يا خبراء فورد Explorer هل تنصحوني بشراءه بدون تعصب

[أبو وليد 1]

السلام عليكم ورحمة الله


عاجبني شكل السيارة لكن ما جربتها


الموديل المطلوب من 2007 _ 2010


أرى إنها تصلح للمشاوير الطويلة وداخل المدينة


ما هي أبرز عيوبها ؟


هل تنصحوني بها


شكرا لصدقكم في الردود

[زمزم 100]

مجربة مشوار خفيف

الإنطباع الاول ..

السلبي: قساوة الموتر و الإيجابي : متماسك جداً

و يفيدونك الشباب أكثر .

[أبو وليد 1]

مجربة مشوار خفيف

الإنطباع الاول ..

السلبي: قساوة الموتر و الإيجابي : متماسك جداً

و يفيدونك الشباب أكثر .

يا سلام
معلومة مميزة
شكرا لك

[عكس التيار]

كان معي 2005

مطبه قاسي مثل ماقال اخوي زمزم

ثاني شي اشغلني في الدفرنس وطقة القير وقرقعه ديكورات ولا تغرك قطع غياره ترى فيه شي رخيص رخص التراب وفيه شي غاااااااااالي

[عبدالعزيز-1]

من موديل 2006 وطالع تم تعديل العيوب المصنعيه مثل مشكلة الدفرنس الخلفي والقير ومشكلة مكيف الهوء ولم تعد موجوده.

انا شخصياً مو معي السياره ولكن الوالد معه موديل 2006 وكاله ولم يشتكي معه واحد الاقارب معه موديل 2010 وايضاً لم يشتكي منه

ملاحظتي انا عليه قساوة المطب فقط ويمكن تلافيها نسبياً بتغيير نوع الاطار الى اطار الين او تنزيل ضغط الهواء في الكفرات.

[أبو وليد 1]

كان معي 2005

مطبه قاسي مثل ماقال اخوي زمزم

ثاني شي اشغلني في الدفرنس وطقة القير وقرقعه ديكورات ولا تغرك قطع غياره ترى فيه شي رخيص رخص التراب وفيه شي غاااااااااالي

شكرا جزيلا

[أبو وليد 1]

من موديل 2006 وطالع تم تعديل العيوب المصنعيه مثل مشكلة الدفرنس الخلفي والقير ومشكلة مكيف الهوء ولم تعد موجوده.

انا شخصياً مو معي السياره ولكن الوالد معه موديل 2006 وكاله ولم يشتكي معه واحد الاقارب معه موديل 2010 وايضاً لم يشتكي منه

ملاحظتي انا عليه قساوة المطب فقط ويمكن تلافيها نسبياً بتغيير نوع الاطار الى اطار الين او تنزيل ضغط الهواء في الكفرات.

يعطيك العافية
اجماع عل قساوة المطب

[عكس التيار]

اعرف شايب شاري 2006 وكاله وحامت تسبده من دفرنسه وباعه بخرابه

[أبو وليد 1]

اعرف شايب شاري 2006 وكاله وحامت تسبده من دفرنسه وباعه بخرابه

يا ساتر يعني أهون
شكرا لمرورك

[FORD1969]

موتر عملي ويكد مع اللي رجله خفيفيه ويداري الموتر ويفتح كبوته كل شهر

العيب الحالي في الشكل الجديد هو كوع المويه يجي بلاستك ويهرب مع الاستخدام وقيمته 155 ريال يعني المفروض تغيره كل سنه افضل لنه يعتبر قطعه استهلاكيه في الاكسبلورر

مطبه قاسي صحيح وحله تغير المساعدات وتركب عليه هانكوك

وايضا الرديتر طامن يجب الحذر في البطانيج والمطبات الكبيرة

بشكل عام الموتر سعره مناسب على امكانياته

شكرا

[FORD1969]

يا ساتر يعني أهون
شكرا لمرورك

لا وناخوك الاكسبلورر توافيق مثل اي سياره :(

[أبو وليد 1]

موتر عملي ويكد مع اللي رجله خفيفيه ويداري الموتر ويفتح كبوته كل شهر

العيب الحالي في الشكل الجديد هو كوع المويه يجي بلاستك ويهرب مع الاستخدام وقيمته 155 ريال يعني المفروض تغيره كل سنه افضل لنه يعتبر قطعه استهلاكيه في الاكسبلورر

مطبه قاسي صحيح وحله تغير المساعدات وتركب عليه هانكوك

وايضا الرديتر طامن يجب الحذر في البطانيج والمطبات الكبيرة

بشكل عام الموتر سعره مناسب على امكانياته

شكرا

يا سلام
معلومات ممتازة
شكرا لمرورك

[الاولين]

نصيحه :.

اذا انت راعي بر ونفود لا تاخذه
لانه مهو دفرنسات عكوس زي السيارات الصغيره ماينفع

وخرب معي عكوسه وصلحته بـــ 10 الاف ريال
وانا احاتسيك لانه معي 2008 سعودي ومايمسك سعره

[.أبوعبدالرحمن]

ضع خيارات أخرى

مثل الباثفندر

والباجيرو

والأكستيرا

البرادو

الفورتنشر

لأنها تقريبا كل سيارت كنافسة وأشكالها معقولة وتقدر تقول بعض العيوب إللي ذكروها الشباب غير موجودة


والله يوفقك باللي فيه الخير الكثير لك

[((ابوملاك))]

ولو اني من محبين فورد

وعندنا فورد ونيت وجيب ميركوري مونتينير <<< اخو الاكسبلورر

بس فيه خيارات افضل

خصوصا ان شكله تغير ب 2011

[أبو وليد 1]

نصيحه :.



اذا انت راعي بر ونفود لا تاخذه
لانه مهو دفرنسات عكوس زي السيارات الصغيره ماينفع


وخرب معي عكوسه وصلحته بـــ 10 الاف ريال

وانا احاتسيك لانه معي 2008 سعودي ومايمسك سعره


نصيحتك على راسي
ألف شكر

[أبو وليد 1]

ضع خيارات أخرى

مثل الباثفندر

والباجيرو

والأكستيرا

البرادو

الفورتنشر

لأنها تقريبا كل سيارت كنافسة وأشكالها معقولة وتقدر تقول بعض العيوب إللي ذكروها الشباب غير موجودة


والله يوفقك باللي فيه الخير الكثير لك

كلامك عين العقل
خياري الثاني البرادو 6 سلندر لكن المشكلة سعره غالي
شكرا لمرورك

[أبو وليد 1]

ولو اني من محبين فورد

وعندنا فورد ونيت وجيب ميركوري مونتينير <<< اخو الاكسبلورر

بس فيه خيارات افضل

خصوصا ان شكله تغير ب 2011

كلامك صحيح
شكرا لك

[Abo gssar]

عند احد من اصحابي واحد 2009 ماشاء الله عليه مابقى به ولا مكان من شرق السعودية لين غربها وسبق سافرت معه اكثر من مرة ماقد لاحظت على السيارة اي شي وكذلك صاحبي يثني عليها ويقول مريحتني بس زيت وبنزين طبعا الاخوان ذكروا انه قاسي لاكن ماهو لهذيك الدرجة وفعلا اذا سقت الموتر اول انطباع تاخذه عنه هو انه متماسك.....لذلك انصحك خذ واحد وتوكل على الله خصوصا اذا كانت مشواريك خط وبلد لان قيمته معقولة جدا جدا مع السيارات المنافسة له من شركات اخرى.

[sgl2002]

موتر ماينفع للي يروح مقاطع ودروب مافيها بشر ولو خرب ماهو بأي واحد يصلحه وياكثر مايشكون من قيره

وانا لو بدالك آخذ باث او اكستيرا او فورتشنر

[اشهب .]

فورتشنر افضل

ولاهوب بشوي ..

وانت ورايك

[((ابوملاك))]

موتر ماينفع للي يروح مقاطع ودروب مافيها بشر ولو خرب ماهو بأي واحد يصلحه وياكثر مايشكون من قيره

وانا لو بدالك آخذ باث او اكستيرا او فورتشنر

باختصار هل جربته ؟؟؟

من ناحية اعتمادي اعتمادي مافيها كلام

مافيه الا ان الرديتر نازل شوي

وهذا على كلام جارنا معه جيب ميركوري نفس حقنا

يقول طالع للبر وانشق الرديتر ورجع غيره :) بسسسسسسس

لا ماكينه ولا خرطي خلونا واقعيين بدون تعصب

ولو انه ماتغير شكله نصحتك فيه

[بن سليمان]

الموتر طايحين فيه الناس وعليه سحب واقبال وصار من السيارات المرغوبة واللي يعاكس في الغالب يكون استخدام امريكي ومعروف الاستخدام الامريكي ما فيها السليم من الحوادث وغرق الفياضانات أنتم تدرون كم أعاصر يضرب أمريكا سنويا ؟

http://www.yemennation.net/user_images/news/1304011458.jpeg
http://i.huffpost.com/gen/273380/thumbs/r-HURRICANE-RISK-AREAS-US-large570.jpg
http://www.education.noaa.gov/images/hurricanes_article_2.gif
http://www.uta.edu/huma/agger/fastcapitalism/2_2/images/Gotham3AutoOnRoof.jpg


وبالنسبة للي يقول أنه عكوس

لانه مهو دفرنسات عكوس زي السيارات الصغيره ماينفع
الظاهر أنه نسى أن بطل الدروب الباترول يجي عكوس والشيخ الرانج روفر ايضا يجي عكوس وكثير من السيارات الدفع الرباعي تجي عكوس ولا ضرها

واللي يقول لا تروح عليه بعيد والقير فيه مشاكل
ياما سمعنا وقرأنا عن ناس تعطلت بهم سياراتهم وهي معروفة مخصصة للبر ومنهم من هلك الله يرحمه ومنهم من نجى والحافظ والساتر هو الله
والمشكلة اللي فعلا اشتكى منها ملاك الاكسبلورر هي نزول الارديتر عن مستوى الشاص فيكون معرض للكسر وهذي لقوا لها حل الشباب بترهيم صاجة للحماية

واللي يقول سعره يطيح بالعكس الاكسبلور المستعمل سعره مهوب شين عند البيع الان تحصل موديل 2005 سياحي النظيف ما بين 45 و 50 الف
استخر ربك وانا اخوك والخيرة فيما اختاره الله

[عبدالعزيز-1]

موديل 2006 سياحي سعره في المعارض حدود 60 الف

وسعره في الوكاله جديد ذاك الوقت 92 الف

بالله وشلون يطيح سعره ؟

انا اشوف انه ماسك سعره وبقوووووووووه


بينزل سعره بعد مايتغير الشكل فقط.

وياليت اللي ماجرب انه مايفتي

[احمد ديزرت]

انا مجرب وفيه عيوب الدنياء كلها وبعته بخرابه

[جيب ربع2011]

حبيبي ترى الي جالسين ينصحون لا يبون لا ريال و لا شرهة

ترى كلها نصيحة أخوية

و أنا أقولك طع شوري ولا تاخذه .. أنا كنت متحمس باخذ واحد لكن بصراحة

من داخل طقطقة البدي مزعجة و شغلة مهمة الاسيات الخلفية للركاب مافي مكان تحط رجلينك فيه

تحس ركبك داخلة في صدرك لما تجلس ورى ... يعني ما تصلح عائلية خلصة إلي عائلتها كبار مو أطفال

[كموص]

أخي ... عندي اكسبلورر 2005 - 8 سلندر فل أبشن دفع رباعي أكسترا تركشن لميتد . من أمريكا . ماشيه معايا زي العسل , ولا يوجد عليها أي ملاحظات سيئة عن المسار في الرمال والطرق الوعرة الحجرية والصباخ ولها عندي سنتين ولم أغير فيها سوى فلنجة واحدة كلفتني 700 ريال مع التركيب أشتريتها مستعملة ونظيفة وذلك بعد سيول جدة , وعلى فكرة الأكسبلورر والأكسبدشن حصلوا على الجائزة الأولى على جميع سيارات الدفع الرباعي لعدة سنوات على مثيلاتها من الأنواع االأخرى حتى يومنا هذا , عموما فورد مشهود لها عالميا بمتانة صناعتها . هذا ما ذكر في جميع الصحف والتلفزة المختصة للسيارات .
لا أكتب هذا تعصبا ولا دعاية لفورد ولا هي شركة والدي ولا جدي بل عن تجارب قديمة وجديدة .:good:.

[شلشكو2011]

ياأخواني
الرجاء لا تكون المشاركه الا من واقع التجربه الشخيصه من غير (( شركه يقولون )) علشان الفائده تكون للكل
وليعذرني صاحب الموضووووووع
وتقبلوا مروري

[شلشكو2011]

الله يوفقك

[almaliki.m]

السلام عليكم \ هل مشكلة قير الاكسبلورر مصنعيه او سو استخدام

[almaliki.m]

شريت اكسبلورر 2009فل ابشن ماشي 100009وصاحبه لم يغير زيت القير ما هو الحل في هذه المشكله

[m3ax]

باختصار هل جربته ؟؟؟

من ناحية اعتمادي اعتمادي مافيها كلام

مافيه الا ان الرديتر نازل شوي

وهذا على كلام جارنا معه جيب ميركوري نفس حقنا

يقول طالع للبر وانشق الرديتر ورجع غيره :) بسسسسسسس

لا ماكينه ولا خرطي خلونا واقعيين بدون تعصب

ولو انه ماتغير شكله نصحتك فيه


كلامك عسل وربي

الموتر معي 2006 له سنة ونص والله ما قد شكيت من شي ابد مع انه ماشي الحين حدود 80 الف كيلو معي من يوم شريته

راعي المهابد في الطعوس يشوف له شاص ابرك له بس راعي البر بركاده والله ما يندم على اليوم اللي شرى فيه الاكسبلورر

عندنا فوبيا (خوف هستيري) من شي اسمه كمبيوتر وحساسات مع العلم ان حتى التويوتا يارس فيها 3 كمبيوترات ولا احد قد شكى منها

الموتر من فوق الممتاز ولا يحتاج الا للصاينة الدورية كل 32 الف كيلو تغير زيت القير وتشيك السيارة كاملة وبيعيش معك الى ما شاء الله

قساوة المطب يبيلها تواير هانكوك وبعدها يصير مطبه نوعاً ما مقبول والموتر ثابت بشكل جميل على الخطوط وحتى على السرعات العالية والدبل فيه جيد وفيه دفلوك الكتروني ونظام مانع انزلاق ومانع انقلاب

توكل على الله واشرت الموتر بس الله الله بالفحص ولا تستعجل على الموتر ولا تشتري الا وانت مالي يدك زين من السيارة انها كفو وتراه يمسك سعره بشكل ممتاز ومرغوب كثير في السوق والدليل كثرته في الشوارع

واولاً وأخيراً أخوي السيارات توافيق وعسى الله يوفقك في الموتر الطيب

[النهر الجاري]

الشاصيه حقه يحك بسرعه

[عشق البر]

المساعدات ماتتحمل وغير انه قاسي (مع واحد من اخوياي) وما يصلح جلد لأنه ماصمم للأشياء ذي

[كاشت وحداني]

عندي كلمتين
1- عليك بالاستخاره .
2- الموتر اذا مهتويه اي كان نوعه الواحد والله لو يقعد عالحديده بيحبه مهما طلع فيه من مشاكل
واذا ما اهتواه خلاص كل بيخترع له عذروب حتى لو مافيه .

ومن واقع التجربه ل 2004 والله انه يجيب الخراب من ديرته ,
ومتعب في صيانته
وضيق في مقاعده الوسطيه والخلفيه .
مكينته 6 سلندر اللي راعي تحميل وسفر واجد بتتعب المكينه معاه
المزه للموتر حجمه حلو جدا.

[مركز الثقل]

ميزة الأكسبلورر القديم متماسك العضلات وسعرة كان مناسب جدا ومن عيوبة قاسي وكلة حساساتوالشكل الجديد ماينفع بقرش بالبر..... بالدير سكبة وكشخة بس سعرة نار الله الموقدة

[Ra3e aljeep]

السيارة ما شاء الله عليها ما فيها كلام
هذا خليفة الكراون فكتوري
موتر بر وسفر ومدينة وخط سريع واللي تبي بعد
من واقع تجربة مع الوالد له اكثر من اربع سنوات ما خلينا عليه ديرة في السعودية
أنا اشهد انه موتر
لا شك أنه لا يوجد سيارة كاملة
ولكن اقرب للكمال من غيره مقارنة بسعرة وجودته من السيارات الثانية
توكل على الله استخر وإن شاء الله تشتريه

[send1398]

قيره تعبان من تجربه 2003

رحنا صلاله وضبنا القير مرتين والله العظيم مره يوم وصلنا ومره يوم رجعنا وكلها وقفات قبل

ما نوصل ب 250 كيلو وحولها


انواع البهذله
والسلام

[يوكن2000]

السلام عليكم ورحمة الله وبركاته

يا اخوان على حسب ما اشوف :type: الاخ صاحب الموضوع كان طارح الموضوع من 13/05/2011 يعني من ستة اشهر

هل تتوقعون انه الى الان ما شرى سياره وينتظر الآراء ؟؟؟ :D:D

مجرد تنويه :cool::cool:

[عشق البر]

السلام عليكم ورحمة الله وبركاته

يا اخوان على حسب ما اشوف :type: الاخ صاحب الموضوع كان طارح الموضوع من 13/05/2011 يعني من ستة اشهر

هل تتوقعون انه الى الان ما شرى سياره وينتظر الآراء ؟؟؟ :D:D

مجرد تنويه :cool::cool:

اخوي العزيز لو جا واحد وبحث عن طريق قوقل ولقا الموضوع هو داخل يستفيد منه يعني التعليقات مهب بس عشان الرجال اللي طرح الموضوع يعني بالاخير الفايده للجميع مهب بس لصاحب الموضوع:good2:

[FORD1969]

اخوي العزيز لو جا واحد وبحث عن طريق قوقل ولقا الموضوع هو داخل يستفيد منه يعني التعليقات مهب بس عشان الرجال اللي طرح الموضوع يعني بالاخير الفايده للجميع مهب بس لصاحب الموضوع:good2:



:good::good::good::good::good::good:

نعم الهدف تعم الفائده

ومعلومه مهمه المواتر المستعمله اللي دخلت السعوديه عن طريق الامارات وخاصه الامريكية شوهت سمعت الامركي

لأنها مواتر معدومه أصلا ً

وتم اصلاحها في الامارات في ورش مش حالك

بعد ان كانت تشليح في امريكا وتم بيعها بأرخص الاثمان

لذلك لاتشتري موتر رخيص مصدوم او غرقان ومستورد من شركه تامين عن طريق مزاد وتقول ليه خرب قيره أو مكينته


اشتر موتر مضمون من السعوديه واحكم عليه