الله لايهينكم الي عنده خبره بالددسن يدخل

[ال معلى]

السلام عليكم

يالربع انا عندي مشكلتين

الاولى

الددسن عندي موديله 2008 ماشي 170 الف

اذا شغلت المكيف على اثنين ومشيت 140ترتفع الحراره فوق الخط الثاني او توقف

عليه على حسب حرارة الجو واذا رفعت رجلي من البانزين ونزل العداد الى 120

رجعت الحراره طبيعيه وش المشكله فيه يالربع وعطوني الحل الله يبيض وجيهم

ويجعل والدينكم بالجنه

المشكله الثانية

اذا انا حان الموتر بالثالث ورفعت رجلي من البانزين يطلع صوت قرقعه على خفيف كنه صوت

الكنداسه المفكوكه كيف اعرف ان القير فيه مشكله انا بالرياض اذا تعرفون لي ورشة شغلها

نظيف ابي اضبط الددسن فيها من الصدام للصدام

[الطراعيز]

صوت القير طبيعي

[سايق الريم]

بنسبة للحرارة فوق الخط الثاني تعتبر عادية خصوصا اجواء هل اياام
لكن لزيادة الحرص اول شي اذء ماء اللديتر ماغيرته من يوم شريته لازم تغيرة وعليك بالاصلي وسعرة 40 ريال
ثاني شي تاكد من البلف لايكون خربان ولا يفتح وترى سعره رخيص يفضل تغيره طبعا اصلي وكالة
ثالث شي تأكد من اللديتر لايكون مسدد ويبيله تصييخ وتأكد من الليات لاتكون تنصفط بسرعات العالية
آخر شي تأكد من تماتيك المروحه

بنسبة للكنداسة شكل تبة التلوث مفكوكه عندك وبدالها ما اصورة او مفرغه تأكد

اذا كانت مفرغة لا زم تفك الدبة وتناظر اذا فارغة معناتها مفرغه اما اذا بداخلها ذاك مدري وش اسمه بس شكله على شكل شبكة انت رح عند حقين الشكمانات ويفكها لك بـ20 ريال وتشوف

مكانها تحت باب السواق بضبط وطولها مثل ذراع اليد تقريبا