المساعد الشخصي الرقمي

مشاهدة النسخة كاملة : قصيدة بجيب لكزس


جيب LEXUS-2002
10/09/2002, 05:06 PM
جيب لكزس

راكـب اللي لاشتغل كن به روح الجـنين ماورد قبله ولاظنتي يـــــرد بـــــــعده

يسرق الانظار سرقة شعرة من عـــجين والزياق مذهبه والـــــركون مـــــورده

من بعيد تقول خيمة عروس في بطــين ولاقربته من قريب تـــــقل لون بـــرده

جيب لكزس من موديلات الالفين الثمين وكلوا عبـــــداللطــــيف الجميل وورده

فرش موكيته تقل من شجرة الياقـــــطين والمراتـــب جلـد بافـخم طراز منـجـده

ماحلا مسراه لين الصبح نوره يبـــــــين والقزوزات الـثمـان الـجحيم الموقــــده

مشربه بنزين ماهوب سمن ولاســـــمين والبـــــــــساتم كــــــنها عمد مـــــــمده

الطعوس يقصها مثل قص الاكــــسجين والجبال اللي كما طويق وجبال لـــهده

مايلام الى زعل منه ابو عبارتــــــــــين لكزس الالــفين خير التويوتا واجـــوده

عنده الفكسار لاوقف لايمكن يــــــــزين مـــــاينقص منه لكن تــقول يعقـــــــده

كن تكييفه هواء دار زين العابـــــــــدين تونس الخضراء نعيم المصيف ورغده

فيه لاناظرت ماهوب ريب ولايقــــــين نقش اطاراته مثل شكل نقش الـمزوده

لاسحب انواره تقول بين الازرقـــــــين مايجي ياكود في طايلات الارصــــده

في عددهن يتعبن المكاين والـــــــيديـن ماعليهن غير صورة معزي وولــــــده

ماملكه دريوله لابكاش ولابــــــــــديـن مدة اللي ينبع الطيب من راحة يــــده

http://www.alsayer.org/arabic/mnss/images/LX470_image.jpg
الحزين
10/09/2002, 07:01 PM
صح لسانك يالجيب ,, الله يعطيك العافيه وماقصرت ,,, مشاركه حلوه وبدايه طيبه

وننتظر منك المزيد يالغالي ,,, تقبل تحياتي , اخوك ابو محمد
جيب LEXUS-2002
10/09/2002, 07:26 PM
صح بدنك ويعافيك ياأبومحمد وإعجابك فيها هي غايتنا
عاشق الصحراء
10/09/2002, 07:38 PM
ما شاء الله على القصيدة و على قائلها و اختيار موفق عيني عليك
باردة.
الواضح
12/09/2002, 12:29 PM
صح لسانك يا أخوي ( جيب LEXUS-2002 )
الله يعطيك العافيه وماقصرت
مشاء الله عليك مشاركه حلوه وبدايه طيبه
ننتظر منك المزيد
تقبل تحياتي
الشاص
14/09/2002, 11:01 PM
صح لسانك اخوي ويعطيك العافيه