المساعد الشخصي الرقمي

مشاهدة النسخة كاملة : انا ودي ارهم تانكي بنزين اضافي للددسن تأيدوني ولا لا


دسم الشوارب
13/12/2005, 11:50 AM
السلام عليكم ورحمة الله وبركاته
مثل ما قلت لكم في بالي ارهم تانكي بنزين وسيارتي ددسن 97
اللي سبق وجرب اوعنده ملحوظه ولاراي احسن لايبخل
ودمتم
بواسامه
13/12/2005, 10:42 PM
اعرف واحد رهم لشاص
وقلد كل شي على اللي يجي شد بلد
وفكه الله بغى يموت بس سلامة من ربك
خلك على شد بلده وخذ لك تانكي خارجي ان احتجت فعب مثل خلق الله
اي خلل لا سمح الله في التمديد الكهرباء او عدم التنفيس للهواء حتى لايحصل ضغط على التانكي
تسبب لنفسك خطر
احذر تسلم
والسعيد من وعظ بغيره
صمانكو
14/12/2005, 01:13 AM
والله ما عندي شور لك لكن..

يوم شفت الدعوى فيها ددسن و 97 بعد

قلت لازم ادخل واضرب لك تحيه :)
دسم الشوارب
14/12/2005, 05:00 AM
حياك الله اخوي ابواسامه وفعلاً فتحت عيوني على شي ماكنت عامل حسابه وجزاك الله الف خير
اخي العزيز صمانكو اشكرك على إطرائك وتعصبك للددسن وشكرا لمرورك
حر اليدين
14/12/2005, 01:23 PM
السلام عليكم طيب احد يعرف خزان مخصص للوقود خارجي طبعا :j بحيث يكون له تقنية معينة يعطيكم العافية


اضم صوتي للاخ صمانكو :D

تقبلوا تحياتي
دسم الشوارب
14/12/2005, 05:04 PM
حياك الله ياحراليدين دايم متفاعل ماشاءالله عليك
ماسمعت بخزان من هالنوع ابد
وبالنسبه الى ضم صوتك لصوت الاخ صمانكوفهذا يدل على انك رجل فاهم ومحنًك .سنايدي تعجبني



NISSAN
حر اليدين
15/12/2005, 01:01 AM
المثل يقول اسال مجرب ولا تسال طبيب
كانت عندي هلكس 90 مابعتها لين نبت في راسي نخل منها ومن خرابتها
وعند شايبنا ددسن 90 غمارة بدون مكيف قالت لها بيت على لسانها
صبرت صبر ايوب والصبر مافاد واليوم ابصبر مثل صبر المهادي
وسلامتكم

تقبل تحياتي
راعيChevrolet
15/12/2005, 01:10 AM
والله تراه خطيرة

الله يستر أي إلتماس إنفجار يروح الي داخل السيارة والسيارة

ماننصح به
الربذي
15/12/2005, 09:08 AM
السلام عليكم
اخوي دسم الشوارب
من ناحيتي ولاتزعل ولا يصير بخاطرك شي ياخيك اتفقنا انت طارح كوضوعك! ارضا!! لكي تسمع اراء وتشاور ويقولون من شاور ماخسر
اولا يعجبن اخونا صمانكو لانه صادق يعني السالفه ددسن!!!!!!!؟؟ لاوماهي دفع رباعي بعد !!!!و 97 بعد!!!!!! كل شوي تبي احد يتمنن عليك ويجرك اقصد وقت الامطار والطين والا النفود تدوس دوس وتمشي معك يعني الكحل بالعين الرمداء مايفيد
لودفع رباعي وموديل جديد يمكن بالرغم اني مانصح به بدا لانه شغله من الشغلات الخطيره مر ه مره اهم شي الحريق والانفجار وبعدين ويمكن يتعطل معك بمكان بعيد ويوهقك يعني مثلا الفاصل مايشتغل اللي باتانكي او الطرمبه تخرب وقد يخرب عليك القديم اقصد التانكي الاصلي لكن تبي تريح راسك مثل ماقال اخونا ابو اسامه مامثل شد بلد خبراء ومهندسين ودراسه فنيه من كل ناحيه يعني خارجي وبس لو جركن !!!
سوال وين مكانه وين المكان المناسب ؟؟؟؟؟
وين عداده عداد البنزين عشان تعرف كم فيه ؟؟؟؟تبي تقول اشبكه مع القديم برضه ماتستفيد لاتعرف كم فيه يعني يبقى فل وبعدين يمشي العداد تحت وهذا يوهق ّ!!!!!؟؟
من اين تعبيه وين تضع الفتحه للتعبئه ؟؟؟؟تشق البدي ولا كل ماتبي تعبيه تنزل توري الرجل مكانه تحت السياره !!؟؟؟
كيف تشده بحيث مايطيح ؟؟؟؟؟؟
قد تقول كل شي يهون لاجله ابي اقولك انك تحمل معك قنبله موقوته وحتى باخر المطاف تبي تبيع يكسر السياره ويقلل الزبائن
وقد تبور بسبب ذلك !!!
نصيحه اخوي دسم الشوارب !!من شذ هلك !!!
مجرد راي واحد يريد لك الخير كما يريده لنفسه
اخوك الربذي
الربذي
15/12/2005, 09:17 AM
السلام عليكم
اخوي حر اليدين
لي تحفظ رعاك الله على هذا البيت

صبرت صبر ايوب والصبر مافادــــــــــــــــــــــــــ واليوم ابصبر مثل صبر المهادي
يعني صبر المدعوا المهادي اطول من صبر ((((((رسول الله ايوب عليه وعلى نبينا محمد افضل الصلاة واتم التسليم السلام واهل العلم يعرفون قصته بالصبر التي لاتحتمل )))))
قد لاتتذكر وتتمعن به وكنت بودي ارسلك ع الخاص لكن قلت هنا تذكر الكثير وتنبهم
لكن ذكر فان الذكرى تنفع المؤمنين وانت منهم ونحسبك كذلك (والله سبحانه وتعالى حسيبنا جميعا )
محبك خيك الربذي
دسم الشوارب
15/12/2005, 11:45 AM
حياك الله يالربذي
من ناحية الددسن فعلاً مثل ماقلت بدون دبل. لكن ولله الحمد لاتنقصني الخبره في التعامل مع تلك الدابه التي تسمى [سياره]
وانا ما اروح الا لأماكن اعرفها مظبوووووط واعرف وين الخفاس والتغريز واتفاداها اذاماكان لي نيه اغرز ذاك اليوم.لأني احيانا ما اروح للبر الا علشان اغرز واضحك على عمري...فراغ انت خابر....وبعدين التغريزسعة صدر .ثم ان السائق الماهر مايقدر يثبت مهارته الا بالسيارات ذات الدفع الخلفي لان الدبل بياكل عليك الجو ولاراح يكون لك امام نفسك وامام من ينتظر خروجك من منطقة التغريز أي تقدير
اما من ناحية وين اركب الخزان وكيف! هذي كنت مخطط لها من الألف إلى الياء
وابشرك صرفت النظر عن الموضوع بفضل الله ثم الناصحين مثلك وشرواك
وترى الددسن غالي عندي ولا أرضى عليه
واشكرك ياأخي الربذي على الـ... على ...على ...
على كل حرف كتبته لأنه يساوي وزنه ذهب
والسلام عليكم ورحمة الله وبركاته
سنايدي يالددسنNISSAN
حر اليدين
16/12/2005, 06:27 PM
اخوي الربذي الله يجزاك عني خير الجزاء
تحياتي
دسم الشوارب
17/12/2005, 09:40 AM
حرايدين
بواسامه
الربذي
صمانكو
حراليدين
راعيchevrolet
ماقصرتو ونصايح من ذهب فقد قررت اني ما اركب القنبله الموقوته مثل ماقال اخوي الربذي
انتهى