لأهل الخبره بالجمس السييرا

[في اكس ار]

السلام عليكم ورحمة الله وبركاته
اشتريت ولله الحمد جمس 1500 موديل 2010مستعمل
لاكن بعد ما طلعته من المعرض بكم ساعه اشتغلت لمبة المكينه (تشيك انجن )
فصلت البطاريه وشبكتها طفيت اللمبه لاكن رجعت تشتغل من بكره
فحصته عند البيان كمبيوتر قالو كربون من الكنداسه ما فيها فلتر حق البيئه او مفكوكه قبل

هل من حل اطفي اللمبه على شان اقدر اشغل السياره من بعيد :(

[* ابو باسل *]

الله يعينك وهذا ضريبة المستعمل لو تاخذه وهو ماشي 5000 الاف ماتدري وشو الي في بطنه ولا تدري وش فك راعيه الي قبل وش ركب ووش رهم وحاس ام الموتر عليك ولاكن انت ادخل على منتدى نادي عشاق الجمس والشفر الحوض ورايح تحصل هناك خبراء الجموس كلهم ويفيدونك بالي تبي من الصدام الى الصدام وفقك الله واعانك وان شاء الله تنحل مشكلتك .

وهذا رابطه
http://www.gmctruckclub.com/vb/index.php

[جنوبي صميم]

ياطويل العمر انا لاحظت انك تقول انه بعد ما طلعت من المعرض بكم ساعة اشتغلت اللمبة

اذا كان صحيح :

اولاً ابارك لك السيارة والله يعطيك خيرها ويكفيك شرها
ثانيا الشغلة ما تستاهل تروح لاحد يخرب لك سيارتك عبي بنزين فل 95 وصب علبة منظف بخاخ ابو 10 ريال مع انهم يشترونها جملة بحوالي 5 ريال المهم اذا مشيت تقريبا بالسيارة مسافة تزيد عن 200 كم راح تختفي اللمبة ، واحرص انك تشتري كرتون منظف بخاخات ستوب امريكي علبة سودا لان الحمرا للكربريتر ،الكرتون ب 120 ريال فيه 24 حبة كل شهر او شهرين صب علبة وبتريحك من البخاخات نهائيا ، وعلى فكرة بعدما تطفي اللمبة ان شاء الله ارجع عبي بنزين 91 ، ولله الحمد متبع هذه الطريقة من 12 سنه ولا عمري فكرت انظف بخاخات او اشتكيت من البخاخات ، واوقات محطات البنزين يغشون بالبنزين وتولع هذي اللمبة ولكن بالطريقة السابقة تنطفي باسرع وقت ، نصيحة سيارتك نظيفة لا تخلي احد يفك ولا مسمار ،،، دعواتك

[في اكس ار]

الله يجزاكم خير ويخليكم لعين ترجيكم
ياطويل العمر المشكله ماهيب في البخاخ المشكله في الكنداسه يجي وراها دبات صغار اتوقع انه فكها راعيه الاول
لأن المهندس قالي تطفى اذا ركبت كنداسه جديده لاكن ما يمنع ننظف البخاخ ونجرب
ويكفيني دخولكم والرد على الموضوع لو ما يضبط ابد

[مسير عليهم]

نفس الحاله ويبي لها برمجه بس

جنوبي صميم

الرجال يقول موديله 2010 وتبيه يحط منظف بخاخ اجل اللي معه 2007 وش تبيه يسوي يروح يوضب مكينته

واللبمه هذي تشتغل مع اي شي يصير بالسيارة وخاصة الميكنيكيه ومثل ماقالو البيان السبب حساس التلوث وهذا الوضع عندي شريت سييرا 2009 وراعيه الاول قال لي اني فاكها واشتغلت

[في اكس ار]

طيب انا سويت برمجه ويومين ورجعت تشتغل
يعني مالها حل الا اغير الكنداسه كامله. ?

[بدر الشيباني]

في أكس أر


أفصل البطارية وأشبكها بعد ثلاث ساعات أو أكثر
جرب الطريقة ورد لي خبر
وبإذن الله تزبط معك

[مسير عليهم]

عادي بتطلع لك ثانيه

انا موتري مبرمج ورجعت وبعدين اختفت اسبوع ورجعت ثانيه

اهم شي لاتكون تأشر صح تغبنك وتقهر ولايمديك تكشخ بالريموت وتشغله من بعيد بس دام ماوراها ضرر امرها هين

[في اكس ار]

لا لا الحمد الله ما فكرت فيها واذا الموتر جديد ما منها خوفه انشاء الله
بس قلت يمكن مرت على احد من الشباب ذا المشكله ونستفيد من خبرته

[skythunder83]

الدال على الخير كفاعله

[خيال القصيم]

شف وأنا اخوك المسأله سهله وبسيطه ..
شف لك واحد مبرمج مضبوط ويشيلها لك ..
انا موتري نفس موترك .. شلت دبات التلوث ورحت لم المبرمج ابو صالح الرياعي ببريدة .. وزينلي الموتر والحين له معي 3 شهور لااشتغلت لمبه ولا هم يحزنون ..

[طيرشلوى 2]

نظف حساس الشكمان

[مكشآتي للآخر]

لا يالغالي انا إفهمك القصة ان ماخاب ضني

انه صاحب الموتر القديم فاك دبآت التلوث...
عشآن يطلع صوت الموتر بدون دبة وبدون هدرز يعني يصير صوتة مثل صوت الهدرز

واذا كان موترك صوتة طبيعي فهاذا يدل على انة رجع دبآت التلوث
لاكن الي فك له الدبآت حاس ام الدنيآ ويمكن شآل حساس او حاجة


...نصيحة..
لاتشيل هم التشك إنجن ...