تكفوووون يا اهل الخبرة محتاجكم (حتى لو ما عندك خبرة مكن تقدر تفيدني )ادخل

[ابو غانم GH]

السلام عليكم ورحمت الله وبركاته حيا اللهمشرفي واعضاء زوار منتدانى الغالي :D

هذا اول موضوع لي بالمنتدى وودي انكم تفاعلون معي شوي بالردود :)

ابغى رايكم وراي اهل الخبرة يهمني ولا هنتم
وش رايكم ابشتري كابرس صابونة اس اس بس مشكلتها مبوشة وفيها دقة بالصدام الخلفي


اولا بكم تسومونها وكم تتوقعون يكلف تصليحها
وهل تتوقعون انها بتكون جيدة معي لو شريتها وصلحتها
السيارة 8 سلندر وجلد ومظللة وسودا :looney:

تكفوون يا اهل الخبرة انا ودي بالسيارة بس ماعندي خبرة
وما ودي اشتريها واتوهق فيها وشوركم وهداية الله :good2:
والسيارة الصابونة عملية ولا ماش

انا اشوف انها مناسبة وما عليها لو اصلحها عند واحد معلم بس الاستشارة من الددييين



وجزاكم الله الف خير

هالله هالله بالردود (ولو ترد حرف واحد )

[mifleh]

انا اقول دور غيرها خصوصا انها مبوشه

[ابو غانم GH]

طيب كم يكلف تصليحها التبويش يعني بكم ؟

[Riyadh City]

والله يابوغانم الأس أس غثيث للغاية ولا أنصحك في هالمخاطره الفنية الي راح تخليك تقضي الثلاث أشهر المقبلات في الصناعية وتحفظ الورش والميكانيكيين
الا في حالة واحدة !!!

إن كان ما عندك دراهم كاش تشري بها موتر نظيف وهذا الأس أس نظيف للغاية وعيبه بس تبويش في الماكينة
فتتوكل على الله وتاخذه بمبلغ متدني جداً وتمشي عليه الى أن تخبط ماكينته لأنك مغيرها مغيرها في جميع الأحوال فخلها ألى أن تخبط ووجهك على التشليح خذلك مكينه وركبها .

بس نصيحة أخويه أن كان الموتر ماكل هواء والتبويش أهون عيوبه أنحش أنحش

بالتوفيق

[ابو غانم GH]

جزاكم الله خير على هذه المعلومات الطيب و النصيحة الثمينة

:)

[ابن نويصر]

ابنصحك لله ابعد عنها لانها اس اس وخراباتها كثيره وراح تحط عليها اكثر من قيمتها وفوق هذا مبوشه .

[هواوي ختبه]

هلا اخوي ابو غانم من موضوعك احسك متحمس وتبي تشتريها وبعطيك رئي ولك الامر راجع لك

اذا سعرها بسيط جدآ يعني تقريب تحت العشرة ومكينتها بتكلفك تقريبآ 3000 فجرب حظك وبتمشيك فترة بسيطة .

اما اذا فوق السعر هذا بشوي فاتركها وشوف لك سيارة عملية من فئة التويوتا او الهوندا او الهونداي ..

والامر راجع لك وتحياتي لك اخوي

هواوي ختبه .

[أبن ثعلي]

اخي الغالي يقول المثل اسأل مجرب ولا تسأل طبيب

كان معي اس اس مديله 95 بدي وكالة محركات نظيفه ويحن للورشه فما بالك بواحد مبوش واعتقد انك ما تعرف راعيه

انتبه وانا من وجهة نظري انصحك لوجه الله انحش عن الامريكي كله خصوصاً الأس اس ابو غزال وما قالوا له

اخذته هوايه واكلني كفايه انتبه انتبه لا تجرك العواطف ومحبة السياره ودعاية الناس للموتر


والشور طيب ولاكن قبل كل شيْ استخر عليك بصلاة الإستخاره وطلب الله التوفيق


وزينها مع الله تزين


اضافة : من موديل 93 إلى موديل 2006 أنصحك بالابتعاد عنها لمشاكل الحراره والكهرباء واعتقد القير مانيب متأكد من هالمعلومه والموديلات الجديده ما عرف عنها شيء واسأل الله ان يكتب لك من الخير ما يرضيك

ومن القناعة ما يغنيك

وانا والقارىء الكريم اللهم آمين

[بو خليفه]

اشتر موديل جديد يعنى 2009 فما فوق او اشتر اكسنت او النترا

[جزاء الشمري]

ابنصحك لله ابعد عنها لانها اس اس وخراباتها كثيره وراح تحط عليها اكثر من قيمتها وفوق هذا مبوشه .

أنا نفس كلام الأخ ابن نويصر

[كاشت وحداني]

ابعد عنها نصيحه
لان قطع اس اس تختلف عن الكابرس العادي

[خيال البوادي]

انحششششششششششششششششششش , خذلك كامري 98 وريح
حتدعيلي