سوال عن مشكلة في الشوزن التركية رد وولف

[الشاعر العربي]

السلام عليكم
ازعجتني هالبندق وفشلتني بعض المرات تدبل والاكثر ماتدبل مع اني كثير انظفه وغيرت الفشق ولا في فايده والبندق اخت الجديدة سمعت عن بنادق تركيات يقولون ان هي المشكلة ابي نصايحكم تكفون شيرو علي ولو له تصليح وصفولي مكانه على الخاص او رقم جواله

[فراس التميمي]

وش الفشق الي ترمي به يالذيب ؟؟

لانها افضل شي لها 36

اما 32 بعضه تنتشه وبعضه لا

[دواس مشاري]

اخي العزيز الكثير من البنادق وخاصه التركيات , ما بترمي الفشك الفاضي (بتعلق)
وخاصه على 24 جرام
ونادرا على 28 جرام

الحل هو بتغيير الزمبرك (السسته) عند مختص , اذا كانت نظام انيرشا (مثل نظام البنلي)

اما اذا اذا كانت نظام غاز , التنظيف مهم جدا ,
والحل صعب

حاول التليين
اول 5 الى 10 دستات بعيار 36 او 40 جرام
وبعدها ارمي ال 24 وال 28

واذا ما نفع ,,, رح تضطر تتخلى عن عيارات (28 و ال 24 )

[الشاعر العربي]

انا ارمي بضغط 36 وغيرت اكثر من نوع
الله يعطيكم العافية وننتظر تجارب الاخوان راعين التركيات

[هاوي البيكال]

اسمع اخوي التركيات وليس الكل تحصل فيها اعطال نفس هالمشكلة

انا اخذت تركية استعملتها اسبوع وبعدها خربة الخشوقة اللي ترف الفشق لبيت النار

وصلحتها وبعتها وشريت روسية والحين ولله الحمد اطلع وانا مرتاح

في في ايام الغبار كنت ارمي القميري ما قالت عورتني ولا لكت ولله الحمد

تقبل مروري
اذا قيت لها شراي بعها

[الشاعر العربي]

رميها زين وودي القالها حل

[MsHcoOoR]

السلام عليكم

ااخ الشاعر العربي

انا عندي بندقين تركيات

والتركيات معروف عنهن ان مشاكلهن واجد بس الذكي منهو يعرف يحل المشكله

مثل ما قالك الاخ دواس مشاري كلامه صحيح

واذا مانفع فما علين انك تغير (البستن) توديه مخرطه يسويلك مثله بس اثقل وزن

وانشاء الله تصير البندق تمام التمام

تحيااتي لك ،،

[أبو صالح 2825]

شف حبيبي أنا معي الريد وولف وبصراحه مامثله لكن كل خمس دستات نظفها عشان تعطيك

وبندقي للحين ما خالفت بعكس وكثير من الناس يسب التركية وهو ما جرب.

طلعنا الخميس الي راح نصيد ضبان وكان معنا بيكال الروسية وصراحه ما صدنا الا سبعة ومن باتسر أخذت الريد وولف وصدنا 15 سوق يحبه قلبك

فمن رايي لا تفرط بالبندق نظفها وغير السسته والله يهنيك بها