المساعد الشخصي الرقمي

مشاهدة النسخة كاملة : عاااجل فورد اكسبلورر 2010مشكله غريبه


ميندو
09/05/2011, 12:06 AM
ياجماعه صارتلي مشكله اليوم بسيارتي فورد اكسبلورر موديل 2010
مامشي الموتر الي 1035 كيلو تقريبا واستغرب اليوم طلعتلي رساله
يجب الصيانه فورا وصوت جرس واللمبات كلها الي في الطبلون
من بطاريه وزيوت وكل شي الشاشه الي في الطبلون صارت حمراء
وش القصه يا اهل الخبره ، انا طفيت الموتر ورجعت شغلته ولا كنه صار شي
بس بصراحه شي يحيير مع اني ما استعمله كثير بالكاد في اليوم مشوار خفيف

افيدووني يا اهل الخبره وهل منكم احد مر عليه هالمشكله
وهل تنصحوني اوديه الوكاله

شوفو هالرابط اتوقع انه صارله مثلي في اليوتيوب

http://www.youtube.com/watch?v=olaJN0Vbn1s&feature=related
ميندو
09/05/2011, 01:06 AM
!!!!!!!!!!!!!!!!!
اكثر من 6 اعضاء مشاهده ولا واحد رد
وش دعووة
ابو ناصر2020
09/05/2011, 01:10 AM
الله يكون بعونك يارب انا عن نفسي راعي باترول ولا عندي خبر
لكن ان شاء الله يردون عليك الي عندهم خبر
صحاري 97
09/05/2011, 01:17 AM
طيب جرب فصل اصبع البطارية
ثم اعد تركيبه
ابو ناصر2020
09/05/2011, 01:34 AM
طيب جرب فصل اصبع البطارية
ثم اعد تركيبه



:mad: فصل الصابع البطاريه لأعادة البرمجه ماهو حل لكل السيارات

عندك مثال الفورتشينر 4 سلندر + هايلوكس من 2006 وطالع لو فصلت اصابع
البطاريه وسياره طافيه بعد التركيب تتبرمج وبعض الاحيان تطلع مشاكل مثل
اخوي نفس السالفه وضرب عنده جهاز الرموت
رجال اعرفه نفس الكلام وخرب عليه حساس دعسة البنزين
لذالك وقت تغير البطاريه السياره شغاله ولا تطفيه وهذا هو الحل الي ماشين عليه



اسف اخوي صاحب الموضوع لاني طلع بعيد عن ماتبي لكن حبيت اوضح نقطه
ابوعمر1397
09/05/2011, 09:24 AM
السيارة جديدة تحت التمرين وتحت الضمان وانت تستشير

روح الوكالة على طول
ميندو
09/05/2011, 09:44 AM
اشكر كل من رد علي الموظووع
انا انشاء الله بوديها للوكاله ان تكررت المشكله
بس انا سؤالي هل فيه احد تعرض لنفس المشكله
allaa.hassan
09/05/2011, 03:28 PM
الانذار اللي طلع لك "يجب صيانة نظام RSC فورا"

سبب الإنذار أن الرمل دخل ما بين حساس التراكشن وبين ترس مغناطيس الحساس(على كل كفر فيه نرس وحساس من الجهة الداخلية)

الحل طفي السيارة وعيد تشغيلها يروح الانذار على طول
ال شرق
09/05/2011, 04:18 PM
اذا كل اللمبات الارشاديه بالطبلون

هذا احتمال الكمبيوتر تبع السياره

كانت عندي لمبة المكينه وسووا كل صيانه لها بالخير طلعت المشكله بالكمبيوتر وتم تغييره
أبو إياس
09/05/2011, 05:31 PM
لأقرب وكالة أخوي ولاتشاور احد
T-Tamimi
10/05/2011, 12:56 AM
انذار طبيعي جدا
السالفه انك في الرمل لفيت الدركسون بقوه مع تشغيل الدبل
الحركه هذي تدخل رمل بين الهوب والحساسات
اوقف وطف زر مانع الانزلاق ويروح الانذار
وارجع شغله من جديد وكمل تطعيسك ولا تشيل هم
موترك زي الحلاوه ولا عليه اخلاف ان شالله
ولا تبالغ تقول كل اللميات اشتغلت
روعتنا الله يهديك @@
اشتغل عندك انذار مانع الانزلاق وصوت الجرس وتغير لون الشاشه من اخضر او برتقالي"بسبب تنسيم الكفران" الى احمر

بالتوفيق يالغالي
ولو تقراء كتلوج السياره بترتاح كثير وتاخذ فكره اشمل
ميندو
10/05/2011, 09:28 AM
مشكوور علي الي كل الي ردو

للمعلوووومه الموتر جديد مثل ماقلتلكم يادوب وصل 1000 كييلو
ولا عمري طبيت برمل ولاشغلت الدبل الي الان بس حبيت اوضح للشباب الي قالو
دبل او تراب او مانع الانزلاق
يعني الموتر مابعد حتي تهنيت فيه ولو اني طاب في رمل او مطعس او داعس علي امه وحارقن قلبه
كان قلت يمكن من كذا وكذا ولكن الموتر دايم موقف في البايكه

علي فكره امس وديته لصيانه البديعه في الرياض وبصراحه مالقيت الي ابو هنوود هو المدير وكلهم
هنود وقالو ايس فيه هههههه لازم تصير المشكله وجبه لنا والله ضحكت قلتله الحين لوني بعيد
وطلعت المشكله اجيبه لكم الله من زين الدبره فيهم وقامو دخلووه وفحصووه بالكمبيوتر علي قوولتهم
طبعا وانا حاس ومتاكد امهم فصلو اصبع البطاريه وبس وقالو الموتر سليم
االمهم وطلعت بعد ماركوني 3 ساعات
ومير يوم يجي العشاء وانا طالع مشووار ويشتعل السكورتي جرس الانذار وتولع المبات وتقلب الشاشه حمرا

ملاحظه : ترا مقطع اليوتيوب الي حطيته سابقا مقاربه لمشكلتي


http://www.youtube.com/watch?v=olaJN...eature=related
ميندو
11/05/2011, 01:24 AM
يا جماعه تهقوون ان الشاشه الي ركبتها تبع الاطفال لها دخل من التسليك مثلا .............
وهي الي سببت المشكله لاني قريت من رد مهندس كهربا في منتدي اخر يقوول ان نضام RCS حساس مرره

أولا هل ركبت سماعات كبيرة أو غيرت المسجل أو أي أحد اشتغل في المنطقة تبع المسجل؟

لانه اي ارتجاج في منطقة المسجل ولو من سماعات تأثر على الجيروسكوب تبع RSC ويعطيك انذار ونظام الامان يشتغل ويمنع السيارة من الحركة يقطع عزم المكينة ويعطيك لمبة الانزلاق ولمبة مفتاح عدة RSC Serve now تظهر على الشاشة
ونفس الشيء يحصل لو الاسلاك تبع الجيروسكوب صار لها قطع وكمييوتر السيارة ما وصلته أشارة مزبوطة من الجيروسكوب

وكمان لو احد لعب ببرمجة السيارة وطفى التراكشن راح يعطيك نفس الانذار


هذا رده في منتدي اخر
ميندو
12/05/2011, 08:16 PM
ومازلت ابحث عن سبب المشكله
ميندو
08/06/2011, 01:43 AM
حياكم الله جميعا بعد خروج السياره من الوكاله وللعلم مده بقاء السياره اكسبلوور 2010 ( اسبوع تقريبا )
تمت تجربه السياره مده نقريبا اسبوعين وظهرت المشكله مره ثانيه !!!!
بصراحه تعبت من الوكاله تعطيل وعدم اهتمام ( اتحداهم يقولو مانعرف )
للتذكير المشكله هو وانت ماشي احيانا يطلع لك صوت الجرس في الشاشه وتقلب لون احمر
ويكتب لك يجب الصيانه فورا RCS
للمعلوميه ترا دخلتها قبل كذا 3 مرات نفس المشكله والفني الفلبيني قال لي ممكن بطاريه ضعيف
اعنبو داره السياره يوم تدخل عندهم ما مشت اكثر من 1000 كيلو
والان ما كملت 2100 كيلو

وش تشوورون علي


شف المقطع هذا في اليوتيوب انا مثله بس هو طالع له RCS وصوره مانع الانزلاق انا زايد عليه بصوره شكل مراتب السياره كرسي
شوفو هالرابط اتوقع انه صارله مثلي في اليوتيوب

http://www.youtube.com/watch?v=olaJN...eature=related


ارجو من احد عنده خبر او صادفته هالمشكله لا يبخل علي اخوه بالحل
النصار
08/06/2011, 05:51 PM
اذا كانت الوكاله ما يعرفون السبب ضعنا الله يعين
شف الرقم الموحد واتصل عليهم وقل لهم المشكلة بعض الفروع ماعندك احد
النصار
08/06/2011, 05:58 PM
اذا كانت الوكاله ما يعرفون السبب ضعنا الله يعين
شف الرقم الموحد واتصل عليهم وقل لهم المشكلة بعض الفروع ماعندك احد
ميندو
08/06/2011, 10:23 PM
اذا كانت الوكاله ما يعرفون السبب ضعنا الله يعين
شف الرقم الموحد واتصل عليهم وقل لهم المشكلة بعض الفروع ماعندك احد

خلها علي الله والله اني ضعت بين هالوكاله
اذا دخل عندهم قالو مافيه مشكله
واذا طلعته بعد فتره تطلع المشكله
ميندو
12/06/2011, 12:48 AM
معقوووله يومين ولا احد رد
العضيد 7788
12/06/2011, 09:11 AM
السلام عليكم ورحمة الله وبركاته

أخوتي الأعزاء اذا أحد منكم عنده خلل في سيارته خصوصاً الموديلات الجديدة
وراح للوكالة ولا خدموه مثل ما يحب
أنا انصحكم تتصلون على خدمة عملاء الشرق الاوسط في دبي
وتقدمون شكوى صدقوني يتجاوبون معكم على طول
وبعدين تلقا الوكالة يتصلون عليك ويتطلبونك انك تجيهم ويخدمونك
وروسهم في الارض
انا جربت كذا مرة وخليت الفلسطينيين والسوريين اللي شايفين انفسهم
في صيانة طريق خريص يمشون زي الالف
كل اللي عليكم تتصلون وتشتكون ومالكم الا اللي يرضيكم
تـ 0097143188900
او رسالة على الايميل
menacac@ford.com

صدقوني ما قلت لكم هالشي الا من الضلم اللي اشوفة
يا خذون على الضمان مبالغ طائلة والخدمة أي كلام
صدقوني جربوا ولا راح تندمون

وللجميع خالص التقدير
ميسار
19/06/2011, 08:50 PM
مافيها مشكله ابد انا ما احس انه مشكله رح للوكاله وخلهم يشيكون عليه وبس
ميندو
19/06/2011, 11:18 PM
مافيها مشكله ابد انا ما احس انه مشكله رح للوكاله وخلهم يشيكون عليه وبس


اول شي حياك لمروورك الكريم علي الموضوع

ياحبيبي احس انك ماقريت الموضوع من اول صفحه اقوولك ان الموتر عندهم جلس اسبوع ولا عرفو وش العله
تقوولي خليهم يشيكون عليه

تدري انهم ماعرفو المشكله وقالو اي وقت يطلع لك تعال لنا انا مادري يداومون 24 سلاعه

شكرا علي تواصلكم

واخيرا وليس اخرا اذا احد مرت عليه المشكله يفيدنا
خشم العرمة
09/07/2011, 01:21 PM
شف وانا اخوك
اي تركيب قطعه كهربائية على السيارة وحصل خلل كهربائي او عطل سببة التعديل اللي قمت به سوف يلغي الضمان فوراً

السيارات الجديدة كلها تعتمد على الكمبيوتر وحساسات والارضية كله اسلاك مركبة بعناية
فأي تسليك من فني ماهو خبير ممكن يسبب لك مشاكل لها اول مالها اخر

لكن ان شاء الله مشكلتك بسيطة أنصحك تفك الاشياء الي انت ركبتها وتم التسليك لها عند فني شاطر ويتأكد لك ان ماتم جرح اي اسلاك ثانية او توصيل خاطىء او حصل شورت في الكهرباء
بعد كذا جرب الموتر وتأكد

بالتوفيق
سامي 511
10/07/2011, 04:38 PM
الوكاله على طول ولاتشاور احد ابدا
الصخرة
11/07/2011, 12:50 PM
طيب افصل اسلاك الشاشة اللي انت مركبها وجرب

والشاشة مركبها في الوكالة ولا برا .....

غريبة هالمشكلة ........
نجم000الشمال
15/07/2011, 12:11 AM
الله يعينك اخوي
السيارة تحت الظمان لكن على ما اظن يلغون الظمان اذا انت مركب اظافات من عندك وسببت مشكلة كهربائية .
فا انتبه تراهم يدورون اي عذر !
ميندو
15/07/2011, 02:13 AM
الشاشه مركبه من الوكاله هي اصلا شركه متعاقده معها توكيلات الجزيره
لكن الغريبه لها الحين اسبوعين ماطلع الصوت غريبه
الصيادالمليح
07/08/2011, 03:36 PM
إحتمال كبير ان المشكلة سببها سوء توصيل الشاشة اللي ركبتها عندهم

وروح الوكالة وخليهم يشيكون على توصيلات الشاشة لأنه احتمال كبير يسوي التماس كهربائي
وإذا ما عرفوا قول لهم يفكون توصيلات الشاشة من جديد ويشوفون إذا فيه أي تغيير ولا تفكه إلا عندهم عشان ما تخسر فلوسك لأن سيارتك تحت الضمان .. و احتمال اللي ركب الشاشة ركب اسلاك غلط تسوي التماس

لأن زميلي عنده سيارة فورد وكان مركب شاشة و وداها للوكالة عشان الصيانة الدورية واحترقت الشاشة مع التوصيلات الكهربائية مع الاسيات و الفرش بسبب سوء التوصيل وهو الحين رافع عليهم قضية تعويض لأن السيارة احترقت عندهم
You Like Me
11/08/2011, 07:00 AM
الله يعينك ويسهل امرنا وامرك
والله انها بلشة نخسر ونشتري الجديد ولانسلم من المشاكل
انا من رأيي من رأي الاخوان شكل فيه مشكلة بتسليك الشاشه
واذا رحت للصيانة خلهم يشيكون عليها من جديد
لكن غريبة اللي اعرفة انو اي شي يبان ويطلع لك في كمبيوتر السيارة
يبان في كمبيوتر الفحص الموجود في الوكاله واي فني يقدر يشخص المشكلة من خلال جهاز الفحص
لكن رح واذا طلع لك تعال هذا واضح انهم ضايعين ولاعرفوا وش يقولون
الله يكون في عونك