استفسار بخصوص ماء الريدتر لفورد اكسبلورر

[ابويزن300]

السلام عليكم عدنا اليكم بسؤال جديد وشيء بصراحة حيرني الاول وهو ماء الريدتر طبعا سيارتي 2010 مالها اسبوعين معاي لما فتحت الكمبوت وبالصدفة فتحت القربة حقت الريديتر وجدت شيء حيرني وهو انا ماء الريدتر متسخ يعني كان فيه صداء ولونه يميل الى اللون البني وفيه حبيبات صغيره جدا ولما فتحت غطاء الريدتر وجد الغطاء وكان عليه مثل الصداء او الطين والماء ريحته معفنه ولما حطيت على يدي منه لقيت فيه زي الزيت او الصابون طبعا رجعت الى الكتلوج وفيه دليل المالك وتكلم كلام كثير من ظمنها ان سائل الريديتر يحتوي على سائل تبريد وسائل الماء بنسب متوازنه يعني 50 /50 قلنا يمكن هذا يكون سبب الزوجة وبعدين قال ان سائل التبريد يكون لونه ذهبي اللون مع مادة تبريد صفراء اللون
وبصراحة احترت هل هذا هو اللون الطبيعي ام ان فيه مشكلة في سيارتي

السؤال الثاني

ان فيه بعض القطع في المكينة والتي تسمى الاكزوز مصديه وفيه قطعة اخرى البكره اللي فوق عند المروحة في الاعلى من الداخل مصدية يا شباب تكفون ريحوني هل هذا طبيعي وخصوصا اني ما انكر على السيارة شيء نهائيا وانها ممتازه سوى النقطتين اللي تكلمت عنهم في موضوع سابق وهو البنزين والمقاعد وتعرفون السيارة جديدة والله مالها اسبوعين تقريبا من يوم طلعتها من الوكالة بصراحة بديت اشك في السيارة تكفون رحوني ولكم اجمل تحية

[ابويزن300]

10 اللي قروا الموضوع ولا احد عنده رد

[ال شرق]

كل تقول عادي نفس اللي معي ماء الرديتر + الصداء

2009 اكسبلورر

[ابويزن300]

يا اخوان ما حد عنده حل

[الصيادالمليح]

إحتمال كبير ان سيارتك من السيارات اللي غرقت في امطار جدة و الوكالة جددتها و ضحكت بيها على الناس
روح الوكالة و اطلب منهم سيارة جديدة لأن سيارتك من السيارات الغرقانة

كيف سيارة جديدة وموديل جديد وقطع مصدية ؟؟ أكيد فيها استغفال

[allaa.hassan]

القزوز طبيعي جدا تكون مصدية لأنها حديد زهر مصبوب ومش معزول والصراحة عمري ما شفت قزوز اكسبلورر مش مصدي

بالنسبة لموية الريديتر الشركة تقول عنه ذهبي وهو أصفر ومزيت ومع المدة يكون رواسب

ممكن تطلب من الوكالة يشيكوا عليه ويغيروه مع غسيل الدورة

[ابويزن300]

إحتمال كبير ان سيارتك من السيارات اللي غرقت في امطار جدة و الوكالة جددتها و ضحكت بيها على الناس
روح الوكالة و اطلب منهم سيارة جديدة لأن سيارتك من السيارات الغرقانة

كيف سيارة جديدة وموديل جديد وقطع مصدية ؟؟ أكيد فيها استغفال


يا ساتر سترك يا رب وش هالكلام والله لصدع راسي من يوم قريته الله يسترك بكره ان شاء الله على طول اول من اخلص الدوام على الشركة على طول يا دافع البلاء

[ابويزن300]

القزوز طبيعي جدا تكون مصدية لأنها حديد زهر مصبوب ومش معزول والصراحة عمري ما شفت قزوز اكسبلورر مش مصدي

بالنسبة لموية الريديتر الشركة تقول عنه ذهبي وهو أصفر ومزيت ومع المدة يكون رواسب

ممكن تطلب من الوكالة يشيكوا عليه ويغيروه مع غسيل الدورة


القزوز يمكن نقول انه طبيعي طيب والبكره اللي فوق المروحة برضه مصديه اما بالنسبة للرديتر السيارة مالها اسبوعين من يوم طلعتها ما امداها تكون رواسب الله يستر بس

ما فيه احد من الاخوان طلع موتر جديد ويشوف هل نفس الكلام اللي قلتها انا موجود عنده

[رسيس نجد]

راجع الوكاله وعرض عليهم المشكله 0

[طلال99]

ترى الوكاله مايجون الابتهديد وبعدين اطلب مدير الفرع

[ابويزن300]

اليوم اتصلت على الوكالة وقالوا اتصل علينا بكره الصباحة وخذ موعد ونشوف وش عندك على الرغم ان الموظف قال هذا طبيعي

[ابويزن300]

الحمد لله طلعت الشغلة كلها طبيعية ولله الحمد شفتها في اكثر من 6 سيارات

[md_sabra]

هذه الموية الراجعة من الرديتر الى القربة وهي طبيعية جدا وما يلزمك الا تغير موية الروديتر كل فترة فقط

[نبراس 07]

الموضوع عادي جداً سؤال بنسبه للوكالة لحد الان يبيعون 2010م شكلك ماخذ سيارتك من صاله