وش ذي الأزره ياخوان

[برادو 99]

السلام عليكم ياربع
عندي لكم بعض الاستفسارات عن الجي اكس فيه ازره عند القير مثل (بور)و(2بن)وش وظيفتها طبعا موديله 2006 والقير اوتوماتيك
والله يعطيكم العفيه

[ابومحــ م ـــد]

الازره خذ علمه وانا اخواك
بور تضغط عليه عندما تكون في منطقه جبليه يهدي من فزة السياره
2 بن تضغط عليه اذا اردت صعود نفود مثلاً بالصيف الرمل بودر علشان يشد اكثر ويبطي ما ينقل نمره ( مثل اللي يقوم السياره برقم 2 للقير العادي )

[اشهب .]

اخبر البور قوه يعطيك قوه الموتر

والثاني مدري عنه لاكن في زر في القير نفسه هذا يرد نمره إذا بغيت تهدي بقوه او تسرع

وانا سبق جربت الزرين مافيه فرق ملاحظ على جي اكس ار 2006

الا الي في القير

[HAS5SAN]

خذ العلم بارك الله فيك وفي الأخوان فقد اجتهدوا :
انا راح اشرح لك جميع الازرار في القير
أولاً /
يوجد زر في نفس عصى القير تشغلها بإبهامك
وهو زر مكتوب عليه (O/D)
هذا طال عمرك إختصار لعبارة أوفر درايف (over-drive )
الشرح عنه يطول لذا بحاول اختصر
هو يحكر القير في الغيار الثالث لأن سياراتك من اربع نسب
أنت جرب بنفسك إذا سرعتك فوق الـ140كم اضغط عليه
بتشوف الجيب رجع للغيار الثالث وهو لزيادة جهد القير خاصة في الطلعات الطويلة
أو للتجاوز المفاجئ أو الشباب يستخدمونه للتفتفه فوق سرعة الـ140كم وحتى يعطي قوة انطلاق
اطول .
اهل العقل يستخدمونه إذا كنت في طلوع ونزول مستمر ولو انت محمل الموتر
وماودك يحتر القير من كثر الغيارات او في اي شغله تسمع القير كل شوي يعشق
لأن القير يحاول يريح المكينة ولا يعلم طلبات السائق أو نوعية الطريق
============
ثانياً /
زر الـ2ND
وهو يعني ( الثاني ) أي انك إذا ضغط عليه
راح يقوم الجيب في الثاني وماراح يعشق الغيار الأول
وهو يستخدم غالباً مع الدبل الكبير في الطلوع والنزول
لأن القير الأوتوماتيكي إذا عشقته الدبل الكبير يكون ثقيل حيل
ومشيته ثقيلة لذا الثاني يعطيه نفس اطول .
ثالثاً /
زر الـPWR
هو زر للقيادة الرياضية يعني ..........
يخلي كل غيار يأخذ أطول نفس مثلاً
إذا القير يعشق من الأول للثاني على ضغط 2
راح يخليه يعشق على ضغط 3 وهذا يستخدم
لقوة الانطلاق او طول مسافة التعشيق


وبعد هذا كله
نصيحة عشقه ( D ) وهو يبرمج نفسه
ولا تسوي أي شغله من إلى فوق إلا للضرورة
على فكرة إذا كان موترك دف لووك
تراه مايشتغل إلا مع الدبل الكبير والطريقة
انك تعشق الدبل الكبير وتفر زر الدف لووك
وتضغط بنزين خفيف وخاصة إذا ثولث الموتر
تراه يبيض الوجه
إن شاء الله إني أصبت

[اشهب .]

افادك الذيبان HAS5SAN

ولاهنو البقيه

[زمان وطاف]

خذ العلم بارك الله فيك وفي الأخوان فقد اجتهدوا :

انا راح اشرح لك جميع الازرار في القير
أولاً /
يوجد زر في نفس عصى القير تشغلها بإبهامك
وهو زر مكتوب عليه (O/D)
هذا طال عمرك إختصار لعبارة أوفر درايف (over-drive )
الشرح عنه يطول لذا بحاول اختصر
هو يحكر القير في الغيار الثالث لأن سياراتك من اربع نسب
أنت جرب بنفسك إذا سرعتك فوق الـ140كم اضغط عليه
بتشوف الجيب رجع للغيار الثالث وهو لزيادة جهد القير خاصة في الطلعات الطويلة
أو للتجاوز المفاجئ أو الشباب يستخدمونه للتفتفه فوق سرعة الـ140كم وحتى يعطي قوة انطلاق
اطول .
اهل العقل يستخدمونه إذا كنت في طلوع ونزول مستمر ولو انت محمل الموتر
وماودك يحتر القير من كثر الغيارات او في اي شغله تسمع القير كل شوي يعشق
لأن القير يحاول يريح المكينة ولا يعلم طلبات السائق أو نوعية الطريق
============
ثانياً /
زر الـ2ND
وهو يعني ( الثاني ) أي انك إذا ضغط عليه
راح يقوم الجيب في الثاني وماراح يعشق الغيار الأول
وهو يستخدم غالباً مع الدبل الكبير في الطلوع والنزول
لأن القير الأوتوماتيكي إذا عشقته الدبل الكبير يكون ثقيل حيل
ومشيته ثقيلة لذا الثاني يعطيه نفس اطول .
ثالثاً /
زر الـPWR
هو زر للقيادة الرياضية يعني ..........
يخلي كل غيار يأخذ أطول نفس مثلاً
إذا القير يعشق من الأول للثاني على ضغط 2
راح يخليه يعشق على ضغط 3 وهذا يستخدم
لقوة الانطلاق او طول مسافة التعشيق


وبعد هذا كله
نصيحة عشقه ( D ) وهو يبرمج نفسه
ولا تسوي أي شغله من إلى فوق إلا للضرورة
على فكرة إذا كان موترك دف لووك
تراه مايشتغل إلا مع الدبل الكبير والطريقة
انك تعشق الدبل الكبير وتفر زر الدف لووك
وتضغط بنزين خفيف وخاصة إذا ثولث الموتر
تراه يبيض الوجه

إن شاء الله إني أصبت


:good2::good2::good2:
افادك ذيـــــــــــــبان

بيض الله وجهك

[برادو 99]

كفو كفو كفو والله انه انشرحت صدري من الردود الرائعه جداا والمميزه الله يعطيكم العافيه وهذا ظني فيكم ما خاب (مشششششششششككككككووووررريييينننن)
والله يجزاكم كل خير

[السومر]

جزاك الله خير عزيزي HAS5SAN

بصراحه شرح وافي

واشكرك يا صاحب الموضوع لان حتى انا استفدت من هالموضوع

[HAS5SAN]

الله يجزاكم خير ع الدعوه الطيبه
ويكتب اجركم في عليين