يا اهل الربع ابي مشورتكم..

[العضيله]

السلام عليكم ورحمة الله وبركاته

يا جماعة الخير انا عندي باترول ربع 91 سلق نظيييف بالحيل ماشي 103الاف فقط
ابلشني عنده رجال يدق علي في اليوم 10 مرات يبي الموتر ويقول نفسي فيه لدرجة انه يقول احلم فيه ونا نايم صراحة كرهني في موتري اضافة الى الازعاج والواسطات عشان ابيعه له والظاهر ان هذا اللي راح يصير ابي اعرف منكم كم تقريبا يسوى مع العلم انه حكومي كان تبع الداخليه ومرشوش بدون سمكرة
يعني نظييف .
وشاكر لكم مقدما.

[غدر الزمن]

ارفع عليه السعر خلك من 60 الف وفوق وهو يتوب يكلمك

[خمسين]

عطه سعر يلوي ظهره وش قساوة الوجه هذي الله يعافيه ولا يبتلينا

[ال معلى]

30 مبلغ كويس وفوق حقه بشي بسيط

والله يستر عليك منه ناس ماعاد تستحي

واذا ماتبي تبيع قله ب50 الف

[العضيله]

الله لا يهينكم على الردود
الرجال وصله 32000

[الدبيخي]

بعوهـ يا رجال بداموهـ بعينوهـ وتراك منتب خسران شي خاصتن أنوه من الحكومهـ يعني جايك ببلاش

أخاف تهون عن البيعهـ يا أخوي ويجيك من الموتر مكروهـ الله لايقولهـ

[عاشق الجكسار]

بعه عليه ورح اقرب بنشري وركبلك كفرات منتهيه يعني مابقى الا تنفقع وخله يولي خله بدال مايقول مشاء الله على موتره يلعنه قسم مايقربك هههه تراني امزح لا اخوي قل الموتر لواحد موصيني عليه ودورت له وهو شافه ويبه وقل اسبوع ورسله له وخلاص

[عابر شمال]

اخوي الله لا يهينك اذا كنت راغب الموتر ولا فيه اي مشاكل معك لا تبيعه يارجال انا دورة باترول نظيف بالسوق مالقيت وان لقيت مطير سعره نصيحتي لك الموتر تعرف عنه كل شي وش لك وبيعه ، خل الرجال وعلومه عنك
(((لا تمدح موترك عند الناس ماتعطي خير ))) بعض هالعالم يشغلك على سياراتك ولو مااطريت بيعها لو ابي ابيع رحت للمعارض ،
انت حر اذا كنت تبي تبيع الموتر رصه بسعر اعلى من سعر السوق بـ كثير.
واذا انت ما تبي تبيع الموتر عيب فيه عنده خل نفسه تطيب منه وخله يعيفه .