ( السعودي أفضل )
والحمد لله الهلي الدفرنسين تبيض الوجه وماراح تتعبك بمشاوير الجامعه
أما عن الراحه ( الراحه وأنا أخوك دورة بالفرود والجموس مهب بالهلي :) )
حسن الشمالي
06/05/2011, 10:25 PM
انصحك فيه وبقوة

وخذ خليجي تراه ارخص بواجد
وموتر بر وديرة وعزم خاصة القير العايدي
مشكلتة الوحيدة النفود يمشي عمره لكن لاتوقع انه بيطربك مره لكن مهب شين خاصة مع الكفرات العراض
وسلامتك...
happeyman
07/05/2011, 12:52 AM
أنصحك بالديماكس 2011 ولن تندم بإذن الله تعالى وستنسى شيء اسمه هايلوكس


http://www.autopress.be/SALON_2008/IMAGES/ISUZU/ISUZU%20D-MAX%20THE%20ROCK_1.JPG


وراجع رابطة الديماكس بقسم السيارات وتجهيزاتها


السعر مع الاكسسوارات 88000 ريال من العيسى

وشوف السيارة بنفسك بمخرج 5 بالدائري الشمالي
الهاجر 7002
07/05/2011, 01:59 AM
وآلله يمدحونهـ .. بس آفضل تآخذ جمس جديد مآيتعدى سعرهـ 80 غمآرهـ ولآ غمآرتين ولآ غمآرهـ ونص آو ربع..

مريح و عملي ..


آلله يوفقكـ يآرب ~

لآ تنسى صلآة آلآستخآرة...
الرعيله
07/05/2011, 03:20 AM
معي 2007
الحمد لله موتر لك وللزمن

انصحك تاخذ تماتيك ممتازه والسفر يعني حول الجيب راحته

والله يوفقك
مسير عليهم
07/05/2011, 09:08 AM
جرب ومر على اقرب معرض واركب لك جمس غماره او غماره ونص وشوف المواصفات بالداخل وشوف السعر وقارن

مااقول ان الهايلكس شين لكن مايستاهل سعره دام فيه بديل
* ابو باسل *
07/05/2011, 12:07 PM
اخي انا توي بايع 2010 قير اتو ماتيك وراد عبد اللطيف فل كامل الموتر صبور وطيب ولاكن يعيبه ضعف عزمه اويضا عدم الرحه في المدينه عدم الراحه المطلقه تناقز وتشغلك وخاصه اذا معك احد في المرتبه الخلفيه ماينزل من مشوار نص ساعه غير متكسر ضهره ومال من الجلسه في السياره وغير كذا جميع انواع صوت الزعاق وصياح الكفرات مع اللافات ومع ضغط الفرامل لو ضغطه خفيفه اما بالنسبه للاتوماتيك مريح وطيب وقوي وصبور ولاكن هذي بعض العيوب والي ماتهمه ويدور الجوده ان شاء الله ان الموتر طيب واذا تدور للجوده والفخامه والقوه والوساع الجمس السيرا وخاصه الموديلات الاخيره 2010 وفوق يمدحونه كثير وسعره فرق بسيط عن الهايلكس ومواصفات ومكينه ضعف قوة الهايلكس والقير 6 نمر والمكينه 8 سلندر والفرق تقريب 20 الف وحتى عند البيع يمسك سعره .
abo-abdulaziz
07/05/2011, 07:01 PM
بيض الله وجيهكم وما قصرتوا على ردودكم ..
أسعدتموني
ابن عكاش
08/05/2011, 01:13 AM
لو حطو مكينة الفورتشنر 6سلندر عليه كان دواء
سفاري959
08/05/2011, 08:23 AM
من ناحيه الشكل حلوه وواسعه مقارنه بالددسن من ناحيه الراحه ماهي مريحه من ناحيه القوه حليوه لكن بالسحب ضعيفه وهذا طبيعي 4سلندر خلاصه الموضوع وبدون تعصب او تحيز سعرها غالي جداً دايماً قارن سعر السياره بالفايده او بسعرها وش تاخذ موتر يكون اقوى واريح حتى لو رايح عليه موديلين او ثلاثه تطلع بنتيجه تقنعك اخيراً الله يكتب لك الصالح وانا اخوك تحياتي
abo-abdulaziz
08/05/2011, 09:03 PM
لو حطو مكينة الفورتشنر 6سلندر عليه كان دواء


ايه والله أنا أشهد :)
لكن العزم والضعف هو اللي مضيق صدري
abo-abdulaziz
08/05/2011, 09:04 PM
من ناحيه الشكل حلوه وواسعه مقارنه بالددسن من ناحيه الراحه ماهي مريحه من ناحيه القوه حليوه لكن بالسحب ضعيفه وهذا طبيعي 4سلندر خلاصه الموضوع وبدون تعصب او تحيز سعرها غالي جداً دايماً قارن سعر السياره بالفايده او بسعرها وش تاخذ موتر يكون اقوى واريح حتى لو رايح عليه موديلين او ثلاثه تطلع بنتيجه تقنعك اخيراً الله يكتب لك الصالح وانا اخوك تحياتي


يعطيك ألف عافيه أخووي ع ابداء رآيكـ وصدقت والله سعرها غآلي ونار لكن الموتر اذا دخل مزاجك غير ..!
ليت مكينة الموتر 6 سلندر كان سلمني عليه :(
الجني العبد
08/05/2011, 11:32 PM
يعطيك ألف عافيه أخووي ع ابداء رآيكـ وصدقت والله سعرها غآلي ونار لكن الموتر اذا دخل مزاجك غير ..!
ليت مكينة الموتر 6 سلندر كان سلمني عليه :(

أذكر الصمعاني ببريدة يرهم مكينه برادو 6 سلندر على الهايلوكس وتركب تمام التمام
أغديك مار عليه وشايف التكاليف
سفاري959
09/05/2011, 05:07 AM
يعطيك ألف عافيه أخووي ع ابداء رآيكـ وصدقت والله سعرها غآلي ونار لكن الموتر اذا دخل مزاجك غير ..!
ليت مكينة الموتر 6 سلندر كان سلمني عليه :(

الله يعافيك ويطول عمرك تراني ابديت رأيي الشخصي وعشان غالب الربع الي يطلعون معنا للبر معهم هلي وسبق اني جربته والله وبدون تعصب انا معجب بشكلها ووسعها بس بسعرها تقدر تاخذ سييرا رايح عليه موديل فكر بالراحه والقوه واذا الموتر معجبك توكل على الله وانا اخوك اهم شي قناعتك انت اذا اشتريت على رأي غيرك صدقني اي مشكله تواجهك بالموتر ولو كانت بسيطه راح يطيح من عينك وتعافه الله يوفقك والف مبروك مقدماً
طيرشلوى 2
09/05/2011, 05:45 AM
الموتر عملي وخفيف وقل صرفيه انا مجربه ان كانك تبي القوه والراحه خذلك جمس
abo-abdulaziz
09/05/2011, 08:24 AM
لاهنتوا مشكورين ع إبداء آرائكم ...
عشق الريادة
09/05/2011, 02:56 PM
والله اخوي هي ممتازه
لكن قيمتها حارة
خذ لك جيب مستخدم او شاص بتلقى نضيف احسن لك
حطه بالثلاجة :D:D:D:D
حضرة الظابط
09/05/2011, 11:09 PM
موفق خير ... ولك مني اجمل تحية
ماجد الشمال 1
10/05/2011, 01:31 AM
والله ونعم الاختيار عزالله انها سيارة دخل البلد وبرا البلد
اجزم وتوكل على الله مارح تندم
abo-abdulaziz
10/05/2011, 01:53 PM
الله يعافيكم اخواني .. مشكورين على مروركم :)