المساعد الشخصي الرقمي

مشاهدة النسخة كاملة : تركيب تانكي بنزين اضافي للباترول


Patrol-350
09/05/2011, 05:52 PM
السلام عليكم

مساء الخير

السياره باترول موديل 90 صالون

هل بالإمكان تركيب تانكي بنزين اضافي ؟

و اذا كان ممكن اي ورشه و وين موقعها ؟


و هل فيه امكاني تركيب تانكي مويه خارج السياره و كم ممكن تكون سعته ؟

أنا من سكان الرياض
حضرة الظابط
09/05/2011, 11:08 PM
موفق خير ... ولك مني اجمل تحية
قنوع النفس
10/05/2011, 03:13 AM
وعليكم السلام

ادخل على هذا الرابط
.
(( خزانات الوطني لسيارات " لهواة الرحلات" معلومات كاملة تفضل بالدخول (http://www.mekshat.com/vb/showthread.php?t=364906) ))


على فكره انا شريت خزان مياه 50 لتر قبل شهرين من نفس الشركة ومن احسن مايكون وممكن تستخدمه تانكي للبنزين بس انصحك تتأكد بلإتصال على رقمهم المعلن في الصفحة ..

واي خدمه انا حاضر ..
Patrol-350
10/05/2011, 03:36 PM
جزاكم الله خير ننتظر اراء البقيه
الثويرات
10/05/2011, 10:21 PM
انا ارى انك تركب تانكي حق الرمايه بمكان تانكي البلد وهو اكبر .

لاكن انا اذكر الناس قديما يركوبن التانكي من حديد عند اي حداد ومكانه تحت السيارة من الجهه اليمنى
بني عدنان
10/05/2011, 10:27 PM
في حرمه ورشة في الصناعيه يضبطه لك وشغل وكاله حديد وسعره 350 ريال
رحّال 9
11/05/2011, 06:26 AM
ليتك توضح زياده يا بني عدنان .

يعني اسم الورشه , كم لتر يشيل , هل هو امن من ناحيه العزل .


رحّال 9
Patrol-350
11/05/2011, 05:07 PM
الله يجزاكم خير

طيب وش هو تانكي الرمايه ....هل هو فيبر و لا حديد ؟ و هلى عليه ضمان


و بالنسبه للحديد يا شباب سمعت انع يحمى ( ترتفع حرارته ) هل الحديد يكون اضافي و لا بدل تانكي البلد .. وكيف طريقة تركيبه هلى يكون فيه طرمبة ثانيه
رحّال 9
11/05/2011, 06:40 PM
على ما اعتقد وليس اكيد ان تانكي الرمايه حديد لكن معزول وامن بعد مشيئه الله لكن غالي جدا وسعره خبال يوصل الا 4000 ريال بدون تركيب بعد .

واما من ناحيه طرمبه ثانيه لا هي طرمبه وحده والله اعلم .

رحّال 9
Patrol-350
12/05/2011, 03:35 PM
أما 4000 :eek:

لا لا بالله شوفوا لنا غيره
باترول 94
12/05/2011, 11:34 PM
السلام عليكم

انا عندي باترول 92 مسويله تاكني اضافي ولايكلفك 700 او اقل انت وجهدك

إنشاء الله اسويلك تقرير كامل بسرعه وقت
رحّال 9
13/05/2011, 01:31 AM
بانتظارك اخ باترول 94 ولا يهونون الربع بتقريرك لاني افكر اركب تانكي.

رحّال9
Patrol-350
13/05/2011, 03:17 AM
ايه و الله يا باترول 94

تكفى عجل علينا بالموضوع

انا و اخي العزيز رحال9 مستعجلين شوي:D
ابو نايف 111
13/05/2011, 02:02 PM
السلام عليكم
هذا رقم واحد يركب تانكي بنزين 0545589618
رحّال 9
13/05/2011, 02:46 PM
ايه و الله يا باترول 94

تكفى عجل علينا بالموضوع

انا و اخي العزيز رحال9 مستعجلين شوي:D
العذر والسموحه منك ترى خليت الموضوع موضوعي :D

قمت ارد واخذ راحتي :D

رحّال9
Patrol-350
13/05/2011, 05:15 PM
السلام عليكم
هذا رقم واحد يركب تانكي بنزين 0545589618

جزاك الله خير يا ابو نايف سيتم الاتصال عليه



العذر والسموحه منك ترى خليت الموضوع موضوعي :D

قمت ارد واخذ راحتي :D

رحّال9



عزيز و غالي يا رحال

الموضوع موضوعك و انا اخوك

لو تبي العضويه عطيتكيها :D

بالعكس راح نستفيد كلنا و الي يلقى شيء يعلم الثاني

:D
الفليت
14/05/2011, 04:46 AM
السلام عليكم

انا شايل تانكي الوكاله و مفصل تانكي اكبر منه و يشيل 145 لتر ونفس المكان و نفس التركيب بس الحجم يختلف و صارله الحين سنتين و مافي اي مشكله عليه و كلفني تقريباً 2000 الفين ريال و لابغيت الخط عب فل و تقطع 700 كيلوا بالراحه :)
Patrol-350
14/05/2011, 04:26 PM
السلام عليكم

انا شايل تانكي الوكاله و مفصل تانكي اكبر منه و يشيل 145 لتر ونفس المكان و نفس التركيب بس الحجم يختلف و صارله الحين سنتين و مافي اي مشكله عليه و كلفني تقريباً 2000 الفين ريال و لابغيت الخط عب فل و تقطع 700 كيلوا بالراحه :)

و عليكم السلام

ما شاء الله

هل هو حديد؟

كيف عازل التانكي ؟

و هل يحتر ؟

وين مركبه ؟


أسئله كثيره ارجوا ان تعذرني ;)
شب المشاعيل
14/05/2011, 05:31 PM
اي والله ,,

شوفوا لنا حل مع التوانك الصغار ,, لاني اعاني مع الاف جي في الخطوط
سوبر VTC
15/05/2011, 12:04 AM
احد الربع مركبه لباترول صالون م93
مركب تانكي المنيوم 140لتر مكلف حول ال1300
استخدمه 4سنوات و باعه قبل كم شهر ب1000ريال
بالامكان انك تركب تانكي حديد و تفصل من تحته
عازل او واقي
Patrol-350
15/05/2011, 05:54 PM
السلام عليكم
هذا رقم واحد يركب تانكي بنزين 0545589618

الله يجزاكم خير

كلمت الرقم الي حطه صحبنا ابو نايف ...طلع المحل الي حط اعلانه في اعلى الصفحه

و المحل هذا في الرياض

و هو متخصص لتجهير سيارات الرحلات

و عنده تركيب تانكي بدل البلد بسعت 165 لتر (مع العلم ان تانكي الباترول البلد 90 لتر ) مع ضمان عدم الانفجار لا سمح الله و انه ما ينشق اذا جته ضربه بس ينطعج ... مع تغير الصاجه الي تحمي التانكي أو تركيب صاجة البلد ...

و عنده مقاس ثاني 200 لتر

ويقول ان اسعارهم منافسه (الارخص)

بأمره و اشوف
ترهيم
15/05/2011, 08:24 PM
السلام عليكم ..

اخي الكريم بما انك تخاف من الحديد عشان الحراره وتدخل في صاج حمايه ومادري ايش ويمكن ينطعج معك في اي وقت لانه مهما كان حق الوكاله اقوى ومع كذا ينطعج وان انطعج طيح من السعه لتر ولا لترين :)

المهم مالك بالطويله دورلك صالون وارد الجميح وخذ مقاس التانكي تاكد انه يطبق على المكان حق القديم .. هو يركب على الموديلات من الثمان وتسعين وفوق بس مادري عن الي قبل بس شكله ماتفرق بيركب ان شاء الله ..

ارخصلك واضمنلك وتانكي وكاله مو صاج عادي ..
طبعاً بيكون فيه زياده تحت شوي عشان السعه بس مايضره حتى الحديد والتوليف بيكون فيه نزول .
Patrol-350
17/05/2011, 03:43 PM
للـــــــــــــــــرفع
ابو خالد 1992
17/05/2011, 04:30 PM
الله يجزاكم خير

كلمت الرقم الي حطه صحبنا ابو نايف ...طلع المحل الي حط اعلانه في اعلى الصفحه

و المحل هذا في الرياض

و هو متخصص لتجهير سيارات الرحلات

و عنده تركيب تانكي بدل البلد بسعت 165 لتر (مع العلم ان تانكي الباترول البلد 90 لتر ) مع ضمان عدم الانفجار لا سمح الله و انه ما ينشق اذا جته ضربه بس ينطعج ... مع تغير الصاجه الي تحمي التانكي أو تركيب صاجة البلد ...

و عنده مقاس ثاني 200 لتر

ويقول ان اسعارهم منافسه (الارخص)

بأمره و اشوف


عطنى خبر وش يصير معك لو تكرمت
جمره
27/06/2011, 04:11 PM
السلام عليكم
جمره
02/07/2011, 11:12 AM
وش صار ع التانكي
اب فجحان
03/07/2011, 12:52 AM
الاخ العزيز باتروك

مساء الخير اذا تبي تانكي المنيوم 145 لتر مضمون

انا مركبة لي ثلاث سنوات الحمد للة والشكر على كيفك تانكي حلو مرة

اذا تبي رقم الرجال الي يفصلهن هو ساكن الرس عطني خبر .
المسافر888
03/07/2011, 05:30 AM
اب فجحان لاهنت اكتب الرقم عزالله انك بتفكنا من عنوه للريااض.
hail_ksa
03/04/2012, 01:49 AM
السلام عليكم ..
بحثت عن موضوع تركيب تانكي إضافي للباترول ربع 95 فوجدت هذا الموضوع ..
شباب الله يعافيك وش صار على تجاربكم ..
واللي يقرأ الموضوع أتمنى يفيدنا بتجربة تركيب تانكي أو من يعرف محل لتركيب تانكي إضافي وكم السعر والسعة ؟؟؟
وهل أستطيع تركيب تانكي جمس أوكابرس للباترول ؟؟؟

وشكرآآآآآآآآآآآآآآآآآ
ABO-NaiF
03/04/2012, 02:15 AM
ابي استفسر يركب لباترول ربع ٩٧
يثقل على الموتر

اللي مجربه على الربع ياليت يفيدنا
دح ديح
03/04/2012, 08:33 AM
موفقين و ننتظر تجاربكم
ولحد يبخل علينا اذا فيه محل بالرياض مضمون شغله و مجرب
منصور القريشي
06/04/2012, 04:00 PM
السلام عليكم اخواني المكشاتيه
ياطوال العمار انا معي باترول 92ومركب له تناكي بدل حق الوكاله فاك حق الوكاله ومركب بداله حديد وصراحة ممتاز وسعته 140 لتر يعني دبل الاول حق الوكاله وموقع الورشه في صناعيه المجمعه اللي على طريق حرمه
وسعره ممتااااااااااز جدا 750 ريال والورشه متخصص في شغل تركيب التوانك للسفاريات بس غيره لا وشغلهم ممتاز لا تغير طرنمبه وصفايه ومواصير ولا شي كل شي عندهم شغل حداده بالمقاس وبالملي يطولون مواصير الطرنمبه ولا اطول عليكم ولا شي بس المهم ان شغلهم لا يعلى عليه واشوف اسعارهم ممتازه وهذا رقمهم 0509296760 ولا انسى اني حصلت راعي الورشه سعودي وسألته عن التانكي وهو معه سفاري بعد ويقول انا شفني مركبه لي حول 6 سنين على ما اعتقد ما اشتكي منه ولا فيه احد قد اشتكى منه ...

تحياتي لكم اخواني ..
شيخ الرعوجي
06/04/2012, 05:56 PM
السلام عليكم
بالنسبة لتانكي البنزين

فيه ورشة بالمجمعة بالصناعية اللي في طريق الارطاوية يثنون كثيرا على جودة شغلهم وعندهم مقاسات اختر ماشئت يركب مكان تانكي الوكالة
اسأل الله لك التوفيق
abo-lma
06/04/2012, 09:32 PM
السلام عليكم اخواني المكشاتيه
ياطوال العمار انا معي باترول 92ومركب له تناكي بدل حق الوكاله فاك حق الوكاله ومركب بداله حديد وصراحة ممتاز وسعته 140 لتر يعني دبل الاول حق الوكاله وموقع الورشه في صناعيه المجمعه اللي على طريق حرمه
وسعره ممتااااااااااز جدا 750 ريال والورشه متخصص في شغل تركيب التوانك للسفاريات بس غيره لا وشغلهم ممتاز لا تغير طرنمبه وصفايه ومواصير ولا شي كل شي عندهم شغل حداده بالمقاس وبالملي يطولون مواصير الطرنمبه ولا اطول عليكم ولا شي بس المهم ان شغلهم لا يعلى عليه واشوف اسعارهم ممتازه وهذا رقمهم 0509296760 ولا انسى اني حصلت راعي الورشه سعودي وسألته عن التانكي وهو معه سفاري بعد ويقول انا شفني مركبه لي حول 6 سنين على ما اعتقد ما اشتكي منه ولا فيه احد قد اشتكى منه ...

تحياتي لكم اخواني ..


نفس وضعك ركبته في المجمعه
والحمدلله شريت راسي وافتكيت من صرفيت البنزين
][][زلفاوي][][
07/04/2012, 07:37 AM
عن نفسي مركب تانكي 145 على باترول ربع 2004 تفصيل ورشة الربع الخالي بالخرج نفس تصميم الاسترالي بكل شيء وبالملم لكن الفرق الخامة وما احتجت تغيير شيء ولا غيره بس نزلت تانكي الوكالة وركبت هذا محله والعداد يمشي واجد وبصراحة ما عاد دققت ولله الحمد ما صرت اشيل هم..
الدعجية
07/04/2012, 08:41 AM
السلام عليكم

وش تنصحوني باترول84 ربع وكم سعة بلدة؟
RW7..ALBDAWA
08/04/2012, 04:50 PM
وانآ بعد ركبته بالمجمعه والحمد لله كآده كد الويل وهذآهو ماحلى منه عآيش معي الى الان وقيمته 750 ريآل
hail_ksa
19/05/2012, 07:19 PM
يعطيكم العافيه أخواني على التجاوب

بعد وضع تجاربكم
قررت تركيب أبو 750


مشكوووورين والله يجزاكم كل خير
saaqaar
19/05/2012, 07:36 PM
السلام عليكم
هذا رقم واحد يركب تانكي بنزين 0545589618

اسمه ابو خطاب.
من واقع تجربة انحش عنه
جمره
19/05/2012, 09:50 PM
بالنسبه للاخ ابوخطاب لديه ضروف خارجه عن ارادته

وانا تعاملت معه ويشهد الله ان الرجل امين وحريص

لكن لديه ظروف قاهرة
ويبقى اخيا المسلم
اسال الله فك همه وغمه وكشف ضره
الخلاوي 15
19/05/2012, 10:32 PM
صناعية المجمعه الي على طريق الكويت ..

تفصيل تانكي اكبر من تانكي الوكاله ... من مبطي وهو معروف بهالشغله ربع لنا مركبين عنده واحسن مايكون

شغل وكاله ورخيص ..

لايفوتك لارمايه ولا غيره