مطلوب معلومات عن اليايات الاسترالية للاندكروزر

[المستكشت]

أخواني الأعضاء الكرام
السلام عليكم ورحمة الله وبركاته
قرأت تعليق لأحد الأعضاء .. يشير فيه إلى استبدال اليايات الأصلية للجيب جي اكس آر بأخرى استرالية.
فمن لدية معلومات عن هذه اليايات .. يفيدني جزاه الله خير .. والمعلومات المطلوبة مثل :-
-مكان بيعها.
-سعرها.
-مفعولها وفائدتها.
-هل لها تأثيرات سلبية على السيار؟؟؟
وشكرا

[علي عليوه]

آآآآآآآآآآآآآآآآآآآآآآآآآآآآآآآآآآآآآآآآآآآآآآه ياليايات الاستراليه
ركبببببببببببببببببببببببببببببببببببببببببببببببب ببببببببببببببببببببها وانت تضحك ..............
من المعلومات (لاحظ من المعلومات)
1- تجي 3 مقاسات بأرقام , واللي أعرفه منها رقم 865 وهو الدارج بين الناس .
2- اللي أصغر منه وأعتقد رقمه 864 يكون أقل ارتفاع وأقل تحمل ,واللي أكبر منه أعتقد 866 ويكون أكثر ارتفاع وتحمل أيضا
3- بالنسبه لسالفة الارتفاع هذي تنقاس بالسنتي يعني الـ 865 يرتفع الموتر من4 الى 5 سم
4- بعد ماتركبها راح تنسى شئ اسمه البدي يضرب بالربل أو النزول إلى القاع إذا حملت شئ
5- تنباع عند( الرمايه ) وفي أي فرع
6- السعر 495 لجميع المقاسات
7- تركيبها عند أي مكانيكي حتى لو كان بنغالي بسعر 40 الى 50 ريال
بس عندي طلب إذا هداك الله ونويت تركب أبغاك تسوي مقارنه بينها وبين (سبرنق القلم) ياي شد البلد

نسيت أقول إنه تركب على جميع موديلات اللاند كروزر من 90 الى 2006
وأي استفسار أنا حاضر
وتحياتي

[هاوي قصيده]

طيب اللي تتغير بس اليايات والا المساعدات بعد..؟

وتقبل تحياتي

[علي عليوه]

معك هدد يالهاوي واللوحه ( ل م ن )
انقز والحق على لوحة ( هـ د د ) بالرياض على ما اعتقد
اليايات غيرها وبسرعه وبس
اما المساعدات جربت غير شد البلد ولا فيه فرق
والله اعلم ,,,,,,,,,,,

[شاص]

يفضل تغيير المساعد - الخلفي طبعا - حتى يتناسب مع الياي وإذا كان جديد وتبي تتركه ما في مشكلة
وترا الرماية مسوي عليهن عرض هالأيام

[هاوي قصيده]

مشكور اخوي علي عليوه


ياخوي لا تلعب براسي... تراي اصدق واروح

من جد متاكد بالرياض؟؟ هـ د د

لاني قد كلمت واحد من الشباب قال مهبول انت توها ما نزلت

واذا متاكد عطني الخبرر علشان انقز للرياض..واخلص وضعي

وشكراا

[الكاسر23]

اخوي المستكشت

وما أزود على كلام أخوي علي عليوه، فهو وفى وكفى.

فيه فلبيني يعرفونه الرماية هو اللي يركبهن، ويتصلون عليه قبل ما تشري اليايات يستشيرونه عن نوعها وارتفاع السيارة كم يصير بعد التركيب، هذا الفلبيني يركبها بعد ، ومكانه في محطة نفط اللي بعد نفق النقل الجماعي اللي على طريق التخصصي على اليمين مباشرة.

بصراحة فرق بعد ما ركبتها وغيرت كل شي يايات ومساعدات، السيارة زان شكلها وارتزت ما شاء الله والمطبات يالله لك الحمد خفيفة ولينه على السيارة.
بصراحة انصح كل واحد راعي بران انه يركبها.

هذا ما لدي من واقع تجربتي، سواء راحتي أو راحة السيارة وشكلها

تحياتي لكم

[البرحه]

http://kash5h.com/up/reg/DSC01561.JPG

دوك الصوره منقوله من موضوع الهدد

[المستكشت]

مشكورين يا أخواني ... ما قصرتوا .... بكره بإذن الله بزور الرماية واخليهم يكلمون الفلبيني ... عشان أبت في الموضوع.
والله أني عانيت (في رحلتي الأخير ... الخميس والجمعة) من هاليايات خاصة أني شايل معي أغراض واجدة.
الله يوفقكم ويبارك في جهودكم.

[علي عليوه]

يالبرحه والله إنك مجرم ( اجرام مدح طبعا )
وش خليت لي علشان أأكد لهاوي إنه طالع هالرمز لا وجبت نفس اللوحه اللي أنا شايف 606
وشفت ربع 007
طبعا ماركبت لكن احسن من غيرها
الله يعطيهم من خير هالسيارات ويكفيهم شرها
آآآآآآآآآآآآآآآآآآمين
قولوا ماشاء الله ...............

[المترو]

السلام عليكم ورحمة الله وبركاته

هذا موضوع عن اليايات الاستراليه ربما يفيدك


اليايات الاستراليه بالصور لرفع الجيوب ومساعدات مينورو الامريكيه لحفظ التوازن (http://www.mekshat.com/vb/showthread.php?t=37227)
ومن تجربه شخصيه ركب واتكل على الله اذا كنت راعي بر ومطامر

والسلام

المترو

[هاوي قصيده]

الله يعطيهم خير هاللوح ويكفيهم شرهاأ

:)

مشكور عالمعلومات علي عليوه

ولا هنت

[ابرق]

يا شباب أخوي وده يبيع سيارته اللانكروزر 2002 وكان مركب عليها يايات أستراليه وتراها للبيع ( اليايات )
ورقم جواله 0505426785 ابو محمد
وفق الله الجميع