نداء لمشرفين في مكشات

[صياح العرض]

ارجو من مشرفين مكشات اقفال هذه الخيمه اقصد خيمه البيع والمشترا في الصقور واو وضع لوائح صارمه للاعضاء
بعض الا عضاء يعرض طيره وحنا نزود بسعر ونحط ارقام تلفوناتنا ونتعب انفسنا بالاتصال ونتفق على سعر وفي النهايه ننصدم بمكالمه من صاحب الطير المعروض ويقول(والله بعته لولد عمي والا قريبي الغريب انه يبيعه باقل من القيمه اللي سمناه فيها) انا اطالب من الاداره ايجاد حل لنا

[قرناس الجنوب 2011]

يعطيك العاافيه اخوي على طرح موضوعك

اخي الفاضل من يعرض الطير للبيع هذا شخص يبي يبيع سلعته

وهناك بعض الاعضاء يسووومون ولايطرحون ارقاامهم

وهناك اعضاء يسومون ويكلمون راعي السلعه ولا يااخذون

قد يعتذر ببعد المساافه ويجعلها عذر لذالك لو يكون هناك

اتفااق بين راعي الطير والشاااري اذا اتفق على السعر ان الشاري ربون

يعطي عربون او المبلغ كامل ويجلس الطير حتى يحصل من يوصله

اماا حكااايه بااعه على ولد عمه فاا يااا اخي المثل يقول انا وابن عمي على الغريب وانا واخي

على ابن عمي

تقبل مروري فديت خشمك

[القرناس المهاجر]

حياك الله اخي .. صياح


تعال ردد معي هذا البيت ههههه


لقد اسمعت لوناديت حياً
.................................................. ............................... ولكن لاحــياة لمن تنــادي


أخي كل التعليمات والأنظمة التي تشرح
طريقة البيع والشراء موجوده ومثبته
بنفس الخيمة .. لكن لايلتفتون لها
ويبدوا ان الشغله عند البعض مزاجيه واستعراضيه

والخيمة نفعت الكثير من الأعضاء والزوار
وإقفالها غير ممكن في الوقت الحاضر
لعدم كفاية المبرر !!

ومكشات لايريد من احد شي سوى الدعاء
بظهر الغيب والمصداقية في التعامل

شكراً

[عـــرادي]

أخوي / صياح العرض

تحيه طيبه يالغالي
ووسع صدرك وانا أخوك والموضوع والله ما يستاهل كل هالامور
وبالعكس أحلى شي بالمنتدى هي هالخيمه ( خيمه البيع والشراء )
ولكن شف وين الخيره فيه ، يمكن اللي ردك عن هالبيعه خير لك
والشخص اللي يبي يبيع يبحث عن زود الماده ،واذا جاه شخص يعز
عليه يمكن يعطيه الطير ببلاش لأنه حلاله .
والله يرزقك على قد نيتك يالغالي .

وتقبل خالص تحياتي ،،،

أخوك : بدر العرادي

[رسيس نجد]

يمكن القصه حصلت مره واحده 0 والبائعان بالخيار ما لم يتفرقا 0

[ذراع الذيب]

السلام عليكم ورحمة الله وبركاته,,
مسيت بالخير ياخوي,,

والله المشرفين ماقصرو انا متابعهم بهالخيمه حريصين جدا بغض النظر عن المواضيع,,
اللي ثبتوها وتعليماتهم عن شروط البيع والشراء من خلال ردودهم وتواجدهم بالمواضيع اللي تخالف,,
الشروط وتنبيههم للاعضاء المخالفين اكثر من مره ومشكلتك تعود لمصداقية الشخص المتعامل معه وعساها ,,
تكون خيره لك وهناك اعضاء كثر في قسم البيع والشراء يشار لهم بالبنان واصبحو معروفين,,
لوبغيت طير اشتريه منهم اشتريه وانا مغمض عيوني والله يرزقك بالطير الطيب ,,
تحياتي لك,,

[أبو أمين]

والله من ناحيه المشرفين كما ذكر اخوي ذراع الذيب

انهم ما خلو شئ كل شئ تبون يطبقونه عسى الله يعينهم ويجزاهم عنا كل خير

[عبدالرحمن بن ذياب]

والله يا خوي كل واحد يمثل شخصه و اخلاقه و طباعه
و تبغى الخيمه تنقفل عشان واحد أو اثنين أو مجموعه صغيرة
لا يا خوي الخيمه هذي نفعتنا و نفعت غيرنا
وديِ

[السومر]

يا صاحب الموضوع

انت تعتقد بأن كل عضو يعرض او يعلن عن بيع صقر بأنه رجل في العقد الثالث من عمره على الاقل

ولكن انا اخبرك بأن اغلب اللي يعرضون السلع لم يتجاوزوا العقد الثاني من العمر .ولكن

تجد منهم من يكون بعقل رجل .. ومنهم من تحدثت عنهم في موضوعك وهم الاغلب